榮記粉麵

營業中

休息中

來到銅鑼灣想吃車仔麵，友人便推介了這間店。我們都叫了兩餸車仔麵，上餐時十分驚喜，第一次看到這麼深色的車仔麵湯底，十分濃味。除了兩餸，也會送上一些菜，牛肚十分入味，墨魚丸很彈牙。如果想在港島區吃到經濟實惠的麵食，這間是不錯的選擇。

每年總有日會黎維園， 每次出發前都會同朋友黎食呢間車仔麵。 無一例外， 其實每次都好多好多人排隊， 好長龍😂😂， 不過其實鋪頭都坐得唔舒服， 所以就算好長龍， 鋪頭又好細， 都唔會等好耐。每次黎親都聽到好多熟客同d姐姐吹水， 係鬧市中既人情味小店呀🥰🥰鋪頭餐牌非常仔細咁寫左唔同配搭咩價錢， 我自己好鍾意佢地好多餸係依家其他車仔麵未必有， 好似麵筋， 墨魚鬚， 牛肺咁， 但係我最最最鍾意係豬紅， 佢地豬紅唔係一粒粒正方形咁， 係一大塊切開， 好入味， 我有時會食一個麵， 再加一碗豬紅先夠喉😂, 最後！ 記得一定要加辣呀～佢地個辣都好不錯㗎～

榮記粉麵, 銅鑼灣🍜要講到我最鍾意食嘅#車仔麵 就一定係銅鑼灣嘅榮記粉麵。其實我都有周圍試其他地方嘅車仔麵，包括#深水埗 好出名嘅文記車仔麵，但係始終榮記先係我嘅最愛。我最鍾意食佢嘅齋、蘿蔔、#豬紅 。餓起上黎會叫四個餸 (墨丸都不錯)🍜佢個湯底係真係同其他地方唔同。我一般都會跟腩汁，湯底濃郁得上黎又唔會好咸。個人覺得深水埗嘅湯底有啲溝水同淡，而且蘿蔔好似用咗好重糖去煮，食落去好唔自然。反而榮記個蘿蔔食落去味道比較新鮮。仲有榮記個腐乳通菜都係好味嘅。推介👍🏽.📍#銅鑼灣 #糖街27號A地下 #HappiMuffinHongKong 🌟#HappiMuffin Rating: 9/10💰Price: $50-60 pp.

食物很普通，豬紅唔入味，豬腸OK，都嗌左另外三個餸，不過餸款沒有驚喜。食得車仔麵冇諗過要啲咩服務，但係衛生差就不能接受。叫嘢食嗰時個阿叔落單企到九丈遠又唔肯行過嚟，要我大嗌同佢講，仲有我一路叫嘢食佢就一路同人傾偈，根本聽唔到我講咩！要我不斷重複又重複！個侍應拎碗車仔麵過嚟時隻手指插咗落個湯度真係好恐怖，我當時咩都冇投訴，食完即刻走，不過唔會再去，亦不建議所有朋友去。銅鑼灣仲有其他車仔麵餐廳，仲有好多選擇，我超鍾意食車仔麵，明白呢類型餐廳我一定唔會希望有幾好服務，但係衛生程度差，咁樣真係頂唔順。

今日同同事嚟咗食呢一間屹立左喺銅鑼灣好耐嘅車仔麵舖等位等咗15分鐘左右就入得啦，提示：人齊先可以入座坐低就嗌左個兩餸麵我選擇咗粗麵，同事就揀油麵一嚟到，夾咗少少粗麵試吓，冇想像中咁好食喎，因為呢一間舖頭用嘅係扁身粗面，食落有浸好重嘅鹼水味同事就話都幾好呀，平平哋抵食但我就未必再選擇返呢一間舖頭啦

第一次來食，環境就一般港式麵檔啦，不過店員都好有禮貌。我平日下午2點多一個人來食都要排隊，可見食物應該唔差。叫左油麵牛腩大腸翼尖魷魚，食辣就要自己加。味道就真系唔錯，大腸很入味無渣，翼尖都好有味，完全無毛係上面。牛腩都好淋唔硬。魷魚就一般，唔係食開既水魷。銅鑼灣呢講算抵食了。

銅鑼灣都真係好想食車仔麵呀呢家都係每次都離開嘅細細碗唔住都揀三個餸囉最好味就係魷魚豬紅同埋魚蛋配油麵呀啲腩汁真係好甜撈麵真係好好食每次嚟都要食呀直情之前好多人嚟㗎 真係好掛住呀香港嘅味道歌仔都好有霸氣好好有性格嘅以前搭枱都真係好有香港嘅味道呀

依加好多所謂富貴「車仔麵」，又花膠又鮑魚，配埋咩讚歧烏冬，但對筆者嚟講呢啲純粹拎車仔麵嚟做噱頭。就算已經冇哂鐵皮車仔檔，都應該要夠平民地痞，簡簡單單，廚師三兩下夾好餸搞掂，快靚正，先係車仔麵精粹。榮記食過幾次，唔係話驚天大好味，但冇食一排總有啲掛住。 例牌必點雞翼尖，淋身入味，愈食愈香口，豬紅滑溜唔腥，不過魷魚鬚就冇咩味，似用清水白烚咗好耐嗰種。湯底濃郁，襯米粉索哂湯汁應該好正，但我就永遠獨沽一味叫油麵，彈牙夠蛋香，非常唔錯。坐就唔係坐得特別舒服，不過正值疫情，食客之間空間都頗為足夠，加上店員態度有禮，距離感適中，一個人斯斯然嘆個麵都唔會焗促！

每次叫都係墨魚咀、雲吞同牛腩(不過牛腩有時5夠淋)D配料係入味嘅~如果5夠食可以加底...雖然5係經常食,每次吃都覺得好味~有時都會叫雞翼尖淨餸, 一個人lun哂一盒...(佢啲辣椒油係必加的~)

要數車仔麵，我最鍾意一定係榮記，榮記個腩汁真係無得輸，今次食豬腸/魚腐/牛筋啲牛筋勁淋😌😌差啲入口就溶豬腸入哂味，魚腐又吸湯，見到啲色水就知個腩汁濃郁😌食米粉都入味呢度啲豬紅蘿蔔都大推，不過一個人食唔晒，下次要再黎✌🏻

呢間車仔麵相信大家都唔陌生 銅鑼灣黎講$36兩餸真係抵食 同朋友2個黎左食晏 的確唔錯首先呢碗叫左雞翼尖同豬紅 (Zero +$9) 雞翼尖好入味 好食！而豬紅呢就好滑 平時出而食既係好硬好實 但呢度做得好好 又滑又嫩 推介豬紅 而另外一碗就有豬紅豬腸同蘿蔔 蘿蔔好淋好入味 而豬腸有口感得黎又容易咬 好多時豬腸會好韌 呢度就唔會咁另外都係啦豬紅都係一樣咁好味😋湯底會加埋腩汁 唔算好咸食完成碗都唔會超頸渴河粉較幼身會吸到更多湯更入味另外仲有通菜 吸哂啲湯好好味 菜剪得比較短 食既時候都方便啲👍🏼

由好細個讀小學已經幫襯呢間榮記唔知道佢同另一間榮記有咩關係但係從來都只會食呢間嗰間個湯底係好濃嘅味道唔係嗰啲普通車仔麵清湯既味雞翼尖整得好入味蘿蔔係好甜每一次都必叫嘅豬頸肉又係好好食佢牛腩係真係硬左少少麻麻哋嘅但係一間舖頭總有好食唔好食依家算係質素都一直keep到如果食蔥嘅朋友，一定要加蔥佢嗰啲蔥裏面有冬菜依家唔係好多地方有得食同埋其實食呢啲車仔麵一定係會好頸渴嘅佢呢度有得飲玻璃樽裝嘅可樂我個人就最情有獨鍾玻璃樽嘅可樂飲落去特別好飲行過一定要試試

榮記，其實嗰幾間應該係同一個老細。今次我寫食評，最想講可唔可以，有返以前果啖湯底，以前嗰陣湯底真係好好食而家嗰個湯底，硬係爭緊啲嘢，作為銅鑼灣食神概我一食就知道！希望你地繼續努力啦！依家啲Waiter已經冇咁串，第一可能內地朋友已經冇黎，第二而家門口根本唔會排隊，係好係唔好我唔知道，但作為一位孤獨嘅食評價家我只係希望食到我感動嘅食物，當然我覺得好未必其他人都覺得好，我覺得差嘅都唔覺得有人會覺得差！希望你地繼續努力第一啖靚湯底飲下！

以前細個放學同啲同學去銅鑼灣行街，行到又攰又肚餓就會嚟呢度食車仔麵，難得今日又喺附近，決定重溫童年嘅味道。今次點左個三餸車仔麵 - 豆卜蘿蔔豬頸肉米粉配腩汁咁多年冇黎食，仍然保持水準。榮記嘅白蘿蔔一向出色，比出面其他車仔麵店更甜更有味道，本身我唔喜歡白蘿蔔，但係每次嚟榮記都一定會食。仲有，佢嘅腩汁特別香濃又唔會太鹹，非常適合配豆卜呢類咁吸湯既餸，然後大大啖餸連湯一次過放晒入口。豬頸肉幾好，唔算好肥好油，另外仲有配菜送添。

渣甸街美食雲集，就決定求其入一間食店，試吓榮記嘅車仔麵，平時經過都有唔少人排隊，今日唔使排就可以直接入座。牛腩韭菜餃河粉每次食親車仔麵，都會忍唔住望下附近嘅人啲咩餸，再嗌同一味餸最鍾意個腩汁，真係幾正。牛腩亦十分入味，咬入口都幾軟身。韭菜餃正常普通冇乜特別。Overall，成個車仔麵都幾好味，最鍾意係個腩汁湯底，唔係間間餐廳都整得好食。不過，呢類車仔麵店嘅店員，通常都係串串地，唔多好老脾，快快食完快啲走算