榮記(東成)飯店

營業中

休息中

   是日晚同frd去睇舞台劇。有好劇睇當然開心，但系都唔可以唔醫飽個肚先啦     出發!!! Around6點就早早來到鵝頸街市，朋友熟門熟路帶佐我來到榮記坐下，並且好快就落佐單。   6點幾呢個時間 真系幾早 觀察佐四圍 人唔系太多 多數系三三兩兩系度食飯 同夜時間情景幾唔同啵.   一路食到七點幾 人就開始慢慢多佐啦 到走果時 整個場差唔多都full佐了喔~   其實幾中意大班人系街市食飯，d菜雖然唔精緻但系好味實惠又有屋企嘅味道，加埋大家開心嘅氣氛   呢晚其實叫好少野食。啫啫芥藍，鎮江豬仔骨，同埋豉油炒麵，簡簡單單。   啫啫芥藍    分量都幾大份 芥藍好新鮮 不過味道就唔系好特別 屋企味道   鎮江豬仔骨   朋友強力推薦嘅菜式。 四塊大大塊豬排 拎上來就聞到陣陣酸甜味 好期待。 不過食落就有d失望。 外表略略炸過 内裏肉就好滑嫩。 肉醃制過好入味，加上鮮嫩的肉質，幾好味。 不過美中不足系酸甜汁 酸味唔夠 同埋汁未能很好裹系豬仔骨外表 只系澆系上面 汁好稀 應該無勾過芡。 如果汁稠d可以鎖系肉身出面 鎮江醋味再出d 就會更加好!!!   豉油炒麵   好好味嘅豉油炒麵，

(765)這天來到香港探友人，友人推介這裡小菜幾好，晚飯便來了這裡。朋友選擇了六款小菜，分別是攬菜四季豆，椒鹽九肚魚，小炒王，西蘭花炒斑片，魚香茄子煲及啫啫雞煲。除了攬菜四季豆炒得較為生之外，其餘餸菜都做得幾好味，街市大排檔，環境當然不會很好，然而這裡小菜經濟又抵吃。

Date of visit : 23 Apr 2013 (Tue) 7:30 pmNo. of diners : 4Average cost per head : $170Food quality : 7/10Environment : 7/10Service : 7/10Value-for-money : 7.5/10Overall rating : 7.1/10In Hong Kong, there are a few food hawker centres with eateries famous for their local Chinese dishes. The one in this Bowington Road Market is not as popular as those in Happy Valley or North Point, but still a good option in terms of convenience and value for money.a) Deep Fried Squid椒鹽鮮魷 ($68) – 9/10The squid wa

當晚星期六同2個fd 一行三人去到剛剛有枱唔洗等妁為好好彩 , 以前我都住呢區 , 好耐冇去過食了 , 重臨舊地滿懷希望 , 點知而家D伙計冇D禮貌 , 仲要糸個個都糸咁既樣 , 我食飯要比錢架 , 唔糸黎乞食囉 ! 其間個FD問左2次要辣椒醬最後都糸冇拎黎 , 要自己起身去拎 , 食物質數也沒有以前的好!由於第一個菜到既糸 椒鹽鮮魷 因為等得太耐好肚餓 所以未影相就食左先 , 但賣相顏色較淺 椒鹽唔夠味 非常淡口 , 總結全部菜式都唔糸難食 , 只糸一般般姐 , 但5個菜 埋單3百幾都好低食 , 但千祈唔好要求高 !

幾個麻甩放工搵野食，大排檔自然首選。身處銅鑼灣，鵝頸街市鵝頸熟食中心自然係不二之選。榮記都幫襯過幾次，伙計勤快，服務算唔錯啦，最緊要Ｄ野食得，價錢合理。今晚叫左個豬仔脾，黑椒夠香，好惹味。凍凍地就叫個雞煲，雞足料呀，湯底正。當然幾個大男人，點都要有飯落肚，蟹蒸飯夠香，Ｄ飯都有蟹香，不過隻蟹就無咩肉啦另外叫左聖子王，大大條，夠彈口至於飲酒吹水又點可以無小炒王同椒鹽鮮魷？鮮魷彈牙，小炒王夠乾身，且料多，好正，呢碟真係次次去必叫不過因為街市較小，人又多，嘈就嘈Ｄ，不過好食夠開心，無所謂啦

第一次去銅鑼灣街市食檔, 上到街市四周無位,真的很旺, 好彩朋友一早到。叫了四個小菜 : -招牌焗魚腸 - 食前已聞到香噴噴, 焗到外脆, 蛋內魚腸及肝都算足料. 加上胡椒後的魚腸,肝,蛋一起食 , 十分美味。砂窩魚頭煲 - 砂窩魚頭煲亦香噴噴送上，魚頭+冬菰+豆腐等，魚頭先炸後炆，太多粉拖油， 食落當然會成口醬，魚頭味道上可。豬肝大腸煲 - 此煲就比較差, 因為送上後，豬肝食落有種未熟的感覺。失敗之作 !蒜茸粉絲蒸聖子 - 聖子蒸到過了火，眼見蒜茸粉絲很多，推開粉絲後見到聖子BB，非常之縮水，味道又一般， 全無鮮味。不試也吧...

與太座探望完老爸後，本想回家煮飯給兩個小魔怪，但收到來電得知小伙子要補課，不回家吃飯，我建議太座我們另作安排，結果鑽了入鵝頸的熟食中心。甫入內，被眾食肆的服務員前呼後擁是常見的事，在沒有事前查看資料的情況下，我們多靠直覺去選擇，看哪家顧客多便到哪家，走了一圈，我們在這家停了下來，選擇了一張二人檯子，以為遠離食肆中間地帶會較靜侷，唯後來才知錯，因為我們的檯子是對著升降機，每次有人上來必會看看我們今晚食乜餸，這一晚少說也有近五、六十人看過我們的菜式，鮮有直行直過，目不斜視。看著圖文並茂的餐牌前頁，蒜香蟹飯確是很吸引，又點了砂窩魚頭煲和西蘭花斑塊，點餐後，啤酒女郎亦前來推銷，唯我倆對酒精的興趣不大，多番遊說下，仍禮貌地推卻。約過了十分鐘，食物來了，西蘭花斑塊放在檯上仍冒煙，炒得幾夠鑊氣，收你五十多元，怎會有石斑？魚肉是急凍的，多是青衣柳之類，味道沒鮮味，唯當作快餐店的水準倒不感失望，西蘭花炒得七八成熟，爽脆。砂窩魚頭煲也是冒著煙來，除魚頭外，還有冬菰、豆腐等，五十多元一個煲仔，相信沒有用「大魚」頭的份兒，鯇魚頭是必然的選擇，雖然炸後再炆，幾香口，但吃魚頭是吃其魚雲，無論味道和體積上，鯇魚雲怎

FACEBOOK上曾出現過一張相，指"價錢平，質素好，效率高"既市場營銷手法根本冇可能出現。而在銅鑼灣食野既話，價錢平可以話係死證。無奈又受友人所託，要決定晚飯地點。要性價比高既話，實在冇乜太多地方可以選擇，所以又黎到榮記。(用"又"既原因係因為當冇曬頭緒時，而又要搵個唔會趕人走，又要食唔貴既野，就即刻黎左呢度。)7點10上到去已經滿曬，好彩等左5分鐘就等到一個路口位坐。由於食過好多次既關係，已經知道邊D唔係主打，又或者同人比會冇咁好食，所以來來去去都係叫同幾款野食:1) 椒鹽九肚魚 ($58) - 椒鹽類既食物喺榮記真係冇試過失手，而九肚魚往往比鮮魷受歡迎 (起碼4分1枱都有叫)。新鮮炸完上碟既九肚魚熱到燙口，而入面既水份仲KEEP得好好，又唔會過鹹，VERY GOOD!2) 生炒骨 ($48) - 偶然會叫下既菜，貪多人食。新鮮炸完既排骨上汁後仍然保持脆口，而且份量足，真係物有所值。3) 西蘭花炒斑片 ($58) - 以前食過D魚質素幾高，今次番黎食諗住冇死。不過入口D魚冇上次食咁鮮，可能唔夠新鮮或者調味重手左掛...4) 黑椒牛仔骨 ($48) - 以前都係穩陣之選，不過今晚就失

對上一次來這個熟食中心搵食都已經2年前既事, 平時都會來銅鑼灣搵食, 但偏偏就唔會想起這個熟食中心既食店都唔錯.昨晚7時半上來一心一意就係想食小炒, 其實都唔需要睇食評只要大家上到去就會知道得這一間係多人又要等位.最終我地俾安排坐一張大枱, 當然係撘3枱食客.唔知係唔係太耐無食小炒, 見到個餐牌真係樣樣都想食.最後叫左炸大腸, 涼瓜魚雲煲同埋腰果西芹炒雞丁.人多關係等上菜都需要時間, 好彩室內又有冷氣, 唔係都等得幾辛苦.先來就係腰果西芹炒雞丁, 西芹爽口無渣雞肉就炒得嫩滑, 唯一敗於腰果炸得唔夠脆口仲要係帶點軟身, 不過少少缺點無影響我對這碟小炒既食慾- 清碟!!再來就係炸大腸, 唔知係唔係我自己太耐太耐無食炸大腸, 這間既炸大腸真係做得好出色, 炸得香脆本身豬腸清理得乾淨無味再攞去炸後外皮夠脆又唔油, 又一碟清碟.跟住等左好耐最後先來個涼瓜魚雲煲, 一上來就已經聞到好香既豉椒味道, 涼瓜帶少少苦甘我最愛, 至於魚雲走油後外皮帶脆魚肉夠滑- 清埋碟.這一餐叫左1個白飯, 2支汽水, 3碟一流小炒都唔洗200元, 多人係有道理.

挑燈夜戰，總要吃吃東西才可以繼續。簡單三個麻甩去食野，公司樓下的大排檔永遠是簡單小炒再用啤酒提神的好地方。街邊的三寶已經不受我們重視了，現在我們就決定繼續走上街市，尋求另一種的風味。今日，我們就選擇了這一個，榮記海鮮飯店，炒幾碟，啤一啤。到過了好幾間這兒的小炒大排檔，發現到有一樣野食，幾乎是間間都會做的(當然除了根記同惠記)，這一個東西就是豬仔骨，各有各不同的做法，各有各的好食，手揸一條豬仔骨，配上冰凍的啤酒，甚是豪邁。沙拉味，椒鹽味都食過了，這一次，我們來了一個鎮江醋味，全稱為鎮江豬仔骨。鎮江醋夠香，醃上了這樣的豬脾骨，味道竟然比鎮江肉排更勝，原因該是豬肉夠嫩滑吧。香醋加嫩口豬肉，送啤酒一流，送燒酒更佳。 炒通菜，永遠是食大排檔才會叫的鑊氣小炒，正確來說，連酒樓，茶餐廳都冇咁好鑊氣去香炒。所以我們只會在來大排檔或泰國菜館，才會叫上炒通菜。可是，這通菜炒得未夠好，雖不能說鑊氣不足，但炒得太腍了，水份亦太多，不夠爽口，而且切得太細碎，唔啱咬。 比較好的是這一個椒鹽魷魚，炸得乾身，食落爽脆，吃得出魷魚的鮮，

是夜與友人到附近辦事，試吓久違的榮記。 啫啫芥蘭煲 – 芥蘭疑似先灼熟， 欠缺爽口。 芥蘭雖甜，但在熱熱煲仔內, 芥蘭與其他配菜都未見熱氣騰騰。 有待改善！ 黑椒豬寸骨 – 用上大量洋蔥與六件豬寸骨。豬寸骨吸收了黑椒洋蔥汁味， 非常惹味。 友人評洋蔥帶甜，耍加分。一如過往，環境衛生服務都欠奉！ 價錢雖平民化， 但服務質素真有待改善！

同2位朋友一齊去食飯....亦都因為咁第1次幫襯榮記...一開始有個啤酒小姐SELL 啤酒~~ 朋友就要左枝生力...~~之後等左15MINS.... 我開始頂唔順想吹吹佢...(事關隔離台遲黎過我都上左菜...)岩岩叫到個個人黎的時候....就上左第1道菜~~ 牛肉太老...過左火.... 西蘭花就好好味=]] 椒鹽魷魚鬚.... 個個都話好味...可能係岩岩出爐....我好鍾意食!!!可以一試!! 我每一次去親大排檔一定會叫既野食...我覺得E個太大件...如果師傅再可以切細少少咁就好NA~ (同埋我覺得荔枝角個到係最好味=] ) 朋友話有D似食緊蛋咁...入面好多蠔仔=]] 好味 但多左少少油=( 我無食....因為我唔食E D咁怪怪的食物....但佢地話OK 好味...叫左一個飯.... 好大個飯.....>P個到D姐姐都幾講得笑=] 服務都還可以...但可能因為多人....有時叫佢都無應我地....但係個地下就.....近廚房見到好多水...仲有D污水....~~ /.\ 扣分!!總括黎講大排檔的水準...都係差唔多.....下次可以一試無妨~~~~~

六點幾去到街市, 本來諗住食惠記, 但己收市, 故轉食榮記. 點知一坐落就有個阿姐好惡咁話 "你轉個位坐, 唔好阻住我地出餸". 咁好啦, 轉一轉個位方便大家. 同朋友商量完成咩叫侍應寫野時o的人又好似睇唔到咁, 我唯有一路舉手, 突然有個阿姐行過黎話 " 咪應左你囉, 唔使舉手下嘛?!" 下? 我當堂搲哂頭, 你幾時應過我? o的態度差到無人有! 我地一場黎到只好忍下, 睇睇o的食物係咪好食到值得受氣. 可惜味道都只係普通!可能佢地見熟客多, 唔休做生客生意. 我第一次幫襯, 亦唔會有下次, 但咁既服務態度, 食物質素又未見突出都好難再有回頭客

榮記吃過三數次，總括來說，它是價錢便宜的大牌檔，但，卻有中菜的問題，就是太多的MSG。太多的亦包括這裡的顧客，上菜較慢亦實是在所難免。煎蠔餅：有吃煎蛋的感覺，加入不少的蠔仔製成，以$30來說我真的無話可說。較油嗎？大牌檔的特色。粟米斑塊：粟米蛋汁造得好，斑片即製亦沒有魚柳不新鮮的異味，這是對板的一味粟米斑塊（$48）。豉油王茄子：雖然便宜（$30），但就是太多豉油和生油，吃到最後真的有點辛苦。只能以茶水先為茄子冲洗，才能把它吃完。這裡沒有加一，白飯大約只是$6碗。服務，不能有什麼要求。 我補充，被 MSG 的洗禮後，身心頓時有點受創。 飯後可以到 CitySuper 選擇冰涼的飲料。今晚選了無糖無奶的 Tully's Coffee，化解一下大排檔飯後的感覺。

尋晚我2個人去左呢度食飯, 預左大排係嘈同環境 dirty, 不過呢2樣都無所謂.一去到坐位, 有2張細台, 我地揀左一張, 但係亞姐死都唔比我地坐, 叫我地坐第2張, 又話乜乜乜... 無心機聽遇佢講野. 之後睇好餸要點時, 叫左勁耐都無人黎落單. 到落到單了, 叫左2個餸, 椒鹽鮮魷 同埋 蒜子爆雞加一枝飲品.我地一路等一路睇tv, 等到成套 天天天晴 由唱歌到做完, 再等到 下一套 劇都唱埋主題曲, 我地d野食, 除左枝飲品係黎左之外, 咩都無得食囉!!!!!!!!!!!!!!!!!!!!!!!!!!想叫亞姐吹單, 叫極都唔理, 係白等左 差唔多40 min之後, 我地放底左 8 蚊就 施施然走左了, 仲要係走左都無人理...呢間野, 如佢有上餸, 我估係會好味的, 不過, 有幾多人有時間係咁嘈雜既環境, 餓住等40 min 都唔上菜呢????