榮記(東成)飯店

營業中

休息中

行完美食博覧夜場，喺openrice揾到呢間喺鵝頸街市的大排檔，決定行過去一試。兩個女仔order左2餸，1白飯，1支啤酒，賣單唔洗$160, 真係超值。睇過menu大部份餸都相當抵食，份量不少，椒鹽魷魚鬚勁推介，唔好分，炸得啱啱好，不過我喜歡點喼汁食多啲。另外一個榮記小炒王好大碟，不過比較濕身，唔夠乾，同埋菜普應該無浸過下鑊直接炒，好鹹，送飯都還可以的。環境方面，大排檔當然會比較嘈吵，同埋周圍好多人食煙，怕煙味就唔好去了。

係時候又要豪一豪, 隊隊啤, 現今有風味既大排檔少之又少, 唯有轉移到市政街市上的熟食檔尋味. 已有一段時間無來幫襯, 今晚HAPPY FRIDAY嘆一嘆.  去這裡食預咗人山人海, 淑女都要變港女, 擘大喉嚨飲酒吹水先夠過隱.  不過唔想等位, 就要襯早6點半前到就最好.  今晚我們一行4人有小炒有海鮮有啤酒, 不過對於海鮮有點失望, 不及以往的鮮味.是晚特價啤酒都是十幾元小炒王 ~ 我最愛食, 夠鑊氣, 蝦肝白飯魚仔炸得脆脆惹味, 韮菜花又夠甜(當然加糖煮啦 ^^), 份量又夠, 因朋友不吃辣, 如能加XO醬來炒, 佐酒更一流. 啫啫芥蘭煲 ~ 只要你一去到嗅到附近枱有食, 你便即忍唔住要照跟, 芥蘭翠綠爽口, 蝦膏味適中, 配合煲仔上炸一炸, 食不停. 豉椒炒蜆 ~ 以往食開唔覺得不好, 但今次既獻汁很漿糊很杰, 每食一口蜆便漿住我的口, 把蜆肉完全覆蓋了. 幸好蜆肉頗彈口.蒜蓉粉絲蒸聖子 ~ 聖子肉頗大鋪上粉絲, 蒜蓉, 炸蒜及蔥花, 可惜不新鮮, 肉質"莓"不鮮味, 粉絲不彈牙, 而且沒有甜豉油淋面, 只有鋪面的蒜蓉炸蒜可吃.   梅菜蒸魭魚 ~ 例牌都有好大件, 甜甜的豉油

椒鹽九肚魚~~外脆內嫩..GOOD!沙鍋魚頭煲~~份量都OK...炸得無過火..不過咸左D..配菜就有豆腐.白菜..冬菇沙薑雞腳~~味道好又夠林炒聖子~~ 味道ok..但唔夠野味..而且條聖子無"湯"開..咬落有d 醒生炒骨~~唔太酸..OK架!

哈哈。。。２日之隔又來榮記 中式牛柳：又是洋蔥洋蔥洋蔥！！！牛柳很軟，感覺是用了很多"嫩肉粉"，味道甜甜酸酸的非常醒胃，亦適合炎炎夏日，份量也很足。啫啫芥蘭煲：十分惹味，芥蘭都經過悉心處理，去掉表面那層"衣"，每一條都幼嫩爽口，這次很好吃，煲底也沒有太多油，讚讚讚！蝦米粉絲蒸水蛋：蒸水蛋是最平凡的家常餸，看似非常簡單，如要嫩滑適口卻有一定難度。這間店的水蛋好滑好好味，蝦米仔又有咬口，唯獨是上面又有蔥 不關餐廳的事，只是本人不喜歡而已。

食平ＤＤＤ，今天來到鵝頸街市１樓的大排檔，每次來到任何一間大排檔必須吃的牛仔骨＋啫啫乜菜煲，這裡也不例外～黑椒牛仔骨：賣相不錯，有部份的骨沒有熟，呈現紅色的 ，整體味道是不錯的。啫啫通菜煲：這次是粗莖的通菜，不太喜歡，可能是覺得幼莖的會比較容易入味，吃到最後煲底有很多油。薑蔥霸王雞：全晚精彩在所！雞很粉嫩，上面有超多的薑蔥，再配上店主獨門自制的甜鼓油，十分好味！有需要ＥＮＣＯＲＥ！ 價錢很便宜，味道中上，啤酒是用"戰鬥碗"喝的，想和朋友啤一啤可以來這裡～

平靚正大牌檔之選今次已經第二次食呢間飯店每次都會排幾個字至一粒中先到d野即叫即炒,好有獲氣我最中意呢度間椒鹽鮮尢!炒唔到,尢魚唔硬炒蜆好有鮮味,蜆都好大隻沙哆粉絲煲又係好香好惹味唔試過唔可以話自己係香港黎!

店名：榮記(東成)飯店 (灣仔)地址 : 灣仔寶靈頓道21號鵝頸街市鵝頸熟食中心1字樓4號舖好味指數：7.3／10價錢：$68蠔仔粥蠔仔粥一窩大約有5.5碗，用料夠多和豐富，味道可以，就是吃不出大地魚的味道。蠔仔夠大粒，吃上來沒有沙粒，不錯！店名：榮記(東成)飯店 (灣仔)地址 : 灣仔寶靈頓道21號鵝頸街市鵝頸熟食中心1字樓4號舖好味指數：7.5／10價錢：$48砵仔焗魚腸魚腸焗蛋係一個好特別的菜色。面頭焗得脆脆的，魚腸新鮮乾淨，雞蛋吸收了魚腸鮮甜味道，加上胡椒粉味道更好。店名：榮記(東成)飯店 (灣仔)地址 : 灣仔寶靈頓道21號鵝頸街市鵝頸熟食中心1字樓4號舖好味指數：8／10價錢：$58椒鹽魷魚鬚等了差不多一小時才到，原來要草埋一堆單先一次過整。魷魚鬚是這裡招牌，熱辣辣之餘份量又夠多。椒鹽味香惹味，食唔停口。

鵝頸街市鵝頸熟食中心卧虎藏龍, 所有小炒食店食物質素都好高, 今次就同朋友食呢間榮記,一黎到就好快有位, 晚市人多嘈吵熱鬧, 適合大聲同朋友飲住啤酒高談闊論既環境.兩個人叫左四味餸牛肉炒菜心: 簡單一味餸, 火喉夠, 牛肉林, 菜心新鮮, 配以薑葱吊味, GOOD!蒜蓉蟶子: 蟶子細隻但新鮮爽口彈牙, 配以蒜蓉同粉絲 好味一字骨: 一D類似甜酸醬造成既豬仔脾, 豬仔脾彈牙啖啖肉, 配以上面既芝麻令豬肉更香, 更美味羔蟹煲飯: 將成隻羔蟹擺落去充滿住蒜蓉粉絲, 豉油等香料既飯入面 成個拎去煲, 蟹既鮮味, 蟹羔同咪其它配料合而為一, 飯身香噴噴得黎, 咬落亦充滿住羔蟹味, 正!!

有朋友仔從台灣黎左，叫我地帶佢地去香港人必食嘅野。為左方便佢地決定帶佢地去鵝頸橋街市大排檔之後可以繼續行街。估唔到話去食大排檔佢地非常興奮，仲問會唔會食食下有古惑仔。坐底後表演左香港人洗碗筷比佢地睇，呢d就係我地嘅習慣大排檔酒樓例必洗下d碗筷。點左椒鹽九肚魚，䜴椒炒蛽呢d大排檔必點items。仲有韮菜炒鮮魷丶欖菜肉碎炒豆角丶香芋滑雞煲丶鎮江豬仔骨、豉油星炒麵。鎮江豬仔骨同䜴油皇炒麵係朋友見到隔離枱之後叫嘅，豬仔骨無試到因為得4舊，見朋友食得津津有味應該唔錯，豉油皇炒麵好大碟，而且唔會好油。椒鹽九肚魚，䜴椒炒蛽都好好味炒得好香好惹味，韮菜炒鮮魷丶欖菜肉碎炒豆角都好好味唔會好油，魷魚都唔會好un。香芋雞煲賣相雖然唔係好美觀但味道又唔錯bor，芋頭炆得好淋好味。

灣仔鵝頸橋街市2樓很多街市的熟食中心都經濟實惠, 今日有老闆請食飯,預早6:45 找位都要等位呀! 太熱鬧了吧環境衛生可以用惡劣來型形容, 周遭地下都有點濕,碗用濕紙巾用力抹會有一層如老泥的東西走出。若是有潔癖或子腸胃忍耐力弱的人來前要考慮到這些因素哦。平均小炒60,70元左右, 份量偏小碟,所以定價也低,各樣食送淺嚐可以試多幾款。蒜蓉粉絲蒸蟶子 $78蟶子只得手指尾大, 肉不多以甜味補救。蒜蓉味被好重鹹蓋過了, 單獨食真的太鹹,用來伴沒味的蒜蓉蟹飯還不錯吃。蟶子肉汁不夠, 粉絲吸不到精華汁蠻乾。蒜蓉蟹飯 $88用了花蟹, 還期待有蟹膏混在飯中,我是想多了。蟹肉中加了蒜蓉同蒸再切件放在蛋炒飯上。蟹與飯沒溝通, 想是廚房趕著出菜的關係,炒飯中的蛋塊大小不一, 隨意兜兩下又沒調味,以誠意、手勢及味道來衡量皆使人失望。蜜汁豬脾封煎後再加以甜甜的蜜汁, 蜜糖比例恰當不會甜到令人抗拒。灑上白芝麻但芝麻可以再多點以添加香氣及口感。一條長骨其中一端起掉肉, 用手拿著食很方便豉椒炒蜆 $55豉汁生份打得太多, 質地杰及起塊, 令人覺得好草率。還好豆豉味滲到蜆肉中, 如辣一點就更好送啤酒,這個價錢就勉強

去到鵝頸橋街市熟食中心，幫襯榮記海鮮飯店，依到無靚嘅裝潢，畢竟唔係每間餐廳都會好似ABC Kitchen 係熟食中心都會執到靚靚，呢度只係想提供一個平價俾大家食野地方，而佢真係做到，而且食物質素唔差。五人行叫咗好多野，椒鹽魷魚鬚，黃金鮮魷，羊腩煲，炸大腸x2，雜燴炒麵，啫啫芥蘭，椒鹽沙鎚。煎炸野出色，炸粉不會太厚，剛剛好包住食物，當中首推，椒鹽沙鎚，魚仔細細，入口香脆，肉鮮嫩而不鬆散。炸大腸同樣出色，呢度會將將多餘嘅肥膏移除，入口香脆，乾身不油，good另外值得一題既係羊腩煲，呢個羊腩煲絕對誠意之作。先講用料，多到食唔晒既羊，雖然味道一般但絕對誠意搭救。結帳，700蚊5個人飲埋啤酒，抵！榮記或者未必係你食過最好味嘅大排檔，但佢絕對係銅鑼灣其中一個深宵食堂嘅好選擇。

   是日晚同frd去睇舞台劇。有好劇睇當然開心，但系都唔可以唔醫飽個肚先啦     出發!!! Around6點就早早來到鵝頸街市，朋友熟門熟路帶佐我來到榮記坐下，並且好快就落佐單。   6點幾呢個時間 真系幾早 觀察佐四圍 人唔系太多 多數系三三兩兩系度食飯 同夜時間情景幾唔同啵.   一路食到七點幾 人就開始慢慢多佐啦 到走果時 整個場差唔多都full佐了喔~   其實幾中意大班人系街市食飯，d菜雖然唔精緻但系好味實惠又有屋企嘅味道，加埋大家開心嘅氣氛   呢晚其實叫好少野食。啫啫芥藍，鎮江豬仔骨，同埋豉油炒麵，簡簡單單。   啫啫芥藍    分量都幾大份 芥藍好新鮮 不過味道就唔系好特別 屋企味道   鎮江豬仔骨   朋友強力推薦嘅菜式。 四塊大大塊豬排 拎上來就聞到陣陣酸甜味 好期待。 不過食落就有d失望。 外表略略炸過 内裏肉就好滑嫩。 肉醃制過好入味，加上鮮嫩的肉質，幾好味。 不過美中不足系酸甜汁 酸味唔夠 同埋汁未能很好裹系豬仔骨外表 只系澆系上面 汁好稀 應該無勾過芡。 如果汁稠d可以鎖系肉身出面 鎮江醋味再出d 就會更加好!!!   豉油炒麵   好好味嘅豉油炒麵，

(765)這天來到香港探友人，友人推介這裡小菜幾好，晚飯便來了這裡。朋友選擇了六款小菜，分別是攬菜四季豆，椒鹽九肚魚，小炒王，西蘭花炒斑片，魚香茄子煲及啫啫雞煲。除了攬菜四季豆炒得較為生之外，其餘餸菜都做得幾好味，街市大排檔，環境當然不會很好，然而這裡小菜經濟又抵吃。

Date of visit : 23 Apr 2013 (Tue) 7:30 pmNo. of diners : 4Average cost per head : $170Food quality : 7/10Environment : 7/10Service : 7/10Value-for-money : 7.5/10Overall rating : 7.1/10In Hong Kong, there are a few food hawker centres with eateries famous for their local Chinese dishes. The one in this Bowington Road Market is not as popular as those in Happy Valley or North Point, but still a good option in terms of convenience and value for money.a) Deep Fried Squid椒鹽鮮魷 ($68) – 9/10The squid wa

當晚星期六同2個fd 一行三人去到剛剛有枱唔洗等妁為好好彩 , 以前我都住呢區 , 好耐冇去過食了 , 重臨舊地滿懷希望 , 點知而家D伙計冇D禮貌 , 仲要糸個個都糸咁既樣 , 我食飯要比錢架 , 唔糸黎乞食囉 ! 其間個FD問左2次要辣椒醬最後都糸冇拎黎 , 要自己起身去拎 , 食物質數也沒有以前的好!由於第一個菜到既糸 椒鹽鮮魷 因為等得太耐好肚餓 所以未影相就食左先 , 但賣相顏色較淺 椒鹽唔夠味 非常淡口 , 總結全部菜式都唔糸難食 , 只糸一般般姐 , 但5個菜 埋單3百幾都好低食 , 但千祈唔好要求高 !