樂口福酒家

營業中

休息中

我在九龍城區附近工作，超過二十年了。樂口福這間食肆，我也經過了不知多少次，但是，一次也沒有光顧過。因為，九龍城有一些食肆，是只開晚市的，樂口福的門面，從外面看，不知道裏面是不是營業；而且，沒有什麼午市套餐招牌之類；所以，我今天才第一次光顧。裏面的裝修，簡直是四五十年沒有變過的，看看福祿壽裝飾板、收銀處，全是黑白粵語片般的光景，簡直是時光倒流40年！這裏沒有午市套餐，我和Honey就點了肉碎蠔仔粥，是潮州粥底，米剛開；蠔仔雖不算多，但粒粒飽滿，鮮甜。鹵水鵝肉片，肉香；皮不厚，有鵝皮的甘香。潮式糖醋雙面黃，伊麵底有蛋麵香，但是稍嫌煎得不夠香脆，再煎得香脆一點，醮糖醋吃，會更好吃。最後，是Honey喜歡的水晶包，每個水晶包都是小小的，外皮跟外面的潮州館子相比，相對比較煙靭；蓮蓉和豆沙餡，都非常滑，不太甜。最後，配功夫茶，解膩解甜！ 九龍城，從前還不是小泰國時，本來就是潮州人的天地；今天，就來樂口福，品嚐潮州菜。

九龍城個個都知小曼谷，但係其實潮州野都好多，打冷既有，傳統既都有。難得凍返少少，屋企人就提議去食潮州菜，飲啖茶。潮州菜相比粵菜好似冇咁多煮法，但係其實都幾好味。個日六點幾去到，唔洗等位，一坐底就有咸菜同功夫茶(即係濃普洱)，咸菜最啱就送粥，食下食下就好快食晒。其實睇menu佢話就話老店，但係都唔係一成不變，佢有傳統潮州菜，都仲有其他廣東菜，啱晒唔同人口味，難得黎到梗係試潮州野。潮州凍馬友 208元個menu其實冇，但係一入門口右邊已經擺好晒係到，個到賣春菜煲呀鹵水鵝呀凍魚同凍蟹……魚佢就跟重量賣，貴唔貴就見人見智，呢條208 我地四個人share都岩岩好，好多肉又唔多骨，魚本身有咸味，有鮮味同埋d肉唔會散，配埋普寧豆醬就啱啱好。滷水鵝片 68元個到有片有肉有頸，片就最岩我，啖啖都係肉。 鹵水汁固然係佢地命脈，果然冇令人失望，唔會太咸，又唔會太甜，雖然貴d 但是都值得食下。煎蠔餅 78元雖然話蠔餅係潮州菜必食，但是我覺得呢到好一般，d蠔唔夠新鮮，同埋煎得太燶。傳統潮州菜，都推介呢到嘅，菜式有一定水平，但價錢都唔平，不過好多外面搵唔到嘅菜式，佢地都會有。

「買少見少」的傳統潮州菜黎到被稱為「小泰國」之稱既九龍城，點解會食潮州野？其實九龍城除左泰國人多之外，潮州人都好多，九龍城就已經有好多間潮州雜貨店、打冷、甚至滷水....今日就決定黎呢間老字號潮州菜。七月係我呀爺生日，佢又係呢間樂口福既die heart 粉絲，大大話話食左廿幾年，由以前老細到佢個仔接班；由以前行得好地地坐到樓下，到而家要坐樓下。佢去到呢到食既野來來去去個幾味，但係志在有堆「格ge冷」同佢傾下計，或者「隻下爹」（飲茶），食既一份感情，好似舊朋友相見咁。我地一行三個人食左三個送一坐底梗係醒你幾杯功夫茶—一啖一杯，但係小心真係熱飯前同飯後都有（唔夠仲可以叫佢加）但係千其唔好飲太多　唔係就成晚晚眼光光勝瓜加肉碎，太清淡唔係好識欣賞菜脯蛋—潮州菜必食之一，雖然味道真係偏咸，但係配上潮州粥真係好岩味！滷水鵝—潮州菜必食之一，但係滷水鵝都有分唔同部分：鵝肉（肉連骨），鵝片（淡淡肉）同埋鵝頸（係潮州食過）！我地就叫左鵝片，貪佢肉多唔洗煩。滷水汁都係偏甜但係好夾個鵝片；下面用索晒汁既豆腐墊底！好味！

鹵水拼盤好大碟，聽聞鵝片好出名未食已經聞到好香鹵水味，好吸引食落鹵水味道好濃郁好豐富，鹵到所有的食物好入味先吃鵝片，肉鮮嫩，質林滑鹵水味好出，d鹵蛋好入味，切開仲可以保持蛋型不散鵝腸爽口，肥美甘香腩肉又林又係五層花，鹵水味好入味，一點豬臭也沒有

也有一段日子沒有來了，忽然想食潮州凍魚，有水準而離家又比較近的，首選樂口福，可能因為假期關係，到來時非常滿坐，無奈下只有等位及四處看看，牆上掛滿之前報章的剪報，原來這食店搬到九龍城，已是1956年七月二十八日，快將六十年了。等了大約15分鐘，終於可以入座了。看過餐版後，決定了以下食物。火腿炆紹菜（$78）～ 火腿用切絲而不用薄切片的方法，有點偷工減料的感覺，也因份量太少，味道也相應變淡；好在紹菜的芡汁，調配味道出色又煮得淋，挽回不少分數。馬友（$228）～ 記得第一次聽「魚飯」時，心想：點解魚飯得條魚, 冇飯的？ 後來得知解釋，「潮州魚飯」即係潮州凍魚。馬友因為油份較多, 肉質嫩滑，而且又比較有魚味，所以用來做凍魚就最出色，但價錢就會相對比烏頭、黃花等貴，細條$228，大條$248。瑤柱三絲粥（$68）～ 平時都是點蠔仔粥，今次就要點不一樣的吧！三絲係肉絲、東菇絲和尤魚絲，潮州粥一向有點似湯飯，飯粒不會太淋。加入大地魚及芫茜，也令粥㡳增添了不少香味。再加上小許胡椒粉，就更加出色了。看報章有幾味特色小菜，但因假期而沒有供應，看來又係時間，再約朋友來這裡飯聚了。

今晚本來係想飲d湯水，唔知點樣走左去食翅....😅呢間老字號潮州菜係九龍城N年了，出品都有保證的，裝修應該多年來都冇咩改動，很有風味！一坐底，先送來一盤功夫茶！爽！今晚點了紅燒翅，$228 一碗，味道和傑度真係剛剛好👍🏻。 椰青花膠魚翅，清潤！濠仔粥，大大隻濠仔。可惜反而是鵝片又乾又鞋....

今次同食家朋友搞左呢個潮州菜飯局, 其實我都係SEARCH 番之前既食評得知樂口福有好多潮州既手工菜食, 所以決定黎呢度試下佢. 荷葉包鱔真係好好味, 荷葉既香味完全滲哂落鱔入面!竹笙蟠蠬卷, 好特別, 將竹笙包住蝦蟹肉整成, 好考功夫, 味道好清甜!而其它食物例如豉油王中蝦, 蠔餅, 鹵水鵝, 糖醋餅, 反沙芋都係不錯之選,值得再試!

和鄧sir食飯，選吃的地方一定走不了，必然是地道的潮菜館....創發、澄海老四、潮匯館、潮味居....城中有點名聲的潮菜店都有留下我倆的足跡了，今天則來到候王道的幾十年老店"樂口福"。數數手指頭，上次來光顧時已是六至七年前的事吧....店內的老舊裝修一點也沒變，懷舊味十足。另外每次走進來，腦海中總會浮現出電影"鎗火"cool爆的場境...和阿sir食飯，肚子儘會被塞得滿滿的。兩個人叫三個菜，每份也是大大的而且又重囗味，這樣不被塞飽才怪呢....年紀老邁的侍者端來花生及功夫茶，是傳統潮菜店的餐前例牌動作....看到有蠔爽可叫，馬上便點了。這裡還號稱是"家鄉炒"的，吸引力自然就大....蠔仔大大只相當的飽滿，咬入口後感到一嘴的鮮甜而極多汁；蔥粒夠多食起來香氣滿溢。缺點是蠔吃起來是有點碎殼，以及碟底是舖著成吋厚的油....既然已食過蠔，那跟著就不太方便再叫蠔仔烙了.....此時唯有轉來一份水瓜烙....烙看上去呈金黃色的好像很脆口的但其實咬落是偏濕且淰，這和內藏的水瓜粒當然有極大關係；水瓜本身很夠甜但蝦肉則相反沒有甚麼鮮味的；油膩度是沒想像中的重，這個要讚一讚；另外特別的是在烙中吃到有不少的

同朋友慶祝生日, 係遲咗少少, 不過最緊要好食, 所以今日一行3人到了這裡。鹵水鵝、 春菜都是必要的東西, 今天嚐了一個九層塔炒簿殼, 正!!!! 我平常都有吃潮州菜, 但這就未有試過, 同潮州人去叫既嘢食果然有點不同細問下原來簿殼只有夏天的幾個月有, 用九層塔再加點辣椒去炒, 好好味, 其中一位同我一樣超愛, 另一位就覺得太細粒(其實我哋呢次叫大粒架喇)

有點不明白，為何潮州菜給人的印象總是只有打冷，其實它們也是一門上得廳堂的菜式。八九十年代，富貴人家總喜歡宴請客人吃潮州翅及堂灼響螺等，沒有一千幾百也少不免，豪氣非常，但時至今日，那種氣派已盪然無存，甚至淪為大排檔的感覺，實在有點不值。九龍城是潮州菜的一個重鎮，如樂口福及創發等等都是大家耳熟能詳的老字號，當中的樂口福也是拍戲聖地，一幅雙囍大龍鳳裝飾更是黑社會電影常常取景的地方，此場景深入民心。在這個經濟不景氣及環保的問題下，大家也差不多捨棄了吃魚翅的習慣，我亦不例外，所以今次為的是他們的日常菜式。先以潮州菜名物酥炸蝦蟹棗為序幕，兩者炸得香脆可口，用料豐富，蝦棗爽口彈牙，蟹棗啖啖蟹肉，鮮味十足，蘸上桔油後，更添美味。接著的鹵水拼盤有鵝片、鵝腸及掌翼，鵝片是這裡的招牌，吃過不及從前，鹵水味道不阿濃郁，而且鵝肉質地亦較靱，其餘的也算是不過不失。是晚最令人驚喜的是兩條魚飯，分別是凍馬友及凍黃腳鱲，前者肉質較散，但魚油甘香及魚味濃郁，後者骯較爽口結實，魚油亦相當豐富。兩者各有支持者，而小弟則是馬友的粉絲，泛著金黃魚油的馬友著實甘香無比，令人沒齒難忘。九月至十月，由於正值薄殼最肥美的時候，亦點了一盤

此間樂口福是老字號潮洲飯店，我們周六午飯時，卻見得三枱客，香港人是否貪新鮮？我們還是覺得這飯店雖然樓面裝潢頗過時，仍然能保持潮洲風味，且有不少特色傳統菜。首先，夏天最適合飲檸檬鴨湯，醒胃生津，此煲湯極之清甜，咸咸酸酸，煲過湯的鴨肉還有鮮味。當然要食的是鹵水鵝片及鵝腸，鵝肉極嫩無渣，又夠入味，可惜鵝腸就差少少，雖然夠爽，但是不夠鹵水香味。另外試了咸菜塘鯴魚，魚大,肥美甘腴, 肉質嫩滑，無泥味，配合咸菜恰到好處。

在樂口福：「探完契仔後在九龍城食飯，㨂了老牌潮菜樂口福，叫了馬友，鵝片，蠔餅，沙茶牛肉芥蘭，春菜，狗肚魚，五個人食七百元落樓，抵食味道ok.之後再去合成食埋潮州糖水才回家」舊式大龍鳳禮堂，而家香港都很難找到馬友，偏咸，送潮州粥最好，但是我們九時多才到，粥已經賣完蠔餅好味，多蠔仔，煎得香脆鵝片普通

本身為潮州人自稱潮人亦算合理...有朋自遠方來, 更係要帶佢食下我既家鄉菜.唔能夠帶佢去潮州食唯獨帶佢地九龍城老店樂口福食, 貪此店坐得舒服點又可以傾耐d都得.店員大部分都係老員工, 有點似回家既感覺, 店員亦笑容滿臉服務貼心.二個人叫左個荷包鱔, 炒鵝腸同炸普寧豆腐.荷包鱔用上潮州咸酸菜包住d鱔肉, 簡直係功夫菜式, 平時係家都唔會花咁既時間去煮....咸菜帶酸岩岩好減低白鱔既肥膩感覺美味, 至於鵝腸用上豉椒蒜頭去炒十分惹味, 鵝腸亦炒到夠火喉唔會過老十分爽口完全合我口味.反而友人至欣賞係個炸普寧豆腐, 話炸得鬆脆又無油, 配上旁邊既韭菜鹽水汁十分可口.2個人3個小菜已經好滿足, 最後送上幾杯功夫茶消消滯滯.

傳統的潮式荷包鱔，即鹹菜包著白鱔卷，鱔件退骨處理功夫到家，下了梅醬做法有規有矩，師傅是老潮州人。燉得夠糜，入口酥嫩肥美，帶著廣東人吃不慣的江南味道，加上火腿鹹香與梅醬的酸度，味道是說不出的好。

學生話有 2 部私家車去食飯，咁梗係去無地鐵到既地方啦！係網上搵來搵去都無間合晒全體人喜愛既菜色，車到九龍城廣場，重搵緊喎，最終上 OPENRICE 查，無意中搵到呢間樂口福酒家，打電話去訂位，竟然有位訂喎，星期五晚咁易訂位，大家都心大心細，唔敢抱大希望好食。入到去店內，個待應問係咪剛才電來訂８位果個呀？嘩，真係無生意？見到店內只得幾台客，真係冷清清；舊式裝修，外國遊客實鐘意。鵝片好好味，肉質 juicy，正　；蠔仔烙，蠔仔好多，而且大隻，味道適中，食到唔停得口呀！超正蠔仔粥，又係好多大隻蠔仔，唔係應酬式比幾隻你就算果種，米粥又唔會杰，好適中三絲炒麵，三絲係牙菜，九菜，肉絲，炒得好香，九菜味也好香。芥菜，加入多種菇類，但芥菜太淋無咬口。椒鹽尤魚鬚，太鹹，鹹到一路食一路飲水，但又好鹹香，沒法唔食喎炸糖醋麵，麵炸得普通，但個醋汁非常香，果種香味係個口停留，好正。於是問個伙記用邊隻醋，佢走去廚房拎出來比我地睇，佢話要係上海舖先有得賣，認住呢隻牌子，睇下出面搵唔搵到先。大家都好驚喜無意中撞到間咁正既食肆，下次再來。