樂園魚旦專家 (新都城中心三期)

營業中

休息中

呢日放假同屋企人去寶琳處理文件。由於時間不多，所以就決定黎呢間港式麵店要極速醫飽肚。雖然麵店感覺幾街坊，好似大部分都係熟客，但環境裝修得幾整齊光亮。熱仁霜用熱奶茶杯裝住，能夠保持溫度，甜度同濃度都好適中。凍檸賓無冰檸檬夠多，夠足料，解渴必叫。四寶丸粗麵粗麵味道正常，軟硬度偏硬。不過，食左d丸先，等d麵浸下就岩岩好。丸無怪味，食完無口渴感，應該無咩味精，而且幾彈牙，唔錯。崩沙腩河肉質夠軟淋，份量又不少，個湯重腩汁味，河粉唔太油，有少少米香，加埋個湯一齊食幾惹味。睇完menu到上餐都唔洗5分鐘，效率極高。呢度絕對係快餐以外，另一個極速醫飽肚既好選擇。除左粉麵，仲有飯可叫。原來有幾多分店同零售門巿。

情人節弄完豐富晚餐過後，今天又要開會遲放工，所以決定今晚不再煮飯，同老公去「回味」一下「從前的味道」 - 幼麵和河粉😆一直聽聞「樂園」的粉面很好吃，但是一直也沒有機會嘗試，故此，今天給你一個機會吧！店內的裝飾不錯，雖然不是是的大排檔感覺，但也很有中國feel。侍應的服務態度亦很好，他們能觀察顧客的需要，當我正想下單的時候他們已經走近，問我想吃什麼，勁！👍一如以往，老公選了牛肚牛腩牛筋湯河，我則選了雲吞併魚餃幼麵。這些都是最能試吓粥粉麵店的水準，決定下次是否encore。😆兩碗麵一到齊，我便替它「變身」- 把2碗麵的餸合併，成為五餸河/麵，正！一試幼麵，嘩！好彈牙，有啲似灣仔某一間老牌的竹升麵店。至於河粉，亦不錯，很滑！最後，不得不提，雲吞的了很足！下次一定要再encore ！

今日無飯食，又廢時自己煮，因為太攰。近排食得太多太豐富，係時候食返啲清清地嘅野中和返下。唸起喺地鐵站一出橋個度有間樂園粉麵店，近近地，幾方便，買完可以快快手返去開餐。樂園有好多間分店，但從來都未試過。平時食粉麵，最常叫嘅都係牛腩河，而呢間樂園叫魚旦專家，好似都應該要試吓佢嘅魚旦先得😛以我同大爺都咁大胃口黎計，我地決定叫一個金牌牛三寶$63，一個樂園四寶丸$53。而家有做下午茶優惠，18:00前加$5就有得配冷熱飲品，好彩今日收工收得早，趕得切😍😍😍😍咁抵梗係加埋野飲喇，加咗個熱檸水同凍奶茶😍😍😍加咗$1將外賣嘅湯同粉/麵分開唔同嘅盒，因為返到屋企仲要沖咗涼先食，廢時浸到啲河粉淋晒。牛三寶包咗牛腩，牛肚同牛根。三樣都好正。牛嘅份量都算多，叠滿咗喺啲麵上邊～😍😍😍個湯底一開睇落都好濃郁。牛肚真係好好食呀😍😍😍😍另外個牛根煮到勁諗又入味😍食完一舊又一舊四寶丸就包括有招牌魚旦🐟頂級墨魚丸🦑黃金片頭🐡新鮮肉丸🐖仲有魚皮餃🥟。真係好，可以一次過試晒咁多款嘅丸，啱晒鍾意試新野嘅我。普遍佢啲丸都做得幾好，好彈牙，尤其個肉丸真係有驚喜😍😍😍打得好彈牙爽口之餘，個味道又調得啱啱好，唔會過濃，真係唔錯👍🏻👍

是日突然想食魚蛋河當午餐，終於來了樂園，其實樂園都已在新都城開業一年多了。店舖都算光猛企理，是座位有點狹迫，大多粉麵店都是如斯模樣。點了一碗招牌魚蛋河，有魚蛋及魚片。魚蛋爽口彈牙，魚片不會太薄身，軟綿得來帶點咬口。河粉質感爽滑，不會糊糊的。湯雖然清，即使沒加入其他醬料來調味，整碗魚蛋河都夠味！秘製牛雜河，牛雜份量足夠，牛肚、牛腸、牛肺、牛膀都有齊，牛肚的份量較多，有4-5件，夠爽口～～牛腸夠肥，乾淨沒羶味。牛肺與牛膀入味，牛雜河的湯較為香濃，但不會太鹹。兩碗河粉的份量充足，味道不錯，飽肚抵食！

呢間粉麵店都有幾多分店分開咗堂食/賣生餃嘅店舖餐牌上嘅粉面差唔多食勻哂😂😂鳳城水餃有驚喜 個人認為好食過雲吞水餃有啲花生香 有筍絲 木耳絲 蝦等⋯⋯粒粒飽滿 一碗有三大粒河粉 米線 米粉 幼麵 粗麵都可以揀河粉係最好食 夠滑身 唔會太碎走青加腩汁 最好味 食得🌶嘅點埋更惹味❣️另外扎肉 牛腩 魚蛋 都幾好食🫰🫰魚皮大大包 夠脆身 經過可以一試

平時係寶琳返工都有聽同事講過樂園嘅牛腩同埋辣椒油都超級出色。於是今日就去試一試佢啦。牛腩幼麵 ($38)肥牛河粉 ($38)腩汁菜芯 ($10)一嚟到個陣見到牛腩又多又大舊，對眼都即刻發哂光🤩而幼麵就好爽口又唔會太稔👍🏻河粉就比較鬆散，有啲一夾就爛，不過味道都幾ok架可能係個人口味問題啦，相比之下我就鍾意食幼麵多啲啦😙😙重點推介係食麵一定要加佢嘅辣椒油建議一開頭唔好加太多，因為都真係幾辣㗎。🤣🤣加咗少少試一試味先，佢係辣得來又會令你食唔停嗰種架。值得一試！😌

🐾樂園魚旦專家(將軍澳新都城分店)# We all have hometown appetites.- Clementine Paddleford🐈想當年係外地留學遊歴了7年，最想念的就是家鄉的味道~就算在外地的中菜餐廳也很少見有魚旦粉牛腩麵，所以等🐈終於學有所成返嚟之後就成日去食旦粉❤️今次就試吓呢一間樂園魚旦專家✨樂園四寶丸河粉 $48✨凍檸茶 +5蚊樂園四寶分別為魚旦，黃金片頭，新鮮肉丸 同爽滑魚餃，湯底非常青香，襯托出四寶的滋味😍魚旦同肉丸都好彈牙，黃金片頭夠晒厚度好有口感，魚餃夠晒足料，再加埋河粉每一啖都係人間美味~凍檸茶係採用新鮮檸檬片，仲要一杯有三四片檸檬🍋，配埋涷茶夠曬清新Overall體驗: 果然係家鄉的味道最使人流連忘返，普通一碗魚旦粉其實背後都有好多學問先可以整到咁好食✨樂園魚旦專家喺香港都有幾間分店，每一區都有夠晒方便～

原本想食崩沙腩同埋金牌牛三寶，我地兩點未夠就去到，點知都話賣晒，都真係估佢唔到咁好賣！唯有叫其他試下啦～五香牛腩河加凍檸蜜五香牛腩就算外賣拎到返去食都幾夠味，河粉索晒啲汁，有香濃牛腩汁味，而且河粉都出奇地幾滑，又唔會碎濕濕咁好難夾，比一般啲河粉店都好食；而牛腩就幾香，無崩沙腩但都唔會太瘦或者好柴，肥瘦度都唔錯，亦都幾軟稔同有一絲絲感覺，整體來講係幾香又幾好食～秋風起就打算叫杯凍檸蜜，貪佢可以假假地都潤下哭，杯野有三片檸檬，蜜糖味都唔會太假，亦都唔算好甜，飲落都幾爽！樂園圓寶丸河有魚蛋、魚片頭、墨丸、豬肉丸同魚皮餃。見到佢啲丸嘅形狀都係不規則，都覺得唔似係機制； 魚蛋專家果然魚蛋最好食，有咬口夠彈牙，又唔會太無魚味；魚皮餃皮都唔會太厚，魚肉味都夠，整體來講都幾滿意！

樂園魚旦專家 📍將軍澳貿業路8號新都城三期2樓210號來開呢到寶琳行街～見到呢間粉麵店～好熟口面🤣原來好多分店～我入去試試牛三寶$58首先湯底唔係重口味個隻😆飲完唔會覺口渴👍🏻牛三寶有齊牛腩、牛肚、牛筋🤭每款都有3-4件，份量好足👍🏻牛腩～肥瘦均勻～炆到好入味牛肚～爽口～牛筋～彈牙～有咬口我叫左幼麵，食落唔覺有鹼水味👍🏻讚鮮蝦雲吞🥟拼爽口牛丸米線 $48每款有3粒～鮮蝦雲吞～蝦肉同豬肉比例均勻～彈牙爽口牛丸～咬落實心帶點回彈🤭佢既辣椒油🌶️好出色～食落好惹味～辣度唔算太辣配埋麵食好香～見佢仲有火鍋🍲配料外賣🥡😍下次要買返丸類、水餃🥟返去打邊爐凍檸茶+$8凍檸蜜+$11

呢間新都城嘅粉麵店真係一流！ 價錢又平，味道又好！今晚又係食呢個做晚餐！我嗌咗個魚蛋河，我先生就食咗個牛腩河， 加多個油菜同兩杯可樂 ！唔使好耐就拎到外賣喇，返屋企慢慢歎！先講個外賣佢自動分湯咁，返到屋企啲面就唔會太淋喇！ 魚蛋河佢係有幾隻嘅，彈牙爽口！有魚片頭，魚蛋魚片，好彈牙！新鮮好味道！我先生就食牛腩河，牛腩份量竟然幾多，都足夠份量，而且佢話味道一流，夠入味，而且肉質鮮嫩，好滑，一啲都唔un。菜水準都可以，份量夠又吾貴， 整體都幾平民！ 抵食！好味！

早餐只食咗個吞拿魚麵包，所以好快就肚餓，好想食飯填飽個肚但又唔想去快餐店，於是諗起樂園都有飯食。落雨濕濕唔想坐低堂食於是叫外賣，叫咗個牛筋飯附送紫菜湯，另外一碗水餃麵返家慢慢歎。個牛筋飯牛筋份量算多，又夠淋又夠入味，紫菜湯都好重味下但飲完唔會口渴，至於碗水餃麵水餃得三隻似乎少咗啲，水準都正正常常無乜驚喜。

住將軍澳咁耐都未試過呢一間樂園魚蛋粉，今日就決定同老公試吓。因為時間關係，趕住返屋企湊小朋友。我哋今次只可以叫外賣。我哋冇點最出名牛三寶，反而點左好正常嘅牛腩麵同墨魚丸雲吞米線。首先牛腩麵，份量適中，牛腩都好入味但瘦咗少少，啱晒驚肥嘅女仔食，湯底就好濃郁，有啲牛雜味！。墨魚丸好彈牙，仲食到啲墨魚粒喺入邊！雲吞就包住大大隻蝦，豬肉嘅組合肥瘦適中，皮薄餡靚！我哋仲叫佢跟咗醋同辣椒油，不過辣椒油只係得油冇渣，但辣勁十足，配埋個湯底味道一流！下次一定要再試吓其他小食，值得推介！

香港越來越少好食嘅粉麵檔，見呢間門口大排長龍叫外賣，有位就快啲入去試吓，都幾有驚喜！牛三寶牛肚最推薦，入口彈口，但係容易咬開！另外牛腩都整得好腍！另外要讚嘅係米線軟硬到啱啱好，滿足到我呢個平時鍾意食米線嘅人，而且份量都唔少！墨魚丸加雲吞河雲吞比想像中足料，入面有一至兩隻大蝦，入口亦都好彈牙！而墨魚丸亦唔係麵粉丸，所以入口都幾鮮甜！另外淨湯配埋佢嘅辣椒醬，岩岩好，佢嘅辣椒醬都幾香辣，而唔係得死辣，食得辣嘅人可以試吓！

今日同朋友喺新都城行街，打算依飽個肚先，決定簡簡單單食個午餐所以就揀左親民又抵食嘅魚蛋粉！《牛三寶》米粉$58呢個係佢地嘅熱門加招牌之一，絕對要試一試！牛三寶分別有：牛筋、牛肚、牛腩，全部都好好味，好濃嘅五香滷水味道，再加上口感好林，識落就知道係用足時間去炆，推介！《四寶丸河粉》$48呢個相對上比較清淡少少，但因為四寶丸都係魚蛋粉店嘅懷舊特色之一，所以都唔可以錯過。四寶有魚蛋豬肉丸魚片頭同埋魚皮餃 ，種類好豐富，全部都好有質感好彈牙，唔錯。《炸墨魚卷》$33呢個墨魚卷炸得非常脆口，而且咬落出奇地多汁，外皮好薄 ！越食越想食。出色。 總括嚟講，魚蛋粉呢啲比較平凡親民小小嘅食店，做到一定嘅質素都唔容易，呢間都值得再幫襯。

突然好想食間高質既牛粉麵店, 記得樂園既粉麵確實係唔錯, 所以就黎外賣個晚餐番屋企慢慢嘆。 叫左個崩沙腩米同埋牛三寶河,仲加埋豆漿, 佢既粉麵都會有一匙蔥放左落去, D 蔥都幾新鮮, 兩碗粉麵既牛味都比較重, 同埋湯底都好香濃, 我飲左好多湯, 食完之後都唔覺得口渴, 證明佢都冇味精, 食得過 唔想煮個陣食下佢都幾方便快捷, 另外仲見到佢可以外賣丸類, 有機會買黎同屋企人係屋企打下邊爐都唔錯, 另外仲見到佢有好少見既門鱔片賣, 下次都想試下