樂園魚旦專家 (新都城中心三期)

營業中

休息中

8號風球咩餐廳都冇開，好彩仲有平時最鍾意食嘅牛腩粉🤤多人到排長龍，好彩都好快有位🥰牛腩墨魚丸河粉~唔知係咪因為多人關係，一叫嘢食5分鐘內已經上菜，真係啱晒平時趕時間返工嘅人😝質素都算係快靚正，河粉熱辣辣，牛腩汁湯底濃郁，陣陣嘅牛腩香氣令人未食已經好開胃，河粉通透，吸收晒牛腩汁精華，而且牛腩啖啖肉，半肥瘦帶點油脂，富油香，墨魚丸質感亦十分彈牙，粒粒墨魚粒夠爽脆，忍唔住想食多碗😝最後點少得一杯凍檸茶，酸酸甜甜的為整道午餐作結🤤

用家感受，不是打手！7️⃣5️⃣CP值，下午茶時段，3個人埋單$200免加一，每人平均$67，食物味道可以，坐得算舒服，會再去。7️⃣5️⃣位置，寶林地鐵站向去隔離商場，門口第一間舖，易搵。7️⃣5️⃣環境，光猛整齊，坐位濶落，坐得算舒服。6️⃣5️⃣招呼，正常。8️⃣0️⃣牛什粗$36，凍飲下午茶跟餐加$5，牛什淋及靚，粗麵軟硬剛好，正。7️⃣0️⃣魚蛋河$32，正常，無乜特別。凍飲跟餐加$5。7️⃣5️⃣牛腩河$36，正常。凍飲跟餐加$5。8️⃣0️⃣通菜$10，量多，好食7️⃣0️⃣脆骨皮$35，正常。8️⃣0️⃣酥炸雲吞$36，量少，好食。 辣椒油超正。

今朝去咗喺商場嘅樂園食鳳城水餃幼麵，上菜速度好快，鳳城水餃有三舊，餡料都豐富有鮮蝦木耳等等。加咗腩汁同多青，個湯底都濃郁，幼面質感正常，加埋腩汁湯就係經典嘅味道，都唔錯。

打開餐牌食物選擇蠻多的！金牌牛三寶加墨丸 加腩汁牛三寶有牛腩牛肚牛筋，全部燘得好冧得黎保持咬口，牛筋啖啖骨膠原；墨丸冧咗啲，唔夠彈。加埋腩汁，濃郁嘅味道！！崩沙牛腩加牛丸崩沙腩的肥瘦相間嘅層次感，牛丸爽彈又多汁，有驚喜！來多張近鏡嘅仲有仲有⋯每次食粉麵第一時間都要睇睇重點 — 辣椒油正唔正，夠辣勁夠惹味嘅辣椒油絕對可以將碗河粉升華到另一層次！！+2 凍奶茶 滿足大滿足！埋單134！正！服務態度非常好，加分！！！

琴晚收工之後去咗樂園魚蛋度買外賣，呢間鋪好就好在雖然10點停堂食但係外賣last order去到10:30，比較方便。叫咗鳳城水餃米粉加腩汁多青，水餃有四粒，入面餡料都豐富有蝦豬肉同埋雲耳，好食過佢啲雲吞好多，而米粉返到屋企都唔算會斷，都唔錯。

今日接完小朋友放學，見落大雨就入左商場避雨，見雨越落越大，就決定食埋LUNCH 先返屋企。 就去左己經進駐左新都城一排既樂園食返個香港地道粉麵。其實食親粉麵檔大多人都同我地一樣，根本上唔駛睇餐牌，因為一定有必食既心水，而我屋企小朋友心水就係牛肚河，但係因為佢地話今日好肚餓，所以今次我叫左牛肚河拼牛丸俾佢地食，而我自己就食牛雜河，加多碟魚皮咁就真係正喇。 落完ORTHER 拎得餐具黎，河粉就黎到喇，大大碗河粉加埋金錢肚同埋牛丸估唔到份量都幾足，數過下，有8塊金錢肚加2粒牛丸，小朋友SHARE 食。都食唔晒。牛肚好淋，一D都唔韌，牛丸彈牙，仲食到牛腩汁入邊既八角味，俾河粉索晒D汁，小朋友食到連汁都飲埋仲舉起手指贊。 而我自己既牛雜河同樣足料，牛肺、牛肚、牛膀、牛腸 樣樣齊，我就最鐘意食牛膀，一 碗粉就只有一件牛膀，夠晒軟糯入味，除左佢每樣都有3至4件，夠晒足料。 唔可以唔提就係佢地既炸魚皮，其實平時打邊爐都會同佢地買，但係真係唔知，原來堂食佢地都係一包咁俾我地喎，都幾好呀，食唔晒仲可以拎返屋企添呀。

晌我細個的記憶裡面，鍾意食牛雜的媽咪會經常帶我同細妹去觀塘裕民坊食牛雜粉，媽咪最鍾意叫腸肚河加支支裝可樂，分啲比我同細妹食，印象中那條牛雜巷有幾間店舖，店員叔叔一見有人經過就會問我地有位未呀？幾多位呀？那些叫聲已深深洛印在我的腦海當中，好可惜幾年前裕民坊要陸續遷拆，那條牛雜巷便消失了。 隨後發現賣牛雜粉的舖頭已經買少見少，好多好食的牛雜店也相繼結業。最近竟然比我晌商場裡面有賣牛雜粉的舖頭，而且價錢也不算太貴，我咁乖女緊係約埋媽咪回味當年情懷啦！ 媽咪點咗崩沙牛腩魚片粗麵加檸檬可樂，崩沙牛腩豐富膠質，爽軟不硬，口感豐富；魚片好有魚肉味，媽咪表示滿意！見咁耐無食牛雜粉，我叫咗碗好豐富的牛三寶墨丸河粉加檸檬可樂，牛三寶是牛腩，牛肚和牛根，三款牛的鹵水味都好入味，牛腩頗有牛香味，肉質也不算硬，牛肚爽脆有咬口，牛根滑嘟嘟，膠原質感重重的，好味！

今日朝早去咗樂園食雲吞河，環境都算舒服，原本有叫雲吞河加腩汁，不過黎嗰陣就漏咗，職員都有候補返，雲吞得四粒而且算細粒，雲吞咬落上半部個皮超厚，口感影響咗好多，而且都冇咩蝦味，算比較失望。而河粉亦都唔係好出色，有少少黏住。之後應該唔會再食雲吞河。

店鋪位置很近地鐵站，方便堂食及外賣。除咗粉麵，店鋪都有提供丸類可以買走。香滑牛筋河粉 $36金牌牛三寶河粉 $52呢個粉嘅湯底係腩汁湯底，味道都幾濃郁，河粉都唔係一夾就爛個種。金牌牛三寶就包括咗牛腩，牛肚及牛筋。崩沙牛腩肉質算軟，但瘦的部分較多容易黐牙。而牛筋嘅品質就比較參差，有啲腍到好似啫喱，但有啲就真係韌到唔想咬。另外都加咗墨魚丸 (雙拼+10)，墨魚丸質地彈牙，有墨魚嘅香味之餘，仲會咬到啲墨魚粒粒。

逛街新都城，想吃牛腩麵，朋友推介新開業的粉麵店，就在將軍澳貿業路8號新都城3期2樓210號舖樂園魚蛋專家。室內環境清潔衛生，座位寬敞，服務員效率迅速，很快粉麵送到。1. 金牌牛三寶 $52 加$10頂級墨魚丸牛腩肉質很淋滑，牛肉味極濃。牛肚炆得很淋，非常入味。牛筋夠淋滑，不用咀嚼已溶化。墨魚丸爽口彈牙，配上幼滑河粉浸在牛腩湯，真是美味極佳。2. 崩沙牛腩$52加$10鳳城水餃崩沙腩上有層膠膜，炆得很淋滑，肉質的口感非常豐富，牛味極濃，配上爽脆幼麵，美味無窮。特別一提，加上枱前惹味的辣椒油，更覺絕配。鳳城水餃，饀料豐富夠大隻，好食。3. 跟餐特價飲品 凍檸蜜$11 凍杏霜$8檸蜜酸甜適中，香濃杏霜，滋潤可口，餐後凍飲，消暑解渴。

同朋友仔係附近行完街餓餓地，經過見到呢間粉麵店好似幾抵食而且環境都唔錯就入左去啦😆餐廳環境都算闊落，比起平時粉麵店舖坐得舒服好多除左粉麵之外，原來仲有飯食架🤣食完唔夠喉仲可以買啲配料返屋企慢慢食都得我同朋友分別叫左（牛三寶配墨魚丸河粉）同埋（牛筋配墨魚丸河粉）牛三寶有牛肚、牛腩同埋牛筋，牛肚爽口唔韌，牛腩夠淋唔痴牙又夠牛味，好好味😋牛筋都係炆得夠哂淋，好似啫喱咁🤤佢個腩汁湯底都夠哂牛味呢到嘅墨魚丸係好新鮮同足料，真係食到墨魚粒粒同有墨魚嘅鮮味，真心唔錯再配埋杯凍華田，真係好滿足呀～～😚餐廳嘅店員姐姐好有禮貌，下次經過開我都會再幫襯！٩(˃̶͈̀௰˂̶͈́)و

小朋友去咗上堂我同老公就撐枱腳等佢落堂。下午茶時間超級多人，等左幾張枱先到我哋。牛肚魚蛋米粉牛肚煮得入味 唔會話太過林仲有少少爽口嘅感覺 魚蛋大大粒好彈牙有魚味 招牌魚蛋並非浪得虛名 分量大大碗 我就真係食唔晒 平時出去食魚蛋粉最驚唔夠飽 呢個男士都夠飽牛筋牛丸粗麵老公話牛筋炆得好林而且都好入味 牛丸好彈牙 有濃濃的牛肉味 食得出話唔會溝咗好多粉咁樣 真係牛肉整嘅牛丸我仲要左支豆漿 支裝豆漿唔係一杯杯嗰啲 豆漿豆味香濃 又唔會話太過甜依度仲有崩沙腩 同埋牛三寶選擇啱晒啲牛魔王黎食 下次想試吓佢個黃金脆墨魚卷同埋炸魚皮 今次真係太飽食唔落了

係寶琳同男朋友行街，經過見到好多人食同埋等緊外賣就一於試下，價錢平民化，雖然係大商場入面但一碗粉麵都只係36蚊，加餸另計，跟餐則凍熱飲都係加8蚊，我叫左魚皮餃牛肚粗麵多腩汁，份量合理，粗麵似係梘水麵，口感好爽彈，唔係一patpat咁，牛肚煮得好稔入口容易咬爛，加蔥令湯底加點清香，腩汁湯底味道濃郁，魚餃好大隻，吸啲湯再一啖食好正，男朋友叫左牛腩魚蛋撈粗，佢大讚魚蛋好彈牙，牛腩份量多而且好入味，唔洗加蠔油，淨係腩汁撈都夠曬味👍凍檸茶都幾好飲，師傅沖到甜度同茶味恰好，熱華田都好飲如果女士唔中意飲凍既話👍

有時候想吃得清淡一點或者想有湯伴的時候，就會想吃一碗湯粉麵。第一次來到魚蛋樂園，沒有點魚蛋，而點了牛筋和墨丸米線，而朋友則點了牛雜河。墨丸十分爽口彈牙，而這裡的牛筋咬下去是真的有種粗筋的感覺，中間有少許嚼頭，外圍是微軟的膠質感，不錯。湯底清清的也是我想要的。唯一美中不足的是，也許他們有一點趕，米線生熟程度不一，有一些米線的中心不太夠熟，硬了一點點，但整體來說還可以。朋友的河粉則沒多大問題，配料他也是十分滿意，而河粉他也說若多煮一會兒會更好。原本還想試試他們的牛丸和牛腩，留待下次吧😆反正這裡要過來也方便，也很近地鐵站，總有機會會再吃。

今晚要針炙，每次針炙都起碼花上2小時以上，所以還是吃嗰早飯，免得餓到肚扁……趁還是下午茶時段，吃碗粉麵就剛剛好，唔會太飽，又唔會餓親。店子環境光猛，乾淨企理，地方寬敞。門口放了兩個巨型雀籠，而店內的吊燈都似雀籠形狀，感覺挺優雅。座位分左右兩邊，約共有十多張枱，通道闊落，整整齊齊。細閱餐單，主打粉麵，亦有幾款飯類、酥炸小食、飲品和一些火鍋配料。我們今晚就點了一碗雙拼麵、一碗油菜和一杯飲品。********************先來一碟腐乳通菜（+$10）。通菜色澤翠綠，莖部爽口，菜葉幼嫩，伴上鹹香惹味的腐乳，兩者一向是最佳拍檔，如果俾多些腐乳就更好。********************接着一大碗牛筋水餃雙拼米 ($36+$10)就熱辣辣上枱。米粉份量十足，煮得剛好，有咬口，但索湯力不強，故喜歡舀一羹腩汁放上米粉，大大啖吃，最滋味！約有五件牛筋，每件都大大件，夾雜少許肥膏，腍滑中帶爽，富有膠質，味道香濃，正!　兩隻鳳城水餃雖比平時吃的細小，但饀料十足。薄滑的外皮包着爽口彈牙的蝦肉、爽脆的木耳絲，混入鮮肉碎，並沒有肥膏，味道鮮香。****************************