樂雅軒中菜廳

營業中

休息中

今日同家人黎試下個 "龍蝦花膠海皇宴" , 見到宣傳覺得幾抵食 , 同埋酒水任飲係另一吸引之處 😂😂地點好方便 , 好近油麻地地鐵站 , 食店環境乾淨舒服 , 店員有禮平日夜晚黎食 , 成晚得 6 台客 ... 🤔🤔樂雅軒三小碟 - 好大份 ! 可惜只有陳醋雲耳好食 ... 肴肉同青瓜味道怪怪地海皇冬瓜盅 - 冬瓜盅好味 ! 個湯夠味得黎又清清地湯足料 , 有夜香花呀 ! 湯料都好好味 , 肉夠滑同腍  ! 😁😁金蒜銀絲開邊蒸龍蝦 - 龍蝦大隻 , 多肉 , 不過略嫌鮮味不足同 d 肉好散 , 一夾分開左幾舊百花釀三層乳豬 - 呢個配撘幾吸引 , 味道正常枱面食物食完後 , 唔知點解碟潮式蒸蝴蝶魚等左 20 分鍾以上先上菜 ... 一食 ... 條魚唔熟 ... 😞😞😞 等左咁耐 , 蝶魚呢種咁薄身 ge 魚都蒸唔熟 ... 😪😪😪😪😪 好失望鮑螺雞粒炆飯 - 雖然係炆飯 ... 但實在濕得過份 ... 味道係無問題 , 但太濕真係唔想食 ...冰花桃膠燉雪耳 - 好足料 , 好潤喉 , 可惜桃膠清洗得唔夠乾淨 , 明顯見到有黑色雜質痴住 d 桃膠酒水方面 , 試左白酒 , 偏酸 ..

今次公司老闆請食飯，唔洗自己比老闆話有Promotion ，海鮮餐每位約$300咋喎是日菜單：白灼海生蝦豉椒炒大蜆老火靚湯花雕蛋白蒸肉蟹清蒸沙巴龍躉斑魚湯浸時蔬瑤柱蛋白炒飯精選甜品野飲任飲新鮮彈牙炒蜆，好多殼同肉都分離左幾惹味蒸魚魚鰭識企起，佢應該好新鮮曾經識游水食到呢碟已經飽飽地，冇掂過時蔬糖水係紅豆沙，有陳皮有蓮子，幾足料酒店服務真係唔錯，雖然唔係五星級大酒店，但係服務周到。食海鮮會好多殻，差唔多每食一道菜就幫我地換一次碟。又有每人一碗檸水洗手，餐巾濕紙巾比左幾次。係上菜慢左少少（我地心急想快啲食飽番歸），一餐飯食左個半鐘左右。都算合理，不過香港人係心急啲味道絕對比稻X富X之類既連鎖店好味，服務一流真心推介

自從好友響2月食過呢度嘅中菜套餐後, 知道五月又有鮑魚套餐, 所以想約腳出嚟嘆, 我順理成章就訂枱出嚟一齊嘆鮑魚 ,我推介其中菜式，當中包括XO醬香芋焗北海道元貝、蠔皇六頭鮑魚扣鵝掌及 冷盤四小碟，包括有： 麻辣木耳 一口和牛 素鵝 海蜇 ,加埋竹笙功夫湯等共9款菜式 ,一邊品嚐佳餚一邊飲白酒不亦樂乎!

城景國際中菜，去酒店飲茶，淨係氣派都無得輸不過當然期望都會高啲，氣氛裝修算係不過不失，服務就無想像中咁好，普通茶樓招待餐牌主打貴氣點心同埋商務午餐，去得酒店飲茶都預左唔會平，只希望食物值返個價一於試下佢推介既點心加隻雞金箔水晶蝦餃皇，個名就勁喇，賣相贏晒啦食落，金箔當然都係為個賣相啦只係，蝦絶對足料而新鮮彈牙而味道亦幾好，略嫌皮比較厚榆耳帶子鳳眼餃，味道好味既，加左少少翠玉瓜令口感多元化左但帶子唔多，所以個味基本上同蝦餃係一樣，但都係色味俱全既鮮枝竹牛肉球，香，肉質腍但唔會梅而值得勞蘇食推介既係 —— 龍蝦湯鮮竹卷賣相夠派，鮮竹卷煎得脆而不油，䐄料足而味道好亮點當然在於龍蝦湯，味道香濃而唔會好似汁咁咸，掛上鮮竹卷非常合適，畫龍點睛最後試左半隻菜膽雞，上等鮮雞，上湯煮較清，雞味濃，肉夠嫩有親戚食落就話太腥雞味，因為唔係薑葱煮，就要小心自己口味啱唔啱喇成餐飯當然係幾好味既，但睇埋價錢，就普通啦，用料可以，味道中規中矩，有好食有唔好食啦#有得叫佢俾個玻璃底座熱住啲茶#午市唔太爆

今晚约咗一班朋友出嚟聚會,價錢都係$368包红/白啤酒汽水任飲。我推介有黄金蝦球(咸蛋黄唔算太多唔槳口感覺冇咁邪惡)桂花吊燒雞,有甜味既燒雞我都係第一次食,感覺幾清新,煎堆仔咸咸地幾好食,唔知厨師係咪用咗牛油搓個皮呢?最後都多謝餐廳送出蟠壽桃俾我一位生日朋友(原先呢個餐係冇得送架)

新年咁高興，同朋友一早預訂左呢間係油麻地3星酒店的中菜廳飲茶，, 酒店外牆比較舊，但一入到酒店，已見到lobby餐廳，很新淨，應該是最近番新過的。見到清晰指示到2樓中菜廳，雖然樓底不高, 內部呈長形無柱, 感覺算是寜靜舒服.   我地點左幾個點心, 春卷, 炸雲吞, 蝦米腸粉, 帶子燒賣, 金泊蝦餃, 紅菜頭餃, 蝦腸粉, 叉燒包, 點心質素還可, 比較好係蝦腸粉, 蝦係爽口好味, 紅菜頭餃幾好, 配新菜頭甜甜地, 幾特別. 另外, 叫左番茄湯斑塊烏冬 同鮑汁雞粒燴飯, 番茄湯烏冬有濃郁的番茄甜味, 不錯. 鮑汁燴飯就太濕, 若果乾身D 會更好. 每人要接近$200, 是比較貴, 或者係因為新年加左價啦, 平日食的話就唔值$200一個人啦.

中午吃點心+小菜+炒飯, 難明為何全餐廳滿座，至少我不會再來。有一半食物我會形容為唔好食，叧一半我會話僅僅 OK，沒有一樣是我會説好吃的。很同意另一篇食評：這餐廳完全沒有”心”。不好吃的食物: 腸粉不熱，煎堆超油，南乳脆雞不脆及要追十次才給南乳醬，馬拉糕不香，瑤柱蛋白炒飯很油亦有’硬’米 (炒得唔勻)。普普通通的食物: 燒賣，薑汁千層糕，牛肉餃，春卷，等等。服務平平，不過不失。五流食物收一流餐廳價錢，太貴，完全不值。

有朋友想约一班密友食飯聚會,問我大隻仔有乜好介绍?我話不説二就提議去城景中菜廳,每位$328加一酒水任飲,個套餐仲唔錯,有龍蝦有鲍鱼,環境夠静,结果一班人舉手去朝聖!無獨有偶小弟上星期就约咗兩批朋友食咗呢個套餐兩日,(星期五、日)冇嚟咁耐食物水準依然唔錯,個個朋友都讚好👍先嚟冷盤：醋雲耳 海節(爽口) 洋葱炒一口牛(牛肉好惹味)羊肚菌竹笙功夫湯夠火喉,X0酱露筍炒班片,露筍食落嫩口冇渣,炸子雞肉質嫩滑冇肥膏,龍蝦炒麵配X0酱一流!最後加埋個桃膠糖水就為呢個食到飽飽既晚餐畫上完美句號。

朋友生日，在網上找到樂雅軒這間酒樓，看圖片介紹得不錯，就黎試下。 先說酒樓環境清幽雅潔。枱與枱保持距離，保留私人空間。我們原意是散叫的，經侍應介紹一個套餐「樂雅軒四小碟」說是本月推介，有選擇困難症的我們就隨意挑了這個每位$360的套餐。頭盤是有四款小食，包括蛋黃圓趾蟹，蔥油海蜇花，黃金豆腐粒，鎮江肴肉。幾醒胃。跟住來道美國和牛，就有啲失望。因為啲牛肉有啲奀。再來螺頭功夫湯，幾有特色但就咸左啲。班球，一般般，菊花瓦罉雞好好味呀。再後來上的包汁荷葉飯已經飽到食唔落，試咗一更味道唔錯嘅。打包拎左返屋企。個甜品係冰花雪耳燉桃膠，好清甜。

手工菜.十全盛宴 $5888: 在樂雅軒中菜廳, 就能吃到手工菜.十全盛宴, 每席$5888, 供12位用.寶盒冷頭盤: 先來的寶盒冷頭盤, 包括有鎮江肴肉, 冰鎮鮑魚雙式熱頭盤: 8.5分, 至於雙式熱頭盤, 分別有金不換芝士焗釀蟹蓋, 以及芝士三層乳豬. 金不換芝士焗釀蟹蓋, 用料足, 除了鮮甜的蟹肉之外, 還加入了蝦肉, 甘荀, 以及洋蔥等等, 焗得芝士味道相當香濃, 吃的時候, 跟上金不換, 又會帶來不一樣的感覺. 至於芝士三層乳豬, 層次分明, 香脆的乳豬皮, 釀入彈牙的蝦膠, 再跟上多士, 芝士, 以及青瓜, 正好中和了乳豬的油膩感.招牌螺頭花膠功夫湯: 9分, 說到樂雅軒的招牌, 還數招牌螺頭花膠功夫湯, 用原壺上, 自能夠保持湯品的熱度. 倒在茶杯上慢慢品嚐, 湯頭的味道很清潤, 鮮味十足, 畢竟下了不少螺頭, 以及花膠, 女孩子應該要搶著來吃呢.金盞獅城蝦球 / 錦繡石榴果: 接下來還有不少主菜, 主食, 及甜品, 如金盞獅城蝦球, 以及錦繡石榴果皆是精彩的手工菜, 暫不一一細贅了.

今日陪媽媽和阿姨去旅行社報名。其中一間我們在旺角油麻地一帶慣常飲茶之選便是樂雅軒。就算週末即日訂座或walk-in都會有位。而且很多時會有折扣，今日點心小菜都有九折。我先行一步開茶，順便先點個小食，他們到了再叫點心。* 干邑皮蛋紫薑 *賣相較遜色，皮蛋切得很散。紫薑味道不錯。* 西班牙黑毛豬叉燒 *這個賣相與味道不成正比。雖然看似很醜，但吃起來有驚喜。肉質焾，入味，有肉汁。我稍為擺一下，其實也可以很美。* 露荀蝦餃皇 *味道不錯。* 蜜汁叉燒包 *包與餡比例恰好。* 牛肉滑腸粉 *皮薄滑，多餡。* 棗皇糕 ** 薑汁千層糕 *棗皇糕質地較削。薑汁糕質地挺些而且薑味很足。

留意咗佢定期推出嘅套餐，好想試睇網頁圖片同材料配搭都好有新意，色香味具全。終於等Honey生日，一行六人有老有幼滿心歡喜去開餐你睇菜單幾正但由第一味三小碟開始就有啲唔妥。預咗每人三小碟上菜，原來係六人份量擺埋一堆隨後幾碟碟主菜，都失敗。同樣唔夠熱，啲蝦竟然無去蝦腸，嘔心其他菜式一般，還可以接受最後都令人失望，籠仔 糯米飯無籠仔。味道如樓下酒樓。雖然唔係高級酒店，但都唔可以做到咁掛整個套餐最抵係紅白酒，果汁任飲。如果你唔好任飲嘅，咁就一定咁洗試啦。仲有，唔好對酒店服務或地方有期望喎。樓底矮，好彩唔多人，傾計還可以，但舒適度唔夠。

看著套餐的吸引價錢, 又包括無限餐飲, 有啤酒,白酒和红酒, 呵呵, 真的已把我這個酒鬼引進去.... 當然, 我是一個有纪律的人, 所以只能在翌日放假時才去酩酊一番, 放縱一下, 開懐大吃大喝吧! 冷盤4小碟, 先把味蕾打開, 醒一下味覺呢! 冰鎮鲍魚夠彈口, 涼拌海蜇和蒜片牛柳粒, 是非常好的佐酒小菜!不能不赞的是糖醋小排骨和香芒崧子方利, 前者甜酸洽到好處, 甜甜多汁的香芒是迎接夏天的開胃生果, 太捧了吧!你或會疑問, 什麽是方利? 乜東東呢? 它原來是魚中極品呢,含有豐富的膠質, 香滑且有彈力

百味滋養全饗宴套餐$298位紅酒白酒汽水任飲，環境優雅清靜，座位寬敞舒適，只要四位起可訂，今晚與朋友聚會，剛好四人book枱飲酒暢談品嚐饗宴，份量好夠，值得再來冰鎮鮑魚蒜片牛柳粒糖醋小排骨好好味涼拌海蜇百花焗釀三層乳豬好突別海底椰燉花膠功夫湯好滋潤香芒崧子方利尚可七味火焰雞🐥好滑好香菇翡翠苗十分ok海皇霹靂泡飯水準不佳珊瑚草冰糖燉雪梨一般紅酒白酒汽水任飲這個套餐不太貴，總體食物質量都不錯，環境舒適，不像一般酒樓嘈雜，三五知己聚埋傾計食飯相當唔錯。

踏入狗年 , 筆者祝賀各位 身體健康 , 心想事成 , 萬事勝意 , 財運亨通 , 狗年旺旺 ~今年筆者所吃到的中式賀年糕點 , 多不勝數 , 傳統糕點的味道變化不多 , 所以不欲多談 .... 今次就講一講 , 這個比較有特色的糕點 , 就是 城景國際 的 樂雅軒中菜廳 的出品 , 百香果芒果十勝紅豆糕 ~百香果芒果十勝紅豆糕 : 成份是百香果、芒果茸、十勝紅豆、糖、魚膠、水 ; 真空包裝，也是沒有添加任何化學劑，只要把糕盒蓋打開便能聞到一陣百香果的果香 ~製作成三層，無論分層吃或合層吃都是各具美味，底層十勝紅豆糕是造出有日本紅豆茸的味道，入囗綿滑亦有少許紅豆肉的咬囗，不會像中式的紅豆有沙沙的囗感 ~甜度不重，反而夾入中上層非常有果味的芒果及百香果糕時，這紅豆糕並不算甜，果味會充斥口腔，而咀嚼到百香果核時發出噼里啪啪響，更似有 " 爆竹一聲除舊歲 " 的意境 ~本篇完 ~