樂面牛屋 (已結業)

在銅鑼灣，希雲街一帶食品多樣性，又合乎學生、街坊、同事來一試的臺灣餐館，紅燒牛肉麵、炸雞翼、甜不辣、手工餃子都有水準。店舖裝飾有很多像是老闆釣魚的相片。試了兩種雞翼，炸雞翼用了一種非常香口的鹽味，說不出的好味道！套餐的老爸滷雞翼味道是夠滷味。牛肉稍為不夠林。麵的份量稍為少，味道是好味彈牙。臺灣菜在香港一直未見火紅，當然是土地問題！香港物價高昂令臺灣大眾美食未可天天品嘗。但沒有很多假期的時候，來這餐館也可以說稍為止渴。如果貴店能夠搞個宵夜放題，晚上變成迷你夜市大牌檔，我覺得親臺份子會更高興。

喜歡店舖的裝潢, 簡簡單單卻有特色。本想試其招牌紅燒牛肉麵, 經店員的溫馨提示, 湯底的辣度非外間的紅燒般微辣, 如不能吃辣, 建議點清湯。本身不是太能吃辣, 為免吃不了而做成浪費, 還是選了清湯。招牌清燉牛肉麵 $70湯底頗為清淡, 只滲出淡淡藥材味, 翻起麵條, 發現湯底沈澱著精華, 攪拌後始覺味道稍濃。湯份量不多, 剛好讓我食完碗麵, 一滴不剩, 喝完不覺口渴。牛牛味濃郁, 質感扎實, 甚有咬口。麵條質感實淨, 看似細細一碗, 實質可以很飽腹。唯麵條本身不掛湯, 味道單調。

希雲街附近一向都有很多美食，但唯獨依間比較不顯眼，所以今天決定專程去試一試~這間餐廳是吃台灣菜的，食物選擇都很多！豆乳鹹酥雞肉燥飯 $62這款比較少見，炸皮有豆乳的味道，而且一點也不油膩不過雞肉不嫩滑有點鞋口肉燥飯味道剛剛好，不會太濃味還包括了一碟小前菜，有小黃瓜、芽菜、雲耳但三款的調味都比較淡涼拌小黃瓜 $28另外加了一碟小黃瓜，味道更重了，還有一點點辣冰鎮桂花冬瓜茶 $26 很清甜，桂花的香味也很突出！

今天路過銅鑼灣，打算找一間之前未試過既餐廳去食個午飯，行到希雲街發現了一間裝橫很特別的餐廳，餐牌也沒留意就進去了。店內擺放着舊式台灣的擺設，看着餐牌隨意就選了一個豆乳鹹酥雞肉燥飯，一份涼拌小黃瓜和一杯冰鎮桂花冬瓜茶。豆乳鹹酥雞肉燥飯 $62每一件雞肉都被薄薄炸粉包裹著，雞肉不算嫩口，雞肉細細件一口一粒，肉裏還散發著啖啖特別豆乳味，味道和坊間鹹酥雞截然不同。而且跟餐還附送小食一小碟。肉燥飯亦有著特別的藥材味，十分特別。涼拌小黃瓜 $28這碟小黃瓜份量很多，不加太多醃料，只加入小量辣椒和蒜頭，味道不濃但每一塊都十分可口。冰鎮桂花冬瓜茶 $26這杯冬瓜茶真的不得不讚，這頓飯最重要的點綴就是這杯飲料，散發著幽香桂花味，突出了冬瓜茶的美味，冬瓜的清甜和桂花的清香，真的不能不試。

係銅鑼灣唔知食乜好，見到呢間好多人食，差不多滿座，就入去試下啦。落單方式幾環保，呢個我欣賞佢。係用過左膠嘅餐牌，然後用 marker寫你要食乜，可以抹乾淨循環再用。候餐時間不會太耐招牌紅燒牛肉麵，聞到勁苦，係廿四味涼茶味湯底，個人接受唔倒咁難食！差不多成碗冇食過。個湯有少少辣，如果唔食得辣可以走辣油，我就叫左少辣油。涼拌麻辣豬耳，一啲都唔辣，（本人平時食米線要叫清湯，個豬耳係脆嘅，口感都幾好，有少少辣油係面，不過真係一啲都唔辣，反而係似伴碟嘅青瓜幾好食。滷水拼盤，味道普通過普通，但好細碟。

同事提議今日叫呢間，因為有台式嘢飲，於是，大伙兒一齊買，飯量剛剛好，d餸亦頗入味，只係杯嘢飲叫咗少甜仍然好甜吓，(同事的嘢飲少甜亦都好甜吓), 但縂體上唔算差, 可以再叫。

店舖不大 但係座位舒適 適合小型聚會我同男朋友一齊叫左個2人晚飯套餐 好快就開始上菜三色前菜有蒜一齊煮既青瓜、牙菜同木耳 有口感得黎又fresh 😋酥炸花枝丸炸到岩岩好 又唔會太多炸粉 有椒鹽調味👍🏻台灣香腸都煮到岩岩好 好味又香清燉牛肉麵既湯都香甜 唔會太濃 但係牛𦟌就有點乏味香炸排骨肉燥飯 飯就硬軟硬適 香炸排骨係另外上既 雖然炸得好鬆化 但係食落去會有點粉味 味道較淡 珍珠奶綠沒有奶味水蜜桃紅茶有少許太甜總括而言 可以試一試

牛屋外貎富有台灣式的懷舊，覺得似小木屋，又貎似鐵皮小店，內部的牆上掛畫都是舊式小學生的課本內容。透過一格挌的窗口由內向外望繁忙的街道，有種怡然自得的感覺，心情都好起來。三色前菜，分別有拍青瓜和芽菜：都無特別調味，少少鹹味，是清淡冷菜。醬牛肉，亦無太濃的鹹味。招牌清燉牛肉麵，因用的是上海中度粗麵，需等8-10 分鐘方能煮熟。埋單時員工說下次可選上海扁麵試吓。清燉當然先試湯，湯是天然清甜，應無味精，飲咗大半碗湯成3-4小時都唔多覺很口渴。牛𦟌肉有3大塊，每塊約大半個手掌大，燉牛𦟌沒有多餘配料，原汁原味，但又完全無騷味。牛𦟌雖有些𡁻口，但並不難咬開，且越食越有牛肉味，問咗原來是選用美國牛𦟌的。午市送飲料：珍珠奶綠，珍珠ok，奶味唔濃，叫了少甜少冰，意外地反而帶出微微甘澀的綠茶味，比一般珍珠奶茶好喝呢！總括來說，吃慣太濃味的人是會覺得淡味，未必喜歡吃的。

寫評論之前，有點驚訝原來有10分多劣平，老實說我只是吃了一碗麵以及飲品，不能代表我的好評是要平反其他的食物味道及水準，下次有機會會再嘗試其他食物。學完車，要趕下一場，中間有少少時間，隨便走進一間餐廳吧，剛好經過，一個人不難找位置，於是便入去坐下也涼下冷氣。因為趕時間，要了個紅燒牛肉麵，以及冰鎮桂花冬瓜茶，便急促地下單了。在等食物的期間，周圍東看西看，看見了這個自製指天椒醬。食面的時候我加了一點點，這個蒜香味10分重，指天椒的辣味也10分突出，我覺得配合得10分相宜，為我的面加了不少分。湯頭夠濃，面夠煙銀，牛肉入口口感適中，不會太老也不會一口都是根。自製辣椒醤是一個很重要的環節，如果可以吃辣的話，請記得一定一定一定要加入嘗試一下，但是只加一點點就好了。（重要的事要講三次）因為天氣太熱，脾氣有一點點煩躁，叫了桂花冬瓜茶希望讓自己消暑降溫。味道是不錯的。我見到很多人的評論都說價錢偏貴，但其實我在外面吃到的台灣牛肉麵，也是大約這個價錢，所以我不是很明白或者我不是很懂得去比較，如何叫做比較相宜。也或許其他的食物真的很差吧？但我今次吃的這個牛肉麵，我就10分喜歡，把他的湯頭都喝光了，整碗吃光光的。

公司附近嘅嘢食雖然唔少，但係同事來來去去揀嘅餐廳都係果幾間，唔知咁多位辦公室打工仔係唔係都有呢個情況呢？上一次喺呢間餐廳有一個唔係太好嘅experience, 但everyone deserves a second chance🤷🏻‍♀️所以我也抱着戰戰兢兢嘅心情，嚟到呢間餐廳同同事食晏。我哋叫咗魷魚鬚，估唔到佢可以一雪前恥，真心係唔錯喎。外層炸得金黃酥脆，而且炸粉漿唔會太厚，裡面又煙韌彈牙。滷肉飯都OK ,最緊要係醬汁唔會太過鹹，味道剛剛好，配埋酸蘿蔔，食完都無咁膩。

今日lunch Time ,同事有帶我去食新野。銅鑼灣嘅樂麵牛屋之前都已經聽過佢個大名，但今次第一次食。就係咁，我就中咗伏。呢度嘅牛肉麵嘅湯底太過鹹，食第一啖已經覺得好想飲水，而且仲係好重味精味。牛展嘅味道不過不失，但係口感就真係太硬。麵條烹調得太淋，我相信呢個唔會係台灣風味，只係一時失準。我同同事仲叫咗1份豆乳鹽酥雞share, 份量都幾多下，但係個炸漿超厚，而且又係硬崩崩。雞肉一啲都唔juicy🤨I’m so disappointed

充滿台式風味既一間店舖🇹🇼入面既裝修同擺設都整得好靚😳-嗌咗個肉燥乾麵同鹽酥雞肉燥飯👻 兩個既感覺都偏乾 唔夠多汁 食多幾啖會有d dry😕 但味道唔錯👍🏻👍🏻-而小食嗌咗炸雞翼同香腸仲有滷蛋👀👀 味道都唔錯 明明好似嗌咗好小野但上到黎勁多！ 最後竟然食唔曬😳😳 食量細既女仔可以嗌小d啦🌝-

放假同男朋友黎左食晚餐，黎到八點幾都唔洗等位 但當時都滿座。坐位方面會有小小窄但還可接受。呢到晚餐有單點有套餐 套餐會比較抵 有前菜有野飲👍🏻👍🏻首先叫左個皮蛋豆腐

西營盤嘅請坐同阿元食到悶悶地，試吓呢間台灣嘢。叫咗一個滷肉飯同埋鹽酥雞，兩樣都唔錯。滷肉飯唔會太油，肉嘅份量剛剛好，最重要係有隻滷蛋碟雞香口唔肥膩，又唔會太老太韌。下次再黎試吓牛肉麵！

星期日打完波一人帶著兩個孩子 (7-11歲) 在銅鑼灣，有位便不挑剔，即管試吓。食物普通，不是讓人 “嘩” 一聲的。紅燒牛肉麵湯底偏淡，牛肉 ok 但集團式的茶木會比它好。珍珠奶茶數埋唔夠3茶匙珍珠、奶茶有甜味冇茶味。餐牌上有一小食名為 「豆乳鹹酥雞」，我問男店員是否跟「鹽酥雞」類似，他很錯愕的樣子回答我「咪寫住鹽酥雞囉」！兒子的肉燥飯先到，我著他讓一讓給姨姨放下食物，那看似最少45歲的女店員黑著面說「叫我姐姐呀，我未結婚架！」吓，我唔想教壞細路喎，唔通教孩子叫「自梳女」姐姐？食物一般、服務又差，1大2細都食 $280 (多過 min spending $35 per head 啦) ，又要限45分鐘用餐，冇。下。次。