樂面牛屋 (已結業)

本身約了朋友食夜晚，後來卻改了食中午，朋友選了樂麵牛屋嘅手工水餃麵。食落完全沒有味精，味道十分不錯！那星期剛好感冒😷咳得死去活來的，食了這個麵暖暖喉嚨後，有點潤喉，感冒都慢慢好了。呢個麵嘅湯底好潤喉，餃子是高麗菜餃子，不過餃子皮就略厚。麵條都略粗，但好有咬口，而且十分彈牙。呢個就係我朋友食嘅另外一個餐，我試了少少肉燥飯，十分不錯👍🏻呢個價錢有啲小食，仲有飯同送加一杯野飲，都幾好。呢張就係我們賣單時嘅單，價錢合理。

話說曾經過呢間餐廳，一直Bookmark了⋯ 直到今日揾銅鑼灣餐廳，入返去睇評語一面倒都係負評。我的冒險精神推動我即管一試。餐廳無餐點，叫完主食再點台式飲品，杯野飲就有8折優惠。咁岩天氣好熱，想食下冷麵，所以我叫左一份雞絲麻醬乾麵。點知⋯ 我都係第一次試過係餐廳食熱的麻醬拌麵。青瓜絲、蘿蔔絲、雞絲、麻醬，呢個配搭真係諗唔到會撈入熱辣辣的麵條。加上麵條無特別用上凍水過冷河，所以會有少少痴埋一堆的口感。我平時好鍾意食麻醬撈麵都食唔曬。男人就叫左一份招牌紅燒牛肉麵。麵條用上粗麵，口感爽口彈牙。牛肉的口感淰身入口，不過D湯雖然幾深色，但味道唔算濃，亦只有淡淡的辣味。我真係好鍾意食糯米飯，意外發現餐廳有大腸包小腸，即叫一份食。小腸都算幾香口，不過大腸的糯米就少了煙韌，米粒有少少乾身。職員有貼心地問我們刨冰要之後定宜家上。每份刨冰都好豐富，芋頭煮得夠淰身，芋丸都好有咬口。不過D冰可能係提早刨好雪好再放入雪櫃，本身刨冰應該係鬆散，熱得濟就會溶⋯ 但D冰上枱時係好似一座冰山咁，要自己「劈」開，無D時間都食唔完碗冰。在於性價比的關係，唔覺得值得試，完。==========================

其實留意左呢間餐廳一段時間㗎啦，每次經過都覺得依間餐廳嘅門面幾吸引，細細間嘅裝修又有台式感覺，所以一直都想來試。今日一於同朋友嚟食晚飯，我叫咗滷肉飯鹽酥雞，朋友叫咗紅燒牛肉麵。朋友覺得個麵好一般，主要係麵質太硬了，而湯底都麻麻哋。我嘅滷肉飯呢，份量稍嫌細咗啲，鹽酥雞嘅粉太厚，影響咗個口感。總括來講，環境係好嘅，睇得出裝修好有心思，牆上嘅裝飾好有懷舊台灣嘅感覺，但係食物質素就一般啦，都未必會食多一次啦。

食台灣野清燉牛肉麵當然係招牌之一，午市$79 連飲品街仔小店黎講唔算平，點知係完全唔得！牛展得三塊唔厚的，又嚡又無味，一條菜一舊蘿蔔都冇，個湯又淡，如果大家樂出品都應該好過佢。Ordered their beef noodles and it was one of the worst I have had. There were only three pieces of beef shank, which were tough and tasteless, like frozen meat quality. There were no vegetables, no radish or anything else, and the soup base was bland. Definitely not coming back given so many other options in CWB.

響香港食台灣野既地方都唔小，岩岩有個朋友生日，而呢位朋友都好喜歡台灣既食物，甘我就搵左呢間響銅鑼灣既樂面牛屋試試，星期二晚唔駛等位即入，睇睇個menu先甘台灣野既招牌菜一定係牛肉麵，兩大主打招牌紅燒牛肉麵及招牌清燉牛肉麵兩個麵都係用正宗既台灣粗麵，但份量比較小，而牛𦟌都不夠林，兩個麵會推薦辣既紅燒牛肉麵多一點，小食方面點左炸菇食既感覺係炸粉同菇 響口入分開，即係食炸粉同食冇炸既菇，好奇怪，仲嗌左個冇味道既豬耳都係唔太推薦，食完之後我同朋友都覺得每樣食物既份量都係偏小，唔夠飽，決定再叫多個炸鹽蘇雞呢碟炸雞幾有驚喜，炸得好香，食落唔會好似炸菇甘炸粉同雞分開，雞既調味咸度做到岩岩好，整體黎講價錢偏高及份量小，推薦既食物係紅燒牛肉麵及炸鹽蘇雞

冇諗過可以咁差!!!原本叫紅燒牛肉湯飯，但佢落錯單嚟咗個清燉牛肉湯飯，都算，但真係難食，個湯純粹得個鹹字，牛肉又老又韌，咁樣收人$70好唔好意思?豆乳鹹酥雞肉燥飯，鹹酥雞雖然唔熱但都尚算好食，個肉燥飯勁多肥豬肉，揀曬啲肥豬肉出嚟之後都冇咩肉食....見到牆上貼咗台式香腸拼盤幅圖，望落好似幾好，於是叫咗碟$17台式香腸，點知係我最錯嘅決定！首先同幅圖已經好大出入，份量咁少而且食落油淋淋超級肥膩，懷疑全部都係用肥肉製造，根本唔係平時食開嘅台灣腸！！！

睇招牌，牛肉麵應該係招牌菜，偏偏牛肉麵卻不出色。首先牛肉真太老，睇樣已知，切完片再煲？觀感已經唔好，肉質又老又「銀」，而且欠缺味道，麵是粗面，麵質是ok 的，但對湯底真是沒什麼印象。反而朋友點的豆乳鹹酥雞肉燥飯的鹹酥雞幾好，外皮酥脆，裡面的雞肉仍是嫰嫰的，雖然真的不知道豆乳之所在及作用，而且叫一個飯就像一個定食，有小菜配，價錢又比牛肉麵低。抵食好多。我們另外叫了台式飲品，朋友的桂圓紅棗茶甜得她不斷加水也喝不下去 🤷🏻‍♀️ 我的茉香綠茶加了珍珠也是甜的，喝第一口也是甜的，所以應該除了珍珠，也放了糖。 將來叫台式飲品還是必須問一下甜度。餐廳坐位就是港式的迫，我肩膀不寬，但也需要縮起來直到離開。

去銅鑼灣行完街，係禮頓道呢條食街食晚餐！行完成條食街後，最對胃口的係呢間台灣食店樂面牛屋，主要係想食佢的牛肉麵🤤晚飯時間座滿哂人，我同老公大約等左20分鐘左右，終於有位！店員好細心話我知，因為我懷孕中，如果要點牛肉麵的話，建議點紅燒牛肉麵，因為清燉牛肉麵原來加左藥材煲個湯底，所以我地就點左紅燒牛肉麵試試！可能太有期待，湯雖然色澤深，但味道偏淡，我懷疑是否忘了加鹽！另外牛肉冇咩牛肉味，相比茶x的牛肉麵，的確稍遜一籌！老公點的是雞絲麻醬乾麵，反而覺得呢個有驚喜！另外點的小食高麗菜豬肉水餃都好好食，皮唔會太厚而且有肉汁，點醋食係絕配！

係隔嚟食完冰 partner話肚餓先食正餐嗌左個雞絲撈麵同炸雞排飯雞絲撈略厭有點乾 醬唔多但係咁嘅情況下仍然食到啲麻醬有濃郁嘅花生味另外雞排飯冇諗過係配滷肉飯 有驚喜 因為個飯好夠油香味 而雞炸得外脆內軟 鎖到個肉汁甘梅薯條亦做得比坊間台灣餐廳好 不過都係粉唔夠

去開中央圖書館附近，大部分較平價嘅餐廳都大排長龍，係樂面牛屋有位就入去。餐廳雖然細，但都幾乾淨企理，算坐得舒服。我叫咗鹹酥雞肉燥飯，朋友叫咗高麗菜水餃湯麵。朋友個麵5分鐘左右就到，我離好遠都聞到好香，佢話個湯清清地但好好味。而我個鹹酥雞肉燥飯可能因為即炸，所以要等耐少少。不過等待係值得的，因為上菜時啲雞真係熱辣辣，外脆內嫩仲充滿肉汁。令我有少少失望嘅係個肉燥飯同小菜，個飯硬到一嚿嚿又唔夠肉燥汁整返鬆啲飯（啲肉燥嘅份量係幾個月前食過嘅三分一…）。另外，上次食嘅時候個小菜有牛，好好味，但今次變咗雲耳，無乜味。每個餐都可以配一個特飲，我哋分別叫咗冰鎮桂花冬瓜茶同熱金桔檸檬。個飲品都幾好味，唔會太甜，好香桂花味。大概$70一個餐都算不過不失啦，希望下次店員唔好催人走啦（明白外面有幾個人等緊，同埋店員都係有禮貌嘅），但我哋都只係食咗廿分鐘左右，嘢都未飲完呀…

每次經過哩間餐廳，都好想入去試一試。由窗望入去，覺得餐廳好復古，好有台灣的感覺到今次終於入去食飯啦，因為唔係太肚餓，又想飲下手搖飲品。所以Order 一碗招牌紅燒牛肉麵，麻醬雞絲乾麵同珍珠奶綠。珍珠奶綠 味道尚算正常，沒有什麼驚喜麻醬雞絲乾麵外貌望落去，好似好細碗，但其實份量都幾多味道係花生同芝麻的麻香味比較重，麻醬比較濃稠開頭食，係仲可以，但食得耐會覺得好乾同個口入面好似黏住招牌紅燒牛肉麵望落同普通牛肉麵一樣味道係偏辣，同湯嘅藥材味好重，無咩牛肉味 

香港有好多台灣牛肉麵，呢間係食過最難食。唔明白點解仲有人排隊食🤔🤔？叫左個招牌清湯牛肉麵，牛肉好韌，軔到食柴咁，又冇牛肉味，個湯底太淡，成個麵係冇味！ 可以講好鬼難食呀！！！！😡😡😡😡😡😡😡跟餐杯珍珠奶綠淡過水，明明冇叫少甜，但可以又冇甜味又冇茶味？！ 🙄🙄🙄成八十蚊一個餐，完全唔值！ ！😓😓另外個飯只係一般，個肉燥好油！ 其實在銅鑼灣，呢個價錢有更多好的選擇，以後唔會再食！ ！！ ！

完全唔掂，好心唔好話自己正宗台灣麪，碗麪全部都係牛無酸菜可以話完全無誠意，杯珍珠奶茶值頭伏到不得了，只係一杯糖水全無茶味，碗乾麪無味，塩酥雞只係普通炸雞，請問呢九層塔去左邊，點解香港真係無台灣味道既食店架

第一次寫食評，因為真係難食到唔寫唔得。其實台灣麵好難會做到難食，佢竟然可以做到啲個難食水平，都算係另一種能耐。首先，皮蛋肉鬆豆腐，就係一舊豆腐，面鋪一層肉鬆，啲肉鬆仲要係超市隨便都買到嘅，側邊放2舊皮蛋，完全唔使整，任何人都做到，收40蚊。雞絲麻醬乾麵，就係，紅蘿蔔絲加雞絲，再淋啲麻醬，完全唔需要任何技術，收50蚊。講真，連相都唔想影。。。

很難吃，又不環保♻️用膠碟膠碗，碗飯半碗也沒有，米好貴咩？牛展沒有牛味，麵條也很難吃，冷盆海帶完全不是那回事，餃子🥟亦沒有菲菜味道，越食越嬲。不會再來，如此差的一間台灣小吃👎滷水雞翼好難整咩？台灣食品如此無味也是第一次。