樓下火鍋飯店

營業中

休息中

/樓下火鍋飯店🇭🇰/➖➖➖今次黎到呢間充滿懷舊特色嘅火鍋店店內有大量打卡位可以去感受下以前年代係點😹仲會播經典流行曲Tim 特別嘅體驗➖➖➖🔸湯底🔸有多種選擇 約十幾款 不同價錢我地揀左皮蛋豆腐芫荽湯底$78 入面有好多豆腐 而且有原隻皮蛋💛初頭亦都幾有芫荽味 清下熱幾好後來加左其他餸無咁清🙊➖➖➖🔸脆鯇魚片🔸 $68 份量係幾多下 而且都夠新鮮就算平日唔鍾意食火鍋都會食下唔會好多骨➖➖➖🔸大紅袍牛王拼盆🔸 $368 想食曬咁多種牛？食拼盆啦！😛有澳洲牛、本地牛、安格斯牛、鮮牛肉粒同厚切牛脷粒本地牛係偏韌 澳洲牛濃度係中間肉質較腍最鍾意安格斯牛同牛脷粒 安格斯味道最濃 軟韌度適中而牛脷粒爽口👌🏻心思思想食邊款就食拼盆啦～➖➖➖🔸酸梅湯🔸 $35一大jar 幾抵飲 可以飲到好多次！甜度適中 但屋企人話甜左啲

路經見到招牌好吸引, 門面以懷舊的霓虹燈作招徠, 內裡的六十年代裝潢風格, 有理髮店, 醫館, 涼茶舖...等, 好有特色! 店內坐位寬闊, 有點像舊式大排檔風格, 所以湯底我選懷沙嗲, 襯返個場境! 懷舊濃沙嗲湯 $78 ~ 自家調較的沙嗲湯底, 濃濃的湯有點偏甜味, 唔係重花生醬那種, 反而食到食材本身的味道! 誰也搶不了誰風頭!  極級本地手切肥牛 (例牌) $268 ~ 店員推介, 超有牛肉味, 無筋, 越咬牛肉味越出, 唔肥膩亦唔羶, 油花分佈明顯! 師傅刀功好好, 牛肉切雙飛, 唔會好薄, 肉汁濃!  十級讚系列!魚皮餃$48 ~ 外皮超煙靱, 餡料豐富飽滿! 五寶丸 $82 ~ 牛筋丸, 墨魚丸, 梅菜豬肉丸, 蝦丸, 鯪魚丸各2粒, 各有各出色, 彈牙味濃, 當中最喜愛蝦丸, 超爽口彈牙!  西班牙豬肉 $82 ~ 肉質爽滑, 有豬肉味唔羶, 雖然薄切但很大的一片, 食落好有質感, 好滿足! 牛脷托 $60 ~ 又一十級讚系列! 薄切牛脷, 又淋又滑又無渣, 入口即溶! 酸梅湯/喳裝 $35 ~ 身邊人大讚, 唔太甜唔太酸, 味道剛剛好, 飲完清爽舒服! 酸菜 $20

未入店已經俾懷舊的霓虹燈管吸引住唔單止係門口，進店後的裝修也不馬虎！將一個老香港濃縮在店內，愛打咭的你一定要連拍300張先肯收手😂雖然係火鍋店，但也有不少熟食可以點小妹和男友2人食量有限，椒鹽粟米 實在是驚喜之作！粟米配上椒鹽香口又惹味，想不到樓下火鍋店的熟食品質也相當高手切肥牛質素不用下話，不得不說 牛胸爽 係香港食過質素最高！肉質厚實而脆爽，實在是香港難得一見的水平有質素又可以打咭，實在一次滿足你兩個願望haha

早幾日話說同老公好耐無出街食飯，聽講銅鑼灣有間以70年代懷舊裝修為主題既火鍋店於是我們決定一試位於駱克道的樓下火鍋店門口是個大大的霓虹燈招牌，進店有個魚缸已經感受到濃烈的懷舊氣氛，非常合適愛打卡一眾📸📸落樓原來店面積是這麼大，四處充滿各種特色懷舊擺設，完全地置身於舊香港內🎞這裏地方寬敞食客於食客之間有足夠的枱距離，店員亦會即時為食客量度體溫，讓我們放心享用☺️.花雕藥膳醉雞鍋$138火鍋湯底選了推薦的花雕藥膳醉雞鍋，嚟到已經聞到湯底嘅藥材香，醉雞真材實料酒味夠濃、雞肉嫰滑，不得不讚店員不時會為湯底撈走就浮油物💓.安格斯牛頸脊（大）$298一篇篇的牛頸脊牛油脂分佈均勻，牛質味濃郁軟熟入口甘香即溶，點埋醬料一齊食更惹味.白鱔片$88鱔片係我最愛的魚類火鍋料，這個鱔片切得厚身，食落啖啖肉有口感且爽脆肥美，抵食😋.海膽餃子$88用上點心盤盛上賣相唔錯，餃子皮夠薄唔會搶去餡料的光，海膽份量也不少喔.紫菜炸響鈴$52這個響鈴加上紫菜幾特別，即叫即炸鬆脆可口.西洋菜$38打邊爐慣常都會叫個菜消化下，西洋菜吸收了火鍋湯的精華美味.酸梅湯$35怕太熱氣所以叫咗渣酸梅湯，兩個人份量飲到幾杯，價錢又唔貴.@l

這賣懷舊的火鍋店在地舖，進入地舖後會看到一個個放滿生猛海鮮的魚缸和一個很大的座地祝賀花牌，之後要經過一條長長的樓梯到下面地庫的用膳區，故得「樓下」之名。雙併湯底：椰子清甜雞湯 x 台式養生美人鍋💃🏻 $178湯底足料，一邊有很多椰子、很多入味雞件(包括雞腳雞翼尖等)和兩件粟米；另一邊有無數紅棗、杞子、蔘和豆腐。個人喜歡後者，藥材味較香濃👍🏻👍🏻由於我和朋友都不是食肉獸,所以這次吃火鍋以吃蔬菜和餃為主。除了新鮮的娃娃菜併油麥菜$48、雜菌拼盤$62、勁大盤的紅薯粉$28，本人特別推介👀✅竹笙釀墨魚🦑 $88爽脆的竹笙包着墨魚，是你很少會吃到的口感和味道👶🏻✅招牌三併餃🥟 $132黑松露蟹肉餃、鮮蝦雲吞和韭菜餃都是大大粒而足料的！蟹肉餃真的帶着香濃的黑松露味道；雲吞內裏鮮蝦的份量比平常吃到的蝦餃份量還要多；韭菜餃我亦是滿滿香濃的韭菜味😋😋✅蟹子墨魚滑🦑 $82店員見我們遲遲未碰墨魚滑，終於忍不住主動幫我們下墨魚滑。想不到這麼小碟竟然做出十多個球，而且每粒都是脹滿的🤰🏼這裏的食物味道還好，但也不及懷舊的裝潢叫人難忘，令人如同置身真正的大排檔中打邊爐。

有時煮飯都煮到唔知食咩好，又見到有間大大隻招牌寫著樓下火鍋飯店，就入去看看怎樣樓下火鍋？落到落下火鍋就好像走進了一商店街中，當中有髮廊、士多店、涼茶店...就像回到從前的縮影。看到這時鐘、這飲品櫃、更令我想起小時歡樂無窮的時光。樓下火鍋店設有不少特色食品：牛骨髓、五花肉、花雕豬腦...還不止，他們更有刺身供應，認真難得。懷舊濃沙嗲湯 / 清甜椰子雞湯清甜椰子雞湯來到，當然要先嚐嚐椰子雞湯，湯味濃郁清甜，配料足料，雞件還能保持嫩滑軟腍，值得一讚。花雕肥牛來到時已聞到陣陣的花雕香氣，而且肥牛色澤紅潤，絕對係新鮮肥美。廣島蠔大大隻廣島蠔8隻上盤，更是隻隻肥厚飽滿。牛骨髓每條牛只有一條，現在一碟有咁多，可以食過夠本。牛骨髓新鮮沒有半點雪味，口感柔軟牛味濃。更下單了：餐肉、芝士腸、冬菇、南瓜、羊片等等...材料新鮮、份量亦相當抵食。(當中更有些配料(丸類、腸仔) 可下半份半份計算，岩哂我這些想試多種不同食材的人士。再試濃沙嗲湯真係無得頂，濃稠惹味，沙嗲味超香濃，配合肥美廣島蠔，仍然吃到其鮮味濃厚，正。肥牛輕灼至半生熟，肉質嫩滑，牛味突出，配上超濃郁的沙嗲湯底，簡直是完美配搭！

早幾日同老公、攸桐媽、蔡爸一齊去打邊邊，屈左咁耐，都要鬆一鬆既，就一次咁多啦！今次我地去左樓下火鍋飯店，去到，佢個門口好以真係返左兒時年代，霓虹燈既招牌，推門入去見到魚缸，有好多游水海鮮，跟住就好係佢個名咁要落樓下，入到去地方超大，連廁所都以男界、女界呢d字眼做分別，而家真係見唔到。我地入到去，服務員超好既服務，因為我地4人，佢就比咗張6人枱我地，跟住佢地就拎調味料同配料比我地，重點一提，佢地見我地整好調味料後，佢地特意攞左一碗由廚房秘制既乾葱油比我地加入調味料度，嘩，呢個真係不得了，拎到黎已經香到不得了，比麻油更香，佢帶有乾葱既香味，我老公即刻話，好彩今次冇飯食，如果唔係就大件事啦！用黎撈飯，又唔知食幾多碗先夠。我地叫左雙拼湯底 - 椰子雞同大紅袍麻辣湯底（原來佢係大紅袍火鍋），黎到時，我地試飲左椰子雞湯底，佢好重鹹豬骨味，偏鹹咗少少，但佢個麻辣就應該啱香港人口味，唔會太重花椒味，唔會得個死辣同死麻，同正宗四川係有少少唔同，我地四個都一至讚好既。鴨血佢真係鴨血黎嫁，煮幾耐都係滑啲啲，又唔會散，唔同出面，豬紅扮鴨血，一夾就散，又嚡。魚卜出面唔係好多地方有，有都好貴，我係街市買都要$3一

有無諗過食過咁多間火鍋店有邊間令你印象最深刻？而我既答案就將會係呢篇食評話到比大家聽.行進銅鑼灣與灣仔交界間既地鋪內隱藏左間隱世火鍋店.門口用上霓虹燈寫上樓下火鍋字眼襯托住舊式扇門,打開門會先見到一排海鮮水缸,再前有條樓梯直落火鍋店內.本店內真係好似穿梭左時空返到舊時香港咁.內裏周圍既牆邊都各有特色,分別將牆角設計成舊各種香港舊時唔同商鋪既門面,例如有理髮公司,麵店等等.水吧位亦鬼馬地將佢改裝成涼茶鋪,超有心思.言歸正傳,呢間火鍋店唔止外在吸引,食物質素都唔會令你失望.上到刺身下到小食到有,食品足2頁紙.火鍋既精綷當然係鍋底,黎到舊式火店必定係揀沙嗲鍋,沙嗲鍋用上闊身銻煲配瓦斯爐夠晒風味.湯底濃而不膩,先帶花生沙嗲既濃香,後帶淡淡辣椒香,味道唔會過濃搶去火鍋配料既原味,相反為食材增添種濃郁既香味,連額外調味都可以省略.椒鹽粟米好有大排檔風味,超甜粟米上既椒鹽炸得乾脆,粟米入晒味超級惹味,雖然炸過但粟米入口唔會覺得肥淋淋.花彫肥牛連花彫酒浸住上菜,牛肉上仲有少少杞子.肥牛色澤鮮紅色夠晒新鮮,值得一讚係花彫酒醃得好夠入味,本來怕濃味既沙嗲湯會蓋過花彫既味道,點知一食仲好香酒香.肥牛入口好嫩

位於銅鑼灣既地庫打邊爐餐廳，裝修係懷舊香港風，老闆同店員都十分熱情，係香港人嘅味道！.叫咗個椰子雞湯底，雖然雞件數目唔多，但好夠味。一片片椰子🥥加埋粟米🌽製成鮮香清甜椰子湯😋打到尾唔會成煲雞油 .🍲材料方面-梅菜豬肉丸Texture係似菱魚球，有魚膠既彈牙感，味道就好住家，似係球狀既梅菜蒸肉餅👍🏻-廣島蠔🧊冰鎮住上，keep 住新鮮，size 夠大，碌熟左依然鮮甜肥美無縮水-花枝片又為墨魚片，切得好薄身，輕輕碌十秒，魚片luen 埋一齊就可以食！海鮮類in general 都係鮮美 值得一試既！-花雕牛肉手打牛肉用左花雕、杞子醃成，陣陣酒香，牛肉切得比較厚身，所以唔怕碌多一陣-皇帝菜🥬由於湯底係揀左清甜類，加上湯底有碌過海鮮又唔多油，揀帶小小草青味既皇帝菜好好食，可以更突顯蔬菜既freshness！-紫菜響鈴新鮮炮製，加左塊紫菜係腐皮入面一齊卷，都係碌兩三秒就食得！同樣地，響鈴掛晒湯既鮮甜味。飲品叫咗一渣竹蔗茅根，唔會太甜，可以清下熱！見到餐廳亦有供應鬼佬涼茶，由「蛇仔明涼茶店」到斜出Draught Beer🍺

我真係一個打邊爐控，呢個時間，我依然都仲會出去食飯咁當然要搵個同我一樣，衛生意識做到足既朋友先啦同埋一間打邊爐乾乾淨淨嘅餐廳之前我已經對依間餐廳好有興趣，原因因為佢有60-70年代既裝修， 入咗嚟之後，就好似去咗一個平行時空，裝修好懷舊喺呢度打邊爐就真係夠晒氣氛，鍋底嘅選擇有好多，但係呢排食得太多熱氣野，之後我哋都揀咗芫荽皮蛋湯底 $78湯底呈奶白色，好多勁滑溜嘅豆腐起入面，湯底幾清香。紫菜炸響鈴$52店員推介👏🏻👏🏻真係即叫即炸，比起平時食到既更加鬆化可口，加埋紫菜食落去又幾特別。芝士蝦丸 $95食落口超彈牙，再配埋粒粒蟹子，口感一流芝士雖然唔係流心，但係佢既味道超級濃郁。韭菜餃 $75韭菜餃非常飽滿，脆鯇魚腩 $92魚肉好身鮮，重要係薄切，焯幾焯就熟啦。芝士獅子狗 $52自從冇再去吉媽媽到食之後，已經好少食到佢估唔到呢度有得食！太好啦

之前去左樓下火鍋飯店打邊爐🍲，佢地嘅裝修100分💯，由門口，到落左樓下，每一個位都係打卡位📸，周圍都係懷舊風，設計好有心思.湯底有好多選擇，我地最後就揀，左花雕藥膳醉雞鍋🐔拼台式養生美人鍋👩🏻，醉雞半隻都好多，醉雞湯底花雕味濃，就算之後淥牛肉，牛肉都有花雕味呀😊.除左火鍋配料，佢地仲有刺身同熟食小食，我地就叫左椒鹽粟米🌽，呢個真係超正，好惹味，記得連埋椒鹽一齊食，推介必叫呀👍🏻👍🏻.另一推介係鬼馬蝦膠，其實即係將蝦膠🦐釀入油炸鬼，上面仲有大量蟹籽，淥一分鐘就食得，油炸鬼鬆脆，好味😋.另外叫左頂級安格斯牛頸脊🐂，例牌兩個人都好夠食👯‍♀️，仲有紫菜響鈴，食得出係自家即制嘅，新鮮又好食😋

唔去旺角果間，都可以見到舊式招牌同霓虹燈飾咁食中餐啦！今次去到樓下火鍋飯店打下邊爐真係可以話無得頂！。我要咗台式美人鍋，當中花雕肥牛真係不得了，佢係我鍾意果種滑牛質感，我成日覺得牛肉太薄切係唔好食，而呢款係好好食，酒香完美點綴！另外西班牙豬肉都好高質，嫰到唔似豬～而一間火鍋店質素係點一定要試手打丸，而呢間嘅水平可能係我食過最高嘅～牛筋丸應該係我食過最好食嘅牛丸嚟，夠彈牙又重牛味！而想有啲創意就有梅菜豬肉丸，正呀！海鮮都絕對新鮮呀，試咗桂花蚌同水魷都係水準之上，師傅仲比咗自製沙嗲醬我哋點水魷，提升晒成個味道層次！。人均消費HK$300幾我覺得係物超所值！！！

令我印象最深刻的是他的裝修設計每一個角落都有舊時香港面貌的足跡地方相當闊落 佔地成九千呎(´･_･`).火鍋湯底選擇有超過二十款 部份可以雙拼我選了花雕藥膳醉雞鍋 + 大紅袍麻辣燙 ($178)花雕味很重 雞夠嫩 麻辣湯底算是正常發揮火鍋配料選擇多 有新鮮海鮮和刺身份量正常 可以雙拼 價錢是價錢較高的再加$10個人推薦安格斯牛頸背($238)牛味重 份量多紫菜炸響鈴($58)即叫即炸中間仲夾住紫菜鬼馬蝦膠($68)係油炸鬼上加上蟹籽和蝦膠

“ 原諒今宵我告別了 活潑的心像下沉掉 夢裡有他又極微妙 情怎可料” “誰輕輕叫喚我 喚醒心中愛火 幸運只因有著你 不再流浪與蹉跎” 甫進店就傳來這些八九十年代金曲，現在千禧寶寶大概都只認識KPOP，卻不知香港樂壇曾有一段光輝歲月 (九十後姨姨要認老......)來到地下一層像回到過去的平行時空，那些只在電影電視看到的攞設盡在眼前。霓虹燈、老招牌、鐵閘、舊式汽水雪櫃、舊式收音機、風扇，細緻到一桌一椅一杯一碟，全部都有舊式香港風味。那個年代，憑努力發奮定可向上流，機會處處、遍地黃金。那是一個充滿夢想盼望的年代，大概也是大多香港人懷念的時代。非常欣賞老闆精緻用心的裝潢，用餐過後，發現不止視覺滿足，味覺也大滿足食物: 4.8/5作為火鍋狂熱，可以認證這裡的食物質素高▪️黄金花膠雞湯一大隻雞上桌供拍照後，侍應就幫忙拿去砍件。雞件有雞味、沒有雪味，肉質嫩滑花膠亦高質，一放入口膠質充滿口腔，感覺每一口都在補充骨膠原如此好料，湯就更不用說，看我們一碗接一碗就知道味道好▪️頂級安格斯牛頸脊近期吃過最滿足的牛肉油脂味、牛味充足，口感不韌但有咬口最可惜是我們只有兩個人，胃口不夠大只可叫小份吃

今日去開銅鑼灣、灣仔，聽聞樓下火鍋飯店啲嘢幾好食，所以特登嚟試下打邊爐，我哋叫咗胡椒豬肚雞湯做湯底，個湯好鮮甜，入面啲豬肚又多，同埋啲雞都好滑，個湯底冇叫錯。我哋另外叫咗大嘅手切本地肥牛、墨魚丸、牛脷托、桂花蚌、脆鯇魚片，同埋紅薯粉，仲有紫菜炸響鈴。個紫菜炸響鈴真係好味，放落個湯底度焯大概三至五秒食最啱，中間個紫菜可能吸咗啲雞湯嘅味特別鮮甜，大嘅手切肥牛就好有牛味而且賣相亦都好精緻，牛利托我覺得係必食之選，鍾意食牛嘅朋友一定要叫，而脆鯇魚片亦值得推介，每片都切得大細一樣，而且冇骨，最緊要就係夠新鮮，桂花蚌同埋墨魚丸亦食得出好有海鮮嘅鮮味，而且份量都畀得好足，食到我都飽曬，最後嘅紅薯粉入面有成五至六碗，亦都係十分抵食，擺落湯底度浸大概三分鐘其實已經食得。又係好滿足好飽嘅一夜，下次同朋友聚會食飯我會再嚟樓下火鍋，因為最緊要佢哋地方夠大，同埋枱同枱之間亦都好有空間，唔會有壓迫感。