橋泰食店 (已結業)

在 這 附 近 住 了 二 年 多 ， 近 來 少 來 了 橋 泰 ， 因 為 多 去 睛 苑 吃 泰 菜 ， 較 正 宗 ， 橋 泰 是 傾 向 多 滷 水 菜 式 多 ， 生 菜 包 也 比 較 濕 ， 我 個 人 認 為 特 色 是 咖 哩 ， 這 裡 的 咖 哩 是 十 分 的 水 汪 汪 ， 我 很 喜 歡 勁 多 汁 的 吃 飯 ， 差 不 多 是 湯 飯 了 。橋 泰 頗 大 方 ， 一 整 湯 碗 的 咖 哩 汁 實 在 對 正 我 的 口 味 ， 所 以 我 幾 乎 都 不 吃 其 他 。 但 遇 過 沒 有 咖 哩 供 應 的 日 子 ， 要 離 開 去 別 處 吃 。橋 泰 很 細 ， 座 位 頗 逼 ， 要 舒 服 享 受 地 吃 的 朋 友 ， 可 能 接 受 不 來 。

泰菜癮起，可惜九龍城地點不就腳，突然想起位於大角咀的橋泰食店，見食友的評語不俗，立即約埋開飯 Twins 來個飯聚。橋泰食店位處大角咀道的一角，做的是街坊生意，地方不大，店內唯一的圓檯已佔了大半空間。我們點了三人套餐，包三小菜、油菜、例湯、油飯及飲品，加七十蚊將例湯轉成冬蔭公，再加半隻海南雞，這餐飯認真豐富。先來鹹魚炒芥蘭，芥蘭雖然有點老，但加入少許鹹魚粒炒香，味道恰到好處。另一道香辣豆角炒鴨片同樣惹味，鴨肉片切得厚身，入口卻不韌，豆角份量多，長身而呈光澤，調味帶少許辛辣，開胃刺激。招牌菜滷水牛三拼盤，這晚竟吃到四種部位，包括牛膀、牛脷、牛肚及牛展，個人喜歡牛膀獨特的粉嫩質感，而這裡的滷水汁味道濃郁卻不過火，值得一讚。壓底的是切成波浪薯條形的蘿蔔片及芽菜，還有作伴的酸菜及豬紅，當中蘿蔔片清甜無渣，是不可錯過的伴菜。另一主菜海南雞，店方先送上例牌份量，後來發現寫錯單，主動換回半隻雞給我們，態度相當誠懇，味道方面，雞肉嫩滑，雞皮則有點厚，沾些甜醬油吃，尚算討好。小辣的冬蔭公成煲上，材料主要是蝦、番茄粒、草菇，檸檬葉等，香氣迫人，由於加了淡奶，湯入口相當順滑，酸辣亦對辦，只略嫌配料單調，除蝦

是次的小友飯局轉戰至大角咀，目的地乃是小弟其一摯愛的泰菜小店 --- 位於大路的橋泰是也....從前一個人來，不是吃滷水豬手便是海南雞。這次一行三人，盡可以放懷叫多些東西來試了實樂事也....來一客炸蝦餅作小吃。一碟三件，但每件份量可真不小。每件皆弄得顏色金黃，入口香脆，蝦肉彈牙。醮點泰式甜酸醬吃，心理上沒那樣油膩之餘，又變得惹味一點，何樂而不為呢 ?....同行的多樂菲小姐原來極愛冬蔭公，要了一碗來試。湯底呈橙紅，味道香且夠辣，很濃稠；香茅等一系列香菜下得重手；大頭蝦量不多而且蝦頭羔欠奉，令湯少了些滋味。不過相比起龍城一眾泰菜小店，水準仍是不遑多讓....滷水豬手是招牌，當然要來一大碟才過癮。自己最愛的除了泰式滷水的那份特有的濃香外，當然不能錯過的便是豬手皮與肉之間那層膠質極重的脂肪。今日遇到的這份豬手，皮與肉皆極淰糯，滷水又夠入味。醮點酸辣醬及夾一小粒酸菜來吃，肥膩感盡去，是至高的享受。不喜歡"肥騰騰"東西的小友，也忍不住開懷大嚼了.....海南雞也保持了水準。雞不過肥，皮很薄，肉也不過散過淰，只是皮與肉之間找不着那層啫喱東西，令人失望.....個人最欣賞反而是那道蝦醬炒芥蘭。店方

一早起奧海城睇完早場, 落黎大全街搵食, 原意想食金船長下午茶, 但未夠鐘, 而呢度既下午茶係2點開始, 就先食上半場..坐底叫野食, 有個阿姐落單, 2個人, 叫左一個豬頸肉 ($20), 一個豬腿雞絲金邊粉餐 ($18), 連凍食一杯, 阿姐見我地2個人叫一杯野飲, 面帶不悅問: 1杯?一杯又有咩問題呢?不過3位阿姐中係得一個咁姐..另外2位都招呼週到..講番野食, 整體味道幾好, 調味架中的酸辣汁很開胃, 豬頸肉亦幾好, 係多油左少少

睇左好評就去,,但叫錯野十成係,,叫左 濕炒豬頸肉金邊粉,,,比係油炒既唔算太油,,味道一般,肉都無乜特別,,留意到豬頸肉唔炭燒都好小可覺得好食,,返到黎先睇到d圖,,原來多數係海南雞飯,,/其他飯類..豬腿,,等,,但真係由旺角行去太遠,,成10分鐘快既話,,真係有下次一定要揀岩奧海城睇戲平d先肯得過..

曾幾次想來吃飯，但因這裡的營業時間不太固定，始終都未能幫襯，終於到了這天，才能一試它的手勢。這間小館的地方確係細，不過在星期日的中午，當不少食店都人山人海的時候，這裡還是只得一兩枱客人幫襯，便不覺這裡的地方狹小了，反覺得坐得比較寧靜自在呢。這次幫襯試了它的招牌泰式海南雞飯同鹵水四寶飯（有豬髀、豬腸、海南雞同牛肚）。招牌泰式海南雞飯：呢個自己無試過，不過聽老婆大人話都幾好，係d飯硬左d，因為無乜汁喎。鹵水四寶飯：呢個飯幾多料，d鹵水無粵式個d咁咸，淋在飯面都幾好味，豬髀夠稔，豬腸、海南雞等都算好食，伴碟的青瓜同椰菜可以中和肉類的肥膩，偏辣的醬汁點在海南雞上也見醒胃，整體來講算係唔錯。順帶一提的係呢度嘅「泰國雪啡」，係特飲嚟，要加錢先有，味道夠濃，比一般咖啡好味，好咖啡的人不妨一試。如果想在大角咀食泰國菜的話，呢度可算係一處價錢廉宜，味道中上的地方呢！

7月31日, 去完 café玩boardgame之後, 先發覺我地成9點都仲未食飯~! 其實又唔係太肚餓, 諗住再散多一陣步先食, 所以呀菲提議去大角咀食一間幾好食嘅泰國野~ 咁我地就由太子行去大角咀近奧運站, 慢慢行到去大慨9:45… 開始肚餓喇, 地點其實有點僻, 搵咗陣先搵到, 去到佢地其實差唔多收舖架喇, 但都好好人俾我地坐低食, 太感動了~ ::: 招牌豬腿滷蛋飯 ::: $28因為樣樣都想食, 諗唔到之下食招牌野就最穩陣! 超快就黎到喇, 因為d餸都係一早整定~ 雖然賣相只係一般碟頭飯, 不過每一部份都有佢特別嘅地方~ 先講主菜豬腿, 滷水非常入味, 炆得又夠淋, 一絲絲嘅豬腿肉好易咬, 而且肥瘦適中, 作為招牌菜我覺得係實至名歸! 滷蛋反而對整個飯可有可無, 中規中矩, 只係冰山一角… 反而應該係配角嘅就有驚喜! 先係點豬腿嘅酸辣汁, 雖然豬腿淨食已經味道十足, 再點埋汁就更加刺激食慾, 尤其好辣野嘅我~ 而酸菜同椰菜都可以令個飯冇咁漏, 冇咁啖啖肉~ 而白飯加咗滷水汁, 唔會乾爭爭~ 一碟$28嘅飯唔算平, 不過已經好過好多垃圾呃錢茶餐廳, 起碼食得出廚師嘅用心…:::

呢度既海南雞飯真係又抵又好食差唔多每個星期都要食一次先安樂之前去布吉食左間好出名既海南雞飯都冇橋泰咁好味海南雞飯大大碟，雞肉又滑又冇骨（雖然間唔中都會有小小骨）個辣汁雖然幾辣　但係真係好好味　好過點豉油我唔多食辣都為左佢而訓練自己既味蕾另外香茅豬扒飯都係必食推介香脆之餘仲有Ｄ甜甜地　好惹味如果鐘意食泰式咖哩　叫咖哩豬扒飯都差唔多價錢（不過就真係好辣）如果兩個人食，叫set都好抵

又去大角咀搵食，今次試下食泰國野，都無諗住同九龍城比，點知都有驚喜！ 泰國海南雞飯： 隻酸酸辣辣的醬好野味，雞肉整到同泰國的水門雞一樣，好滑好好食，碟飯份量都幾大，但我成碟飯連醬一滴都無留低，真係好好味呀！ 肉碎煎蛋飯： 至於bf㨂的，就真的好一般，肉碎炒得唔香蛋亦煎得唔夠焦，整體味道淡淡地，bf要撈豉油食，但我覺得隻煎蛋甜甜地都幾好食嘅，係肉碎差少少。下次bf都話會食返海南雞飯。

放假天與太座同遊昂坪，到了市集及大佛附近走了一圈，消磨了一個早上。不過此行最重要的目的還是來一嘗乘坐360纜車的滋味舉高臨下看到的美麗景色，在絢爛的陽光底下，果然是妙不可言儘管在市集已吃過荳花及其他小吃，午飯還是吃得下的。列車到了奧運站，尋吃之目的地自不然便是大角咀吧。只想來一點輕食，吃一碗泰式河粉就正合吾意了....很喜歡吃橋泰的雞飯及滷水嘢。前者對小弟今天的胃口來說可能有點過多，來一份滷水的東西就較恰當。看到餐牌上那下午茶粉麵套餐，一碗粉加一杯凍飲也只是二十塊錢，實在便宜得發笑兩人叫兩份也只四十元多，您說怎能不笑 ?既然如此便宜，來一份三餸金邊粉也不很過份吧無骨雞及豬腿從前已吃過，今次重遇，依舊好吃得緊 --- 雞肉不太嚡口，皮挺滑；豬腿肉淰糯得連無牙婆婆也吃得下，浸過那小弟認為是水準全港數一數二的"泰式"滷水，入味程度自是一等一了；蘿蔔有些像浸過糖水似的，帶點甜味，美中不足的是有點渣，亦比較硬身....不過自己認為最好吃的，便是那沾着滷水湯的金邊粉。質地帶些煙韌之餘又嗦盡滷水之香味，實乃仙人之食物也....忙着吃自己的那份，也無暇理會太太的青咖喱扎肉金邊粉。只喝了一口咖喱湯，味濃

今日心血來潮，好想食泰式湯粉，所以嚟咗橋泰。這裏地方不大，只有三張枱，或者係大角咀食店嘅特式？但係地方嘅大細同食物嘅質素當然無關啦！今次我叫咗個炸蝦餅湯金邊粉：炸蝦餅熱辣辣有彈性，亦都有蝦味，相當唔錯。湯金邊粉係用鹵水湯底，配備配菜，味道好有風味，正。雖然同我係泰國食嘅湯粉味道有啲唔同，但相信香港人會更適合同鍾意呢度嘅湯底。下午茶連凍飲都係二十蚊，十分抵食同推介！

因為夏天太熱關係, 好耐冇食啦! 今日見天陰, 出來食久違了的海南雞飯。誰知價錢加咗, 味道又差咗.... 一坐低不用想就叫咗海南雞飯。啲飯好硬又唔係好熱, 有少少好似未煮熟咁.... 攪到啲雞油飯完全發揮唔到應有嘅香味。另外, 啲海南雞又冇雞味, 皮多過肉, 而且唔知點解碟飯入面仲有好多雜質.... 感覺好唔乾淨。質素差咗咁多, 相信唔會再來lu....

1/8(五) 8pm驟看此店子的門面,庸俗不過.原來其內在不容輕視!"橋泰"的耍家之作,揉合泰潮兩幫的滷水菜式.我倆首嚐泰式四寶飯$38及泰式什錦金邊粉$28,滷蛋$4,凍飲加$2,青檸梳打$6.泰式四寶飯--海南雞,大腸,牛筋,豬脾湊成四寶;大腸,牛筋,豬脾滷得入味,豬腸沒有令人倒胃的過剩肥膏,入口香嫩,不腥不膩;牛筋先軟後爽;至於海南雞委實挺滑溜,雞味卻不宜奢求過多!置底的油飯充滿油香,具輕度嚼感.泰式什錦金邊粉--滷水湯底不如傳統潮式滷水汁般搶味,湯底隱含著一股香料味,味道清和.豬肝,豬肉丸,牛丸,魚蛋,豆乾,鳳爪,白蘿蔔等陣容鼎盛,點到即止的滷水香,食味對頭,金邊粉及滷蛋亦然!凍飲的水準有點苟且,青檸梳打原味蠻薄弱的.鋪仔細細,除老闆兩口子,還有兩位阿姐坐陣,效率高,而且服務窩心.不小心濺至汁液四溢,老闆娘即遞上紙巾.讓人油然生敬的脫俗小店!

小弟係大角咀工作了一年多, 要講大角咀美食的確不少, 要講我的最愛, 一定係啲一間!!!該食店雖然環境不大, 3張桌子, 但食物質素就十分好!!!食店嘅"海南雞飯"可謂一絕...首先雞係有雞味, 夠滑, 雞皮夠薄, 入口不膩..飯係雞油飯... 很香口...點雞嘅汁酸酸地,辣辣地, 好開胃... 對比起我係其他地方食嘅"海南雞飯"啲間一定係我食過最好果間..."冬陰公湯" 海鮮不算好新鮮, 品質可以. 可能是本人喜好, 如果個湯再辣少少就更加好!!!"炒金邊粉" 香口十足, 夠火氣, 麵質很好, 夠彈牙!!!本人覺得個"泰國雪啡"很特別, 同一般咖啡很不同, 佢有一種好特別咖啡香味!!!

海南雞飯就$30蚊海南雞比飯就$37蚊我同女朋友兩個去都突登想食好d叫兩個海南雞比飯$37點知份量少到嘔我同我女朋友兩牒飯d雞比+埋~我諗都冇正常普通一隻雞比o既份量飯就好多~但係d飯好油另外有叫左炸蝦餅~都ok但唔會再有下次~d雞只係一般~份量又少(薄切仲要打平放~睇落多d)~都食唔出有d咩味