櫻花樹下 (已結業)

呢間餐廳都算性價比高，好多學生哥打工仔都會放lunch黎食，食一個set$62就可以揀一個餸，一個主食，一個甜品再加一件壽司，份量黎講一定足夠。食物方面，個炸豬排都幾好食，幾脆口。而蕎麥面配個蕎麥面汁好夠味，但份量就略嫌唔夠，壽司就正常發揮啦。至於甜品…今次揀左芝士蛋糕，味道就似平時係aeon買到果隻，都好重芝士味，但略嫌一夾就碎左dd，反而同行友人叫左個布甸，就真心好食，值得推介，而布甸就要加$8，但係絕對值得加。

大概下午三時四十五分到達坐下，被店員通知需自助掃條碼下單，選好心水食物後同時選好付款方式再按送出，期間友人看中牆上推薦再稍作加單，然後安靜等候食物到來...期後加單食物已送上，但最初電話下單之食物卻未見蹤影，向店員詢問下方知原來遺漏訂單，此時某個身型略為豐腴佩戴眼鏡的男店員走過來用略帶不屑之態度道"你係咪未㩒付款方式所以咪無落單囉"我只好將電話遞予他查看，然後他方知理虧露出尷尬神情悄然離去...其實食物質素的確不俗只是員工服務態度實在難以服眾...呢餐晏食到一肚子氣(怒｀Д´怒)

-🦄櫻花樹下 @sakuraundertree -🌸 還記得櫻花正開 🌸🌸 還未懂跟你示愛 🌸-恭喜櫻花樹下由小小店搬往大舖 更大的面積抱緊著從未熄滅的火再重新出發 做日式料理-裝橫變了但初心仍然不變 食物水準愈來愈好店員們親切有禮且服務態度佳 令人感覺放鬆-誰說小店不會有好西食 這裡的日料性價比高因為大部分的食物價錢都很便宜 而且份量多即使我們叫了滿檯子都是食物 銀包卻不心痛-🖤🤍🖤🤍🖤🤍🖤🤍🖤🤍🖤🤍🖤-🐚 刺身拼盤(中) Hkd298🌸 Rating🌕🌕🌕🌕🌘愛食刺身又不太愛食飯的我 叫了這個中拼盤本想著散叫刺身吃 但叫著叫著其實價錢頗貴最後店員推薦我叫這款刺身拼盤 選料頗豐富有齊了大部分我想食的刺身 而且價錢又相宜-拼盤包含了一款時令白身魚 是當天的飛機貨想再食豪華一點的我 更加錢要了深海池魚王果然是魚味濃又新鮮爽嫩 白身魚油脂感適中即使我吃光了半條池魚 也沒有半點油膩感覺帆立貝每粒都十分鮮甜 配上檸檬汁更是清新三文魚厚切的口感極佳 滿口油脂就是幸福呀但油甘魚腩的肥美 更令人走上舌頭上的尖端油甘魚獨特的魚味跟香氣 一直是我的心頭好-北寄貝跟八爪魚口感爽彈 赤蝦鮮甜又夠嫩滑刺身拼盤

新北江可以話係天水圍人搵食嘅熱點，小舖林立下總有一間啱你口味，今日想食日本嘢就來到了櫻花樹下。自從搬左新舖後都未黎過，新舖闊落好多坐得更舒服，亦多左好多嘢食，餐廳播放住MIRROR嘅歌，令心情更好。我地兩個人叫左一個鍋、一個小食同一個沙律。角切雜錦魚生沙律 :魚生有三文魚、油甘魚、希靈魚及蟹籽，每樣都好新鮮，配上青瓜絲及椰菜絲，再撈埋日式芝麻醬，天時暑熱食感覺份外清新。蟹肉忌廉薯餅 :薯餅可以逐件叫，即叫即炸上檯時熱辣辣，食落口感外脆內軟，蟹肉忌廉餡料好creamy。壽喜牛肉鍋 :有四款湯底可以選擇，我地揀左豬骨湯，除左牛肉外，仲有椰菜、豆腐、金菇等等，非常豐富，用爐慢火座住，可以慢慢傾住偈食，野菜吸收晒豬骨湯，好味道。

有時想食日本魚生飯但帶住小朋友又怕魚生佢哋唔啱食如何一次過滿足哂大人細佬嘅要求都好有學問今次嚟到櫻花樹下就解决哂所有問題幫小朋友叫咗個一人前-大滿貫$88由前菜，主食到甜品，總共有10款食物另外，佢哋鍾意食蟹柳壽司，所以額外加咗4件兩個小朋友分，啱啱好😊✌🏾個餐造型好靚，放好喺個盒入面，一格格，感覺好似兒童餐咁😋佢哋食得超開心大人就各自叫咗一個碎蔥拖羅蓉丼-$88呑拿魚蓉新鮮好味，份量都好足，88蚊就食到黑門市場魚生飯，好抵！無得去大阪，喺度食都好滿足

之前說過每個月都要同卡佬兩個人出街食飯拍下拖新年時疫情嚴重而暫停了一段時間前排見疫情數字回落 即刻放低囝囝偷偷地出街浪漫一番卡佬陪了我踏單車做做運動踩到了天水圍新北江商場見肚餓那便走到商場裡醫醫肚吧 見到這間日式餐廳店名咁浪漫 #櫻花樹下 我倆不加思索便走進店內點菜了🤭卡佬話出了身汗特別肚餓要叫個丼飯食 選了 #碎蒽拖羅蓉丼 $88而我就想咩都食d 揀 #大滿貫 $88 就岩哂還點了碟帶子壽司 卡佬點這個碎蒽拖羅蓉丼是店員所推介見到嫩嫩的粉紅色的拖羅蓉已經好吸引我忍唔住偷食咗幾匙羹拖羅蓉飯🤣碎蒽配上拖羅蓉及三文魚籽真的很夾沒想過拖羅蓉肉質咁肥美香滑，咁好味其實拖羅脂肪較多，好易食完覺得好膩但這碗丼飯完全無這感覺蒽碎真的幫了不少忙，能中和這膩膩的脂肪感搞到我好想再食多幾啖🤣 天氣咁熱食蕎麥冷麵岩哂，健康又消暑冷麵汁味道調校得剛剛好，岩哂少鹽沙油嘅我照燒雞扒肉質嫩而juicy吞拿魚刺身、玻璃蝦及帶子壽司味甜夠新鮮溏心蛋要讚，溏心靚到暈好滑好香濃的蛋黃味最最最得我心一定係甜品的榴槤炸彈及抹茶蕨餅咬開炸彈爆出勁香濃榴槤醬汁蕨餅綠茶味夠濃而且夠彈牙如果件西瓜切埋皮走會更好每樣少少咁都已經好夠飽岩

朋友介紹係新北江有間不錯的日本餐。 其實都好方便， 係天水圍坐706係樂湖站落， 向車頭方向的商場入口， 一上就係😃。 （5⭐️最高）一人前（6款可選擇）叫了兩款😉珍珠米飯， 照燒豬軟骨， 牛肉薯餅， 和風沙律， 粟米軍艦及雪米滋（5⭐️）當中我比較好味係豬軟骨及米飯， 米飯上面加入拌飯調味料。 而加入豬軟骨汁， 分外入味👍🏻。 一人前大阪燒， 照燒雞腿肉， 章魚小丸子，蟹子沙律， 三文魚壽司及芝士蛋糕。（4⭐️）這款比較出色係大阪燒及雞腿肉， 大阪燒足料而雞腿肉入味。😍👍🏻碎沖拖羅蓉丼一份比較特別的拖羅蓉， 利用鵪鶉蛋， 因為當中含有許多微量元素和維生素以及所有這些成分–當中完全沒有膽固醇， 更令其鮮味突出。 拖羅蓉咬蓉好似芋蓉， 加入鵪鶉蛋等拌飯， 帶出拖羅鮮味👍🏻😍飲品巨峰乳酸梳打- 都ok , 唔太甜🧡（右邊）水蜜桃汁 - 比較偏清淡味道😘 （左邊）

經常聽朋友抱怨新北江餐廳坐得不舒服，的確在一樓的美食窄行空間十分有限。今日去另一邊，由近輕鐵的入口上電梯，之後向後行（即舊時譚仔/買賣中學舊時那個方向），也有不少食肆，而且規模比較大，位置寬闊感覺更加似大商場會見到的餐廳。.而當中我最喜歡的，當然是日本餐廳-櫻花樹下。在新北江有得食刺身壽司的餐廳不多，而且這間店性價比非常高，坐得又舒服。.見到下午茶$30左右就有，而且有一個全日餐可以自己選擇喜歡的便當。$58可以選下面1-6各一款；加$20（即$78）更加有三片刺身及揚物；至於最豐富的大滿貫$88，就兩串燒及水果，一共10款美食！1-主食有珍珠米飯 /中華海草 /蕎麥麵/Pizza/大阪燒，基本上迎合所有人士，而且想減肥的人可以食中華海草。.2-主菜：和風牛肉/ 照燒雞腿肉 /蒲燒三文魚 /鹽燒鯖魚/泡菜䐁肉/汁燒豬軟骨/黑椒煙鴨胸/瑞士雞髀/吉列豬扒/蒲燒鰻魚瑞士雞髀好大隻，食完基本上就已經好飽，而且煮得很入味。蒲燒三文魚竟然不用加錢，有好幾遍的，份量真的不少。鹽燒鯖魚燒得剛剛好，另外用碟上，視覺效果好好。3-小食：芝士年糕/炭烤雞腿肉(2串)/炸蟹鉗 /章魚小丸子(2件）/芝麻雞翼

🇯🇵壽司全盛•平民化嘅日本料理❣️#天水圍#櫻花樹下#日本壽司#平民價錢平民價錢食岀生活享受🇯🇵食壽司🍣食壽司🍣啦~呢間價錢平到飛起既日本餐廳🍴有齊丼飯🍚壽司🍣火鍋🍲拉麵🍜任君選擇🫵🏻火焰全盛壽司🍣$88壽司包括燒帶子，三文魚腩，燒玉子，燒鰻魚，燒甜蝦，燒蟹柳等材料新鮮，係刺身上，輕輕燒過，有陣餘温❣️好鐘意上面温温，下面凍既温度🕺🏻🫵🏻滑蛋吉列豬扒飯🍚$58熱熱既飯，再配上滑蛋汁，仲有未煮熟嘅日本雞蛋蛋白，一撈勻左，啲蛋汁就慢慢滲入個飯🍚豬扒炸得外脆內嫩，時間啱啱好，亦都唔會好油膩🫵🏻🫵🏻加州卷·芝士鰻魚卷🐟$28(4件)小食既壽司卷，好美味🥰一啖就可以食落口🍣

店舖內人唔算多人，只得三枱客。但係檢查冷氣師傅，就正正企喺枱客側邊，咁會影響客人食嘢。由落單到有得食，約莫12分鐘左右。烏冬完全冇口感。店內空間，枱與枱之間實在太窄。

有日由元朗踩單車入天水圍，踩到入去就想買外賣食下。入左新北江行一個圈，係一個較入既位見到間裝修好精緻既日本餐廳。本身以為日本野會貴，點知疫情期間佢既外賣仲平過其他粉麵檔！叫左一個魚生丼同鰻魚丼，夾埋只係$70！仲有紙包飲品送。咁既價錢，份量仲要好正常，魚生一啲都無hea你，真係好抵食！

呢間係位於天水圍樂湖新北江商場嘅櫻花樹下！聽個名都已經好有詩意，睇下呢間日本餐廳又有幾新鮮啦！環境/喺邊度？呢間鋪頭嘅位置有少少偏僻，但如果你知大概喺邊你就會即刻見到佢！你仲未搵到喺邊？正門搭電梯上一樓再去電梯嘅後面就會見到架喇。呢間鋪頭真係好大間，而特別嘅點就係要喺收銀處拎餐牌搵位坐。啲位多到餐牌都唔夠喇😂😂😂我就叫咗個早餐H餐雪花肥牛豬腳濃湯烏冬+熱檸茶。呢個餐最正係可以唔同料唔同湯咁配，當然唔同料都唔同價錢嘅，但最貴都係$40啫。料方面就唔到講喇，冇任何材料沉底嘅😂😂😂讚嘅地方係佢牛肉真係好大舊，夾起第一舊嘅時候我有少少shock咗。湯底就普普通通，唔會油唔會多味精。麵方面都係幾多嘅。早餐嚟講係已經好多料架喇！見到網上嘅餐牌好似都唔係太清楚，最後兩頁就係呢間嘅所有食譜，希望可以幫到有興趣去食嘅大家啦！

小編已經有段時間無嚟過新北江食晚飯，差唔多間間都已經試過一次，但總有一間實未食既。而今次見到呢間日式餐廳有位坐，因為之前嚟過如果再晏少少就無位😄，既然係今日有位就入去一試啦，上網見附近有好多街坊會叫呢間外賣🥡。✦✦✦✦✦✦✦✦✦✦✦✦✦✦🎈一口和牛飯 $52小編今次就點咗佢地既必點食物，一口和牛飯。小編開頭食一兩舊和牛覺得問題不大，軟熟易入口，和牛彈牙既口感係有，味道仲唔錯😲，而且出面煎過係好香。不過越食多幾舊之後感覺唔同咗啲，有啲太難咬，煙韌咗，甚至吞唔落。除咗和牛，仲有中華沙律、蛋絲，味道無咁單調之餘，望落去賣相都靚啲，另外仲加咗照燒🤣。✦✦✦✦✦✦✦✦✦✦✦✦✦✦總結：新北江係天水圍嚟講係一個美食城，乜都有得揀有得食。餐廳雖主打日本野，不過就係炒或熟食多，另一款出名就係蒲燒鰻魚飯🤔。

天水圍新北江係現時香港較為平民化的商場，商場裡也有好多平民餐廳均選擇，行完街買完日常用品就當然想搵個地方歇腳啦。估唔到有間日本料理餐廳係商場角落，環境精緻得來，又可以坐得舒服，最緊要係野食都唔貴，就緊係入去試下啦。唔好睇小餐廳雖小，但都是認真經營，話明日本野，壽司吧唔少得，幾個年輕師傅即場整野食，即叫即整。餐牌上無論壽司，魚生，各式各樣的飯或日式料理都有。我們兩個女仔食糧不多，點了油柑魚腩壽司，鯛魚壽司，火焰三文魚赤腩壽司，三文魚帶子反卷，蟹膏蟹肉軍艦，油柑魚壽司🍣，全部壽司全部都係我最愛❤️而且魚生新鮮，全部大大件，食幾件都已經飽肚。另外呢度都有特色野飲，我就點了杯雪碧力多，朋友就點了綠茶可樂，挺特別的。吃吃聊聊，這裡坐得也舒服也不會限時間，埋單都係$200，抵食不錯喔。

櫻花樹下搬左舖，舖頭大過之前好多呀，不過防疫下都係規定二人一枱，所以繁忙時段都等好一陣嘅。入坐後睇下餐牌，好多野揀呀，最後決定叫兩個午餐同一份下午茶，呵呵，超豐富吧。估唔到咁大份，兩個餐已經擺滿左枱～朋友點左一人前嘅午餐，可以由1-6號各選一樣，揀咗主食做珍珠米飯，前菜係泡菜，壽司係玻璃蝦，主菜係和風牛肉，小食係碳烤雞腿肉，甜品就係芝士蛋糕，個牛肉煮得好入味，朋友話超大個飯食唔食，哈哈，一上枱見到個小飯山就覺得好誇張。自己呢個就更犀利啦，揀咗個大滿貫午餐，由1-10選一款呀！主食揀咗蕎麥麵，前菜係蟹子沙律，壽司係三文魚赤腩，主菜係蒲燒三文魚，小食嘅章魚小丸子，甜品芝士蛋糕，揚物係野菜天婦羅，刺身三文魚，串燒帆立貝串，仲有時令水果。天婦羅即炸幾香脆呀，三文魚壽司火灸過夠甘香。帆立貝大大粒好彈牙。蒲燒三文魚甜甜地好味喎，塊三文魚扒都幾大塊添，粒小丸子就無乜特別。三文刺身都幾厚，幾鮮味呀，呢個價位完全收貨啦。蟹籽沙律青瓜絲爽脆，蟹柳蟹籽同蛋黃醬都下得多，正。蕎麥麵就一般啦，無乜蕎麥味，同埋淋左少少啫。最後食埋個甜品先，揀左芝士蛋糕，意外扡大件嘅，綿綿的幾正，仲有時令水果係藍莓吖。左邊係天婦羅