權記雲吞麵

營業中

休息中

早餐除了可以吃麵包之外，米粉也是一個不錯的選擇這間位於灣仔的粉麵店，不但價錢平、份量足、味道也很不錯，簡直是窮人恩物啊魚蛋雲吞米（$20）無論單拼/雙拼都是$20（外賣需另加+$1）雙拼也只售$20，太便宜了吧粉麵可選米粉/米線/河粉/幼麵等等，而配餸則有魚蛋/牛丸/貢丸/墨魚丸/牛肉/雲吞等等魚蛋共有3粒，略嫌味道不足，但十分彈牙雲吞有2大粒，餡料十足🍤🍤🍤味道也不錯米粉則不過不失喜歡吃辣的朋友可以自行加配秘製辣醬

係附近返工，有時候都會黎呢度買早餐食，因為飽肚又平，仲要唔洗一分鐘就煮好，勁快手之前買$19蚊，依家加左$1，但都只係$20蜿。配料方面有自家制白魚蛋、墨魚丸、牛丸、鯪魚球、魚片頭、雲呑、貢丸同魚皮餃，可揀米粉、麵、河粉，單拼或雙拼都一樣價。🍜《牛丸雲呑米粉》$20牛丸有三粒，雲呑有兩粒，兩款都大大粒🤩牛丸唔算十分爽口彈牙，但係勁重牛味，好正😚雲呑既蝦肉好大粒，食落爽口幾新鮮，每次去買都見到都個姨姨係度包😲。 廿蚊一碗，價錢超平民，又算得上真材實料，性價比勁高😭應該賺得唔多，所以真係好有良心💓岩晒我呢啲窮L🙈

平時因為寫食評所以相機食先，今次完全冇諗過一碗$22嘅河粉都要寫食評，但食食吓覺得太好味所以要影相！首先我冇留意佢幾多錢一碗，純粹想搵個地方快快脆脆醫肚，直到我食到一半發現又真係幾好味嘅時候再望吓張單，$44？係一碗？兩碗？寫漏咗一個價錢？我自己叫咗普通嘅雲呑河粉，同行叫左碗豬肉丸河粉（我筷子夾住左粒豬肉丸）。其實係想讚佢嘅河粉做得好好，口感好讚，同埋呢個價錢真係好抵食。雖然佢嘅雲吞同湯底唔算好特別，不過豬肉丸都幾香幾好味，呢個河粉一個星期食幾次當午飯都冇問題。而且佢哋上菜上得好快，坐低冇5分鐘就已經食得。

今天不太舒服沒有什麼胃口，午飯就決定去權記雲吞麵吃碗麵。這裡的麵非常抵吃，兩款餸連麵只售$20元，麵底可選米粉、河粉、粗麵、幼麵。一到午飯時間都會大排長龍，不過流轉率高，如果一至兩人的話大約10分鐘就可入座。餸的款式亦不少，最出名的當然是雲吞，另有各式自家製丸類可供選擇。今天選擇了比較清淡的鯪魚球及魚片頭，鯪魚球沒有碎骨，魚片頭亦非常彈牙。另外生菜或菜湯亦只售$10，是健康之選。份量對女生來說剛剛好，男生的話可以點三餸麵，都只是$26，是港島區少有有質素的平價麵食店。

呢間麵館🍜🍜🍜真係好抵，超抵，爆抵！真係令係灣仔番工既我成日食😍😍呢到既雲吞麵只係需要$20蚊碗，而且份量絕對唔細。今日就叫左雲吞魚蛋米粉拎走，$20+$1外賣=$21 講真，今時今日仲有21蚊碗既麵，呢間店真係好有良心👍🏻👍🏻，雙拼仲要唔洗加錢，21蚊既價錢碗野竟然仲有3粒魚蛋🐟🐟2粒雲吞🦐🦐雲吞絕對唔hea,粒粒都有好大舊蝦，蝦都好爽口，食得出係新鮮野！！魚蛋都好彈牙，好正😍😍我呢碗係加左辣椒油，呢間店既辣椒油好香，唔同出面一般買到嫁，之前聽到啲店員講，啲辣椒係喺店裏面手炒，出邊買唔到，真係夠曬誠意👍🏻👍🏻

今時今日一碗雲吞麵只係賣你廿蚊仲想點？「權記」個湯底真係做得幾有鮮味嘅... 係咪味精水我就唔知啦🤔 但係雲吞嘅用料真係麻麻地，咬落去啲蝦肉有陣難以形容嘅怪味道🤮不過就當自己去食碗齋麵頂吓肚，算係咁囉👉🏻👈🏻

《權記雲吞麵》 #食在灣仔📍灣仔交加街10號舖地下-🔹雲吞牛丸米 $20其實廿蚊仲想有咩質素呀？不過真心唔好味 個湯唔係無味咁簡單 係有d怪味牛丸就普通貨 雲吞應該算係最好 米粉份量都ok啦🔹通菜 $10都多嘅 都算乾淨 抵加啦不過呢個質素 我寧願加多小小錢食間好 d餸正常嘅 個湯就加多d辣椒油就唔覺有問題 糧尾淨係食個$20麵都勉強可以接受

平靚正！每逢lunch time灣仔餐廳都好多人排隊，本身想食金鳳，但實在太多人，就行左去附近睇下，竟然比我發現係港島區仲可以搵到$19食一碗粉 (仲可以揀雙拼!) 雲吞/ 3拼都唔過$23我點了魚蛋,、雲吞雙拼河😌魚蛋好彈牙, 唔係cheap cheap貨仔來，雲吞隻蝦都好大隻, 有蝦嘅鮮味~ 全日都$19 蚊一碗仲可以有冷氣嘆，係邊到搵😂見好多一人去食, 極速有位! 🔴權記雲吞麵 -地址：灣仔交加街10號舖地下

今日一人午餐，由於呢排食得太多好西，洗左好多錢，午餐要食平dd, 便去了座落灣仔的權記雲吞麵。我點了一碗雲吞貢丸湯河，雙拼都只係$20及一碟腐乳通菜$10。呢個時代仲可以以$20食碗雙拼麵簡直係良心小店，唔好以為$20實冇好野，伙記送上枱後，碗內有兩粒雲吞及三粒貢丸，雲吞咬開一半後，你會見多好多蝦係入面，真材實料。貢丸好彈牙，河粉量都唔算少，而腐乳通菜份量都唔細。如遇糧尾，又想填飽肚子，此雲吞麵舖真是不二之選。

要喺灣仔搵一間平靚正既野食，我相信一定非權記雲吞麵莫屬。呢個年代竟然都仲可以用$20蚊買到雲吞麵食，而且雙拼都係一樣價錢，而三拼都只係$26蚊，真係良心小店 我叫左碗雲吞墨魚麵$20入面有2粒雲吞、3粒墨魚丸，墨魚丸有墨魚粒，食落都有墨魚香味，而雲吞就好爽口👍🏾另外加左碟腐乳通菜，都只係$10蚊，通菜份量都好多，配上腐乳醬，鹹鹹的，味道非常夾🤤另外加了一枝可樂$8蚊，相對地好似無咁抵，但真係太口渴了，埋單都係$38🤭

下午落單時叫咗多蔥，點知落單阿姐冇落到，D蔥得幾粒。之後叫佢俾多D蔥，個阿姐話咁仲唔多葱，仲話我落單時唔講，我同佢講我落單時講咗3次，係阿姐冇做野，而不是我冇講。個阿姐之後”苖”下我就走咗去，最後都冇俾多少少蔥。D蔥值幾多錢，叫佢地俾多少少好似乞衣咁，你呢度雖然平，但一D都唔飽，仲成肚氣，下次一定不會再來。

😳係灣仔竟然仲可以搵到$19食一碗粉 (仲可以揀雙拼!)其他都好平, 雲吞/ 3拼都唔過$23🍜點了魚蛋, 雲吞雙拼河🥟😌魚蛋一點都唔hea, 好彈牙,雲吞隻蝦都好大隻, 有蝦嘅鮮味~ 🔹全日都$19 蚊一碗仲可以有冷氣嘆, 仲想點?!🤷🏻‍♀️🤷🏻‍♂️😃樓面呀姐仲好好, 唔會急住要人食完趕你走的~見好多一人去食, 極速有位!😎呢個年頭仲搵到有良心又用心的小店真係買少見少😭希望佢可以一直做落去, 唔好死係香港的地產罷權手上🤫😋好味指數😋：7.5/ 10🔴 Follow Instagram: Foodmarker.hk

細細個阿媽成日帶我來權記食雲吞麵細細個已經問阿媽點解可以咁平仲要咁好食呢度嘅鮮蝦雲吞真係招牌菜一粒雲吞有好多隻蝦 仲要好好食雲吞好爽口又食得出蝦嘅鮮味呢度真係值回票價

次次經過呢個門口都好多人排隊，今日見只係得兩三個人排隊，所以等左一陣入去，食咗碗墨魚丸魚蛋麵，再加埋個一個腐乳通菜,價錢都只係$30！整體間餐廳感覺闊落乾淨冷氣充足，去到魚蛋蛋呀墨魚丸的確好味⋯⋯！值得推介！完全打破平嘢無好野的定律，今次竟然有好野

與細佬在灣仔街市附近找吃，他推薦此平、靚、正的粉麵店。雙併粉麵只售$19，二十元有找，實在是物價高企中的清泉。樓面阿姐熱情招呼，我們於晚上約八時來到，唯恐阻礙他們關門，但原來八時多還繼續營業呢！先來的是炸魚皮，$16，最欣賞的是附上的湯，濃濃的魚味，應該是大地魚吧，把薄、脆的炸魚皮浸進湯幾秒，魚皮吸收了魚湯的味，根本就是一道好味的零食！細佬最推薦的是雲吞，爽口彈牙的蝦，雙併不用加錢。我點了魚蛋墨丸河，魚蛋大粒，彈牙，墨丸內有少少墨魚粒。最細心的其實是他們不會把蔥放在湯内，反而放在湯匙上，方便不吃蔥而又忘記要求「走青」的顧客呢！總的來説，$19一碗，大大碗，一定夠飽，最重要的是：味道確是不錯的！