欣圖軒 (已結業)

裝修後都没有來過，通常都是來吃午餐的，今次就約了同事吃晚餐，可惜最终他們有事來不到，既然枱已訂就不要浪费啦！由原來五人枱改成二人枱，先上個開胃菜，醃萝卜，酸酸哋名符其實開胃菜，點了兩個湯，一個是蟹肉粟米羹，另一個是海參燉羊肚菌，再點了有個白露旬炒蝦球，蝦肉爽彈有鮮味，和乾炒和牛河粉(抵食)，每人分到三碗，和牛大大件又夠冧

以前嚟過欣圖軒。食品質素都唔錯。服務亦都合乎水準。今晚嚟到呢度係提前慶祝端午節。預先已訂了花膠湯片皮鴨 居然連前菜都要等成個鐘。 收尾發覺原來係留咗單 咁高級嘅酒店食肆居然會係咁。請埋啲人又唔熟手 一不單止服務差面食物亦都非常重手咁鹹啊士氣又差個Belt boy 喺度玩電話 總之一去到就發覺員工十分懶散。 係個大堂經理稍為好啲 成家人仲食咗成萬四蚊諗住呢間野都算係曾經有米之蓮冇理由咁差㗎永不錄用叫返做麗晶都冇用

Chinese cuisines have always been my favourite comfort food. While I particularly enjoy dim sum, I also like Chinese stir-fries and high-end Cantonese dishes. Recently, I have been to the re-design and a newly renovated Chinese restaurant – Yan Toh Heen. I am super excited to share the experience since it is the second visit after my first to celebrate my 21st birthday.Yan Toh Heen is located at the lower level of the Intercontinental Hotel. It has an elegant and gorgeous interior, a hand-carved

第一次來 intercontinental 洲際酒店, 對上一次只係來飲，第一次來欣圖軒晚飯，第一個印象係佢地個中菜廳裝修好靚，好典雅既設計, 服務由外面到入坐，服務都係6星級, 到點茶及點菜時，由於我地有5位，各人想法不同，職員都好有耐性來一一講解，非常有耐性地提供意見及等我地做決定，中間仲要一邊點菜，一邊仍在想加菜，所以絕對要俾個LIKE佢地既專業服務及態度先來免費的柚子豆腐，非常清新，之後海折同一般用陳醋調味不同我最喜歡係素菜腐皮卷，外脆內軟，非常好食, 花膠桂花翅既花膠無乜味及硬，呢點有進步空間, 另外家人都非常喜歡海爐魚及雞, 魚皮非常脆，魚肉鮮嫩，雞亦係外脆內軟，裡面肉質好嫩滑木耳，及燒肉都有極高水準，但燒脆鱔就比較失望，因為唔脆而且有魚腥味, 希望日後會有改善飯後甜點都係非常推介!

新年既拜年飯選擇左呢間餐廳，整體表現係全5星！無論環境，味道，服務都係一級。果然米之蓮即係米芝蓮，呢個價錢係絕對超值👍🏻👍🏻👍🏻👍🏻👍🏻每一碟食物都好精緻，對住個海景食飯真係加爆分😍😍雖然菜品分量小，但好精緻而且味道十分佳，當日忍唔住做左一晚港女不斷影相😋當日叫左呢個menu，每份望落好似超少咁，但食到最尾甜品時已經好飽🤣🤣甜品既擺設都好有心思呢款甜品真係超令😍😍😍

農曆年後，總有幾餐同朋友一齊聚一聚嘅開年飯，其中一餐就印象好難忘，就喺晌香港洲際酒店獲米芝蓮兩星嘅「欣圖軒」，從餐牌內頁嘅介紹，更喺福布斯五星嘅食肆。雖然，小弟唔會全然信晒啲乜星物星，不過，今次到訪過「欣圖軒」食午餐，享受咗一次粵菜藝術，就知其摘星有因，絕非僥倖！餐廳嘅入口位就位處食自助餐嘅「港畔餐廳」側旁，門面其實有點唔顯眼，不過，入到去你就知咩叫做深藏不露。原來餐廳剛由另一邊位置搬過嚟，屬全新面貌，由門口入到大廳，就會輕易發覺都喺以優雅嘅玉石做主題，中國人對玉石可謂情有獨鍾。先介紹吓接待處對出呢個位置，最初匆匆入去大廳時都無為意，以為只喺一個淺池，之後再細看，天花垂落嚟呢個其實喺印章，「欣圖軒」三個大字正正清晰鮮明倒映晌水池中，非常有心思。再經過由墨綠色玉石砌成嘅大門框後，影入眼簾就喺一條長長嘅長廊，長廊兩旁喺以人手鑲嵌咗用珍珠貝殼刻畫嘅圖案，一邊抽象咁展示出海岸、山脈……等等意境線條，另一邊則勾畫出富中國色彩嘅松樹與梅花，喺對中國文化嘅一種重視。此外，沿路、以及大廳，都放置咗唔少藝術品，雖然，小弟對藝術嘢一竅不通，但予人更感高雅脫俗。卒之嚟到大廳用餐區，感覺豁然開朗，因為，原來餐

同友人慶祝生日，去咗尖咀洲際酒店中餐廳欣圖軒，係米芝蓮二星餐廳，Kiwi我大出血，二人食咗千八蚊🙈不過，都係果句，最緊要好食！龍帶玉梨香-好特別！估唔到帶子、蝦同梨可以整成一道菜式。賣相整得好靚，好似馬卡龍咁，玻璃紙放係底令到粒帶子外表七彩顏色🌈而食落好有層次感，味道清新，帶子同蝦味道鮮甜。焗釀鮮蟹蓋-店員悉心介紹菜式，仲幫我地加喼汁減少油膩感。個面炸得好香脆，一篤開陣陣蟹香味流出，入面有啖啖蟹肉混合啲cream，好正🤤至於其餘嘅有脆皮龍崗雞，桂花瑤柱炒花膠絲同櫻花蝦八寶焗飯，味道都唔錯但比起首兩道菜就相對失色。除咗美食仲有維港美景

欣圖軒的環境一流，夠寬闊，不過中菜廳一般會比較嘈雜，想安靜，可能要訂位時要求靠邊的位置。食物方面，食材可說是一流，明顯都是上上之選，但味道方面則較為遜色。首先中菜大多強調新鮮熱騰騰，即叫即煮，這樣材突出味道及鑊氣，可惜我們當天的菜色上枱時都只是暖暖，即使是砂窩上的魚柳也不熱。小食的合桃做得很出色，如果想外帶，$100 小盒。屋企人推介焗蟹蓋，事實上，非常足料，蟹肉很多，面焗得很脆，$238 一個是合理，但味道上則沒特別，可加一點醋吃。XO醬露筍炒蝦，用料好，蝦很夾口，但XO 醬味淡，材料都沒什醬料味，像各自獨立。魚柳及無花果炒菜就太鹹。做得最好吃的是薑蔥撈麵，鹹淡適中，如果麵的鹼水味減少會更完美。壽包上枱時很有氣氛，很用心。整體服務質素極好。我們4人用餐，折後$3xxx，原價$4xxx。

又來到我最喜愛其中一間中餐，就係欣圖軒啦！今次知客安排我倆坐近窗口位，望下海景，心礦神怡，再望着枱上玉石攞設，更覺貴氣；欣圖軒本身點心款式吾太多，所以就叫了一款點心和兩個小菜嘗嘗蝦餃脹卜卜，蝦肉彈牙，皮夠薄，點上余均益辣椒醬，和牛面珠，夠冧，well done都吾怕 un，一流蒸班腩，魚肉鮮甜，加上豉油汁好好味，撈白飯侍應話一人份量只得兩件，所以建議 order兩份。欣圖軒每次都能保持水準，不愧係2星食肆。

雖然我唔算係一個非常熱愛食中菜的人，但係如果係好味的中菜，我又非常願意嘗試☺️ 今次黎到的欣圖軒已經係連續第四年獲得米之蓮二星美譽，實在令人更加有所期待。餐廳位於洲際酒店地下，入口有點兒隱蔽，但係沿着指示牌都好快搵到。餐具係用玉石做主題，非常高貴。一早已經預定左片皮鴨，果然無令人失望。燒到色澤非常漂亮，格紋一致，而家非常大隻。配埋片皮鴨一齊食的醬有三款，仲有唔同配料，客人可以自由mix&match出自己最鍾意的組合。剩返嘅鴨肉拎左黎炒，配埋生菜包住食，又係另一種口感。餐廳最後免費送上中式甜品，賣相同味道都唔錯。

同一班朋友相約聚餐，有人提議去洲際酒店內嘅中菜廳欣圖軒，大家一致和議。之前諗住上網睇定有咩菜色好介紹，結果發現原來呢間餐廳連續四年獲得米之蓮二星😱 即時令到我期待感上升🔝因為餐廳位於洲際酒店來，所以如果有預先打電話去預留窗口位的話，會睇到維港景色。我非常推介佢地既黑豚肉叉燒，燒得好香，色澤漂亮，而且入口好嫩滑，唔會覺得好乾。另外焗釀蟹蓋都好正！裡面全部都係滿滿的蟹肉🦀😍我地並無特別點甜品，但係餐廳竟然送上特色中式甜品，好surprise呢！

公司大佬生日，當然要隆重其事成班同事為佢慶祝一番。我哋揀咗位於洲際酒店入面的中餐廳欣圖軒，見到網上評價幾高。餐廳其中一個賣點應該就係窗口的位置可以望到維港景色，即刻令食中菜都變得有浪漫感覺。因為我們有六個人，所以可以叫多幾款菜式share。🦆片皮鴨係必點菜色之一，建議要預先打電話預訂，而且可以將鴨二食。片皮鴨燒得非常香脆，色澤均勻，肉質嫩滑。🐖另外令我好深刻嘅係蜜汁黑豚肉叉燒，叉燒表面燒成微脆口感，咬落去有種叉燒要融化的感覺，口感好豐富。

係英國日子耐咗，唔多唔少都會掛住中菜嘅味道。未返到香港已經約定友人訂定餐廳順道聚舊。   連續四年獲得米芝蓮二星的欣圖軒，水準一直保持，當然要來拜訪一下。餐廳位於洲際酒店地下。入咗大堂後，要先行一段路再落一層樓梯先到，都幾隱閉，但途中一直會有指示牌。到達餐廳後，半落地大玻璃可飽覽維港景色。枱與枱之間相隔一段距離空間十足，可以盡情暢所欲言。溫馨提示：訂位時可要求窗口位坐底後，晶瑩剔透的玉器餐具盡入眼簾黑蜜琥珀合桃小食極度香脆之於甜度適中，同行友人大讚更吃清光位於荷葉飯後方- 脆皮龍崗雞半隻＄290雞皮薄脆而不膩，唯獨是有點咸，可能本人比較喜歡清淡花膠廖參湯$560／位講起清淡，中式湯一定走唔甩。呢碗花膠廖參湯用料十足，湯面一啲油都無，飲得出煲咗好耐。如果大碗啲會更好，湯怪表示唔足喉。飄香荷葉飯$90／位英國成日都食西餐，總會有想念飯的味道。點咗一人份量。友人都是女生，所以Share 都夠。紅酒是品酒師推介中式甜品$0甜品是餐廳贈送，味道不過不失，免費東西不能要求太多。每件都十分精緻小巧，像真度100%順帶一提，夏天關係同友人都穿上小背心，服務員都細心問到：「需要換位置／要披肩嗎？」食物到

曾在這裡吃過生日晚餐及飲過生日茶，這些是第三次到訪，也是第三次慶祝生日；始終高貴玉石主題環境、優美海景（可惜被裝修工程擋了一半...）及米芝蓮2星都是吸引因素。 到劉聯發茶莊品過茶後，坦白說近年越來越少茶能夠打動味蕾；喝一口水準平平的茶後，率先上檯的琥珀合桃香脆不再，似是擺了一陣時間，沒以前的驚艷好吃啊！接著是 豉油皇櫻花蝦炒腸粉 ($160)，賣相味道都不差，但以此天價會期望更出眾口感。 晶瑩筍尖鮮蝦餃 ($88) 及 蟹皇蒸燒賣 ($88) 也上檯了；蝦餃我沒吃，據朋友分享水準正常，還有懷舊筍尖元素是最吸引之處；燒賣就估不到的好吃，是少數讓大家折服味蕾的出品。 接下來還有 生煎和牛餅 ($75)，成品煎得不夠香脆，個子又小不太吃得出箇中和牛滋味；而 黑菌金霞素菜餃 ($66) 比預期漂亮，但味道還是平凡有欠火花。 主菜環節，矜貴馳名的 香烤片皮鴨 已經去到$1,438/隻！非常驚人，我們決定選點其他燒味類，首先是 玫瑰豉油雞 ($220)，滿有玫瑰露香氣出眾，雞件也嫩滑入味，是另一款大家覺得值回票價的水準出品。 但 桂花蜜汁燒脆鱔 ($298) 就未如理想，一來菜式的碟邊本身就黐

上星期五同朋友慶生 去左米芝蓮2星既欣圖軒食午餐 點既主要係點心：香芋火鴨雪山包-外皮夠脆 幾口味鮑魚海鮮芋酥（原名唔記得）-上面係鮑魚 下面係芋頭酥，餡料好足 有好多蟹肉，亦有芋頭既香味，值得一試！極品三式海鮮餃-分別係黑松露帶子餃（左）、鮮斑餃（中）、長腳蟹菜苗餃（右），個人最鍾意帶子餃，非常鮮味！金魚餃-可能因為食左三式餃，覺得呢個無咩特別，個人認為叫左三式餃可以唔駛叫呢個XO醬炒蘿蔔糕-蘿蔔糕本來係好普通既點心，但呢度整得好好味，蘿蔔糕本身好綿，味道亦好好，非常推薦！最後既甜品揀左比較特別既薑汁雪糕， 上面係薑汁雪糕，旁邊配上龍眼肉，下面就係奶凍，口感好豐富！