正品蕃茄湯麵店 (已結業)

今晚兩個人黎到呢間蕃茄湯麵食晚餐，由於筆者並非第一次黎食，所以叫左一個麵同一個飯同大家分享下。麵叫左個墨魚餅麵with香芹湯。墨魚餅係用墨魚膠煎出黎，唔係俾d墨魚丸你，而且份量十足，唔係薄薄一塊咁，仲要墨魚味相當濃郁。而麵由於製作時加左蕃茄，所以呈現紅色，食落有啖啖蕃茄味同麵味，有味之餘又唔會搶左個湯底味。而個湯係蕃茄薯仔湯，蕃茄味十足。但如果你叫香芹味就只不過係將d芹粒放落湯上面，唔會好有芹湯嘅味道。但湯本身絕對好飲，成個麵都好抵食。飯方面，叫左個比較抵食嘅隊長肉餅拼雞扒飯，白飯初頭以為係白飯，但原來係蔥油飯，蔥油唔會好咸，除左油膩d之外，冇埋問題，幾好食。雞扒唔會好厚，切得夠薄，令煎時更加均勻香口，肉質煎完仍然好滑，但唔會剩係爆哂d油出黎，係雞扒本身煎得滑，剛剛好，味道仲要入味可口。重點個隊長肉餅，肉餅煎得唔會散哂，又唔會實的的，質地一流。再講味道，醃味時撈得夠勻而且用料足，食落去唔會食空氣，份量亦十分足夠抵食。如果你去過同區肉餅哥食，呢度只會係有過之而無不及，一定要試。綜觀黎講，呢間價錢，有質素仲有份量，十分難得。用餐日期:22/1/2019是餐費用:$97味道:9/10環境:8

昨日和老公在荃灣行完街，無意中見到這間麵店，湯底是蕃茄湯和見有墨魚餅及肉餅都幾吸引，見有位就入去坐低。我地叫左腐皮墨魚卷湯麵餐，香煎墨魚餅拼隊長肉餅飯餐，炸墨魚小雲吞 (4件)｡腐皮墨魚卷皮薄香脆，墨魚彈牙，湯底揀左酸菜蕃茄湯很濃蕃茄味，酸酸地好開胃，麵係蕃茄麵條，並唔係被湯染成紅色的，麵質彈牙，整碗湯麵都好好味。 墨魚餅拼肉餅飯每款有2大塊，肉餅鬆軟唔太實，墨魚餅每食一口都有墨魚粒，好有口感。 炸墨魚小雲吞外皮炸到卜卜脆，配甜酸醬一起食十分惹味。

之前食過千色店分店既正品 覺得座位有啲迫最近得知大壩街開左分店 就即刻再黎試試大壩街既正品比千色店分店大 座位闊落好多我地叫左佢既人氣推介 腐皮墨魚卷公仔麵湯就要左蕃茄肉碎蛋濃湯雖然轉濃湯要加$6 但真係好值得俾個湯有茄溶 好濃 夾埋公仔麵真係一流👍🏻佢地個腐皮卷都唔錯我地特登叫廚房另上 咁樣啲腐皮就可以好脆要食既時候先點湯因為個湯太好飲 最後成碗湯都飲哂十分滿足！係返屋企既途中 都唔覺得口乾 證明佢地冇落味精加分！

之前係近千色果間食 都好地地 今日黎左荃廣呢間直頭係9唔答8我同老婆坐底叫左2個餐啦叫左1杯凍奶茶同1杯熱coffee 好喇 杯coffee 係暖既仲要係接近凍既好喇杯奶茶呢就甜到係要x既咁就叫佢換啦 佢夠膽死拎杯咖啡去叮囉（好野）仲有係d侍應 我感覺係好似返左大陸一樣（國語人）佢地勁無禮貌！仲要開到佢個喇叭📣勁大聲 仲要係到唱埋囉想講比你知！我唔想聽你地d歌囉 唔該 總結 我有生以來都唔知再係呢間野食囉👎🏻👎🏻👎🏻👎🏻

剛巧在附近工作，午餐得一個鐘，咁隨便揾間價格合理嘅小店醫肚啦！店面普通而且十分狭窄，其實不甚起眼，但有麝自然香，識食的顧客不少，全場幾乎滿座。點咗豬肉薄片八爪魚丸芹菜番茄麵，配菜沒甚麼特别，但番茄湯加番茄麵，等同double chocolate一樣，番茄味格外濃郁，加咗中芹吊味，既够香又够酸，但味道又不失真，好味！同事點咗一個煎肉餅飯，分量好足吖！佢表示都好好味！下次有機會，我都想試下！真金不怕洪炉火，好店何愁沒有捧場客。香港小店，加油！

之前一直幫襯近千色點嗰邊嘅鋪頭,但嗰邊比較迫。今日行過西鐵站附近發覺開咗間分店，無多諗就走咗入去，呢度附近有好多食肆，星期六下晝來人流唔算多。見到有下午茶供應，但一心諗住食墨魚餅，加上太掛住蕃茄濃湯底，所以放棄咗下午茶。等咗十五分鐘野食終於出現，果然無拎我失望。蕃茄湯依舊濃郁，差唔多俾我飲哂，雖然要加六蚊，但絕對值得試，墨魚餅有兩大塊，好厚身，食完碗面，飽哂！

正品蕃茄湯麵店本身唔太中意食蕃茄 無論生定熟都好麻麻係呢間打破咗我既觀念😳原來都可以咁好食同友人嚟到舖頭 可能因為午飯時間關係入便已經滿座 要等一陣 所以望下餐牌諗定食乜自己好快已經鎖定咗要食隊長肉餅湯麵💲49我好鍾情肉餅 貪佢啖啖肉而呢間嘢亦有蕃茄麵、米線、米粉、通粉等等既不同種類提供咁一場嚟到梗係要試下佢個蕃茄麵啦終於上菜 哇見到成碗嘢都係橙紅色感覺好健康 而肉餅亦有2大塊 一啲都唔吝嗇肉餅咬落去好香好juicy 真係好食喎而個麵煮得岩岩好 質地唔會好淋亦唔會硬湯底唔會好酸 整體感覺真係好中意好好食好食度:😋😋😋😋😋而友人叫咗脆炸雞扒湯麵💲47雞扒炸得好出色 佢係原塊雞扒上既所以會提供把刀比你自己切開個口感係好脆 唔厚粉 肉亦唔會乾鯁鯁 抵讚唯一美中不足係有小小油好食度:😋😋😋😋又一抵食好選擇，下次會再嚟幫襯！

一個人食個快Lunch，叫了墨魚卷蕃茄麵，有數款蕃茄湯底可以選擇，愛辣之人叫了麻辣蕃茄湯，感覺頗新奇，跟餐加了一支豆漿，都只是5蚊咋，又幾抵飲。麻辣蕃茄湯其實就是蕃茄湯加了一些辣椒醬，墨魚卷有四大條，好抵食。麵條是紅色的蕃茄麵，和一般麵條差不多，比較彈牙。墨魚卷口感欠佳，粉比例較多，只有很少量的墨魚肉。豆漿有黑白兩款，我點了白豆漿。埋單盛惠$52，價格中等。不過食完之後，一直好口渴丫，當天下午飲了很水，味精應該好重手。

以前住大窩口時已幫襯到搬走後，經過荃灣發現原來有分店於是去食番個味道，的確野食係仍然好味肉餅仍然優秀可惜呢度既服務態度係差到無人有！我舉手想嗌野食，個個扮睇唔到等左好耐叫完野食 好啦，話左個飯走蔥油黎到個飯又要自己逐粒筆走d 蔥個人企喺我前面嗌左兩聲唔該都唔應最嬲係佢地不停大聲講鄉下話好似個個都聾既咁d 野食放低就走 要問先比餐具我以後唔會再幫襯。完

又黎到荃灣區啦！今次去左荃灣廣場後面果條街到食野！簡左一間係蕃茄主題既餐廳🍅！好食！一定會再食！🍜野食方面：我叫左個炸豬扒蕃茄麵🐖，湯底：胡椒蕃茄湯（有啲啲辣）但係感覺好暖胃！💎有咩特別？佢係蕃茄主題，蕃茄湯麵有4款，都夠特別！但係特個人最欣賞既係，佢個麵都係用蕃茄整架🍅！所以佢啲麵條係紅紅地色！好有心既蕃茄麵😋😋💵價錢方面：佢一個set係包埋野飲，$47（大部分係呢個價）！唔叫好平好抵食！但佢包左野飲就變得好抵咁啦！所以係唔錯唔錯！

星期六夜晚荃灣有咩好食？ 周圍都好似食過晒，天氣咁熱又唔想食飯，就諗住食下面或者米線，就搵左尼間食蕃茄面既試試。🛎🛎其實款式就真係唔多，叫左一個腐皮墨魚卷米線，酸菜湯湯底，有另一個香茜湯底option好想試（留番下次食），連埋熱飲都係$47，晚餐尼講唔算貴。10分鐘左右就有得食，一見到呆左2秒，點解有成4條墨魚卷咁多，平時出面食都係最多兩條，講真一睇到真係食唔晒，但慢慢食食下又真係食晒😂😂😂 特別要提一提個酸菜底，的確唔錯，唔會太酸，淡淡地岩我，可以encore。

午膳就腳去了這家蕃茄麵專門店，第一次光顧。下單叫了麻辣雞拼豆卜麵，加了杯飲品。今次主要就店員服務態度及食物味道評論。店員態度:上菜前慣性和同事聊天，順便check單一次。發現麻辣雞變了生滾雞，小事一樁，告知店員更改，成功。然後同事們也一起檢查，因為一行6人，下錯單機會不小，後尾發現6人有3張單都下錯了，其中一單有同事一向不太能吃辣，只叫了小小辣，店員下了大辣並堅持自己無下錯單是客人叫錯。雖然最後也順利向廚房改回小小辣，其實下錯單改回便可以，何必令場面尷尬？味道:正品蕃茄湯麵店特色就是其蕃茄湯底及有蕃茄成分的麵條。吃了第一口已極為失望，湯底淡而無味，像混了滾水的淡，完全沒有蕃茄味，只有拌菜的大紅蕃茄調調味。麵條味道還好，吃得出帶微酸的蕃茄味。值得一讚的是麻辣雞，夠辣夠惹味同事表示之前吃過一次沒那麼淡味，希望今次只是例外，我會為了麻辣雞再試一次希望會有改善

基本上喺荃灣諗唔到食咩就會黎呢度食😂平靚正！呢間舖比千色個間大，坐得舒服d!中午黎到都唔洗等位直入😛😛田園樂園黑胡椒湯蕃茄湯底好夠味👍🏻👍🏻真心好食，又多料，素雞很好食啊！如果唔想咁漏滯，想食清淡d都可以一試呢個👀😋😋墨魚餅蕃茄麵配風味湯風味湯其實係辣，揀左中辣😋墨魚餅係我最愛，好多墨魚喺入面，食落有口感！正🧡不過唯一一樣覺得麻麻地就係衛生，唔知係咪夏天嘅關係。。好多烏蠅飛黎飛去😫希望可以改善下

有日去荃灣廣場睇戲，睇戲前醫下個肚先，就入咗去喱間舖頭食個午餐先，這店主打 蕃茄湯底，但午餐都有好多選擇，我叫咗個腐皮墨魚卷麵配蕃茄肉碎雞蛋濃湯湯底，老公叫咗個蔥油豬扒墨魚餅飯。我嗰個腐皮墨魚卷都尚算ok, 但一碗麵有成四條，似乎好似多咗小小 😅，腐皮炸至金黃，香脆可口，但有小小美中不足的是，它的蕃茄濃湯，應該是用現成茄膏做，而不是用新鮮蕃茄製成，要扣小許分數。而我老公食嗰個蔥油豬扒墨魚餅飯，豬扒鬆脆，墨魚餅彈牙，只略為唔係好夠蔥油。整體來講，尚算合格啦！

平時本身好鍾意飲番茄湯，難得今日經過荃灣見到有一間食番茄湯嘅蕃茄面，真係好驚訝，原來番茄可以造成面，既然咁新奇，我就梗係要去試吓啦。都到咗差唔多收工嘅時間啦，店內嘅人很多。我叫左呢個係腐皮墨魚滑酸菜面，佢嘅腐皮乜如畫係即炸嫁，腐皮好脆，但係好可惜佢冇分開上，令到啲腐皮放入湯度浸淋左，但係原來浸林左都有佢嘅獨特之處，就係啲腐皮索左啲蕃茄湯嘅味道，原來有幾好食喎⋯⋯麥如畫好爽口彈牙，而且食到佢入邊仲有一粒粒嘅墨魚，而且又夠實淨。番茄麵好煙銀，好有咬口，唔會好淋。而且佢着番茄湯酸酸甜甜好好味，入邊仲會有啲蕃茄粒，加上酸菜可以帶出佢嘅酸甜味。