正宗上海生煎皇 (已結業)

自上星期病倒後，XO仔晚晚返屋企都被迫食白粥清腸胃，唯一只可以靠午飯時間偷食。適奉萬聖節，因身體不適早已決定夜晚唔會出街狂歡，朝早就專登穿起功夫裝，大玩另類制服誘惑，中午行咗去登龍街間「正宗上海生煎皇」扮龜仙人搵「小籠珠」應吓節。透過地舖門面o既玻璃窗可望到師傅們忙碌地工作，個個帶哂帽，廚房整潔企理，感覺衛生良好。小肥一枝公搵位一啲都冇難度。午餐時段o既點菜紙合共有兩張，藍色面嗰張為閒日限時供應o既套餐。細佬一心為找尋「小籠珠」醫肚肚，唔洗多諗已選定要點小籠包黎食！灌湯小籠包（$33）：小籠包每籠有四隻，上枱時出哂煙，証明新鮮蒸出黎，大家都要小心睇熱。小籠包皮層巧薄軟熟，「珠」肉餡心幼嫩柔滑湯汁夠，個人覺得好好味。蟹粉小籠包（$35）：蟹粉小籠包一籠有兩隻，每隻o既頂尖位置都可清晰睇到滿瀉o既蟹粉。同樣熱辣辣o既蟹粉小籠包除咗皮薄之外，其蟹粉更鮮香撲鼻，食落即嚐到大閘蟹獨特o既鮮甜，單單食兩隻真係有少少唔係幾夠喉，嘻嘻，結果當然係要追加啦！「正宗上海生煎皇」環境企理衛生，服務生友善且效率高。小店雖然主打生煎包，但當日化身為龜仙人o既XO仔立心為偷食「小籠珠」而來，最終一口氣食咗八粒正爆

一個人出左黎銅鑼灣做點事，到了下午想找個地方坐坐同食點東西，來到一直想試的餐廳list中的生煎皇，自己一向愛食點心，生煎包由甚，今天就點一份獨享吧。下午人不算太多不用等位，但基本上每張枱都有食客。眼見廚房裏有六位師傅密密做，但包點還是要等上十五分鐘以上，想必晚飯的繁忙時段要等更久。凍豆漿（$10）先點了杯凍豆漿嚐嚐，一般豆漿味，偏甜而豆味不濃，店家說是買回來的不是自家制，也不能要求太多了。上海生煎包（$35）點了四隻份量，煎得香噴噴呢。手殘，一夾起便被我拽破了，湯汁頓而傾盤流出，好彭湃！食第二隻時小心一點，連湯汁吃果然很鮮味，香脆的外層同鮮嫩的餡料，好正，不過湯汁超燙，要小心食，不要一口咬下吖。灌湯小籠包（$33）再點了小籠包，一客四顆。皮薄但韌度十足，不易弄破，同樣湯汁滿滿的，鮮味十足，加一點醋同薑絲已經perfect，好好味一個人KO全部絕對無難度。兩款都好正好難分高下，還是一個人獨享最滿足！

每次係銅鑼灣食lunch都會好煩惱，因為呢個時間好多餐廳都要等位。最後行咗去登龍街，正諗緊食咩好嘅時候，見到大大鍋生煎包好吸引咁～原來呢間餐廳叫正宗上海生煎皇，之前好似上過電視有介紹，咁就不如試下啦☺️門口有幾班人等位，一個人就好快有位😎好耐無食重口味嘅野，所以叫咗個回鍋肉炒年糕！雖然我都幾食得上海菜式嘅濃油赤醬，但可能最近食得比較清淡就覺得味道有啲濃咗少少。同埋可能午市比較多人，啲醬都未炒得均勻。食完個炒年糕其實仲想試試生煎包，但怕太飽，最後叫咗都好出名嘅蟹粉小籠包😁蟹粉小龍包新鮮蒸好，皮薄餡靚，要小心啲肉汁好多！爆晒出嚟，一唔小心又辣親嘴啦😢另外有蟹粉鮮味，同餡肉好夾👍🏻

那日和朋友仔去行街，中午好肚餓要醫肚，想吃上海小吃，到openrice 搜尋附近上海小吃，找到呢間小店，一於試下啦。細店子，企理裝修，牆上掛了許多師傅照，估計是高人坐陣吧！先來最想吃的生煎包，煎到好熱，包底煎到有點焦，包皮是稍厚的，正合我意，因為包稍厚口感才佳，包皮軟鬆恰好，咬下去見到肉汁傾瀉而出，鮮味油潤，好一道生煎包，可口非常。再來灌湯小籠包，皮好薄，咬爆皮後，也是熱湯汁傾瀉，肉餡入味不散，果然技藝超凡。上海粗炒炒得不俗，粗炒妙在每條也蘸上和甜甜醬汁，上海麵夠煙韌，但油稍多了點，不過與香脆又甜的黃芹白結合，更為可口香口。菜芯灼到青綠，也好吃，喝埋清甜兼豆味濃郁豆漿，可平衡一下肥膩感，水準不錯啊。

實在太多朋友請教我去邊食上海菜我通常負面到了不得自從王家沙黃埔由美食坊搬家到地鋪之後我幾乎發動不能再吃這種上海館貴了三成收茶錢加一碗麵未食已打秋風約20$ 碗當然隨搬遷加了價吃了一肚氣仲有火我是超為食的見登龍街站立一組經典上海飽師傅企著做小籠包子⋯⋯立即不能自拔再見隔離的年糕小籠湯包如此好看我一次點了36$ 兩個蟹粉小籠包十二分精彩絕倫又不貴比頂好酒家還平識食上海野的本人看著菜單就選擇62$松子魚塊抱歉我精明能幹自己食一定要照顧好身體也不能次次食名貴結果很好👍👌也多什菜吃光飽滿結實雖說已達滿足肚皮依然加了兩個生煎包我要回去應鄉親們的問題⋯⋯點呀⋯⋯阿蕭先生的生煎饅頭得不得？其實是抵吃簡直是抗通賬的賣價非常意外後記靚仔哥哥姐姐忙提醒：有4 間分店 了不枉老闆一番苦心和苦幹

行銅鑼灣想平平地食餐中式又特別小小既lunch 咁啱見到呢間幾多人食 又可以係出面望入去佢點整 好似幾乾淨 幾吸引原來呢間唔只生煎包 小籠包呢啲點心 而且仲有唔少主食 好多選擇可惜我個陣一個人去所以就淨係叫左點心啦首先點左兩個上海生煎包（$18） 外表小巧 賣相吸引 原來個底煎到一層金色 咬開後皮薄肉厚 肉質嫰滑 仲要勁多湯汁 差啲食到爆汁 正呀原來枱面有張紙教我地點食生煎包架 真係要小心 熱辣辣另外都點左兩個蟹粉小籠包($35) 呢個真係必點雖然只係細細件 但真係勁真材實料 超薄皮 超大既肉餡 超濃既蟹味 正而且仲係勁多香濃湯汁架 果然係正宗蟹粉小籠包 好想encore最後都叫左杯豆漿（$10）豆味濃 唔會太甜 都幾好最後埋單只係六十幾蚊 但係呢區咁既價錢食到咁豐富好味既一餐 唔錯唔錯

一開始比個餐牌大家睇睇先價錢銅鑼灣黎講，便加上佢既質素就，抵鱔糊粗炒 - 這個炒的入味，鱔魚肉不會霉霉爛爛味道不錯，骨少，可以好放心大大淡食，值得試蟹粉小籠包 - 小籠包最重要皮簿而不穿，呢個菜式做得到，我夾住佢個頂，他不會黏著底紙，所以好輕易就夾起不會弄穿，咬開個頂，濃郁既汁香撲鼻，口入面既皮頂，好簿，好快可以咬碎吞下，再吃精華。醉雞 - 醉雞重酒雞香，兩者皆備者佳。呢個菜都做到佢唔會鞋口，雞味有，唔會有雪味，酒味都有，唔會蓋過曬雞味，味精不濃上海生煎包 - 這道菜，好吃，包皮不乾，包內肉汁多，足料生煎包👍🏻標準既生煎包原來係咁巧巧jet有機會再試～可以留意下大食評家既食評😎

一直都想試有幾好味，開幾間分店喎，今次拉埋屋企人嚟食，星期六12點嚟唔算好多人，坐得都比較舒服，記得幾年前食過出名生煎包既祥興，但結果失望而回，今次做咗資料搜集，知道呢間爆汁程度非常理想，咁大家可以放心去試啦。生煎包(2個) $18 呢個包食果時真係要小心呀，事關d汁真係好澎湃，一咬已經爆晒出嚟，超正，不過如果包面可以多d蔥同芝麻就更加正灌湯小籠包(4個) $33 皮薄多汁肉唔鞋，不過夾果時好易穿底，但都值得推介既酸辣湯水餃 $45 呢個水餃又係好好味架，一碗有5隻，皮滑餡料又豐富，但酸辣湯就麻麻，酸辣度啱啱好既，但就係唔夠香糖醋排骨菜飯 $47 排骨好腍好入味，做到骨肉分離，但菜飯就好麻麻，太過乾身，而菜切得太細粒，食唔到有菜味芝麻醬五彩冷麵(涼拌) $42 呢個真係有驚喜，最靈魂係個芝麻醬，好香甜甜地唔會帶酸，食晒成碟麵都仲有醬剩，麵好彈牙又夠凍，配料又夠多，必食三人共消費: $185

蟹粉小龍包冇蟹粉紅燒牛肉麵d牛肉柴枝咁喺銅鑼灣開舖如果keep唔到水準，d客好快流失但我決定比多一次機會，如果都係難食, sorry, 劉華開舖都要say goodbye

媽媽鍾意食生煎包，所以我帶左佢去一間近來都頗為有名的上海生煎皇，全因明星效應，加上它的生煎包一向都備受讚賞。來到當然不得不食佢個生煎包啦，生煎包樣子非常靚，面頭有蔥有芝麻，唔係事後撒上去的，個底是硬脆的，做法非常好！檯面有教如何品嚐生煎包，先咬開面頭一小洞，先吸裡面既湯汁精華，新鮮滾熱辣，小心辣親，湯汁好味而濃郁，外皮軟熟，裡面肉反而不會過熱而變老韌，加上脆的包底，與外邊食的生煎包簡直兩回事！鎖江肴肉，是一款凍品，這次係我第二次食，肴肉煙韌，味道鹹週，是很難失手的一道菜。我再試多個蟹粉小籠包，小籠包都係同生煎包一樣方式品嚐，先單開頂部，再先飲下湯汁，湯汁充滿了蟹粉的味道，非常精彩，證明沒有偷工減料，小籠包皮適中，肉與蟹粉比例亦剛好，都是同樣好食的一道菜。來這種上海店，不得不點一杯豆漿，豆漿少少甜，豆味重，唔會太甜唔會太淡，好彩剛剛好，否則就不過癮。

基於明星效應，一直想試呢間上海生煎皇！近來才知道在銅鑼灣也開了！（我知道我有點outdated）入店內已是滿滿的人群我們倆只是想吃個簡單晚餐，所以沒有點了太多！餐牌也是自己剔的，比較方便上海生煎包 （4個）＄35果然名不虛傳，生煎包外脆內軟，多湯桌上還有指示牌教你怎樣品嚐，就不會容易燙口糖醋排骨菜飯 ＄47飯跟排骨的份量也是屬大份量的！汁雖然有點多，但菜飯配搭下也可接受青菜燴麵 ＄36由於這陣子吃得比較油膩，所以想叫一個簡單的麵線配生煎包，粉量及味道都足夠有時清清地都幾好呀！而家價錢非常相宜，所以吸引一眾銅鑼灣上班族

今日睇完戲都成10點，諗下去邊食行行下就去左登龍街找野食，見到有小籠包同生煎包的上海店，就諗住簡單吃個晚餐，最後叫左5樣食品，結帳每人$113價錢都合理，坐得都舒服，應該下次會再黎食過。生煎包……黎到見到都幾熱喎，等左一陣先食，一口食左頂少少皮已見到不少湯，底部好脆口而皮夠軟身，肉味濃郁，湯汁清清地味道十分好，總知叫4個啦。小籠包……係我同男人都鐘意食的點心，沒想已感覺入面勁多湯，要等一陣先可以食到，入面湯鮮甜配上豬肉同薄身皮，都十分好味道！必叫乾扁四季豆……黎到已嗅到十分香口，份量都吾少，四季豆炒得乾身而且濃郁醬汁（雖濃郁但吾咸）掛在四季豆上，最後忍吾住叫左碗飯黎送添。回鍋肉菜飯……見到上海店當然不二之選叫啦，菜飯份量大碗，回鍋肉炒得香吾太咸（比坊間就淡左少少），豬肉切得好薄身又入味吾太油，菜同豆腐微辣好味吾錯。上海炒年糕……年糕都係上海菜不可缺少的菜式，年糕彈牙有口感，椰菜煮得淋身入味，加上辣椒醬一齊食係絕配！

今日黎到係銅鑼灣時代廣場對面既上海食店，我地叫左小籠包，一客有四隻，即叫即蒸，小籠包送到黎非常新鮮，咬開個頭先飲一飲裡面既湯汁，味道鮮甜，枱上面更加貼上正確食法，非常貼心。我地叫左芝士小籠包，覺得好創新，入面係有一點芝士，食落口味道幾特別。生煎包大隻，入面足料，夠肉，又係即叫即蒸，非常新鮮，主餐係四川担担面，叫左加辣，面裡面足料，好食，夠麻辣。後尾我地仲叫左碟生菜同兩杯豆漿，埋單都係二百元，非常抵。

第一次食依間小店，驚喜十足 星期六下午到訪，店內已經坐冇虛席，但等左一陣就有位啦餐廳的價錢定位不算高，係非常抵食，我和友人一共叫了四道小食加兩杯豆漿先來兩杯凍豆漿，味道唔太甜，且重豆味係健康之選另外叫了生煎包，外皮煎得十分香脆可口，內裡充滿鮮甜的肉汁，食多幾粒都唔覺膩冷盤方面叫了醉雞，酒味十分濃香，非常適合愛酒人士啊雖然店鋪出名生煎包，但都想試下依個蟹粉小籠包，一樣充滿肉汁啊，果然不比生煎包遜色最後叫了鱔鰗粗炒，用料十足，且份量多，足夠二人食用正啊總結來說，這餐性價比高，下次會再食

時代廣場附近，真的隱藏了不少CP值滿高的餐廳。選擇了這家專吃生煎包的上海餐廳，還真的是被它長長的人龍吸引到。我們吃了半個多小時的時間，真的是坐無虛席牆上都掛滿了不少飲食雜誌的報導，感覺我們找對了餐廳吧作為餐廳的皇牌美食，怎可放過呢！香脆的外層，加上滿滿的肉汁，我決定給個滿分！到底有多好吃，你們親身試試就知道！這個小籠包，皮的厚度剛剛！不會太薄，不易弄破浪費肉汁也不會太厚，影響口感喜歡酒香的朋友，可以試試這道菜。酒的味道，真的很濃很濃很濃很濃...最後來個鱔鰗粗炒，一餸兩食，作為完結還不錯！記好了，生煎包，必須吃