正宗上海生煎皇 (已結業)

訓到黃朝八眼，第一餐已經係下午茶時間！勁肚餓! 出到銅鑼灣，即刻行去登龍街睇下有咩食。見生煎包有位就入去試下食下午茶係抵好多！叫左個四川擔擔麵 ＋ 上海生煎包 ＋ 凍豆漿 ＝$45我鐘意佢個麻辣湯唔係果種好重花生味，又夠麻辣。可能太肚餓，個面底唔係好夠。上海厚切炸排骨湯麵 ＋上海生煎包(2PC) ＋ 熱豆漿 ＝$46我有試到個厚切炸排骨，正，真厚切，又炸得剛剛好，咬落有肉汁生煎包 - 可能餓得濟，手都震埋！影到查查但係個生煎包堅好味！一咬開係爆汁！熱辣辣！d肉汁超正！肉又整蒸得好𣺉

小編喜愛街坊價的美食, 因為人人都可以分享到其滋味, 將美食帶入家家戶戶小編食過的上海菜大多也是上海姥X, 上海婆X, 其味道並沒有令我留下欣賞的角度此店並沒有華麗的裝潢, 平實不出眾, 但內裡卻賣著味道出眾的小籠包、日賣2000個的生煎包價錢並不昂貴, 大多都是$40~50一個好味的生煎包並不易, 要包薄, 饀足, 包的表皮煎得脆而不油食法當然也要講究, 才能食出真正的滋味! 不常吃或者冒名而來的客人可以參考TIPS, 好好享受一個熱騰騰的生煎包來到美食店, 當然要一嚐本店的特色美食2款生煎包 - 黃色的是芝士、豚肉, 黑色的是墨魚汁、麻辣、豚肉兩款各有各特色，個人較喜歡麻辣生煎包芝士生煎包邪惡芝士餡豐富, 芝士配豚肉, 配搭夠新穎 墨魚汁生煎包外皮薄脆, 肉汁豐富, 咬下去, 肉汁都瀉出來, 配上麻辣汁麻而香辣,令人入口更覺惹味最適合冬天熱辣辣入口, 新鮮生煎包出爐加上微辣的麻辣汁簡直係暖身另外, 店內出名的灌湯小籠包亦要必食!~ 一粒粒圓潤的小籠包新鮮蒸上外皮薄且通透, 內裡的湯汁豐富, 小小的小籠包竟有一匙更的多!實在大飽口福上海菜除左小籠包，生煎包值得一食, 炒鱔糊當然係識食

今日同朋友去食正宗上海生煎皇見到門口好多人排隊 好彩唔使等太耐！點左2個生煎包、芝士小籠包、炒鱔糊～生煎包 一咬落去好多湯汁咇出黎 勁juice！外面好香脆 唔怪得咁多人黎食👍🏻芝士小籠包 好濃郁湯汁同芝士加埋一齊 好正！炒鱔糊 好足料啊！平時出面食無咁多！加埋菜飯一齊食 好味道！

一直期望已久的生煎包王，終於放工相約友人到銅鑼灣分店聚一聚。事前沒有預約，直接walk in 見到門面幾乎已經坐滿人，幸好有最後兩個位置，因此不用等位便直接入座，當日是星期四的晚上已經如此坐滿，建議食客早點到達，避免等候過長時間。店內座位都幾逼，成餐飯都聽到隔離枱傾緊乜嘢，不過都唔緊要，最緊要係啲嘢好唔好食。順帶一提，店員唔知係咪當晚太忙，沒有立即遞上兩杯水比食客，我哋都提醒左幾次先記得俾我哋，希望可以注意返，始終服務係比到食客嘅第一印象。講番啲嘢食，生煎包係有驚喜嘅咬落去啲汁爆曬出嚟，爭啲立爆我個嘴。小籠包亦都皮薄多汁；擔擔麵的湯底亦都10分濃郁，有花生味。只係個冷麵同埋雞絲粉皮稍有失色，仲有個紅油抄手實在令我太失望，唔通廚房用晒啲紅油？

登龍街簡直是一個小美食天堂, 全條街都是食肆, 還要有很多不同種類的菜式, 必找到合心水, 食完正餐還可食埋甜品, 真是大滿足。先由街頭行到街尾看一次, 差不多行到街尾便被它吸引了…..大大個燈光招牌鑲在門口正中央, 還配上幾個燈泡, 門面好搶眼奪目。門口還擺放了一塊大餐牌, 亦貼上一張生煎包大海報, 看到一個個金黃的生煎包已忍不住了!內裏地方不多, 近門口是一個半開放式的廚房, 可稍稍看到各師傅們在製作生煎包、小籠包等等...大家都好投入呀! 左右泊牆設有一排長長的沙發座, 配上二至四枱, 座位不多, 地方略為狹窄, 大家要坐得親密啲呀！今晚就差不多座無虛席, 厲害！地方雖小, 但裝潢富心思, 牆上有大批報導和合照, 全部都鑲起來, 整整齊齊, 可見店主有多珍惜它們。另外, 還有大大幅菜式的海報, 非常吸引, 未食已令人不禁垂涎, 哈！店子雖小, 但所供應的食物一點也不少。細看點菜紙, 分別有招牌包點、前菜、小食、菜飯、熱炒、湯麵、拌麵、湯和飲品, 而每項都有很多選擇, 仲有兩款新口味生煎包。咁多選擇, 點揀好?******************************招牌包點是必

天氣凍冰冰, 突然想食番個熱辣辣既生煎包, 上海生煎皇價錢吾算太貴 ,但評價真心吾錯要過口癮就要黎一次生煎包, 要做到包軟肉餡靚, 裡面湯汁肉味濃郁而不油, 仲可以將個底煎到脆一脆, 生煎皇個名並非浪得虛名！睇見個生煎包咁正, 吾食多幾個都對吾住自己。鎮江肴肉係我甘多年既至愛, 凍盤既肴肉好似啫喱一樣, 軟彈煙韌, 好食糖醋排骨整到好濃味, 醬汁充足, 酸酸甜甜, 排骨肉軟又多肉, 令人罷吃不能。最後用一杯豆漿點綴一下, 豆漿夠甜香滑冇渣, 雖然呢D天氣凍凍地應該飲番杯熱豆漿, 熱豆漿肯肯定夠哂香濃豆味, 但男人就係鍾意飲凍野, 冇計

昨天經過銅鑼灣登龍街, 見此間 食評不錯入嚟一試, 看也是一般 上海食品, 因此只點了一客墨魚汁 生煎包 共四件,  試一下先再order, 慎防中招. 另座位, 服務可以.由於是晚飯時段, 亦十分多人,  約等了10分鐘左右,  熱辣辣的生煎包到了. 外觀看上已經知道皮厚, 一口咬落, 冇湯汁, 裏面的肉只有微溫, 望真Ｄ, 原來未熟, 紅卜卜的, 立即通知店員更換 , 他有道歉.  可惜對其他食物已失信心也再不感興趣. 所以便取消order走人.本人非常喜歡吃生煎包,  但個人感覺 與最近也非常出名的祥興記實在是天淵之別.這間舖頭若果打算純粹醫肚, 相信應該冇問題, 因為價格合理, 但專誠嚟試生煎包實在不推介, 亦不會有下次.個人認為生煎包 重點皮薄 脆口,  但這間皮不但厚, 也 完全不脆,  相信熟透了也冇分別, 普通街邊買貨色, 非常失望, 建議改名, 不應用生煎包做招牌.

我們一行二人打算做運動前吃個小點，叫左生煎包同豆漿，生煎包夠熱，味道不錯。可惜服務差，店舖內不多人但吃完趕客走。結賬時還嫌幫襯得少。 原本覺有明星效應想幫襯下，食品水準好都要注意服務態度呢

好耐無行登龍街，今日晚餐後去食甜品，估唔到見到呢間之前食過嘅生煎包店，在登龍街有分店！我推介咗比朋友，我哋好癲咁食完甜品，再一齊去買外賣生煎包，去到門面比深水埗店大，門口企了個男店員，我哋見$30/4隻生煎包！我要4隻，另外兩位朋友每人要8隻！男店員入店內一陣後，出來同我哋講，現有嘅只有16隻，下一轉要等15分鐘，咁我就出聲話放棄，比兩位朋友叫！（因為4隻一個單位）點知嗰位男店員好好人，主動提出話不如朋友每人6隻，我要4隻，咁咪3個都有得食！佢幫我哋分盒裝好！仲問晒我哋要不要餐具！教我哋回家最好用焗爐焗一焗再食！好細心！生煎包（$30/4隻）一個紙盒4隻，我無加熱，打開就食，焗咗一程車，難免有水氣，不過生煎包皮又無乜淋，雖然無堂食咁脆，咬開啲湯多到漏出來！入而肉餡幾滑唔乾！加上芝麻香口！好味！肥髀平時喜歡小籠包多啲！都話好味！店員嘅窩心，加生煎包嘅功夫！掂！👍🏼

我是上海人，最愛吃上海菜，最跟友人在銅鑼灣逛街，試過呢間上海小吃，經濟又好吃。那天店子擠滿了人，想必是好吃吧！先吃生煎包，三十幾蚊四個，生煎包皮較厚身，但入面肉餡好多，肉汁也豐富油潤，頗好吃。炸雲吞是上海式的，入面都好入味，好香脆伴豆漿(豆味不差，清甜)好正。上海粗炒D上海麵來貨煙韌，老抽醬料帶甜均勻地沾到每條麵條，椰菜也多，這粗炒盡見師傅水準。最愛吃是蟹粉小籠包，皮好薄，餡夠多，蟹粉恰如份的帶出蟹鮮味，只是三十幾蚊就食到蟹粉小籠包在銅鑼灣可謂好抵！灼菜芯OK啊，夠多蠔油。

星期五晚上8點在銅鑼灣登龍街覓食，剛好想吃上海菜，就選了正宗上海生煎皇。等了約20分鐘，就有位了。鋪內地方不大，但座無虛席，座位和座位間的通道狹窄，走進沙發位時要小心喔。本來我和友人一心想吃上海炒年糕和外婆紅燒肉菜飯。豈料下單時，店員告訴我們，廚房的爐剛好壞了，全部熱炒和部分菜飯都沒有了，包括我們選的上海炒年糕和外婆紅燒肉菜飯。最後只好點了4個上海生煎包、雞絲粉皮、上海炸排骨菜飯和2杯豆漿。上海生煎包是這店鋪的招牌菜。小小的包子下面煎至金黃色，而上面灑上了黑白芝麻和葱，外觀色彩豐富，好吸引呢！枱上貼有吃生煎包四步曲教學，第一啖心急沒有留意就一口咬下去了，入面的肉餡熱辣辣的，而且肉汁多得快爆出來，吃包子的人要小心喔，建議可看看教學逐步逐步吃。包子肉餡很幼嫩，調味適中，不會過咸或蓋過肉的鮮味，配合香脆的皮，口感甚佳。而且湯汁很多，像小籠包一樣，咬開包子，然後把湯汁喝光光，很juicy呢。雞絲粉皮真的是雞絲和粉皮。可能平常在其他餐廳點雞絲粉皮，多數會有青瓜絲，顯得這裡的雞絲粉皮味道和口感也較單調。不過，味道方面很正常，麻醬是較一般的酸一點點，粉皮挺爽滑，雞絲不嚡口，整體不錯。上海炸排骨菜飯，

今天到銅鑼灣times square工作， 有剛好糧尾，若要左附近食晚餐，動不動都要過一百元，不過行過登龍街，見到很多人左排隊，心想一定有好野食，不過唔知平唔平， 八卦一看，完來是在大埔試過的生煎包店，原來銅鑼灣都有，咁我今晚有平又飽的一餐啦！職員好有禮貌，俾個號碼，在交張菜單叫我點住菜先，我在門口排了5分鐘，終於有位。 在門口點餐時發覺晚市原來無套餐，不過單點都唔過100蚊，咁都可以接受。內部裝修同大埔一樣， 見到師傅在整生煎包等， 座位都是一樣我最後點了上海粗炒，凍豆漿，生煎包(2個), 很快就上枱啦！豆漿第一時間送到： 凍滑，有豆香第二送上是生煎包，上菜時，侍應生非常溫柔地說：”剛出爐，小心燙口”. 的確，同上次一樣一打開就熱氣四散，濃湯伴著肉餡，非常美味最後來的是上海粗炒，分量十足，連隔離枱都遊客都忍不住問哪是什麼？材料都不少，有肉絲，椰菜等，麵條粗但彈牙，醬汁味剛好，不會太鹹或太甜

曾經我為左個生煎包去上海！當時香港仲未有正宗上海生煎包，所謂生煎包真係一個包咁嘅樣。後來終於等到香港有舖頭做正宗生煎包，但間鋪頭中咗米芝蓮之吻，之後就冇左~知道銅鑼灣開咗間正宗上海生煎包，即刻舉手來試下🙌🙌舖頭係行型格路線，雖然座位之間空間唔多，但都被人一 種舒服嘅感覺。對於佢哋出品嘅生煎包， 佢有四步曲教你點食。第一部曲就係叫食客用敬畏嘅心去欣賞一下🙌 雖然聽落有啲搞笑，但相信亦係店主對於生煎包嘅 一種堅持。食物方便選擇 都係一啲簡食，小食 ，麵食 為主。 價錢都算合理。首先當然要試下我期待已久嘅生煎包❤❤ 其實佢嘅生煎包算做得唔錯，當然如果個皮可以再薄啲就更好！ 生煎包 個皮係脆嘅，裡面包住既肉一定要有肉汁，好似湯咁樣流出嚟。 咬一啖，啲湯汁就會流入去你既口腔入面，令你首先感受到肉既鮮味。 跟住當你再咬嘅時候 ，連埋嗰個脆嘅外皮 一齊食， 脆皮加埋鮮肉同埋滿到瀉既汁，呢個就係生煎包嘅精髓！！生煎包 $35以前去上海除咗生煎包，小籠包都一定係必食！佢哋嘅小籠包都算做得唔錯， 做到皮薄餡靚。咬一小口等啲肉汁流出嚟，飲曬之後先再一啖食曬佢~~正！小籠包 $33再叫左個嫩雞煨麵 ，不過相比

今日同太太去銅鑼灣行街，行到有啲d攰，就去出名多食店嘅登龍街度睇下有咩食，成條街都有好多間唔同食肆，到最後到最後我哋決定選擇食上海嘢 “正宗上海生煎皇“。選擇佢的原因好簡單：1）見門外menu裏面啲生煎包同小籠包都唔係好貴2）見佢有裝晒玻璃的廚房，俾人觀賞佢整野食，十分吸引，於是就入去醫肚。雖然好多人，但係等一陣就好快有位 ， 侍應都好有禮貌，點完菜之後稍等一陣，就好快上菜。 呢次我點咗出名嘅生煎包同小籠包 再加多個炸醬拌麵。佢嘅生招牌生煎包，一邊係個底係煎到金黃色比較乾脆，而另一邊係無煎過就比較軟林，一咬開林果面，就感受到包裏面的熱汁，仲係非常之熱，可見廚師非常細心及認真， 果然名不虛傳 ，食一口包，呷一口汁，人生一大樂事。注意： 大家要慢慢食唔好學我咁食得咁急 畀入面啲熱汁淥親條脷佢每張枱都有一張貼紙教人點樣食佢嘅生煎包 ，非常生鬼。佢個小籠包厚度適中， 用筷子夾住個小籠包再點一啲醋，然後慢慢一啖一啖咁咬，食下小籠包時又呷下d熱汁， 連同嗰啲醋，簡直將個小籠包嘅美味程度再次昇華，非常美味。之後有個仲有個炸醬撈麵，佢有啲肉醬配合上海麵再加埋啲青瓜絲，只要將所有野撈埋一齊，咁就食得㗎

《正宗上海生煎王》是最近比較出名的平價兼好吃的上海菜，在港九新界逐漸開了多間分店，之前已到過旺角店，這次再戰銅鑼灣店！雖然店舖不大，但仍可容納 20-30人，具有大玻璃窗可觀看店員的製作過程～生煎包和小籠包是這裡必吃的！生煎包是新鮮煎起的，所以非常熱。生煎包的皮不算薄但這樣反而釀成底下脆脆的皮，令口感更豐富。兩樣皆有超多湯汁，咬一口幾乎全都瀉出來了。麵條初頭有點乾，且有些黏在一起了，但與炸醬混起來就沒有再黏了。雖然看似不夠炸醬，但吃下去的味道不淡亦不會過於鹹。紅油抄手惹味夠辣！薄皮包著大大粒肉餡，辣椒油混了花生醬或麻醬，也加了些花生粒，令醬汁非常稠，吃起來有兩麻 — 麻辣+麻醬味。埋單只是每人約 $60，非常抵食。