正宗山西刀削麵皇

營業中

休息中

朋友介紹，話呢間刀削面幾好食，咁岩行經路德圍，就試呢間。因為得我一個人食，所以唔洗點排，等左5分鐘就入得。我就點左個麻辣豬扒+刀削面。落完單，10分鐘左右就有得食，值得欣賞既係豬扒係用細碟分開上，唔會令炸豬扒變淋，而豬扒本身唔會話炸到好油，但我覺得唔太辣，辣d會更加惹味呢。刀削面方面，d蔥係分開，可以自己決定蔥既份量。個面食得出真係刀削，唔會太厚或太薄，面條煙韌彈牙，份量超多，女仔一個人會食唔哂。揀套餐係送豆漿，幾好飲。

路德圍好多麵食到底香港人有幾中意食麵😹成條街都係麵山西刀削麵都好多人排隊 一於試下.雙併刀削麵套餐🍜五香牛展&牛腩單餸$47 雙併$50 有咩理由唔叫兩款餸啊份量好多 可以話食牛都食飽 最後我係食唔哂但質素幾好架 牛展嘅爽 牛腩嘅淋重點係好入味 唔會似煲湯肉刀削麵就幾彈牙 厚薄均勻.麻辣刀削麵套餐🌶豬大腸&元蹄呢個會貴啲 單餸$50 再加每款$10唔算太辣/出色 唔太抵食啊.跟餐有豆漿🥛飲落好甜唔似係自家製/即磨 味道唔天然不過叫其他飲料要再加錢overall 定價略高🤨聽聞係不斷加價

今日同朋友入到荃灣拜神, 到黃昏時間， 我哋都勁肚餓!!!!!!朋友隨意喺ig睇下荃灣有咩好食兼飽肚嘅。見到呢間刀削麪好似都幾出名咁， 就不妨一試!!!!!朋友就叫咗呢個菜肉雲吞餃刀削麵, 我就最鍾意佢將啲葱分開~朋友就畀咗 一粒菜肉餃畀我試,啲餡都幾足料。朋友就覺得刀削麵都幾煙靭， 眼見個廚師一刀一刀咁片啲麵落個湯度煮我真係勁肚餓所以我嗌咗個豬軟骨菜飯， 比我想像中文麻麻哋好食， 因為個豬軟骨口感好似豬肉乾，而這個菜飯對我嚟講有啲鹹…

以前住呢附近經常來光顧，自從搬走左之後周不時都會掛住呢間餐廳，今日行開黎荃灣就點都要黎食呢間嘅麻辣手撕雞湯刀削麵！呢度有唔同嘅麵底、年糕或者菜飯可以選擇，但我見最多人食嘅都湯刀削麵。先講下個麵，師傅手勢好好，師傅削出來嘅麵唔會太厚或者太薄，係餐廳食野嘅時候仲可以睇到師傅表演添。至於個麻辣手撕雞簡直喺我既至愛，其實跟餐嘅份量都唔少，但佢嘅麻辣都幾辣，所以唔太食得辣的朋友仔可能要叫佢少辣或者上菜後自己舀走啲辣先好食。而我係一個幾鍾意食蒜頭嘅人，佢嘅麻辣手撕雞都放咗唔少生蒜粒，好岩我！再去埋杯凍檸茶，就係一個美好嘅午餐！

相信大家對 荃灣路德圍一定有所認識✨個到成條街都係台式飲品😐真係飲到糖尿病都似🤨行行下 有呢一個好平凡既刀削麵店🥺雖然冇吸睛既鋪面 但人氣爆登一入到去 比佢麻辣吸引到 於是叫咗一碗《麻辣牛展刀削麵 》$49🌟🤭🤭麵條相當煙un、湯底清甜（路好睇佢好濃咁） 佢既麻辣真係好正 配埋大量既蒜碎！-🤔佢牛展雖薄 但都好夠份量，值得一試🤩仲送一杯豆漿！🤩👍🏻👍🏻刀削麵黎講 佢真心算好食！👍🏻👍🏻真心推介！-

已經光顧了這間店幾次，每次水準也保持得很好，所以決定向您們介紹這間刀削麵店幾乎每次來吃外面都有條人龍，一般都要等侯10分鐘以上才可入座。但這間店上菜速度很快，點完菜後，刀削麵數分鐘後便會上桌。刀削麵：麵質非常彈牙！刀削麵厚度適中，不會過薄而失彈牙之口感；亦不會因太厚而有死實實的感覺刀削麵湯底亦算清，不會過濃！若果您吃的是麻辣系列的話，可是按個人需要把跟餐的麻辣小吃的鮮蒜粒及麻辣粒添加到湯內，會更好吃麻辣燻蹄：燻蹄意思是豬手，這裡的燻蹄片片都晶瑩剔透，塊塊都切得很薄，容易索麻辣汁！麻辣燻蹄夠爽口彈牙，必食👍🏻麻辣金錢肚：金錢肚事前經過鹵水，所以未撈麻辣汁前已很夠味！金錢肚切得幼身一條條，讓麻辣汁可以盡可能均勻蘸滿金錢肚，正麻辣魚蛋：魚蛋大大粒，絕不欺場！夠彈牙另外，我影了這間店的整份餐牌，有興趣可以按我的個人相簿觀看

荃灣一直都好多野食😍而刀削麵都係荃灣名物之一🤫呢間有間同名既刀削麵開係路德圍😧如果無search下真係唔知邊間先係出名個間🤣牛腩牛肚刀削麵 $52成碗份量好多！女仔未必食得曬😳牛腩帶少少花椒八角酒香 味道唔錯！但就係唔夠稔😕而牛肚口感幾好 爽口😋刀削麵係半開放式廚房到 望住師傅將一舊麵團刀削成一條條既麵😝食落煙韌彈牙 口感唔錯😆湯底清唔會油膩 而且好香牛肉味 聞落勁香夠味得黎又唔會太鹹 啱啱好😋餃子五香牛肉刀削麵 $52餃子皮好厚 煮得鬆泡泡的 餡都唔特別 不推介⋯牛腱幾嫩 切得薄 有好多塊😝但唔夠入味 普普通通的🤔豆漿唔會太甜 豆味淡 跟餐送算係咁啦🤪整體有少少失望 配料味道好普通⋯🙍🏻唔係唔好味係未到值得排隊去食 都排左20分鐘

荃灣太多好食嘅嘢成日都忽略咗呢間山西刀削麵今日終於嚟到一定要食佢地招牌嘅刀削麵今次帶咗一個麻辣刀削麵套餐同埋單叫咗一個麵其實都唔係好分到套餐同埋套餐有咩分別就係咁多左一杯豆漿套餐嗰度上面就叫咗麻辣豬頸肉，而另外一個就叫咗麻辣豬脷刀削麵嗰麵質都幾彈牙，另外個湯亦都好鮮甜而配菜嘅份量亦都十分之多，加上佢嘅麻辣醬亦都十分之出色，而蒜蓉加埋一齊就更加令到個醬昇華不少所以基本上成個份量都係十分足料女仔來講應該唔會食得晒成個面但我發覺原來中辣都唔算太辣因為店員話如果你冇講要咩辣佢地基本上都會比中辣所以下次一定要試吓大辣

本來想食隔離個間蘭洲牛肉麵的，但當日去到咁岩冇開，於是就去左食山西刀削麵，2個人排左一陣就入左去，入到去好多人坐得好迫，吾舒服，之後叫左個牛𦟌滷水雞翼刀削麵同生煎鴛鴦同豆漿。

Weekend同男友想去下荃灣南豐紗廠.所以就順便去荃灣覓食la.今次就試下lee間正宗山西刀削麵la.果然係正宗手打手切刀削麵.一到就見人龍.不過二位就好快有位la首先叫左個醉雞。就正常普通醉雞law.所以都係fcous返係D刀削麵到la.男友叫左個豬軟骨刀削麵個湯底好濃。個豬軟骨好冧好入味。真係好食我就試左個麻辣牛肚刀削麵.佢個麻辣牛肚都好出名下。個麻辣牛肚個味道又幾正.D牛肚好好食刀削麵真係好有咬口又煙靱.不過我只叫左小辣個湯底好似唔夠濃反而男友個豬軟骨個湯底正D.仲叫左二杯豆漿D刀削麵真係好煙靱.女仔要食曬真係太飽la.因為太煙靭食都我覺得咬到有D累.....可能係我太懶.下次再黎食試下轉其他面食先.好飽ge一餐LUNCH.

今日，23/3/2019, 收工後要到荃灣，咁就例必食個lunch 先，見今日凍番d, 好想食辣野，就決定黎呢間山西刀削麵皇，之前都已食過好幾次，但都無寫食評，依家補寫番。每次都多人，要係門口排隊等位，等都唔太耐。 入叫叫了常食嘅麻辣豬肚絲刀削麵每次都咁正咁好食。要了小辣，一般食辣嘅朋友都ok 了，想刺激d 就大辣吧。每樣餸都會另用一碟上，不會放入麵內的，咁樣就所有生蒜同麻辣料都係晒碟餸上，將佢攪暈醬料，正晒。豬肚係我的喜好，這裡整得好好食架，所以多數次次叫，唔會韌，加埋麻辣更係正啦，湯底都一流，好好味，都飲了幾口，豆漿唔會太甜，還可以了。食左$52 唔算貴了，下次又再來食了。

呢間食店每日都坐滿食客，門口嘅人龍都唔短！終於排到我地喇！平時都係食麻辣刀削麵套餐，今日想轉轉口味，揀個湯年糕配四川擔擔醬同豬大腸，飲熱豆漿，承惠$52！年糕薄薄，要連湯食先有味道！豬大腸係濃味嘅豬大腸，味道濃郁！但擔擔醬酸酸地，唔係我地食開嘅少少辣，滿滿肉碎嘅口感，浸落湯就消失得無影無蹤！朋友仔就叫麻辣肥牛刀削麵 ($52)，一貫水準！加分位係佢個勁多生蒜嘅麻辣油，辣味十足，唔怕辣可以將個麻辣油落湯，成碗麵生色不少！

去正荃灣周圍都係野食，openrice一下，睇下邊間就腳又啱feel，最後就嚟咗「正宗山西刀削麵皇」今次點咗3樣野食：牛腩刀削麵、花雕醉雕、上海蒸餃牛腩刀削麵（$49）汁式夠晒濃，超重八角味，正！牛腩就瘦肉位太多，如果可以癡多小小脂肪，食落口再淋身小小就好啦。份量都好多，值得試一試。花雕醉雞（大，$52）食得出雞件未上枱前一直用花雕浸住，唔係就咁倒一杯酒扮有味就上枱，因為一咬入d雞肉，酒香味即刻散出嚟，呢碟雞好有誠意🤤🤤。不過價錢係貴嘅，抵唔抵食就見人見智啦。上海蒸餃（$30）蒸餃嘅皮比起餃子或水餃再厚身小小，入面嘅餡就似小籠包咁豬肉。上枱果陣仲熱辣辣嘅，餡料仍然有汁水👍。不過厚皮嘅關係，食完1-2舊好似好滯好飽咁。但厚皮都有個好處，就係可以點辣醬食🤤。不過我個人覺得食小籠包會開心d。因為我地好晏先去食，食緊嘅中途其實佢地開始收檔同清潔間鋪，但佢地無催我地，亦都無打擾我地，所以呢點值得一讚同值得講俾大家知。

無咩飯癮既我最鍾意就係食粉麵，今次就黎到荃灣試下山西刀削麵。打開餐牌一睇，麵同餸料款式都算多選擇，麵食除了有餐廳主打既刀削麵外，仲有米線、年糕同拉麵揀。我地點了兩碗麵加一碟小食。第一款係兩餸刀削麵套餐($52)，選了五香牛𦟌及豬肚做餸，跟餐奉送豆漿。兩餸麵大大碗非常足料，牛𦟌數一數差唔多有成十塊，咬落無筋肉質軟腍，腌得亦相當入味。豬肚味道普通，叫做不過不失。主角刀削麵果然無令人失望，每一條都係師傅即場人手削出來放入鍋中煮熟，口感煙韌愈食愈飽肚。友人點了刀削麵配麻辣牛肉套餐($52)。雖說麻辣但對於不太能吃辣的我黎講都能接受，嗜辣既朋友們可能會覺得辣得唔夠刺激呢！口水手撕雞($52) 味道略為單調，只有辣味卻不夠麻亦不夠香，加上淋上面的醬汁偏少，所以食落覺得同其他餸相比係較為淡口。

說起食麵，當然唔可以唔講下山西拉麵， 話說山西拉麵已有上千年歷史， 又係中國麵食嘅始祖， 據說一團麵粉可以做到10 扣以上而拉出細長嘅麵。10 下就變出1024 條麵， 14 下就可以變出1萬6000 條。叫得拉麵王， 當然要試試。一坐低已奉上紅棗茶， 真係有別於其他嘅小店， 味道亦清香帶點點紅棗嘅甜。睇到Menu寫著清真， 老細仲話間舖係有清真牌， 就係唔食得豬肉嘅清真教徒都可以去食。我點了最傳統嘅紅燒牛肉拉麵和羊肉餃子。拉麵裡面有兩種肉， 一隻係嘅紅燒牛肉，另一種係牛腱肉， 再試下個湯底， 又幾香濃嘅肉味。唔加其他調味都得。 另外仲有兩塊白蘿蔔， 但係就嫌蘿蔔無咩味。再試試羊肉餃子，我覺得水煮後有D鬆泡泡， 包得唔夠結實肉同皮之間好似好多空隙咁， 但係味道還算不錯。 整體來講味道都係唔錯嘅， 只是餃子有d 鬆泡泡。