正宗山西刀削麵皇

營業中

休息中

突然想食麵食，記得朋友推介過呢間食刀削麵，於是就入去食!叫左個套餐，魚腐刀削麵配埋一杯豆漿~刀削麵條既厚度岩岩好，口感好煙靭，魚腐係食到有魚味，加左少少辣椒油落去，更加惹味! 麵既份量都幾多，食完真係好飽~

黎荃灣一定要食山西刀削麵，不知為何，就只是喜歡食這間，長期都多人排隊，但是食得快，轉台好快。今次叫了麻辣豬排和麻辣雞翼刀削麵。碗麵麵是清湯上的，麻辣只是在配菜上。先講下刀削麵，就是要吃它的咬口，入口果然煙韌有嚼頭，軟而不黏，越嚼越有麵粉香，而且麵條完全吸收了牛骨湯的精華，好味得令人一口接一口，就只食那口感，已經好回味。麻辣豬排有3，4舊，入味，面層加了大量蒜，非常香口，惹味，食完那蒜味是揮之不去的。雞翼有麻辣醬汁，如果賺刀削麵是清湯，可以倒入辣油一齊食，不過太鹹，反而是香辣更勁一籌。生煎小籠湯包$62 10/隻好抵食，但是還是喜歡蒸小籠湯包，比較多汁，生煎好易令到皮過熟而變厚，湯汁乾了。

之前試過荃灣另一間刀削麵，質素麻麻...今次見到呢間以為係同一老闆，食過之後就知唔係，難怪繁忙時間成日都要排長龍。餐牌入面有幾大類，如果唔食得辣就叫普通車仔麵餸，淨係食佢碗高質刀削麵已值回票價，彈牙有口感，唔似得一般連鎖店刀削麵軟身兼易斷；呢度一個餐$42-$45有埋杯豆漿算唔錯。至於麻辣控應該有更多選擇，除咗10+款麻辣餸外，亦有手撕雞、口水雞等等，麻辣餸另上亦令辣味得以保持；上面鋪上厚厚辣油+蒜粒好惹味，配上熱辣辣刀削麵係好吸引！因為成日比較多人排隊，要搭枱坐，而且食完就要走，只啱快食一族。

我一向對軟糯有咬口的食物都情有獨鍾，依間山西刀削麵細細個爸爸就帶我食過一次，但自從無住荃灣之後，出面食到既都吾係用麵團即整即煮。但我細個見到係用一個刀片去介，但宜家可能失傳了，我見佢地用瓜刨去片面條出黎。-晚上7:30去到，門口大約有3-4個人排隊，大約10分鐘就有位了。入座後店員會 我們要下單，我點了麻辣豬扒刀削麵。豬扒是分開上，生炸豬扒熱辣辣，還有剪開方便吃。刀削麵湯頭熱呼呼，但可惜味道不夠濃郁。另外再加配了麻辣豬大腸，我對豬大腸愛不釋手，豬腸被滷水汁滷得超級入味，口感煙韌耐咀嚼。雖然牠標榜膽固醇含量極高，但每次都忍不住口，故大家在享受口腹之慾時亦應適可而止。-明白香港寸金尺土，但今時今日一食完快下筷子就要立即收走，好像要客人立即走的感覺不太好。

男朋友話佢媽咪好中意食呢度嘅刀削麵。哇，伯母推介得又點敢唔試😂🙈我地嗰日係週末夜晚，人好多，大排長龍，排左20分鐘左右，而且要搭枱坐。不過我地坐嘅位置咁啱係面對住廚房，可以望到師父抬住麵團削麵，無撼了。sosad openrice up唔到片，如果唔係就可以同大家share下師父嘅英姿啦~碗麵望落就唔係好大碗嘅，但食落真係好飽肚，自問女仔黎講都幾大食，但我都食唔曬lol佢地d刀削麵真心好好食，軟硬適中，口感好好，餃子都好食。美中不足係隻温泉蛋過熟。

荃灣出名有好多餐廳今次我想同大家推薦呢間刀削麵店🍜我同朋友今次一同叫左2個麵1️⃣麻辣牛肚絲刀削麵佢將會餸同麵都單獨分開上唔會俾啲湯浸冧曬啲牛肚絲仲要佢會加上大量蒜蓉同辣椒醬係啲餸上面個人係唔太鐘意食蒜蓉不過今次都要對蒜蓉另眼相看蒜蓉同辣椒醬既味道混合左令到本身牛肚既腥味冇曬仲要好香😋有一種令人食上癮既科學作用2️⃣麻辣豬頸肉成碟都係啖啖豬頸肉😋仲要豬頸肉好入味食落好爽口，唔肥唔膩🙈🙈都係一樣上面有好多蒜蓉同辣椒醬3️⃣刀削麵佢既刀削麵每條都好有厚度同好有咬口每條都好有分量食得出係手打刀削麵😎佢啲湯底雖然多味精多油但係啲刀削麵呢啲湯既精華 真係好正 令到本身冇味既麵 味道變得好豐富🌟

星期日休息同家姐去戲院睇早場，睇完戲大家都肚餓，家姐提議去食刀削麵。位於沙咀道有一間開業已過的山西刀削麵，平時都要隊，今日排了五分鐘就可以入座都算快啦。餐牌上除了刀削麵還有米線、菜飯、小食等。刀削麵有冷撈夏天食最啱。我揀咗雙拼，要五香牛肚同雲吞刀削麵，跟一杯凍豆漿（雙拼套餐配豆漿$50）刀削麵麵條煙煙韌韌，牛肚炆得夠淋，有三位雲吞，但雲吞皮太厚料太少，麻麻地。另一碗又係雙拼，要牛腩同雲吞刀削麵，跟豆漿。牛腩切得夠大件，都好好味。再加多一碟細既麻辣手撕雞，有一絲絲的青瓜絲同雞絲淋上麻辣醬汁，不太辣啱曬我口味

Craving for this popular Shanxi Ramen. And this restaurant is one of my favorite lunch places in Tsuen Wan. Their signature noodles are hand sliced thick noodles, and they also have ramen to choose from too. I personally like thin noodles so I always go for the ramen instead.You can choose the ingredients that you want. They have a lot of selections to choose from such as beef brisket, beef stomach, pork intestines, dumplings and etc.You can also choose noodles with soup or dry mix noodles.F

This is a noodle shop located in Tsuen Wan and specialises on knife cut noodles. The chef would carry a huge dough on his shoulder and would slice pieces of noodles into the blazing hot soup. Each strands of noodles will be a different size and texture. The shop usually have a line waiting outside but the turnover of tables are quite fast and customers are required to share tables. Therefore, usually if you come as 1 to 2 person it will be fine in getting a table. I just ordered the two typ

難得放假當然去睇下戲娛樂下，睇戲前要去醫肚先，平時晚飯時間這間刀削麵店都要排隊，宜家午市唔洗等位緊係入去食啦，午市都多人，卡位都要坐單邊，呢間店之前裝修過，未裝修前個廚房係門口位，一入門口會見到師傅係度手拉刀削麵，宜家裝修後廚房就無以前咁開揚，餐牌有好多麵款，一坐低我就叫左碗麻辣雞翼刀削麵，朋友就叫左碗麻辣豬扒刀削麵，套餐都會有野飲跟，我地就叫左豆漿，等左5分鐘左右就上左2款餸先，一見到已經留晒口水，再過多2分鐘左右2碗刀削麵都黎埋，面頭鋪滿蒜頭同辣椒碎，先讚下碗刀削麵，因為係師傅手拉既關係，所以每條麵都好煙煙韌韌，而且每條唔會好短，每條都好似正常米線禁長，一條就可以滿足晒成個口腔，坊間有啲刀削麵會好短，大約好似手指禁上下長度，麻辣豬扒有少少乾身，但個麻辣雞翼就做得好出色，醃得好入老水味，再配埋佢個麻辣汁蒜粒，簡直黎多3隻都食得落呀，再用埋啲麻辣汁加落個湯底度，我同朋友2個人都晒得晒，$50可以食到手工做既刀削麵我覺得可以接受，食飽時已經有人客排緊隊，今日真係好彩我地食早一步。

食過兩間的刀削麵還是這間最好食，最有味。😋首先說說麵質， 我最喜歡這間的刀削麵原因是老闆削麵的厚度岩岩好，不厚又不薄，食下去更有口感，太薄沒有口感，而且麵削得夠長，一看就知道夠功力💪🏻另外，湯底夠香， 重要的一點是喝完湯，口不會渴，証明湯底沒有加味精。👍🏻👍🏻 雞翼醃得很入味，啖啖鹵水味。 秘制辣汁引香又辣，加上蒜粒，更錦上添花。 每次食完都覺得是一種享受😊😊

平時呢間刀削面店門口成日都有人排隊, 想試好耐, 見仲未到晚餐時段冇人排就入去試試。座位有限, 所以需要搭台。 一入到店舖入面就見到師傅削緊面條, 好期待食新鮮既刀削面喔。睇完餐牌, 問店員口水或紅油有咩分別, 店員話紅油香d, 所以最後叫左一個口水牛肚刀削面, 一個口水雞刀削面, 加$4配豆漿, 另外仲加左個炸餃子。刀削面如期待中彈牙, 份量都算大, 美中不足湯底沒有其他湯底或辣度選擇, 只有清湯, 至於牛肚和雞味道都不錯。炸餃子配沙律漿, 不過炸餃個皮較硬。食完門口已有人龍。是羊群效應嗎?

呢間野已經食左十幾年 由細食到大不過我多數去另外一間分店食咁岩今日行過見到呢間有位就入去食因為當時得卡位就直接去坐 我地有兩個人 由於繁忙時間就要坐埋一邊嗌左豬軟骨刀削麵同飲豆漿 呢個係我黎親都食既 我都有幾個月無食 原來佢已經轉左快餐模式 落完單1分鐘內已經煮好個麵俾你豬軟骨有三舊有一舊完全未腍 舊軟骨係硬既 另外兩舊都算接受到但豬軟骨就超入味 如果腍既話就好正食食下就有人坐左係對面 原來張枱都好細下 對面個個人隻腳會掂到 或者佢隻腿太長😂所以都會想快快食完快快走

上午工作後，下午請假不用回公司，就在荃灣搵野食。荃灣米線街試過了，就想試新野，走著走著，就見到呢間刀削麵，叫得麵皇，心諗應該ok啦。之前在元朗食過刀削麵，覺得刀削麵夠彈牙，希望呢次唔好令我失望。店內座位其實幾窄，4人卡位男仕坐的話會好迫。可能要用盡空間，結果變到咁迫。點了麻辣豬扒刀削麵，麵同餸係分開上。麵唔算太差，但又唔係十分好，有咬勁但冇之前食過的咁彈牙，咁都叫刀削麵皇，言過其實囉。湯亦都好鹹，其實我冇乜期望，主要麵好食就得，湯反而次要。冇期望之下，中規中矩已覺滿意，可惜真係鹹。麻辣豬扒反而ok，夠麻夠辣，豬扒亦好香。總算幫個麵拉番高d分。係份量略為少左d。結論係ok，麵一般，湯唔得，麻辣豬扒出色。不過試左一次就夠，除非佢刀削麵可以更好啦。

一行八人由於唔想分開坐，逼埋一張枱坐都幾逼。叫左一人一碗然後share餸食，有蒜泥牛肉、醉雞、蒜泥薰蹄、口水手撕雞等等。啲蒜泥又辣又酸，食完個口臭幾日。不過配埋啲牛肉同薰蹄幾好味。口水手撕雞都幾搶味，而醉雞相比之下個味冇咁搶。講返碗刀削麵先，個湯底清清地幾好味，同埋個麵幾彈牙。追加左個小籠包同煎包。小籠包有湯汁正常味，不過太飽所以冇試到煎包。食完餐飯，口渴左成晚，味精都好勁......