正宗水上人蒸氣鍋專門店 (已結業)

這間位於尖沙咀厚福街路口的正宗水上人蒸氣鍋專門店，平日晚上間中會跟同事去食蒸氣鍋，我都跟店員都比較熟，她跟我說午市有半價小菜優惠，有時間可以過去試試，今日假期放假，帶老婆去試一試。午市時間都有做蒸氣鍋，全部都是以每位起計，亦都有單點。但今天我們只選了吃半價的小食，除了飲品類，全部都是打5折。回味辣子雞：辣子雞幾乎被乾辣蓋過，望見都覺得辣，但吃落去只有微辣，沒有想像中的十級辣，雞肉炸得很乾身，但肉質嫩滑，辣味感比較低，但非常惹味，適合只能吃小辣的大眾。蟲草花燉白肺湯：初時以為豬肺湯是白色的，但開蓋後竟然是偏黃色，表面有層雞油黃，但只有薄薄一層，湯內有很多材料包括蟲草花、雞腳、雞骨肉、豬肉及豬肺，味道似雞湯多於豬肺湯，可能是大量雞肉及豬肉煲燉而成，湯很清甜有雞湯的香味。椒鹽炸鮑魚：鮑魚共有四隻連殻一起上，表面舖滿著炸蒜、乾葱頭及少許辣椒，鮑魚是用鮮鮑，表面𠝹上井字炒爆而成，再放入鮑魚殻內，肉質爽口彈牙，椒鹽惹味，有避風塘的感覺。總結：$44就可以吃到4隻新鮮鮑魚，成本都不只，絕對平絕全港，食物味道中上，沒有將貨就價，值得一讚，良心企業。

朋友在尖沙咀上班，介紹我去正宗水上人食午餐，原因是這段時間每日午市所有小菜類都有半價優惠，平均$30起，除了小菜外，點心都有相同優惠，我當然要去一試。這個正宗水上人地址是在尖沙咀加拿芬道，但出入口其實是在厚福街內。假日午市客人不多，主要有幾枱外國人及內地人來食蒸氣鍋。坐下後先問清楚，午市茶芥分兩種，食小菜的便宜一點$18/位，蒸氣鍋則會貴點。另外花生一碟$10，及需收加一，跟去酒樓一樣，不過午市茶錢偏貴。店員放下了一張雙面小菜紙，除了沙冰類飲品正價收費外，其餘都一律半價優惠，店員說此優惠應該去到月尾，不過都是等公司另行通知。我們先點了幾款點心。全部都即點即蒸。黑松露蝦餃蝦餃脹卜卜，皮薄餡多，蝦肉爽口彈牙，不過只見黑松露影，不見黑松露香，只可以叫普通的蝦餃，但對比起大眾酒樓，味道中上。麻辣燒賣燒賣就吃得多人，麻辣燒賣都是第一次見，燒賣比平時的更大粒及偏深色，麻香十足但辣味較少，麻味在舌尖上擴散，刺激味蕾，感覺突出，燒肉肉質彈牙，而且有肉汁，不會蒸到乾巴巴，非常好味。鮮蝦菜苗餃菜苗餃內蝦肉甚多，爽口彈牙，配上菜苗令其更清新爽口。蒜香豚肉炒烏冬豚肉即豬頸肉，肉質爽口帶點肥，烏冬炒得很乾爽，加

book 左都要等超過一個鐘，無位咪話full book lo, 成班人喺度門口度等個幾鐘，問佢要等幾耐就話一陣間，次次都係答一陣，完全係玩個客，好唔好食都死啦，你幾大間鋪左比幾多人定位la

想食海鮮 諗諗下不如試下蒸氣火鍋搵呢間因為地點方便 上到黎 可能因為我地早到 所以都無乜人我地嗌左個set 跟住以為唔夠食 仲嗌左其他海鮮見姐姐介紹得好落力 我地又想食 我地就散嗌左大蝦之類原來仲有粥 我地最後先知 所以我要提前講因為食到底 將所有海鮮既鮮味 都留底晒係下面果層 最後佢會加d水同米落去煮成粥!!由於海鮮真係好新鮮既關係 個粥係非常非常鮮甜 好好食!!都係果句啦 因為呢間野佢既海鮮真係全部都係新鮮同係高級野 所以全部都好好食!!同埋有姐姐會服待我地 雖然有個鐘佢每次放一樣野落去 都係幾分鐘內就食得佢會幫我地打開同埋提我地要點點點好幾次都係我地都未食完 如果自己黎 跟住唔會有果個時間性 就會老左 會無甘好食佢地服務真係好好 要讚相比出面有d 靜係有張紙話比我地知要整幾耐呢d真係無得頂雖然一人食左7百幾蚊 不過係抵食就算自己買番屋企 都未必整得甘好 因為佢地知道幾大隻幾多要整幾耐 所以抵 值得再番去

第一次食蒸鍋，比我既感覺係有D似打邊爐，但這更能帶出食物本身的鮮味，所以很適合用來煮海鮮吃。個人比較推薦生蠔，聖子，雞件和他們的粥。全程都是有人幫手煮的，服務不錯。不過因為是吃海鮮，我們還吃了鮑魚，所以對價錢方面要有心理準備。

正宗水上人氣鍋專門店天氣炎熱，但好似都無損香港人對美食嘅興致！嚟到Happy Friday點都要約朋友去食下「好西」先算對得住自己嘛！Book咗枱但可能人太多，都等咗一陣先入到座。餐廳喺厚褔街，十分方便，而室內環境亦好大好舒適，一坐底已經餓到打晒鼓，立即order！！依家就一一盤點返當晚嘅美食（邊打邊流口水....haha)｜粥底：蟹 <3 ｜上次嚟食試過南瓜豬骨筒，咊道一流不過有啲油，今晚就清啲，要個蟹粥底一樣鮮味足！｜黃金汁聖子皇｜好感好爽好新鮮, 有粉絲陪襯，原汁原味！｜蒜香元貝｜蒜味又香又濃！元貝大大粒加埋粉絲底，咬落juicy又新鮮，鮮甜無比！｜龍蝦｜大大隻龍蝦啖啖肉！加埋自己調配嘅醬汁，好好味！最後個粥底。。。。。人人有兩碗！原本以為會唔夠飽，點知都好full吓！海鮮味帶起成鍋粥嘅味道！大件夾抵食！

好新鮮。 好新鮮。好新鮮。因為依個先係重點，所以要講三次。叫哂甘多海鮮之後，就會有人慢慢黎服侍你，每次食一種海鮮都會親自幫你換碟同整埋你食。另外，如果多人，仲可以包房，可以安靜D食。跟住想講，點解甘遲黎食都仲甘新鮮，而且，又真係啖啖肉，最緊要係食到佢地的鮮味。好大，大過隻手，又鮮甜又多膏，又滑同埋又做緊特價，無得頂教我如何可以不愛它兩三個人食一個都夠分。真係好大，有相為證嫁最後，聽個waiter講，將d蟹膏放落個粥底度煮，會令成個味道更鮮甜更香。

本身經OpenRice 訂左枱7:30pm因為交通關係要遲十五分鐘 已經一早打左電話去問得唔得佢地同我講得去到之後 佢地話入面埋左單 等一等咁我地就企左係到等(同時有三位姨姨企左係到等)我地又去海鮮缸個到睇下有乜海鮮揀企左5分鐘都冇負責收銀個姨姨就趕我地落樓下叫我地落街等 岀面成三十幾度 又話"條街熱呢到咪一樣咁熱""你地企係到都冇枱俾你啦 入面埋左單唔肯走""你地阻左唒"我地要遲都已經通知左等一陣我地都唔介意但過左交枱都冇俾到枱 仲俾說話我聽最後等到八點三我地就決定去第二到食我絕對唔會俾錢去買咁既服務態度

朋友生日嚷著要減肥，最佳選擇應該是蒸海鮮了。至少感覺上清淡d😅今次係我第二次食蒸海鮮,第一次朋友帶我食潮x , 今次見到呢間openrice 咁多人讚，又可以喺openrice 訂位，就即管試下！星期二嘅晚上7點多來到好清靜，到8點左右至熱鬧d ! 唔知係咪見我地諗左好耐又未齊人，連茶都無開俾我地！到我地終於研究好食咩，叫侍應來點菜態度都好寸，但我地都唔寄望宜家d 做飲食嘅會好有笑容，所以都無所謂了！我地無點餐，選擇散叫，因為餐就全部都係海鮮，想加d 其他野又驚太飽同太貴！我地點返餐有嘅海鮮再加左牛肉，同墨丸，都好飽了！食物都幾新鮮，唯一唔掂嘅就係隻奄仔蟹，其中一隻斷腳，又話係廚房專登斬斷，點知蒸出來係臭嘅！佢都立即換一隻！其餘海鮮都好新鮮，但原來龍蝦特價又話只可叫一次，又唔寫明，落單時又無講，我地諗住試下每人半隻好食先再叫！點知佢已經唔俾我地叫了，你地記住特價野就問清楚先落單，唔係就無得追加啦！整體感覺食物質素都幾好，但服務差少少囉！

當晚訂7點2位，等到8點先可以安排入座，仲要係同一時間有6張訂座2人台等位，其餘多數等3至4人台，全部訂台都等最少半小時，吾係walk in ,就算食物質素有幾好，試一次都怕怕啦。其中有一台話1個月前訂位喎，睇怕1年前訂都冇分別。如果佢地吾改善服務，睇怕吾會有客人去第二次囉。

真心唔明點解會有咁多正評首先講服務 好差 啲staff個個西口西面 有個唔知係經理定老闆嘅男人西到爆 其他staff都唔係好 成日叫佢地都聽唔到 環境已經唔大 條走廊好迫 咁都可以聽唔到 得個幫手蒸野嘅staff態度OK野食就正常嘅 性價比唔高 叫左最平果個$398餐海沙白: 好細粒花蛤皇: 正常 有少少鮮味生蠔: 無味 仲有兩隻有好多沙元貝: 唔錯 有鮮味龍蝦: 唔錯 有膏有蝦味花蟹: 又係無乜味 仲有少少阿摩尼亞味...墨丸: 好味 又彈牙又有墨魚味上次去左間喺附近嘅 性價比高好多 服務好好 仲有啲野食可以任叫 相比之下 呢間真係可一不可再

我們一行4人，選擇了B套餐。食物美味超出預期，感覺美不勝收，尤其最後的一鍋海鮮粥實在是錦上添花。久聞其名終來到，不枉此行也！另外，店堂的裝飾也不錯，略帶中式典雅。

尋晚依餐蒸氣火鍋，真係相當滿意👍🏻餐廳乾淨衛生，服務員態度好好，招呼一流！比係其他蒸氣火鍋餐廳由食物上枱同服務員幫大家蒸海鮮，樣樣都好有條理，抵讚😊海鮮亦都非常新鮮，大家都唔需要用餐廳提供嘅醬料，因為鮮味十足！真係要為大家真心推介👍🏻

蒸蒸海鮮加粥底好幾年前已經好想試, 電視飲食節目介紹過Super大x華火鍋,嗰陣睇到真係口水都流哂出來,即刻打電話去訂枱, 點知佢話尼個幾禮拜都full哂,我問有無得walkin,佢叫我夜晚5點半黎試吓walkin,仲話6點半walkin都一定無哂枱...就算小妹唔番工,我都唔好意思叫哂啲朋友仔早啲黎陪我蒸蒸啦⋯⋯所以就打消左念頭!平時行街都會留意吓有咩食,水上人家個招牌燈箱原來一早就印左嚮我個腦海,所以就建議食蒸蒸,大家都好期待喔⋯⋯去到佢個蒸蒸蓋係魚夫既草帽咁,好有當魚夫既情懷🤣店家設有套餐,好啱有選擇困難症既友人,但礙於友人唔食蝦同牛,所以俾我地決定散叫海鮮,佢又好好明碼實價,無實價既話我驚負擔唔起海鮮價喔⋯⋯叫左幾款海鮮蒸蒸,黃金汁紐西蘭蟶子皇 :配粉絲蒜蓉,大元貝皇 :配粉絲蒜蓉,翡翠汁南非五頭鮑魚,** (佢啲海鮮真係好新鮮)手打墨魚丸:好正呀~喂! 爭啲要食埋友人嗰粒!!!欖菜肉崧冰菜: 每人得幾棵,冰菜本身有少少咸咸地口,佢配左欖菜香味加倍~每道蒸蒸侍應遮遮都會效定計時器,仲會分餸俾我地!好貼心~而個 粥底: 鳯凰水蟹粥係雞雞配蟹~ 雖然蒸完既海鮮汁滴左落去,但我覺得唔

今日同個海鮮迷朋友一齊食蒸氣海鮮, 今次黎尖沙咀厚福街試。內裏環境寬敞, 冷氣夠凍, 啱晒同朋友邊食邊吹水。我地選左$598位套餐, 因為唔洗諗同包十幾款海鮮。 海鮮相當新鮮!聖子皇好大隻!貝類, 分別有花蛤皇, 芒蜆, 海黃蜆等。。。。。美國石蠔好肥美!花甲味道鮮甜, 仲有海水既鹹味, 好正!聖子皇配上黃金汁, 很好既配搭!呢個黑松露蒸元貝, 原來咁樣配得咁好, 本人好鍾意黑松露, 元貝又大又鮮甜。南非龍蝦好大隻, 仲有膏, D肉又甜又彈口。飽魚好爽口!臨尾個豬骨粥底吸收晒d海鮮精華。好清甜! 非常好味!