正斗粥麵專家

營業中

休息中

猜猜幾錢呢⋯⋯機場一號客運大樓的正斗牛腩撈面72Hk 淨水餃數條九王55$不過：好好牛筋很林牛腩上好面滑精彩我搶吃了一條菜芫是芥蘭幾講究水餃約4 大只普普通通⋯⋯很經典的一個快餐費時- 要排隊貴貴地- 不是很貴：對香港人只是不忿氣，遊客應該可以接受雖比平日香港街頭的地鋪貴，但他們的雞蛋生面是較高水準的：牛筋牛腩肉都超好吃😋這就是專業化我 覺得現在機場第一terminal 百花齊放 百家爭鳴⋯⋯總好過你盲中中入去翠園30$ 一位菊花茶強！

今個月第三次去台灣，由於八點鐘已經到達機場，非常肚餓只好選擇了這間正斗食個快早餐。早餐都係有三選一既艇仔粥，三選一蝦餃，重有春卷三樣野。人係貪心既所以單點左個叉燒腸。個粥其實好一般，蝦餃個底已經爛咗，春卷果皮唔脆同凍凍左。可以用難食形容 😞叉燒腸厚皮，唔熱。下次都係食返CDC或TW, 其實POOEYES係幾好不過早餐唔想太熱氣。🙄其實都冇諗過機場有好嘢食，不過今次就真係難食左少少囉。算，上機去台灣再食過。。。

北歐追逐北極光之旅即將開始，很多朋友都告訴我，當地的食物完全不要抱有任何期望，而且亦不太符合香港人的口味。為了先安撫一下自己的肚皮，準備著未來十多天「冇啖好食」的旅程，上機前，就好好吃一頓中菜吧。由於時間有點緊迫，我們只好過關後才進餐。食店選擇無多，大部分以Food court 型式營運。當我看見有正斗時，雙眼立刻發光，因為我一向很愛到IFC和圓方的正斗，吃它的炸両和乾炒牛河。不用多想，我們便點了一客乾炒牛河、炸両和香蒜春卷。乾炒牛河：賣相和其他的分店相類同，每條河粉色澤均勻，唯河粉比較碎。牛肉分量較少，但仍然是甘香肉嫩。炸両：不夠新鮮，內𥚃的油炸鬼不夠脆脆，腸粉皮也不夠滑嫩。春卷：皮不夠脆，非常一般，不吃也罷。

當天在香港國際機場吃個早餐才出發台北，由於我家相公想食粥，咁啱得一間粥店，去吧! woo.......埋單成為$106 + 水1支(因為係無水供應架)$18，粥係好食既，但粥入面既咸瘦肉就有油益味喇! 炸兩都即刻整既，不過就食到係應該係隔夜既油炸鬼喇! 排隊買就好快，但等個炸兩接近等左15分鐘，總結，如果真係要食粥，可以食呢間，但遇左等得耐啲同貴啲喇!

黎緊去幾日日本，上機前食番個中式早餐！朝早都幾多人， 機場food court 甘多間餐廳share, 我就揾位先，老公去買野食， 都等左10 mins 先有得食叫左2個中式早餐我叫左皮蛋瘦肉粥， 老公就叫左魚片粥。 兩個粥個粥底都好綿， 皮蛋瘦個粥底重味d, 而且好足料，好多皮蛋同咸瘦肉！ 而魚片粥味道就較清， 好多魚片。個粥仲有配蝦米腸同蘿蔔糕。蝦米睇腸非常出色，腸粉皮薄，晶瑩剔透，而且好多蝦米，非常足料！蘿蔔糕就普普通通，粉多過蘿蔔，勉強食到少少蘿蔔絲用15 mins 食完就上機了

午餐其實未夠飽，兩三個鐘後，肚皮已經在輕輕叫喚。正斗的職員套餐真係幾抵，一碗麵、一碟菜再加一杯飲品，都不用$50。牛腩麵湯跟麵是分開裝，確保熱辣辣之餘，麵條不會浸至欠缺彈性，牛腩炆得夠腍及入味，是水準以上。腩汁菜心近年已不再蘸點蠔油，寧願用腩汁，味道來得更自然、更惹味。薑母珍珠薑味很濃郁，而且帶有澎湃的薑味，未必人人受得了，加上超甜，下次還是挑選另一款飲品。

剛係LA飛翻嚟，啱啱好係下晝，又啱啱好經過有間店，再咁啱我又有啲肚餓，於是我就入左嚟霖住搵啲嘢食下，好好填飽我個肚我點左幾樣，馬拉盞、叉燒包、蝦餃等等，我個人覺得馬拉盞係最好食噶，不過其他都唔錯，腸粉噶皮比較薄，而且入面噶肉好多，腸粉好滑，肉好嫩。馬拉盞，有些少甜味，不過又唔會甜過頭，好健康，而且咬落去好鬆軟，聞落去好香，好食！蝦餃，係我每次去茶樓都必點噶一樣嘢，所以好食唔好食，一試就知啦。蝦餃入面噶蝦略細，而且啲皮有啲癡住個籠，唔係咁推薦。叉燒包，有少少甜味，外面噶包皮非常鬆軟，而且熱辣辣好好食，入面噶餡肥瘦度啱啱好，唔會太肥。

Arriving at the airport with too long to spare before my flight and an empty belly I decided to try out the rice rolls at Tasty Congee & Noodle Wantun Shop. I've had this dish before but only ever at specifically vegetarian shops. It was actually a really satisfying choice, warm and comforting. The chewy, slightly slimy/stodgy rolls (in this context slimy and stodgy are compliments), soaked up the salty soy sauce. They come served with chilli and peanut dipping sauces. A welcome simple treat

上週三早上與家人乘搭早機往台北，六人見過關後仍有一個鐘頭左右先到登機時間，所以就行咗去快餐店區域度食個簡單o既早餐。由於「正斗粥麵專家」門外o既人龍係咁多間食店中最短o既一條，而且又係大家平時食開o既舖頭，所以諗都唔洗諗，我地就喺「正斗」買咗三碗粥同一碗麵黎分。小肥叫咗碗「豬潤肉丸粥」，單售$68睇落好似同市區同價，不過食落就知粥底好稀，味道偏淡，肉丸又細粒，豬潤又嚡又實，同中環及跑馬地分店o既粥品相比，簡直係驚嚇得令人顫抖！食完仲要超口渴，似乎味精含量唔低，個人下次要喺機場覓食絕對會另作他選囉！

又飛啦! 心情無比興奮，目的地是美食天堂，到埗後那怕無好野食?近幾年購入的機票，十居其九是廉航，廉航的確改變了我們的旅行習慣。懷念那些年國泰港龍的高級食府crossover飛機餐、haagen-dazs雪糕、Pacific Coffee...俱往已。也許是廉航的帶挈，食肆的人龍變得愈來愈長了。記得有次坐零時航班，想吃碗翠華魚蛋，排隊之際，被前面的一位自由行掃走十碗，結果後面的十多人就無麵可吃，那情景仍瀝瀝在目(題外話完)只有半小時用餐時間，老公選了正斗。干炒牛河、叉燒酥、礦泉水、熱奶茶，合共二百，其實跟飛機餐價錢沒兩樣，也許飛機餐還更有誠意呢!老公的是干炒牛河($108)，份量不算少，用上銀芽、韮黃、牛肉同炒，上色勻均，炒工不俗。上桌時仍是熱辣辣，不過鑊氣欠奉，機場快餐也就不要強求了。用上鮮濃的醬油，微甜，味道尚可，略油膩但屬可接受程度。基本上中規中矩，但過百的價錢實在有點駭人。可我的叉燒酥($38)卻出事了，明顯是以成品翻焗，酥皮偏乾，面層微塌，缺乏光澤，心裏暗覺不妙。咬一口，內餡無論是叉燒或醬汁都失去水份的樣子，實在是難以入口。也許是放久了的關係，陣陣油酥味溢出，感覺滯膩得很。勉強

位於機場一號客運大樓的正斗係禁區入面，人很多，排隊落單及付款後，要再等攞貨。鮮蝦雲吞麵，細細碗，要40幾蚊，湯頭淡而無味，就好似雞粉加水一樣，只於主角雲吞，蝦仁少得可憐，沒有鮮味多汁的感覺，只可說成啖啖肉。麵條爽口。算不上是「正斗」囉！

除了正常的用餐外，偶爾想吃得輕盈一點，正斗似乎是個不錯的選擇，不過職員下午茶套餐並不是太多人知道。其實以$40一份算，包括麵、菜及飲品，麵點了大路的雲吞麵；畢竟正斗都是沿用老字號的處理手法，雲吞放在碗底保溫，而幼麵放面；先呷一口湯，很香的蝦子及烤過大地魚的味道，不過還可以濃稠一點，咬一口麵條很爽口彈牙，在水準以內，但仍感到少許鹼水味，未到最好的狀態，金魚尾雲吞很對辦，餡料加入了蝦子，香口得多。菜芯健康一點，簡單的澆點豉油就可以，但賣相真的不敢恭維，菜芯淥得過火，又放置了一段時間，已經開始發黃，下次大概轉澆牛腩汁會好得多。飲品是椰香珍珠，椰香味恰到好處，珍珠粒煙韌有嚼口，冰是下得太多，喝完還剩下不少。以份量而言，對女孩子是剛剛好，在下當是下午茶亦不錯，至少在機場找到一間值得回頭的餐廳。

「正斗」解作正確、美好的意思！此店命名為「正斗」，乃見仁見智！生滾魚片粥配幼滑葱花蝦米腸粥是綿綿的帶米香，但魚片有骨，乃敗筆之處！蝦米腸略嫌糊口不夠滑，但蘸以豉油吃，尚可接受！瑤柱白粥配蘿蔔糕、炸油條瑤柱白粥，粥底綿口，味道中規中矩！蘿蔔糕用料豐富，但略嫌煎得不夠香口！油炸鬼不是剛炸起，但尚算脆口，合格！要達到「名實相副」，看來要加把勁了！

「正斗粥麵專家」秉承了祖業「何洪記」的秘方與名聲，理論上應該相當正斗，可惜開業那麼多年，就是沒嚐過他們的雲吞麵，今天搭乘 Air China 飛成都，由於延遲了三小時，終於有個借口，可以忙中偷閒，嘆番碗「細蓉」！位於機場1號客運大樓，離港層禁區之內，入座的全都是侯機的客人，看來今天似乎人氣並不旺盛，餐堂是所有食肆共用的，排隊落單、付款後，等了接近10分鐘時間，才領到我的一碗 。。。鮮蝦雲吞麵 $48 碗，不算便宜，但抱著非試不可的心情，也只好接受吧，首次接觸的目光，有點不對勁，好明顯，九黃數量極少，甚至近乎零，呷了一囗淡然無味的湯頭，再咬一啖餡料不足的雲吞，那似有還無的感覺，更遑論什麼半肥瘦豬肉和蝦仁的比例了，幸好麵條果然是，有韌度兼具爽口的，但可惜印象分已經大打節扣 。

在機場禁區內進餐，個人感覺會很高興，因為入得來這裡就等於又可以外遊了嘛。所以今早幾肚餓都好，我也等到入閘後才在禁區找早餐吃。其實我一早已有選擇，再來正斗是因為之前看過食評提到這裡有早餐，很想一試。還記得上次在正斗是吃宵夜，今次就食早餐，不經不覺那麼快就一年了﹗原來早餐只有一款，就是粥配點心，還以為有雲吞麵之類的早餐選擇呢。有生滾魚片粥﹑艇仔粥，不過不想吃太多肉便選擇皮蛋瘦肉粥，粥底又厚又綿，味道略淡不過個人來說是接受的，皮蛋只有數粒反而瘦肉多到呢...但肉質好乾所以我都沒吃下幾多。點心分別有牛肉燒賣﹑叉燒包和蝦餃，我當然要蝦餃啦，每粒都是細細的，一口一粒的份量，一夾起之下皮餡即分離，餃皮帶糊口，吃到蝦肉內夾有荀條，鮮味稍遜，味道都是淡淡的，不過未至於是難食。最後的叉燒酥是指定動作，件頭幾大，所以分了一個給友人試試。酥皮不夠鬆化，入口有點硬實，油膩度未算太過份，叉燒餡的叉燒絲估不到都有不少，加上醬汁甜甜地，幾好味。整體的敗筆是三款食物都不夠熱，只有微暖而已。飲品是另外購買，估不到這杯豆漿是今餐的亮點，豆漿入口順喉，豆味足亦不太甜，是好貴啦但好彩是好好飲。半小時的時間剛好夠用來吃這份早餐，