正潮樓

營業中

休息中

放工同朋友特登來試呢間潮州菜館，一入去店員都好好招呼，坐低無耐我地就決定好食咩，因為來之前已經做左research，我地兩個人叫左五樣野，最後食到好飽😂。滷水鵝片（例牌），啖啖肉又大份，滷水汁又入味，仲有啲豆腐墊底，非常豐富。汕頭煎蠔烙，總共切開有八件，我哋最後都只係食咗三件，其他都係打包，但剛剛煎出嚟熱辣辣，再點埋魚露，真係好香口。煎韭菜粿，同我想像中有少少唔同，原來佢入邊只有韭菜無肉，而佢個皮就非常Q彈，食落好特別。糖醋煎伊麵，呢個我就期待咗好耐，出去食好多時都冇呢個餸嘅選擇，我特登同啲店員講叫師傅煎脆啲燶啲，出到嚟份量唔算好大，我哋兩個人都食得晒，每一件再點啲糖同醋，複雜嘅味道令人一食想再食。清心丸綠豆爽，甜度適中，食完四個餸再配上呢份甜品，就沖走咗啲油膩感。最後埋單都唔使$600，仲要每樣野都好好味，一定會返轉頭再來食，下次已經諗好要試佢個蠔仔粥，五台有四台都有叫。

今日媽咪帶咗我食一間老字號嘅潮州菜，由國家級大師傅坐鎮👨🏻‍🍳係傳統潮州菜餚。一入去裝修好企理，見到好full，不斷有客人入嚟食⭐️💫鹵水鵝片鹵水汁有少少花椒八角味，咸淡適中，啲鵝好入味，鵝肉又唔鞋。上菜時仲俾咗鵝髀俾我哋。下面有豆腐墊底，索咗啲鹵水汁都幾惹味。🌟鹵水鵝肝鵝肝好肥美，無鵝片咁入味，但鵝肝嘅油香味幾好。平時間唔中食下幾正，但記住唔好食咁多，如果唔係就會膽固醇過高。🦪汕頭煎蠔烙其實即係煎蠔餅，個邊煎到好脆，蠔仔幾多粒粒肥嘟嘟。🥬豬油炒蕃薯苗豬油超級香入面仲有蒜頭調味，番薯苗唔會太過老仲係嫩口。🍜糖醋煎伊麵呢個係傳統嘅做法，煎好咗嘅伊麵脆卜卜，但係入面仲係保持伊麵嘅口感。點上砂糖同埋醋嚟食可以平衡油膩感。

灣仔區內有不少中式餐廳，小編這次到訪的是由國家級大師坐鎮的潮州菜館《正潮樓》。餐廳地理位置方便，距離地鐵站僅3-5分鐘路程。從外表看餐廳裝修古色古香，如同就是的大茶樓一樣。內部環境闊落，有大枱卡座和包廂，方便不同食客。<干貝海鮮粥> $68/份干貝海鮮粥內有魚肉、魷魚、干貝等配料，各自有獨特的味道又不會搶戲，綜合起來層次豐富，可以加少量胡椒粉調味。<蝦棗拼蟹棗> $168蝦棗及蟹棗炸得香脆，整成圓球狀嘅是蝦棗，蟹棗呈方形，配搭特別的桔油，更能品嚐到蝦棗和蟹棗的風味。<欖菜欖仁炒肉鬆> $168原本想要九肚魚，可惜已經賣光。轉點了這款，欖菜、欖仁、肉鬆多重口感，鑊氣十足，伴飯之選。<豆腐> $68點了一份鹵水豆腐，豆腐浸在鹵水內，入口嫩滑，豆香味重。<福果甜芋泥> $48初次嘗試有驚喜～口感順滑綿密，微甜不膩，伴著糖漬白果，每口充滿芋泥香。

一向喜愛食潮州菜，朋友話灣仔有間潮州菜價錢親民，仲話係由國家級大師傅主理，我當然不會執輸，一定要試過先安樂！✨鵝肝 （半份）$128無論中或西式鵝肝都是我的至愛，點會唔點這款菜式，鵝肝非常粉嫩又不覺油膩。✨魚露浸花甲 （例) $188這裡的招牌菜之一，花甲好鮮甜又不會太鹹！✨川椒雞頸肉 (例）$148比起一般傳統的川椒鷄，這菜式多了一種北方的麻辣味！✨煎韭菜粿 （4粒）$58最後是煎韭菜粿，外皮煙靭，𥚃面塞滿韭菜，鍾意食韭菜就一定要試吓！這𥚃的裝修比較古色古香，而口味不是以往食慣的潮州菜，而是帶點北方的味道！

潮州美食從矝貴的鮑參刺肚、生醃海鮮、鹹鮮魚飯、濃香滷水、以致樸實無華的打冷小食，都是潮州別具特色的美食。位於灣仔的正潮樓，傳承著潮州經典的飲食文化，並特地聘請國家級潮菜大師主理，為食客帶來正宗地道的潮汕味道。滷水鵝片（$168）潮州的滷水是最聞名的，亦是每家潮州食店珍而重之的鎮店之寶。這碟滷水鵝片，皮薄肉嫩，並散發出陣陣滷水的香料味道，蘸點蒜泥白醋，風味更佳。鵝掌焗鮑魚（$198）用刀叉享受的鮑魚配鵝掌，鮑魚口感彈牙並帶點煙靱，鵝掌炆得夠稔，亦很入味。鵝紅（$78）如絲幼滑的鵝紅，簡單地道，卻不失其獨有風味。肉碎蠔仔粥（$68）蠔仔肉碎粥是不少人的至愛潮州粥品，飽滿爆汁的蠔仔，鮮味十足，加上方魚片的鹹香，令味道提鮮。茶位（@ $12）StorefrontInteriorMenu

潮州菜愛好者必去🙌🏻由名廚陳澤嘉師傅主理提供多款正宗潮州菜式而店內裝修亦都好古色古香坐得幾舒服👍🏻🌟滷水鵝片滷水香且鹹香平衡 濃淡適中鵝片滷得夠入味 肉質細嫩 鵝香滿溢😋🌟老菜脯豬肚湯採用30 年以上既老菜脯提味老菜脯功效多多可化痰去滯等 好岩轉季飲再加上豬骨同帶嚼勁既豬肚燉足一小時鮮甜兼十分暖胃💯🌟鹹菜煮豬腸潮州人最鍾意用鹹菜入饌鹹中帶酸 再搭配口感爽脆又嫩滑既豬肚豬腸洗得夠乾淨 完全無腥臭味👍🏻🌟普寧鹹麵線潮汕特產鹹麵線炒得夠乾身 簡單配上韭菜,芽菜同蛋絲等口感柔軟帶鹹香味 食落好開胃

港島區食潮州菜，真係少之又少，朋友介紹之下，去左由潮汕地區名廚陳澤嘉師傅掌舵嘅「正潮樓」～主打正宗潮汕美食，包括滷水老鵝頭頸和老鵝掌等。魚露浸花蛤（$188）花蛤個頭都幾大，😳店家把烚至剛熟的花蛤，浸在秘製魚露醬汁中，將花蛤嘅鮮香提升。⭐️推薦❗滷水鵝片（$168）以秘方陳年滷水膽滷製出來嘅鵝隻，吸收了滷湯的日月精華，焦糖色的外皮富有光澤，鵝片肉質結實，肥瘦適中且味道新鮮，必試之選。👍🏻⭐️推薦❗豬油炒蕃薯苗（$108）豬油炸過後的獨特香氣，用來炒蕃薯苗，炒出來特別嫩滑，帶甘甜餘味～糖醋煎伊麵（$118）蛋麵以半煎烘的方式，將單面煎至香脆金黃，裏頭的麵條還是軟滑，蘸上老醋白糖一起吃，簡單而美味～😋

煎韭菜棵，表面微焦香脆，內部則保持著韭菜的嫩脆口感。煎韭菜棵的味道鮮香，帶有微微的辣味和淡淡的蒜香，非常開胃。汕頭煎蠔烙，新鮮的蠔和蛋的配合，煎至金黃酥脆，外層酥脆內裡鮮嫩多汁。煎蠔烙的味道鮮美，帶有海鮮的甘甜和淡淡的海味，搭配著蒜蓉和辣椒醬更加美味。滷水鵝片，鵝肉片經過滷水的烹調，肉質鮮嫩多汁，入口即化。滷水的湯汁充分滲入鵝肉片中，讓每一口都散發出濃郁的滷味。這道菜的湯汁醇厚，帶有香料的香氣，胃口大開。肉碎蠔仔粥，粥的質地綿密，口感滑潤，內裡加入了鮮嫩的蠔仔和肉碎，增添了濃厚的味道。蠔仔的鮮甜和肉碎的鮮香充分融入粥中，每一口都帶來滿滿的滿足感。

一間中菜店既賣點，我覺得可以話係一種花長時間功夫，而有幾味獨特耍家，係出面食唔到既菜式，又抑或係一種情懷，一種人情味既小店。而呢間「正潮樓」就由國家級大師傅坐鎮，菜色貼地簡單但不缺乏功架既潮州菜館，正正就係我二訪既最大理由。👇🏻📌招 牌 推 介 -▪️ 脆 皮 九 肚 魚 - $168▫️ 打頭陣先嗌個「脆皮九肚魚」，就咁睇賣相正正方方，同平時食開既有d唔同，幾特別，外皮炸到金黃色，而炸漿做到好薄好脆，裡面魚肉夠嫩滑，淨係呢樣都贏左出面大部份餐廳，加分嚕！▪️ 芋 頭 炒 香 飯 - $128▫️ 呢個招牌「芋頭炒香飯」聽staff講好多人嗌，即刻忍唔住整返個，飯粒炒到相當乾身，煲底仲有飯焦，脆口又惹味；而芋頭質感又鬆又粉，完全唔係硬果隻，配搭d香菇、蔥花真係送飯一絕。▪️ 滷 水 鵝 片 - $168/例▫️ 最後不得不試「滷水鵝片」啦，以呢個價錢，鵝片份量公道既，鵝香突出，完全無腥膻味，而肉質唔會太實太韌，恰到好處，底部仲有D滷水豆腐，整體唔會太鹹，唔錯。

呢度可以話係我嘅打冷食堂，同潮州人黎都讚不絕口，難怪今次平日嚟到都滿座，book左都要等等。滷水鵝片一如以往，好入味軟腍，因為部位唔同今次較紮實，但都好滑。 底下仲墊咗一大塊入味嘅滷水豆腐，如果可以配埋潮式辣椒油就完美喇。油泡南澳鮮魷一直覺得偏貴但好想試，果然無揀錯。 鮮魷非常新鮮厚肉，油泡做法煮得啱啱好僅僅熟，魷魚唔係得個軟字而真係爽彈，加埋蔥同彩椒粒一齊炒好香。沙茶牛肉炒粿條係我每次嚟都必點，沙茶醬調校得非常好，本來係重口味嘅嘢一啲都唔膩。 牛肉嫩滑、芥蘭爽甜，但神奇嘅係食肉獸如我每次都會狂夾炒粿條，炒得香口有鑊氣得黎，仲沾滿左蛋香，我諗男女老少嚟到都會爭住食。

好友帶我食正宗潮州菜，晚餐時段座滿食客，裝潢古式中國風格，有大山水壁畫。我們點左滷水鵝肉$138，潮洲鵝肉片無骨又啖啖肉夠入味，點些蒜醋可解油膩增添食慾，碟底豆腐很滑。蝦棗拼蟹棗$168蝦棗圓波形，蟹棗腐皮包住成長條狀再切粒炸到金黃色，香脆可口，蝦棗有馬蹄粒，爽口彈牙，蟹棗有蟹肉很鮮甜美味😋。沙茶牛肉炒麵$148牛河很嫩，麵質爽口，沙茶味香濃，真不錯。👍👍檸檬鴨湯$68湯底清甜檸檬清香，🍋配鴨肉都很夾，夠清潤又暖胃。

朋友好中意食潮州菜，次次約佢食飯都話食潮州嘢，去大排檔又係食滷水，蠔粥蠔餅呢啲。今次食呢間正潮樓係灣仔，主打潮州菜，廚師都係煮正宗嘅菜式。我地2個人7點左右到，好好彩，等左15分鐘就有位。餐牌有各式各類嘅正宗美食，真係樣樣都想嗌。。。最後我地都係揀啲必食嘅名菜先。鹵水鵝片（例）一份有2款鵝片，應該係鵝肉同鵝展。鹵水完全唔咸，鵝肉亦唔會柴，好好食！意想不到係佢個墊底豆腐，又滑又入味！真係讚不絕口！煎韮菜粿平時果啲潮州粉粿我係無興趣，不過呢個煎韮菜粿真係意想不到的好食，佢個外皮勁Q彈軟糯，入面包住滿滿韮菜拎去煎，讚！普寧豆腐我係第一次食，類似炸豆腐，佢係切開三角形去炸，再加上普寧醬。雖然係炸，但唔覺得好油，連個碟都唔會有一層油。普寧醬係加左韮菜，沾住食都幾特別。汕頭煎蠔烙其實就即係蠔餅，佢個蠔餅用左勁多蠔仔，中間果個位全部都係蠔仔嚟咖，蠔仔好鮮味，仲要好厚咖，蛋醬好香，個邊脆脆的，香口好食！食完一塊又一塊，正！肉碎蠔仔粥本身諗住叫例牌，個職員話例牌有8碗😂叫我地2個人嗌一碗就夠。好彩佢提我地咋，一碗其實已經有3碗滿咖啦。呢個蠔仔粥又係勁足料，入面仲有方魚，好小見。朋友話咁樣就係正宗！原本仲

老菜脯炖豬肚湯❤解膩 鮮醇 甘美，湯頭清甜鮮美，老菜脯既清香夠哂鮮甜唔燥熱，淡淡既胡椒香，呢D天氣滋補首選 ，好好喝。冬菜蒸九肚魚❤九肚魚肉質非常嫩滑，滑嘟嘟，配以冬菜、粉絲，味道鮮美，營養豐富。滷水鵝肉❤鵝肉肉質細嫩 味道鮮香，底部仲有豆腐，夠哂豐富。滷水汁亦唔會太鹹，味道有層次!方魚炒芥蘭❤淡淡方魚碎既鮮香，配上口感爽脆既芥蘭，好味，完全零苦味~鵝紅❤鵝紅口感非常嫩滑 大大塊，好滑溜溜，一D腥味都冇

餐廳裝修木系為主，好有中國傳統色彩！門口有個活魚缸，俾顧客感受到海鮮有幾生猛。滷水鵝片無骨鵝片，鹵水入味，入口滿口鵝香。墊底嘅豆腐吸哂啲上層精華，絕對唔只係配菜咁簡單，不愧出自大師之手。潮州煎蠔烙我中意煎蠔餅多過好多炸粉嗰種，完全唔油膩，蠔仔好大粒，好肥美又鮮，最緊要係唔腥。一個人都食到一碟！凍馬友魚飯原條馬友起哂骨，加埋本身魚油，肉質彈牙有口感。清爽！鮮甜！福果甜芋泥而家好少地方有甜芋泥食，好傳統嘅味道。芋泥攪拌到好綿滑，同朋友share一碗做個好滿足嘅結尾😀

🐷好鐘意食蠔餅，我就好愛食潮洲菜蠔粥，就決定試下朋友推介的正潮樓。蠔片、蠔肉太受歡迎了，我地8點去到竟然售罄了😫不過幸好仲有其他潮洲好味的菜式，幸好有訂座，我見平日都full house 😳-鵝肝：帶著滑順的口感和濃郁的肝味，滷水味再配潮洲醋，忍唔住停唔到口。-鵝蛋：鵝蛋比雞蛋🥚大很多，一隻蛋4份上，滷汁很入味-汕頭煎蠔烙：外酥內嫩，蠔肉鮮嫩多汁，配上外皮的酥脆，蛋香濃厚。-肉碎蠔仔粥：粥底醇厚，蠔肉的鮮甜與肉碎的豐富滋味相互融合，再加上魚干，潮洲風味十足。-川椒雞頸肉：辣勁十足的川椒烘托出鮮嫩多汁的雞頸肉，帶給味蕾一場麻辣鮮香的刺激。-煎韭菜粿：香氣四溢的煎韭菜粿，外酥內軟，搭配韭菜的清香，帶來一種獨特的口感與風味。