殷悅

營業中

休息中

星期六11:45到 要等30~45分鐘係咁放其他客入座(都係walkin客)追問下 苦等到45分鐘都可入座題外話:知客話定枱飲🍵要2日前就算定咗位嚟到冇枱都係要等㗎係咪真㗎 咁定位都咩侍應多 唔算殷勤 冇收碟沖水要等餐牌加咗價 茶位$19 餐前小食$19另收$5做慈善 當然係可以拒絕嘅餐前小食 清爽必點 煎釀三寶 $62 6件 虾膠彈口 爽 …… 淮山棉花雞 $51 棉花(魚肚) 肥膩 腥 雞件用咗雞翼槌 肉霉鮑魚菇鵝掌 $68 1只鵝掌開2 中size 鵝掌未夠腍買相一般唔吸引鮮茄双菇班片米線 $198班片份量足 6大片 肉爽鮮湯底過濃 米線硬 頸渴商場泊車優惠 $200 2小時酒店泊車 $400 2小時

打電話訂11點，12位。小姐話10點開門一定有位，打電話只不過係到時可優先入座，去到再等，唔肯定幾點有枱。就係因為咁多人所以怕無位先訂位，就係想確定有位唔使等嘛。其實佢明唔明訂位的意義。

每年的好友聚餐以及同屋企人慶祝嘅團年飯，都會選擇殷悦。除咗唔使响大時大節要好似出面D酒樓趕頭趕命咁食埋晒D唔係好食嘅套餐嘢之外，最緊要係每次黎食嘅嘢同埋服務都能夠保持超好嘅水準……呢樣係極之值得讚賞嘅地方！食物方面，今年試咗個八寶鴨……真係停唔到手。個嚮螺燉湯好濃好好味。咕嚕肉就唔係講一定會點…………响酒店食到咁高水準菜色，但價錢只係中等，無得輸!唯一就係如果坐車去就無咁就腳，但我哋成班人揸車去就非常方便。

每逢時節都會預訂荃灣熊貓酒店內的中菜廳，吃了這麽多年，今天拍大合照時才知名叫"殷悅"，平日這間中菜廳的點心價有點貴，但味道實在不錯，而且裝修高尚雅緻。今日早鳥團年飯點了"三星拱照套餐"……指定團年飯的佳餚菜式，沒太大變化，一如既往所有食物都能保持水準，出菜時間也很快，蒸魚又大又滑夠鮮味，值得 一讚飯後甜品，迷你酥皮冬蓉餅，皮薄鬆化 冬蓉清甜可惜年尾太繁忙，人手有點不足，服務員工態度沒以往殷勤，希望年初二(開年)再來時有所改善 我有利是派㗎。

喺荃灣呢啲舊區，想搵間高級啲嘅酒樓飲餐茶，只有兩間酒店可以選擇。今次試吓熊貓酒店嘅「殷悅」，雖然係米之蓮咁又點啫 (冇星㗎，只係推介咋)，但見佢嘅食評都係好壞參半，不過，都係抱住試吓嘅心態，希望同舊朋友一聚可以食好少少，坐得舒服啲傾吓計。早幾日已經訂咗位12點，訂位時已經被告知到時都要稍等一陣先可以攞位，結果等咗20分鐘，1220才安排入座。等候區有梳化，梳化都算幾舒服，側邊有落地大玻璃都幾開陽，但舊區景冇乜睇頭，但睇吓啲landscape 其實又有另一種韻味 (安慰下自己)。睇食評一路都話啲點心好貴好貴，坐低即刻睇點心紙，有哂價錢好清楚，明碼實價。其實價錢當然係貴啲，但都可以接受嘅。因為自己本身喺中上環返工，普通酒樓都唔平，啲價錢一早已經習慣晒，呢度話晒掛名都係酒店中餐廳，唔通收你普通商場酒樓價錢咩？不過，乜都係假，最緊要都係睇返啲點心好唔好食，同埋服務如何。基本上，嚟之前都有做下功課，啲人話好食嘅點心都會叫嚟試吓！「芝士三文魚撻」喺其他酒樓未見過，好好味，三文魚同芝士好夾，非常足料！但賣相就真係麻麻地，我建議佢應該好似做到芝士撻面咁樣就Perfect啦！「杞子玉帶燒賣」都係非常足料

今日專程揸車同媽媽去了大窩口悅來酒店頂樓的”殷悅”飲茶。這間餐廳在2015年獲譽為米之蓮推介粵菜餐廳 (Michelin Guide Recommended Chinese Restaurant since 2015)，當中有很多特色精緻的食物被受大眾推介，叫了杞子玉帶燒賣、蒜心蝦春卷👍🏼、牛肉、可愛的奶皇包、百花釀金錢、露筍鮮蝦餃和皇牌叉燒👎🏼。當中的春卷能夠保持一貫高水準，絕對很少地方能夠吃到。可惜的是，他的皇牌叉燒的味道簡直令人大失所望，一點也不美味，叉燒來到餐桌時是冰冷的，跟上次食的肉嫩多汁有很大差別，難道是因為職員3:15pm趕下場的原因嗎？。我總共叫了三次，他的職員才能成功落單。真不明白為什麼職員可以連續兩次也忘了下單，他們的服務真是有待改善。整體而言，食物質素一般，來一次便足夠了。最後，我留了一張意見卡給經理，希望他們會有改善吧！

同上司食lunch，唔好意思好似港女咁乜都影，所以好多都係偷偷地影就算，原諒今次啲相同平時唔一樣。😓「殷悅」係熊貓商場30樓，係酒店裡面既貴價茶樓，除左上司請飲茶，基本上冇可能會黎食。🙃－呢到既茶壺好特別，好易拎，亦唔會辣到手。想加水，只要拎起蓋，放係罅隙既位置就可以。（同事話我好醒，知道條罅隙有咩用✌）－好多野食都同出面既差不多，大概睇相都知道。－有某幾款係特別而且唔錯既。🤔1️⃣蘿蔔酥餅好鬆化，蘿蔔絲好足料。2️⃣三文魚撻，出面食唔到，好好味。－原本以為呢個係粉果，原來係菜苗餃既物體。😱如果鐘意食蝦既就會覺得好食，裡面真係好多蝦，大大隻，爽口既。可惜藍妹真係唔鐘意食蝦，所以食到苦瓜乾咁。😓－成餐最好食既竟然係甜品芒果布甸味道同平時既冇乜分別，唔係好甜龍眼杞子奶凍藍妹真係超鐘意食奶凍，呢個奶味重，雖然實左啲，但都做到滑溜既口感。👍－整體其實同普通茶樓冇乜分別，甜品相當唔錯，可惜依然改變唔到啲野好貴既事實。😅

殷勤服務，擺碟精美，味道欠奉酒樓在酒店的30樓，有電梯直達，去到接待處，只是提供了性氏，接待員都沒有看記錄 ，已經知道系邊枱，有無人來左，算是厲害，有可能因為我們是我們最後一枱到吧。仲未過來之前，問過套餐最低要7000以上，看了餐牌，再睇返openrice，原來不同時間的套餐和價錢都不同。昨晚13人去慶祝啊媽生日，叫了一個10人餐(HKD3100)加一隻香妃雞。可能因為太開心，沒有拍太多照，但好簡單的綜合下面幾點1。套餐除了魚是固定，其他有10幾個菜，可以選6種，算是不錯2。 招呼肯定比酒樓好，可能因為人手足夠。3。 地方寬敞4。 餐具清潔5。所有菜都非常大碟，拌碟也很好但所有菜，不管是古老肉，香妃雞，蝦球，魚。。 都是1。超級少調味，比家裡還要清淡，古老肉不酸，燒鵝沒有味，湯好像是清水。。。。2。 可能和其他大酒店一樣，距離廚房太遠，所有菜都不夠普通酒樓熱。3。 所有菜都沒有鮮味。4。 肉類加工不好，雞肉好"林,"蝦肉不爽，燒鵝皮不脆，唯一比較好的是叉燒，肉質和味道都好好。

希望貴餐廳會有人睇 ... 真心為你好食物質素冇意見 價錢比出面貴我入門口前已經接受不過如果你要用米芝蓮li個名 .. 1. 杯唔好爛 爛到個杯喺裂痕流d茶出黎2. 食物入面有頭髮 .. 10+cm長3. 坐到入去連點心紙都冇比 唔問就剩坐4. 叫人冇反應 ... 人好多咁喺到企埋一齊5個點心+1個粉麵都接近$600 價錢有1定程度都比返1定程度嘅服務質素茶杯爛度出面都見到裂痕都仲用 .. 咁會唔會太過份 .. 食到大半先見到頭髮我都已經冇說話可以講因為中間我揾經理都揾左3次 我已經唔想再揾 .. 好希望你地有機會睇到會改進下 ..

今日晏晝同同事一齊去飲茶，有同事提議去熊貓酒店上面嘅殷悅飲茶，我第一次黎依度飲茶，裝修環境好優雅而且寧靜，觀景亦都好開揚，不失為一個放鬆嘅好地方。點心好精緻，燒賣爽口彈牙，而且個賣相好吸引，一放上枱已經急不及待放入口啦。佢既點心全部都係即叫即蒸，上到嚟都係熱辣辣嘅，叉燒包好鬆軟，而且唔會太甜。棉花雞好入味，而且材料都好豐富有冬菇同唔少嘅魚肚。蝦餃絕對稱得上係皮薄飴靚蝦肉爽口彈牙又鮮甜。層皮煙煙銀銀又唔厚身，做出來的蝦餃晶瑩剔透蝦腸十分之軟滑，每一隻蝦都十分之爽口彈牙，又大隻，而且佢層皮唔會好似棉胎甘厚煎釀三寶新鮮炸起，但一啲都唔油膩，肉滑好爽口。雖然呢間酒樓比一般嘅酒樓係貴咗啲但絕對物超所值，服務員嘅態度好親切，環境又舒適，而且最緊要食物嘅水準真係出乎我意料之外

朋友推介這家餐廳，便相約一行三人一起去吃。位置在酒店30樓，餐廳兩邊是落地玻璃窗，居高臨下，看到不一樣的荃灣景色，單單是這市區景色已很好。點菜，朋友是常客，由她發板。 烏金麒麟乳豬，真的要給這菜色十個讚，皮脆肉薄，燒得剛剛好，又不太油膩，不愧是車胎人星級美食，必吃之選。燒腩仔一樣皮脆肉嫩，皮不及乳豬的薄，但不硬；肉也不硬，脂肪比例相比其他餐廳為少，也好吃。這個芒果粒蝦仁配上魚子醬，酸酸甜甜的，底部再來一片蜜瓜，夏天吃開胃。如果能夠醬汁可以再酸多一點更合個人口味。人蔘烏龍茶，茶味甘香，而且茶葉充足，泡了多次仍然很濃。另外還有一個離菌黑松露羹也好，清淡。羹的份量不少，足夠六個人每人一碗，如果只兩三個人就多了一點。甜品來了一客湯圓，不太甜，湯很清，三個人兩碗剛剛好。可能客人不算多，加上朋友是熟客，招呼很周到。適合三五知己輕鬆安靜地聊天，食物、環境都享受。真心推介。

酸辣汤很赞，剩余的黑松露牛柳、烧鸡都很一般，特别是牛柳，绝对没有米其林的味道，估计厨师早走了。蒸鱼火候可以，不过酱油少了。乳猪不错。酒单也不错，不贵。不过真心的以后不来了，失望的荃湾仔。

Very disappointed with the service in here, we ordered for a set dinner for 12 people, the portions were really small. They changed the menu without informing us and did not appeared to be apologetic at all when we pointed out that was not we ordered and refused to offer us other options.

一肚氣！同朋友去飲茶，張單有5蚊捐款同茶位用信用咭係冇得折，得食物有折，明白，唔緊要，但張單唔清楚，咁咪去問囉。 問個黑衫(經理掛)唔知唔想解釋定唔識解釋，跟住帶我地去收銀，收銀用計算機同你計，話原價加一…，我知原價加一，但你話捐款同茶位冇折咪得囉，跟住又話俾張單你慢慢睇又話電腦出單，(如果你係每抬，每張單，每樣食物，每個折扣都用手計我就服你，不過相信佢唔會)我咪話緊係電腦出啦，唔通你續樣打咩。跟住隔離有個夥計仲多口，佢話係囉，攞張單返去慢慢睇，我…！

一年裏面中秋、冬至、團年幾餐大飯最困擾大部份人，屋企有地方嘅煩餸菜與份量，屋企無地方嘅煩地點及時間。今年冬至响殷悅食得好自在。因為除咗坐得舒適唔洗迫迫夾夾，仲可以食得滋滋悠悠無趕第二輪。是晚只有兩份餐牌，一份六或十二人套餐，一份散叫菜式。因一桌大小共八人，比較之下散叫顯得更合適。值得一提餐牌標明所有菜式不含味精；加上餐館獲得米芝蓮三年連續推介，頓時對是夜冬至晚飯有所期待。薑蔥霸皇雞，節日晚飯食雞是常識吧。雖然味道不至特出，但蔥香雞嫩的走地雞，肉香又彈牙，已經是很多中菜館水準之上的味道。話梅豬軟骨，肉淋骨軟，話梅唔太酸比咕嚕肉酸味更自然，因非油炸感覺亦較健康。南瓜炒雜菌，南瓜甜美無炒至難熔熔，雖為素菜但油較多而且份量略為不足。翡翠黑松露帶子，翠綠蜜豆青爽脆口，帶子彈牙新鮮甜美，毋須任何醬料提鮮， 一啖一口大小恰到好處。黄意竹笙燴冬蓉，青淡冬蓉加再入青香竹笙伴以雞湯餵煮，味道青新甜美。清蒸海班，魚鰭見企起，新鮮不在話下蒸煮時間剛好，肉離骨不過火，味鮮肉滑，家人均讚口。海鮮賽螃蟹，蛋白香蟹肉足，驁喜加入帶子粒提升鮮味及彈牙口感。飽肚之食干燒伊麵值得一讚，很少可以食到如此爽身伊麵，美味異常。最