毓民私房牛肉麵 (已結業)

五月尾同家姐去佐旺角食《毓民私房牛肉麵》，個人覺得《大婆》比較好食。雖然毓民的牛肉麵湯底真的是如其所說沒有味精，可惜，清湯底不論是配牛肉或牛腩都不是活活所喜愛的做法。《招牌牛肉麵》的拉麵及湯底的做法都不是我所喜歡的一種。牛肉做得不錯，蘿蔔亦炆得夠腍。《招牌牛肉飯》的汁是用湯底加粉打成，跟吃麵沒兩樣，而且沒有加入肉燥，有點失望。 《魯肉豆腐》的魯肉及豆腐都做得很正宗，可惜魯肉的纖維還未算軟化，只算合格。《鹽酥雞》跟在台灣吃到的一模一樣，值得一讚。 《百香果特飲》特別在有百香果的果肉和特別甜，加了一次冰和兩次水還是很甜。兩個人吃了一百七十元，食物尚算不錯，做法卻不對活活的胃口，除了外賣《鹽酥雞》之外，應該不會再幫襯了。更多的有關相片：http://hk.myblog.yahoo.com/jw!eHwR3q6BBBKaBVAE_KF.lwc05B1az4HCSCCRVYo-

睇完食評已知水準一般, 但為了支持毓民和社民連, 無論點差都要去一次和友人點了飯, 面, x 2 飲品, 再加雞翼,送鹽酥雞, total $$108面的質素不如大婆牛肉面, 牛肉薄而唔入味, 似煲完的湯渣, 好鞋口,湯唔夠濃香, 似湯水,紅白蘿蔔夠淋而不溶, ,但單以配菜合格, 不足以令人覺得整碗面好食如改名做"牛肉清湯面", 相信投訴會少好多雞翼是失敗的, 同樣的錯誤, 就是"老"夠唔夠香, 太淡味,四隻收廿多元..........鹽酢雞合格, 炸得夠乾身夠脆, 比起雞翼抵食好多整體食物入到口, 價錢可接受, 到cheap cheap 日式店或茶記, 被掠水的感受會更深,所以未去過的人, 不妨一去

雖然話係台灣菜, 但我覺得似茶餐廳多d, 係裝修有少少唔同招牌牛肉麵講明招牌牛肉麵, 心諗應該唔會差得去邊, 點知份量好少, 得兩片牛肉, 蘿蔔仲多...30幾蚊既價錢唔太值。排骨飯炸排骨好脆, 幾時都係肥野好味。但如果配飯就寡左d, 因為炸野已經乾, 碟飯又無乜汁, 得少少醬油, 可能配麵會更好。青菜諗住健康d, 另叫青菜, 有難話有咩咁特別。如果食牛肉麵, 都係掛住台灣永康街果間, 真係一試難忘。

食完串燒唔夠喉，行左兩步見到毓民私房牛肉麵，打算同朋友share個招牌麵食，因為之前食過大婆牛肉麵，所以不期然會有丁點期待。入到去冇咩人理我地，d野黎左之後，我叫左好耐先有人理我比隻碗仔我，仲要好唔情願......佢地當時圍埋傾緊計，搞到我好似打擾佢地咁滷三寶($23):我同朋友見到都覺得好似少左d，一隻滷蛋，五六條海帶，四小片豆干.......食海帶o個時，如果唔食佢淋響面d汁就剛剛夠味，食埋佢o個d汁就過咸，滷蛋似烚蛋，冇咩味，唔入心，豆干太硬，又係冇咩味。都唔諗住係自家制ga喇，但係都唔好比呢d質素人地食丫。$23可以響大x樂食到個飯ga喇........招牌牛肉麵($33):太多蘿蔔，太少牛肉，而且牛肉本身都冇咩味道，蘿蔔就勁入味，個麵身唔夠彈，而且比較漿..........個湯底太重蘿蔔味，唔係好0岩我胃口.........如果我唔抱咁大期望，我諗唔會咁失望lor，反而朋友就未食過大婆，所以佢就唔覺得差，只不過係太普通.........普通到覺得佢係賣緊毓民哥個大名多過賣緊招牌牛肉麵。有樣好驚喜既就係佢個廁所真係好乾淨，唔會有水漬響地下，而且又有廁紙供應，連個toilet都冷

專程o黎好日都唔會去o既旺角試毓民招牌牛肉麵, 食第一啖已覺得佢無得同尖沙咀o個間"台灣牛肉麵" 比. 毓民o既湯底唔算濃, d麵亦唔夠入味. 不過勝在唔油. d 牛肉好奇o地有少少腥味, 可能都係唔入味o既關係....好睬有好幾舊清甜蘿蔔補番... 朋友叫o左魯肉飯, 無乜汁&無見開o既滷水蛋...所以唔係好吸引. 另外試o左個"冬菇蛋餅", 麵粉蛋餅皮o既質感唔錯, 可惜d冬菇好dry兼帶苦...(可能又係無乜用調味料...) 應該叫"肉鬆蛋餅"會好好多.可能毓民sell健康, 所以d野唔係好油,如果味道可以濃d就好喇. 唔抱咁大expectation o黎食應該會好d!

招牌牛肉麵 : 湯很濃, 像家裡煲的蘿蔔湯, 麵有點硬, 但算入味. 只可說是不過不失.海南雞飯 : 色澤暗啞, 有點怪怪的. 賣相已不吸引. 菜亦是黃黃啡啡, 像放了很久似的. 總結: 一次便夠了.

從外地回來的朋友想試下黃毓民的私房牛肉麵 ，我很早看過毓民在電視節目訪問中介紹自己的私房牛肉麵 ，也早巳想去試吓，便相約友人工餘時一起去試食。 店舖位於登打士街和花園街交界附近，不難使找到，店面的裝修簡單，座位全都是用黑色的木枱椅，是一般中式小店格局，由於當時客人不多，環境都算寧靜舒適。 晚上的套餐都是一些臺式小菜套餐，但套餐没有包括牛肉麵的，所以最後還是自選散叫食物。我們叫了兩碗招牌牛肉麵、一碟鹵肉豆腐、一杯豆漿、一杯柑桔蜂蜜，單價點滿一百元送了一客鹽騷鷄。招牌牛肉麵 ($33)要評論一碗湯麵好壞，除了麵質外最重要的便是湯底了，招牌牛肉麵的湯底就是阿媽煲的濃味青红蘿蔔牛腩湯，碗中有很多青、红蘿蔔和數件牛腩，用的是坑腩，邊位還有些少脂肪，入口較香腴，先喝了一口湯試味，湯色頗清但味道幾濃，感覺不到有落師傅； 採用的麵是油麵，用來配香濃味重的牛腩湯也很匹配，整碗都幾好味，不好的只是牛腩跟麵量都偏少，收三十多元一碗應該份量可多些。鹵肉豆腐 ($28)一道典型的台式食品，鹵水味道很濃沃，鹵肉是用五花腩來造，經鹵製後很爽口，入口不覺太油膩，只是豆腐經鹵水浸泡過久變得太乾身及有點嚡口。鹽騷鷄

第一次到此碰不上毓民，但係發現到新料，就係除了牛肉麵以外的午市套餐，餐牌表列了十餘款，通通$25學生更有得減。這次點的是滑旦蝦仁炒河套餐，來的是其貌不揚有琉璃汁的中蝦、銀芽、沙河粉，蝦仁多且鮮美，銀芽略多，絕對係多菜少肉的選擇，惜琉璃汁稀了一點，河粉本身不油膩，相當健康，加上清灼白菜仔，難怪還顧四週都是Keep fit 的O.L.。現正值金融海嘯，$25的套餐訂價可算是與民共渡時艱及在同區頗具競爭力。

第一次食這間毓民私房牛肉麵，我叫了一個冬姑貢丸麪！個碗超大同好多湯，但料就少！冬菇幾香同冧，我認為好食，但啲麵就好一般，唔夠滑同埋較粗糙！店面唔大，但伙計多，服務都好好，成日幫你加茶！

見朋友鐘意食牛肉麵, 便帶佢黎食。座位簡簡單單, 店子細細, 沒什麼人, 因為可能價錢貴吧! 我們每人叫了一個招牌牛肉麵($3X), 是台式口味, 先說麵身, 不彈口, 有少少硬身, 口情一般, 不過不失啦。牛肉方面, 很軟熟, 湯底清清甜甜,都有牛肉味, 很多紅,白蘿蔔, 白蘿蔔很入味。整體黎講碗牛肉麵都尚可,但不至於令人回味, 更沒有衝動下次再去吃。可能我自己比較喜歡那些較濃既牛肉麵既湯底。呢度既湯底都係比較清。

食過旺角的毓民私房牛肉麵, 覺得好好食, 學人食吓食評先台灣排骨麵係我既至愛, 鍾意佢炸到脆脆既皮, 好味好味, 好似喺台灣食既味道! 麵身彈牙, 清清地既豬骨湯底, 配合幾條白菜仔, 唔錯!呢度個牛肉麵都好好食, 上次同朋友已經食過一次, 最鍾意佢既紅蘿蔔, 好入味, 其他仲有鹽酥雞味道都唔錯!

招牌牛肉面 香炸雞排飯牛肉面好食..啲湯夠濃郁, 啲蘿白好入味, 正!! 啲面就其實一般架啫...雞排飯就好一般咋....係脆囉..不過又無味, 啲飯, 又無味...試下無妨既...

由於工作的關係，每天都要在旺角附近吃午飯。幾次經過這間牛肉麵店，前幾天終於決定試試看……看了一下菜單，毫不猶疑挑了一碗牛肉麵(所謂的招牌菜嘛) ，不知道是菜單上字眼令人容易誤會，還是我的理解能力低…我誤以為菜單上的所說的「套餐可加$6/凍飲；$4/熱飲」即是我點一份主食可加相應的價錢得到凍飲/熱飲。那位名叫「花花」的服務員負責寫單，當她解釋我點的不是套餐時，第一次我不明白她說甚麼，到第二次她再解釋時已經面露不耐煩的表情，我當時實在被她的態度氣結！食客對菜單不理解也無須表現不耐煩吧？！觀察了她對其他食客的態度也是怪怪的，如隔離檯的兩位食客其中一位要一碗牛肉麵，這位「花花」小姐不禮貌地問「一碗定兩碗呀？」，心想這樣的餐廳為何會請這樣的員工。至於那碗招牌牛肉麵，味道是很濃，牛肉算是煮得很入味，卻不是想像中的美味，但那刻似乎也不再重要，一坐下就受氣，食物的味道也未免要打折…臨走時，聽見旁邊一位食客又問跟我相同的問題「套餐吾係麵食加個飲品嗎？」……

同樣係食台灣麵,毓民私房牛肉麵卻是完全另一種風格..首先服務是茶餐廳式的招呼,大家都應該明白,hehe..舖內比較昏暗...電視播住無線的節目,想是另一種檔次吧食物點了招牌的牛肉麵,炒白菜仔同排骨一碟,味道是很濃烈而偏咸的牛肉麵,牛肉都算軟熟易入口,湯底比較咸,可以話係好味,不過一定唔可以當湯飲了..紅蘿蔔係好好食既餸,食得好滋味呢炒白菜仔係幾油膩啊,但味道比較豐富,排骨都係比較咸的,整體感覺就是味道都很濃烈!

比較喜歡食台灣牛肉麵 的那份濃湯及帶有藥材的味道 ,這店的湯底比較清淡, 牛肉份量比較小, 如可增多牛肉份量和把湯底調得濃一點便好了.