民豐粉麵行

營業中

休息中

花生糯米糍（$5）今次係草根第2次食民豐糯米糍因為荃灣對九龍人真係幾遠，就算好食平日都唔會特登嚟第一次個陣試晒3款味（紅豆、花生、芝麻）發現最好食都係花生🥜上次夜晚去開荃灣諗住買，點知原來黃昏🌇就會買晒。今次再食仍然唔錯個皮夠軟熟，表面冇草根唔中意嘅椰絲🥥中間以花生粒同砂糖做餡料份量又多又香😋難怪次次去襯都咁多人只係第2次食，驚喜冇上次咁大(人果然是貪心的🙈）大家有冇其他好食嘅糯米糍可以推介俾草根？

因為就快新年，個個都走黎買湯圓，排咗１小時３０分先買到，先講吓點解要排咁耐，唔係太多人，但係點解慢得咁緊要呢？因為佢地跟本唔夠人手包，冇存貨，雖然有職員已經喺現場包（包括不同口味湯圓及餃子），但係每個客人買唔少，一個人買６，７盒係平常事。排隊其間買咗黑芝麻糯米糍$5一件， 好粉，黑芝麻好乾身，唔鍾意食，  韮菜餅$13（又加咗１蚊價），少量人排隊，夠多油，夠多餡幾好食，同上次食的口感一樣，，要２點先開始煎，早過呢個時間冇得食。又再試埋上海粢飯$14（又加咗價），阿姐包到唔停手，　包完一件即刻有人買走，都幾好食，肉鬆夠多，有油條同炸菜。舖頭細，但同一時間好多人買野，搞到好迫，各式粉麵一斤斤咁買，蒸包（未熟的，上次買番屋企試過喇＄８一個，今次唔買），同場加映賀年糕點及炸物，冇試。買咗黑芝麻湯圓（＄２８一盒）返屋企即煮黎食，有彈性口感，芝麻味夠濃，原來啲皮有油，所以煮出黎有油浮面。

👏🏻是日行完山去荃灣搵食。見到IG 有人推介呢間糯米糍😋😋❤️Woo!!一間好舊既粉麵行，臥處藏龍🧐👉🏻 煙韌控一定要試糯米糍mochi 😘每個味都有買，紅豆、🥜、芝麻‼️👉🏻拎上手已感受個皮好高質同柔軟👍🏻👉🏻咬一啖就食到勁爆足料的炒香花生糖內餡！👉🏻完全唔會太甜，配搭超勁香口！花生又夠碎，好重🥜味🤤好彩買多幾個✌🏻👉🏻mochi 皮厚度岩岩好，好煙韌💓好正😋😋😋👉🏻注意⚠️爆餡到一路食一路跌，足料😚果然勁丫！

終於一嘗民豐的韭菜餅一去到蠻多人的，有點把我嚇倒幸好排韭菜餅的人不算太多那長長的人龍原來是排水餃🥟的(有機會真的要買一盒回家試一試)韭菜餅熱辣辣，香噴噴的🤤 (難怪要排隊才試到)因為太熱的關係，要放涼一點才能吃皮是蠻脆的，但也是油油的😅 本想讚美一下皮很薄，但吃了一半發現，其實是厚薄不一，有些位置的皮蠻厚的，美味程度即時大減了🙊餡料蠻多有肉汁，味道剛剛好，不會太咸，韭菜比肉多一點，所以蠻香的😋🤤 (整體而言還是美味的)

今日公司叫我拎啲嘢去荃灣，做完嘢經過荃灣街市街民豐粉麵行，見有很多人排隊。一問之下，原來排緊新鮮雲吞，雖然我一陣間要返工買不到新鮮雲吞回家，但見有其他小食可以買，見有新鮮熱辣眉豆茶菓、豆沙茶菓、蘿蔔茶菓等，仲係獨立包裝，二話不說買了一大袋回公司請同事食。我獨佔一個蘿蔔茶菓及豆沙茶果，蘿蔔絲柔細的鹹鹹的茶菓皮也很香很遠。而豆沙茶菓的豆沙餡則是舖頭自製的，還見粗大粒的紅豆在幼滑的豆沙餡內。＄5一個茶菓大家一起食得很開心，已經很滿足了。

講起民豐粉麵行, 荃灣老街坊一定會知道, 每逢冬至新年呢間鋪頭都會大排長龍，排隊買乜？之唔係買佢地既湯圓.其實呢間鋪頭除左湯圓出名之外, 佢既韮菜餅, 糯米糍同粉麵都好出名,我自己由細到大包餃子其中一間會買既就係佢地既出品，好新鮮不過會偏厚，有啲離題添，今日就同大家食下佢既糯米糍______________________________🔹黑芝麻糯米糍 $5🔹花生糯米糍 $5早晨9點去到，佢地話師傅未返，未有貨，要10點左右先返貨，9點9再去，已經有貨喇！.糯米糍既Size 大約手掌心大小，外皮都幾多粉下.佢既餡料側埋咗一邊，第一舊芝麻蠢左，咬左皮果邊，雖然第一啖都已經見到餡，但未去到好爆。第二舊花生醒左，摸到有餡果邊先咬，痴線架！！！薄薄一層外皮，入面啲料爆到癲左！.餡料係炒過嘅芝麻同花生再混入大量砂糖，好香之餘亦都好甜。糯米皮本身是沒有味道的，剛好可以中和偏甜的內餡.糯米糍嘅外皮都係一大亮點，其實未食拎上手已經知道， 係超級軟熟，咬開咗唔用手扶隱，啲餡料絕對會四散，因為外皮實在太軟淋淋！但你又唔好以為軟林林會唔好咬，佢軟得黎都幾有咬感，完全滿足煙靭控的要求！.除左花生同黑芝麻味，仲

好耐之前買過一次雲吞（因此以後無買過佢嘅雲吞，每次路過只買糯米糍），裡面肥豬粒多過乜，皮又厚過人，不過當時op个死人app成日寫完跳出，就無寫兼又懶寫！！而家新版寫返先！因為真係可以用難食嚟形容以前每逢飲完下午茶，行完街後去mtr經過会買，往時6点左右已買唔到，上2个星期晚7：30買了幾粒目測覺得好似爭d因為聞唔到香味, 因為請隔離屋伯伯夫婦食，今日又係7：多 又買到 真寄怪，多年來都係出門口即食，但今次一咬知道了 原來皮已沒有了糯米粉團的香味，口感又無了以往的輑！軟滑芝麻最衰芝麻香味無，仲食落嘅芝麻味勁少，只咬到沙糖，得個甜字好嘢～以後可以直行直過，bye bye

荃灣零舍多店有人排隊，火腿奄列有人排、刀削麵有人排、雞煲有人排 、兩檔唔同嘅米線又係好多人排、 就連未煮嘅雞蛋檔同牛肉檔都一樣有人排。今次去嘅依檔民豐粉麵又係出名多人排，不過好彩我今日十一半點左右經過見無人排隊所以就立即走咗入去買嘢食。雖然舖頭開宗明義寫明係粉麵店，不過佢哋賣嘅粉麵全部未經烹煮。而熟食就只有韭菜餅同埋粢飯，店內亦不設堂食。雖然韭菜餅的確係鎮店名物，不過今次入手嘅目標係上海菜肉水餃。依啲手工嘢對於本地大眾都市人來講買嘅絕對係來買時間。當然嘴刁嘅香港人同鳳凰無寶不落一樣，唔係好嘢又點會可以屹立荃灣多年。其實由外面舖頭招牌到走入舖内擺設格局、産品裝璜收納眼底就己告知區外生客民豐係幾十年老字號名店。雖然今次時候早俾我撞彩唔洗排隊，不過因所有産品新鮮即製、即包關係都要等三幾分鐘先有得攞； 擇善固執，咁就解釋晒平時點解會大排長龍，依分零兩分鐘等候就欣賞吓大姐們嘅手包功夫。今次其實亦試埋佢哋嘅粢飯，雖然糯米又甜又軟，可惜餡料分量就覺得不足。15粒水餃回家煮其實都分咗兩餐食。第一餐淨水餃，滾熟加小小醬油就食得。上海水餃皮就係愛佢厚厚地夠飽肚，水餃餡料夠新鮮就乜都唔洗攪，小小肉汁同新鮮味

近年隨處都是乜乜生果糯米糍，令舊有的好像被遺忘。荃灣這間，從小吃到大，喜歡它小店人情味，更喜歡它的味道。糯米糍有3種味道：豆沙，黑芝麻和花生。這間特色是皮薄餡多！最喜愛花生，香而不油！豆沙不過甜，同樣值得一讚👍🏻👍🏻黑芝麻濃而不苦，混入一些糖粒，大愛。這些懷舊小店，真買少見少，但願它可堅持到！念舊不貪新，這是一種味道☺️

無啦啦好想找好吃的韭菜餅。立刻上網search， 看到很多人都介紹這一家。我就立刻出門去找找。一去到嘩！好長的隧！但好彩，如果係買韭菜餅的話，是不用排隊。這條隊時給買雲吞的人排。👏🏻👏🏻👏🏻我一拎到上手的時候，真的熱辣辣。外脆內熱，非常好味，味道適中，有一陣很香的韭菜味。

從港島難得來到荃灣，當然要到民豐吃東西。看到店裡最歡迎的是糯米糍還有韮菜餡餅。作為愛吃甜點的我，在這我是不會有選擇困難症的。 民豐有三種口味， 紅豆，芝麻還有花生。 我挑了芝麻還有花生口味，總共$10。拿上手， 挺重的，裡面的料應該不少吧。先吃芝麻口味，咬一口，蠻重生的糯米粉口味，這是敗筆的地方，但糯米較熟，完全不實。芝麻味很濃，很少找到比這裡這麼芝麻味重的餡，民豐的芝麻包餡不是油底的，是芝麻粉混合了砂糖，吃起來是砂砂的口感，不順滑，分數扣了一點點。到花生口味，餡料也是花生粒混了砂糖。跟芝麻一樣，餡很足。吃到中間是爆餡的，加上皮很薄，吃上來比較像只吃料而已。個人比較愛吃芝麻口味，芝麻味較重，又比較養生哈哈。下次再來民豐，可以再 encore, 但只限芝麻口味。 CP值是挺高的，大家不防可以試試。

睇fb評語見有部份人都話果度d店員服務差，咁仲去買?梗系有佢過人之處嘛，我本人覺得你點對人，人點對你啫，我買左咁多次野都未試過有人對我無禮貌，相反地老板娘，太子女都非常友善！其他阿姐無心情同你吹水都好正常，果度話晒都熱，大家返緊工又炒晒場，你叫人地點服侍你呀，真系攞黎講！買完好閃啦，好食嘅野系要排隊架啦，無耐性就返歸嘛。我每次都買佢嘅担担麵(即系上海掛麵)，真系又平又好食！1包$20，可以2個人分3餐食~我老公系上海仔，佢都話最好食系民豐！我就一定買蝦籽麵同魚蓉麵，煮起香到不得了，好食過紅磡果間，而且更抵食。我自從試過民豐，就無再出去紅磡買麵lu。最值得一提系佢嘅韮菜餅，真系隔幾條街都聞到香味(有圖)，韮菜肉餡爆多，皮薄多汁，但要小心熱湯噢

荃灣人一定聽過民豐呢間老字號，水餃、湯丸、韭菜餅都相當出名！成日大排長龍！今日收早下午時段去唔算太多人，入左去買左盒韭菜水餃30粒同一包燒賣，以前打邊爐一定會黎民豐買水餃，不過好耐無買喇，今日食返都幾令人失望！😑😕🙁水餃大細同以前差唔多，韭菜係香既，但d餡少左好多，而且個皮仲好厚好粉！皮肉分離咁😵做咩會差左咁多？好彩包燒賣仲keep到既！仲好彈牙，無雪藏味！題外話，間店班呀姐既服務態度真係好差！完全唔想做你生意咁！所以我都唔會再幫襯😤

上星期去荃灣，特意到民豐購買燒賣($16一包有22粒)。以包裝燒賣來說，民豐的味道真是非一般；我說不出內裏是甚麼，味道就是調較得香口，咬下去彈牙有嚼勁，令人不得不一粒接一粒地吃下去，真是超讚！ 吃過它，便不想再到超市購買其他牌子。既然來到，我就按其他食評人的推介，買它的餃子，我嘗試了韭菜餃(15隻$27)和冬菇菜肉餃15隻$32)。整體而言，是真材實料的；每一口都覺得材料足、味道鮮，沒有欺場。可是，我畧嫌餃皮偏厚，如果能薄些就更好，希望這方便可以改善。另外，有鑒於民豐的名氣，雖然我沒有見過任何對其蝦子麵的推介，我也即管試試。原來，沒有推介就有其箇中原因！ 因為真的頗難吃，麵質碎濕濕、沒味道、口感粗；真是不試也罷。因為時間關係，今次我無緣撞上韭菜餅，下次再試。

上次黎果陣已經見到好多人排隊買韭菜餅但因為太飽，只係試左佢既糯米糍，而放棄左韭菜煎餅可能係香港人特色啦，越多人排隊就越想試😂😂自此就一直都想黎試番今日終於有機會七點黎到，無人排隊，韭菜餅已經煎好左等賣本身仲以為會唔新鮮但一切都係我想太多，原來仲係好辣手😮😮韭菜煎餅 ($12)呢個煎餅可以用五個字黎形容--色香味俱全外皮煎到金黃色 見到已經心動左一半再加上香濃既韭菜味，點會唔心動埋呢一半😆因為太熱怕辣親，所以只可以咬一小啖居然第一啖已經食到韭菜餡😯，足以說明佢皮有幾薄而且多餡又多汁！一試就愛上用心製作既餅，難怪成為出名食品以呢個價錢，係香港食到如此有素質又具特色既小食，已經算抵🤤糯米糍又係必買小食，$5一個大大粒。另外，仲有少見既鹹味眉豆粿，下次先試啦