民豐粉麵行

營業中

休息中

香煎韭菜餡餅($12)推介:🌕🌕🌕🌑🌑天氣巨熱到一分鐘留喺室外嘅時間都唔想!!!!不過行開荃灣，經過呢一間粉面店嘅時候，聞到一陣一陣好香燒餅嘅味道！一望🤤🤤🤤原來係香煎韭菜餡餅!!!食落餅皮唔會好厚，啲餡係豬肉同韭菜，餡料都幾多，塞到成個餡餅滿滿😋😋😋價錢親民，餡餅都幾大塊！而且餡餅嘅肉汁非常多，食落口好juicy😳😳😳！不過食嘅時候小心熱啊！因為都幾燙手架👅👅👅 如果經過買一塊試吓！真心推介！

星期天一概不辦公，惟有一急件要往客户悅和醬園位於荃灣街市街的門市取走，不得不破例一趟。中午到達街市街，看到奇景一個，名店民豐粉麵行門口，竟然沒有排隊人龍，先擱下客户悅和醬園，馬上衝入民豐購買我的心頭好- 韮菜菜肉雲吞及餃子。已經多次幫襯民豐，都在下午最段，購買餃子每次都要排隊，今趟不用排隊，室內顧客又少，決定今回拍些照片，寫篇食評。據網上搜尋資料顯示，民豐開業於1952年，一直在荃灣區經營粉麵生意，至今65載，現由第三代負責經營，沒有分店，只此一家。主打名物為人手包製餃子雲吞、手工包製鹹甜湯丸、糯米糍、自設麵廠所製的麵食，包括上海麵及餃子皮等。除上述食品外，店家還供應即煎韮菜餅及現製上海粢飯，深受街坊食客歡迎。店內粉麵食品繁多，廣東及上海麵食一應俱全。除粉面外，門外還放置多樣不同類型食品販賣，糭子、魚肉燒賣、花生糖、蘿蔔糕、茶果及包點等等，種類太多未能盡錄，當然亦未能一一吃遍。記得一次開車送友人到民豐買菜肉雲吞，我在車箱中等候，一等便是半小時，真誇張！那次友人順道送我一盒，吃過便知是個寶，饀料飽滿富肉汁，韮菜名顯用揀手靚貨，不會吃得滿口是渣，皮煙韌有嚼勁，從那次開始，每當筆者或筆者家人

For $27, you can get 15 dumplings here. There are many other choices of dumplings as well so pick one that fit your taste buds! There is usually a short line here, and occasionally long ones during after work hours. The 韭菜餅is also a favourite here- especially when it's nice and hot. The 湯圓 are also a must-try here!

話說雞翼係極之鐘意食餃嘅呢間店係雞翼由細食到大嘅No.1餃子店。主要係售賣粉麵類製品，另有部份熟食，例如韮菜餅、燒賣、餈飯、蒸包、茶果等等，呢到最出名嘅就係佢嘅韮菜餅、雲吞、水餃同埋湯圓。而雞翼就最中意食佢嘅雲吞同水餃喇！每次去親荃灣都必定會買一盒番屋企看門口！所有嘅雲吞同埋水餃都係每日新鮮包架！由於長期都有人排隊買嘅關係，所以其實係即包即賣！全女班嘅陣容，而且所有姐姐全部都好好人，好親切！而雞翼最中意食嘅係上海菜肉雲吞同埋上海冬菇菜肉雲吞！今次就買咗上海菜肉雲吞（細盒：＄27 / 15隻）佢啲皮雖然唔係好薄，但啲餡係非一般的香，而且係好足料。菜同肉嘅比例岩岩好，食落去係果陣菜香嘅味道，食完係完全會令人有Encore嘅感覺！價錢仲相當貼地！平均＄2／隻咋，唔怪得佢長期排隊啊⋯CC評分：3.8/5

每次見到呢個門口，外面人流都排隊排到好誇張上次買韭菜餅，因為人口咁多肯定會有原因所以食過韭菜餅就知道呢度名不虛傳今日呢度我係想食糯米糍我買咗兩個返屋企每個＄5一個係芝麻味一個係花生味原來芝麻味入邊都有少少花生（？）佢嘅皮比較厚而且中間好多糖減肥人士或者怕肥嘅女士就應該少吃啦不嬲呢啲零食類嘅嘢都係少食多滋味、多食大肚被我之前都試過買呢個糯米糍擺咗兩日係屋企就自動發咗霉咁證明佢嘅出品真係冇防腐劑新鮮食至好

去荃灣搵朋友佢帶我黎呢間好出名賣中式食品既小店嘩 一去到見到勁多人排隊 條龍長到呢門口有兩個姐姐好勤力咁煎緊韮菜餅同水餃鋪頭裏面就有各款中式蒸包 茶菓 糯米糍賣分開兩條隊排一條排生水餃雲吞一條排蒸包 茶菓 同糯米糍我地買左個煎韮菜餅($12)睇住佢啱啱煎好攞上手熱辣辣 (直頭係辣手呀)個皮夠薄 不過好油 好彩有個袋索下啲油滿滿既韮菜同豬肉餡 好足料 調味啱啱好不過食完個口好臭😂食住韮菜餅排隊買糍米糍($4/個)有芝麻 花生 豆沙 三款口味買左半打 三粒芝麻 三粒花生 好大個 有半隻手掌咁大個皮好薄 攞上手軟綿綿感覺稍為大力捏就會爛爆哂餡 芝麻同花生粒混入糖粒但甜度仍略嫌不足少許失望 無預期中好食

這一家店，在荃灣街市附近，好好多人排隊，同事買了糯米糍回公司，一打開紙盒，真的嘩了出來，好大個，好軟綿綿的樣子豆沙，芝麻，花生口味，外皮薄薄，好多粉在表面，看到入面的顏色，透了出來，好吸引呀！選了一個花生味道的，一咬成口粉，但好軟好軟，好似綿花咁，入面的花生料好多，多到爆出來一樣，好好味，是花生碎來的，就是我鍾意的味道，好香，每一啖充滿了花生香味，食完全個口腔也是也種花生香，好好味呀真的超正！！同事食芝麻味也是黑色粒粒芝麻，也十分好味，4元一個好抵食。

超級好食韭菜餅住咗荃灣幾年捐窿捐啦搵地道嘅嘢食就一定要識尤其是冇分店、冇將個名賣俾人做生意嘅老店就最值得欣賞萬豐呢間鋪頭，平時中國情人節會好多人買湯圓端午節又會好多人買糭平時又會有好多人買麵啦、水餃啊、甚至乎糯米糍⋯⋯⋯不過呢度最出名都係韭菜餅（當然佢都有韭菜餃，明明成份一樣，但係韭菜餅係受歡迎好多）通常佢一整，就會係一打，然後就會有好多人開始排隊我今日都係經過見到人排隊我又排埋一份買完之後當然冇即刻食啦咁熱氣令到返屋企啱啱好我同老公一人一半雖然有啲油，但油而不膩間中食下無妨

每次夜晚路過都勁多人排隊，今日出荃灣專門下午兩點多去排隊買，第一次去幫襯，買煎餅噶度兩位態度真係“好”，唔知道佢煎餃有推出時間，就好好禮貌咁問咗下幾時出大概要等幾耐，兩位d態度真係。。。。答都唔想答，去問噶個包緊水餃的一盒大概有幾多個都唔理人....搵到條隊排入去買水餃，個老闆娘態度簡直就全場最好喇...好nice

韮菜豬肉餅（$12）👅好耐之前黎食咗爆曬餡嘅花生糯米糍，今次就試吓同樣咁出名嘅韮菜豬肉餅！😎😎😎Timing 岩岩好撞岩啲餅岩岩煎好😆😆熱辣辣🔥一咬就知唔簡單，啲餅皮係好煙韌而表皮煎到金黃色好香脆👍🏻👍🏻入面啲韮菜豬肉餡都算幾足料，好新鮮好juicy好甜😋😋唔會食到好似成口油咁🤓我諗佢贏嘅位都係個餅皮啦😝😝天氣愈凍食一定愈正😍😍😍

$4 大大粒 爆餡中式糯米滋 花生 紅豆 芝麻😍今次要介紹大家荃灣中式糯米糍大大粒 爆多餡😆切開啲餡都爆曬出嚟啊😱最鍾意食紅豆蓉餡 花生同芝麻好似擂沙湯圓咁 食一粒就已經飽飽地 但真係好好食 所以一定要食齊三種味道 一次過食三粒😂咁平 梗係要同屋企人一齊食啦 開心share！一買就買咗12粒🙈😅💓..民豐粉麵行 (荃灣)荃灣街市街35號

民豐有名的其實不止雲吞湯圓香煎韮菜餅亦是民豐的代表可惜韮菜餅並不是任何時段都有有時更加係撲空而回今次於放工時段經過見有數多人排韮菜餅小妹當然即刻買番個啦由於阿姐一路都煎緊所以等左幾分鐘熱辣辣既韮菜便送到手上真係好熱熱到燙手韮菜煎到兩面少少金黃,非常香脆餡料亦非常足調味亦剛好,皮又薄,十分好吃

民豐粉麵行除左係味道，更加係童年回憶由細到大都好中意食民豐既雲吞因為婆婆知道小妹中意食所以每次去探望她既時候佢都一定會買定一盒煮比我食雖然哩幾年質素有啲退步但食既除左味道，更多的是回憶前排經過民豐見無咩人排隊當然買番一盒啦依舊選了韮菜豬肉雲吞雲吞皮較薄，水餃皮較厚喜歡皮薄的你不要選錯回家滾水煮熟外表脹卜卜，餡料依然多菜少肉雲吞熱辣辣配上小妹最中意既辣椒油簡簡單單又一餐

我一向都喜歡吃傳統糯米滋，感覺它們與糯米皮的味道較合，偶爾得知荃灣有一間略有名的粉麵廠便慕名去光顧。我由荃灣地鐵站出發，沿路跟着路牌而行，十分鐘左右便到達。粉麵廠售賣兩款糯米滋，花生和芝麻糯米滋，四元一個，算是便宜。我還買了眉豆茶菓，另有花生和豆沙荼菓，也是每個四元。花生和芝麻糯米滋的餡料都非常多，每一口能吃到裹面的餡料。咬一口芝麻糯米滋便可看到裹面滿滿的芝麻餡料和糖，芝麻餡料亦很香。糯米皮和茶菓都有嚼勁，不會過粉和淋。眉豆茶菓的餡料很多，能吃到原粒的眉豆，但我感覺餡料偏咸。粉麵廠除了售買糯米滋，還有售買湯圓、水餃等，眼見水餃也有不少人購買，感覺挺有人氣。

經過民豐，聞到陣陣韭菜香，原來係韭菜餅出爐。好幸沒幾人排隊，雖然剛食過甜品，但還是忍不住買個食喇，11蚊一個，熱辣辣，香噴噴，一口咬下皮薄如紙，馬上吃到滿滿的韭菜豬肉餡，好滿足哦 一個落肚，滿口韭香，太好吃了！