民豐粉麵行

營業中

休息中

雖則很多款餃子,麵食及湯圓等都好美味,但請不要多問佢地;因佢地會嫌你'阻住哂!',一副唔識就唔好黎買嘢o既姿態!佢地唔係太鍾意serve果D想問多一句o既"生客"!so......呢d老字號真係.......唔食也罷(對於"生客"黎講!)

住荃灣甘耐，平時都見好多人係入面買野食，今日見有D肚餓就唸住買糯米池食下，買左豆沙，芝麻同花生每個2個，同2個砵仔糕，中有小盒的冬古菜肉雲吞花生味好好美，又大舊同D皮好好味，都只係3蚊1個，好底！屋企人都話豆沙芝麻好味砵仔糕較乾身，雲吞皮薄， 正正正一定會再番黎買！阿姐好好人，為你介紹！

每年去竹林禪院拜四面佛, 都例牌來這裡買紅豆/眉豆茶果, 韭菜餅, 水餃..今年聽聞水餃質素差了..故沒有買只買了茶果, 韭菜餅 @$3新鮮熱辣..紅豆 (甜), 眉豆(咸)餡絕對不會只得少少, 很豐厚, 皮煙un...(雖然以前賣@$2.5), 但原材料成本增加, 沒法子..但以 $3 來說, keep 到質素..絕對超值..

尋晚(20-12-2010 Mon)家人提早做冬,大嫂o係o度買o左兩盒湯丸,一盒係花生,一盒芝麻加豆沙.由於我好少食即製湯丸,所以尋晚用手指篤吓佢,係腍o架.而且好大陣糯米粉味.食完飯,我o地就煲啦,煲好有得食喇.糯米皮真係薄,湯丸size唔大粒,餡亦唔太多亦唔太甜.我食第一粒應該係花生味,但食唔出花生味,第二粒應該係豆沙,都係唔係咁食得出,最後o個粒我就食得出係芝麻,因為只有呢隻食到味.而好彩佢糯米皮真係唔太厚,所以食飽飯再食幾粒都唔會太辛苦,唔會滯住.

砵仔糕有2種顏色, 白色是白沙糖做的, 黃色是黃糖做的.2種的紅豆大大粒, 十分"林", 甜度適中, 又滑又軟, 好味.包裝方面, 用了膠盒獨立包裝, 十分衛生.由於是預先包裝, 砵仔糕不是熱的, 凍冰冰的.

岩岩補完習行過有少少肚餓, 見到岩岩整起的九菜餅就不知不覺拎左錢出黎比...因為真係太太太太香啦~~最初會擔心好肥好酒, 點知食落去又OK wor!而且有少少肉，唔會好dry 好寡，不過又突出到果個九菜味，真係好正~!我本來打算食一半，因為都幾大件最後都忍唔住食左成件，個肚好暖 ^^見到好多人買mochi, 下次我一定會黎買!!

新鮮即日製造的茶果, 有甜的紅豆茶果及咸的眉豆茶果, 兩款都買來試吓啦.剛蒸好, 即是新鮮, 拿到手中, 暖暖的, 紅豆茶果甜度適中, 帶少少沙的紅豆餡料, 十分甜美, 好味道, 而咸味的眉豆茶果, 充滿五香粉味, 又一另外口感, 兩款茶果的糯米皮同樣是的好煙韌, 很有咬口, 好味道.

今日星期天, 沒有節目, 悶悶地一個人搭車出荃灣民豐買燒賣水餃下午四時左右到達, 店內已有不少人, 排隊買水餃已有一條短短人龍, 我排在第6個位置, 不一會便到我了, 其實我是第一次幫襯, 不知有什麼好食, 就憑自己及家人喜愛的口味, 買了三款不同口味的水餃雲 鮮蝦冬菇雲吞......入面真的有一隻蝦碌, 好彈牙冬菇菜肉雲吞........好香既冬菇味, 朋友很喜歡這款味道的雲吞~~九菜水餃.......這過就不過不失~~以上三款雲吞餃子, 味道合格, 但皮就厚了點, 尤其接口位置, 真的頗厚~~其實推駛我來的主要原因就是......花生糯米滋花生糯米滋, 這種大大個, 內裡係花生咸的糯米滋, 兒時是我的至愛, 現在已很少見有得賣了, 見食評說這裡有這種食物, 雙眼即時發光, 同自己說有時間一定要出來買的, 今天終試到了.皮很軟熟, 內裡的花生咸, 不是我食開的味道, 不過也總算叫ok, 而且價錢只是$2.5, 是實惠之選, 我會繼續買的見呀姐剛煎起九菜餅, 二話不說點了一個, 這個餅表皮煎得很干身, 不油膩, 只炎內裡咸料不夠香不夠多, 這個餅為$7元一個~~~另買了燒賣, $13元

行開街見到民豐條隊不是太長, 要排了3-4人到, 於是入去買紅豆茶果食.紅豆茶果拿上手還是暖的,剛蒸起, 十分新鮮, 茶果用透明細膠袋裝好, 十分衛生, 茶果面有一紅點, 用來識別是紅豆茶果, 底下有荷葉hold住, 味道方面, 茶果皮做得十分煙韌, 餡料紅豆甜度是不太甜, 微甜, 紅豆壓到好碎, 起沙狀, 與煙韌的糯米皮好match, 價錢是$2.5, 好味又抵食.

前幾日媽媽去荃灣,突然想吃茶果,於是叫她幫我買回來.她買了2個眉豆茶果2個紅豆茶果及2個芝麻糯米糍,買的時候媽媽說茶果拿上手還是暖的,這說明剛蒸好幾新鮮.其實我最喜歡吃鹹的眉豆茶果, 但媽媽買回來的是甜味, 有五香粉味,個皮真的好煙韌,而且好多餡料.反而紅豆茶果出奇地好味,甜度適中,還有碎粒狀的紅豆,好飽滿的餡料由於就快吃晚飯了,所以糯米糍留待明天才吃,怎知第二天想當早餐吃,見到個袋有些出水狀,就知道壞了,真可惜,可惜的並不是不能夠品嚐,而是浪費了食物,好在個紅豆茶果無事, 個皮依然好煙韌,無變硬.回想起小時候街邊伯伯推車仔賣的茶果是最好味,現在怎樣也吃不到回憶中的那種味道.

今日買左多年冇食既民豐餃+湯圓~~~~首先:韭菜餃~~~民豐既餃有時真係冇野講,餡係okay,肉同韭菜係分得好合當,韭菜唔會好多,肉又唔會太少,皮又適中,唔薄唔厚,very gd,都係一樣保持水準~跟住:黑芝麻+花生湯圓~~~~以前全香港講外賣生湯圓,我可以話係民豐,而家.....今非昔比喇~~餡只有一細粒,皮就多多,真係可以話係粉多過咩,d皮又柴左好多,只可以話外在一樣,內裡不同

經過荃灣，d人話民豐水餃及雲吞好食，順道行去買！下午兩點幾三點，都唔算多人！入到去，可能遲在，無咩選擇！只係買鮮蝦水餃及白菜豬肉雲吞返到屋企煮，先試個白菜豬肉雲吞，塊皮厚在d！都足料！但相對鮮蝦水餃就比下去。都值得買！

紅豆砵仔糕:某日行經荃灣民豐, 發現最近佢地有砵仔糕賣, 而且價錢係 $2.5 一個, 好平啊! 一手攞起一個準備比錢之際, 感到唔暖的! 就問阿姐點解, 佢話凍先好食呀! 好,就信住你先...於是就買一個返家慢慢食! 這個砵仔糕的顏色較淺, 白得來接近透明, 而且咀嚼得來有口感, 夠煙韌! D紅豆大大粒, 真係做到外面完整內裡鬆軟呢!

今次，我出開荃灣，順道嚟買蒸包做星期日早餐！$4 已經有大大個菜肉包或冬菇菜肉包，真係好平！好多麵包舖買個包，起碼要 $5 / $6。仲要細個啲！ 菜肉包 ( $4 ) 蒸過後，包身鬆軟，甜味適中；餡嘅份量都唔少，差唔多成吋厚！白菜豬肉比例均勻，肉汁鮮美；包圍住餡嘅包身，亦有肉汁，相當好味！ 冬菇菜肉包 ( $4 ) 至於呢個包，加咗冬菇粒，餡有成吋厚之餘，仲好惹味；冬菇粒菜肉各佔三份一。冬菇配上肉汁味道，相當入味！連包一齊食，有中和作用！食完兩個咁大嘅包，真係好飽！

上次食過眉豆茶粿, 不錯, 今次食糯米糍, 大大個, 皮薄薄而且煙「un」, 個餡超多, 咬一啖啲餡會爆出嚟, 芝麻很香, 不算太甜, 花生很有咬口, 不錯 $2.5一個, 很抵, 可惜未能試到韮菜餅, 個肚裝唔落, 食一個都飽飽地