水蜜桃冰室 (已結業)

炎炎夏日最開心莫過於食番杯透心涼嘅雪葩，如果是多數女生最愛的甜甜水果味就更是無敵！座位環境舒適的<水蜜桃冰室>位於旺角通菜街，除了有一般的冰室食物外，最重要還有由日本空運到港的水果雪葩！！除了有蜜桃，菠蘿，柚子，芒果等等的水果味雪葩外，也有南瓜或番薯味，非常特別。而且還有不少特色啤酒，可惜是我吃完飯後還要上班不能喝酒呢。<火炙三文魚蕎麵沙律>由於要留quota一會兒開懷吃雪葩，所以我還是想再去係沙律吧想不到火炙三文魚居然有厚厚的三大片，一點也不吝嗇。而且蕎麵只是輕輕的粘有芝麻醬，絕對為美味和卡路厘之中取得一個非常好的平衡。<酥皮忌廉湯>老公無畏當肥仔，所以選了邪惡的酥皮忌廉湯。😈😈😈酥皮脆卜卜又充滿牛油香味，浸著濃濃的忌廉湯一起吃真的是既美味又邪惡。（我也忍不住偷偷飲了點🙈🙈🙈）<羅宋湯>我的羅宋湯酸酸的而且非常足料，大量的蔬菜還保持著清脆，不會因為慇得太久而變成淋淋的，超讚<蒜蓉包>隨餐附送的蒜蓉包亦不容小看，熱烘烘脆卜卜，充滿蒜蓉味！咬落去果下是有聲的。<鐵板燒紐西蘭羊扒>平常餐廳只會把

最近去左旅行差啲唔記得要讚番呢間冰室！香港地冰室好多 要突出唔容易水蜜桃冰室呢個名一聽就知有特別野～今次黎食係同一個女同事大家ot完都餓到爆叫左好多野食先上既係羅宋湯同蒜蓉包睇圖都見到湯料十足啦 味道係水準之上叫左個拆骨雞翼真係好正 因為咁樣就唔洗咬住隻雞翼轉黎轉去雖然係炸 但一啲都唔油膩 酸酸甜甜咁！然後係溫泉蛋炸雞沙律 係衝住隻蛋叫既 炸雞要配上醬汁會更夾！然後呢個勁啦 一口和牛再送生蠔！！可以自己慢慢燒 和牛粒都幾新鮮 配菜好多夠哂2個人既分量 唔識燒既餐廳啲人會幫手生蠔近鏡～佢地呢度都有炸魚皮 不過我掛住燒牛放凍左記得記得要趁熱食先脆㗎！！大家睇下幾juicy 佢有3款醬料比你落 隨你喜歡～燒羊架係最後上既性價比好高 同埋羊肉味好重！ 佢既火喉控制得好好 肥油溶溶地既同時又脆口 肉質鮮嫩到最後既最後 就係我今晚黎既目的水果雪葩！！我地叫左水蜜桃同桔（好似係）店員話係日本新鮮急凍運過黎直到上枱既一刻先用火槍解凍 保持左新鮮！左邊 微酸但極開胃 我超級鍾意呀！右邊 水蜜桃味清甜多汁 而且好大個 正正正！！

通常去完旺角行街之後都會去女人街側邊啲餐廳到食飯，又好味又抵食，仲唔使排隊。今次行過呢間水蜜桃冰室，見到仲要有波睇添，可以一路食一路睇波，正呀入面嘅環境都唔錯，除左有個大熒幕睇波之餘，周圍嘅裝修擺設都幾舒服。餐牌有好多嘢食，樣樣都想試為咗要配合番睇波嘅氣氛當然唔少得點支酒飲下啦。alska果味龍濃郁，酒精量低，最啱啲想過下酒癮但酒量麻麻嘅嘅朋友。餐湯方面，我地加左$12升級要酥皮湯，賣相同味道一啲都唔普通，酥皮好香但唔會太過重牛油味，唔會太肥膩。酥皮下嘅羅宋湯亦都唔簡單，非常濃蕃茄味，材料豐富。頭盤芝士焗田螺香噴噴，一啖薯蓉，一啖田螺，perfect match，如果嫌味道單調可以再加少少茄汁添。主菜係鐵板燒紐西蘭肉眼扒 ，一淋酒上去，成塊牛扒即時充滿住火焰，夠晒睇頭! 除左睇得亦食得，肉眼扒又大塊又夠嫩，配菜薯角都夠脆，好好味。主菜2仲有美國黑毛Prime牛肩胛，有個迷你鐵板可以比你自己燒，仲有啲金菇，冬菇粟米伴碟一齊燒。除左牛肩胛之外，仲有2隻日本廣島蠔，燒蠔至好味，啱晒我! 套餐仲有個自家製咸蛋炸魚皮，送酒一流，咸蛋味又香，口感又夠脆，成個餐簡直一絕!又有得食，又有得自己玩煮飯仔

今日同朋友去左女人街搵餐廳食晚飯。經過見到呢間餐廳裝潢幾好，食物選擇都幾多，見都多人食，應該唔差去邊，所以就揀左呢間喇！坐得都舒服，都是坐梳化卡位，夠闊落。見隔離枱食羊架好似好正咁，我地又叫！叫一個主菜都包埋餐包，餐湯，餐飲。仲可以用優惠價叫小食，甜品。小食都係加十幾蚊就有，好抵，所以就叫左兩個小食喇！芝士焗西蘭花 估唔到加$18都幾大兜喎。西蘭花焗到好林，充滿著濃郁既芝士，幾juicy.法式田螺焗薯蓉+$18呢個價錢就食到田螺，真係好抵。有成5粒田螺，焗完夠哂香！連埋薯蓉食真係好鬼夾。😋餐包係烘到好脆既蒜蓉包，食落仲暖暖地。酥皮忌廉菜湯（+$12）呢個酥皮都做得唔錯，焗到好鬆脆，唔會覺得好油膩。浸埋個湯一齊食，索哂個湯，又錯喎。鐵板羊架 🐐一黎到，職員就點火，點著個羊架，變左火焰羊架！情景好壯觀，我都忘了影低！個火好快就熄喇！😋羊架個份量真係超大份！有三件，而每一件既羊加都有成個手掌咁大件！😍好誇張！食落真係啖啖肉。同佢外皮可能俾火燒過黎，所以會有少少脆身，咬落入面既肉就嫩肉d.帶有少少羊羶味，都幾香。我就配左雜菌汁同薯菜，其實食完呢份都幾飽！但我地仲叫左個石板燒：西班牙黑毛豬180

平日一至五最開心既時候就係放工同班朋友食飯今日我地就行到去旺角通菜街度搵好野食上網search過知道呢度最出名既除左水果雪芭外，就係鐵板為食既我地當然樣樣都要試下1. 鐵板燒紐西蘭肉眼扒份量十分十分十分多！兩大塊絕對唔係薄切🤤我地叫左五成熟都岩岩好 入口都仲係好juicy 正阿2. 熊本一口牛真係冇諗過可以係間冰室度食到鐵板一口牛🙈最重要既係佢價錢唔貴 但份量夠足😛一份足夠兩個人食到半飽既都只係HKD168😎隨一口牛佢亦都有兩隻生蠔同自家製鹹蛋魚皮😍燒生蠔一直係我摯愛 亦都冇令我失望😚新鮮既生蠔只要配上鹽調味就已經好perfect👅而自家製鹹蛋魚皮亦都十分有心思 鹹鹹的脆脆的 令人想一食再食👀👀3. 招牌雪芭食左主菜當然唔少得甜品🍮招牌水蜜桃雪芭一早已經賣曬🤢所以我地就要左椰子同蕃薯雪芭🥥🥔佢最難得既地方就係每一啖都令我覺得自己食緊真正果肉咁😍🙈好期待下次可以再試埋其他口味😳🤤

前排唔舒服食得好清淡，好耐都冇食肉喇難得抖咗一排，我終於可以再出動喇！食番我最鍾意嘅牛肉！！ 今日嚟咗女人街旁嘅水蜜桃餐廳，係西餐黎，完全係我杯茶！好多牛肉食呀，哈哈，即刻心心眼 餐廳有好多唔同嘅嘢食，有鐵板燒啦，石板燒啦，飯同埋意粉等等。但係我已經畀佢哋嘅牛肉吸引住喇，一定要試下佢哋嘅鐵板燒同石板燒同朋友嗌咗兩個套餐，套餐包湯，嘢飲，仲有蒜蓉包添！我哋加12蚊改做酥皮湯，果然物有所值！酥皮湯好好味，個皮好脆，食落一啲都唔覺得油膩！另外湯可以揀羅宋湯或者菠菜忌廉湯。兩款都唔錯，羅宋湯味道好濃郁，菠菜忌廉湯就入口好creamy蒜蓉包脆卜卜，好香蒜蓉味，連埋湯一齊食perfect套餐加18蚊就有一款小食，抵！我地加左2款蒜香雞中翼 雞翼炸得好脆，外脆內軟，加埋蒜香一齊食非常香口，鍾意食雞翼嘅朋友必叫另外一款就係芝士焗田螺 芝士同田螺一齊食味道好夾，點埋啲茄汁味道更突出終於到主食啦！鐵板燒紐西蘭肉眼扒我哋叫咗七成熟，黎到真係啱啱好，唔會太熟或者太生！ 肉眼扒肉質鮮嫩，多汁，完全唔會靭， 如果下次再食我都一定會再叫佢另一款煮食係韓式石板燒--熊本一口牛呢個餐除咗一口牛之外，仲有兩隻蠔送 有得食

餐廳食物選擇都幾多, 石板燒, 鐵板餐, 焗飯, 沙律, 飯, 意粉, 小食, 雪葩, 特飲等等, 總有一樣岩心水!我同老公都被石板燒套餐吸引! 同老公一人叫左一個! 熊本一口牛 $168每個餐都會配兩隻日本廣島蠔, 仲有餐湯, 蒜蓉包同飲品! 仲送埋餐廳自家製鹹蛋黃炸魚皮! 好抵食呀!酥皮羅宋湯 (跟餐加$12)個酥皮外脆內軟, 而且有香濃牛油味, 加埋羅宋湯一齊食, 都好好味! 酥皮羅宋湯真係超讚! 推介大家轉酥皮!蒜蓉包有滿滿牛油同蒜蓉, 而且有輕輕烘過, 暖暖脆脆的, 有誠意!當享用完酥皮羅宋湯同蒜蓉包後, 石板燒就上枱啦! 熱辣辣石板燒上已有什菇, 西蘭花同粟米! 炸炸聲, 香噴噴, 令人好期待同興奮!燒蠔最好就係石板邊位燒, 兩邊輕輕燒一燒, 燒熟後再加入熟蒜同埋特式醬汁一齊食, 好鮮味! 蠔真係非常新鮮, 而且好大隻, 又好CREAMY, 正呀!一口牛, 肉色鮮紅, 肉質嫩, 肉味鮮! 牛肉味香濃又夠淋, 而且非常JUICY! 個人喜歡加少少鹽一齊燒, 更能夠突出一口牛本身既原味! 當然都可以燒熟後, 配特式醬汁或者點鹽一齊食都得! 真係好好味! 十分推介!西班牙穀飼黑毛

同阿爸出左黎旺角行街，行緊女人街，見餓餓地就入左一間西餐廳試試，在門口見佢餐牌幾多野揀又唔貴嘛。店不太，但兩個人都可以坐卡座又幾好喎，卡座濶好多。坐低後店員送上水及餐牌，睇下食咩先。原來成個餐牌都係set黎，全部有餐湯及餐飲送。隨餐湯付上的蒜蓉多士，幾香口。揀了紅湯，個羅宋湯又幾好飲喎，酸酸地帶少少香草味。汁燒鰻魚蛋包飯（$85）點了蛋包飯，好大碟啊，飯同汁都勁多鰻魚幾肥，甜甜地好味道。蛋包飯呢，嚴格黎講係蛋蓋飯，哈哈，但都好有誠意，個蛋係旋風形狀的，而且好嫩滑，好味喎。蛋下是超大球飯，用上珍珠米，煙韌有咬口，正。鐵板燒紐西蘭牛柳（$118）阿爸梗係要肉啦，要了鐵板餐配黑椒汁。店員會先淋上酒，再點火燒燒佢，視覺滿分之後再加上黑椒汁，好香啊～可跟飯，意粉或薯菜，要了薯菜，就是薯角，茄子同翠玉瓜等，都好豐富㗎。最驚喜係有三大塊牛柳一般要牛柳的話份量都會比牛扒少一半，估唔到呢度竟然係咁多塊，而且味道不差，軟腍有牛味，啱哂阿爸口味噃。雪糕咖啡特飲（+$11）＆黑牛（+$9）阿爸要了雪糕咖啡，啡味不錯，加了雪糕更香滑，好飲。自己要了黑牛，可樂加雪糕係好好味㗎，有朱古力味的可樂，勁正旺角都有好野食

老闆開咗個螢幕睇有得睇世界盃🏟，一路燒下燒下🔥，一路食牛肉🥩，一路睇波⚽️，一路飲啤酒，正呀！熊本一口牛晚餐（$168）$168 ,有自助燒烤一口牛、炸魚皮、兩隻燒𧐢，抵到飛起😂！等左10分鐘，火爐出現🔥玉米同西蘭花本身係熟，所以盡量將牛肉擺喺件中間，因為火喺正中間。燒之前，可以落少少鹽、黑椒調味💦一口牛肉好林、比較多脂肪，好香、而且好滑🐮而且份量都幾多Alska cider 野莓果洒🥂跟餐叫啤酒，會平好多。雖然我個人比較喜歡德國啤酒，但係女友今日試一試新野。莓果洒，味道超甜、清新、充滿野莓香味。酥皮波菜湯酥皮非常煙銀、又香口，唔使淨飲湯咁寡。咁大個焗酥皮，令人感到又香又滿足🤩🍽 菠菜湯，有天然嘅蔬菜味道，唔係味精及罐頭忌廉嘅味道🤟🏻鐵板燒紐西蘭牛柳用咗甜酒嘅牛柳，每一啖都有甜酒嘅香味。五成熟 - 紐西蘭牛柳肉，本身就好鬆軟、好淋，甚至唔需要咬，用筷子已經可以隔開🤩。一個牛柳餐，有三大塊牛柳，兩個人分享先食得晒！抵到爆😙蘋果雪葩🍎❄️成個冰蘋果、一篇充滿咗雪葩，凍冰冰，非常過癮！唔會太甜，而且食完雪葩，記得用匙羹食冰蘋果！椰子雪糕🥥❄️餐廳搵咗椰子殼，裝住椰子雪糕，賣相非常吸引！冰凍椰子雪糕

有朋友推薦話好食，我就即管打去book，點知真係好失望，唔只食物，仲有服務態度。我們兩個女仔一入到去，嘩，個地面咁冼既，油臘臘咁，好得人驚。然後一坐低就被人迫問食咩餐，我們話要睇睇先，然後就叫我們直接揀咗餐湯先（羅宋定忌廉），OK fine好似好趕咁。點知個湯勁咸，飲到一半已經放棄，咩事呀......然後我就食我個鐵板餐，啲肉又係好咸😥😥😥咩事呀個廚師。呢個餐係配鼓油的，真係好「特別」的組合。第三、四個朋友終於黎了，侍應又例牌催落單。然後佢地飲既忌廉湯都好難飲。朋友話要睇睇等，然後過咗唔夠兩分鐘又再過黎問。係咪大家趕收工呀？定係出面有人等位？但又唔係喎。我朋友個餐有玩酒同火，但聽講味道都係好一般。食到一半仲要被人狂催落餐飲......吓，西餐廳唔係最尾先落野飲咩，真係食到無晒mood。咁就飲支手工啤酒下下火。大大支又幾抵幾好飲喎！唯一好食同主要賣點，就係雪葩😂柚子味酸酸咪咪好正。總結：過黎飲手工啤同食雪葩就算，其他菜式？不了。

港式鐵板餐真係好耐未食過，以前只有考頭十名，M媽先會帶我去冰室或茶餐廳据扒，隨住人越嚟越大，食嘅嘢越嚟越多，好似都有好耐無食過鐵板餐喇，難得今日A姐要開OT，獨留我自己一個人食飯，一於去旺角嘅水蜜桃冰室据扒啦。蒜香雞翼雞翼炸得好香脆，脆卜卜而且大大隻，蒜味濃郁！鐵板紐西蘭牛柳呢度嘅鐵板餐會先將酒淋上炙熱嘅鐵板上，再點火！嘩！好誇張呀！但就係咁而令肉質加添焦香味，5成熟就啱啱好。之後淋上黑椒汁，聽到鐵板上嘅滋滋聲就最幸福啦。鐵板上有3大塊牛柳，肉質尚算不錯，真係好抵食。芒果雪葩芒果好鮮甜，濃縮嘅果肉運入雪葩之內，好好味！食冰室又點可以唔飲港式飲品？今日就飲咸檸七啦。

今日去咗旺角行街，就順便去女人街搵食，行經呢間餐廳，見菜式好特別，就同朋友一齊去食。熊本一口牛真係好好食，有鮮味，牛肉油脂分布適中，仲要細細粒，方便入口。而且煮嘅方法好特別，係用座式燒爐燒黎食，只要掌握火候，牛肉粒就可以燒得好嫩滑，好Juicy，好重牛肉味!另外個套餐仲有生蠔，燒到外面金黃色，入面軟身就食得。不得了！啲蠔好香口，而入邊就軟身，口感一流，食落層次豐富，仲要好Juicy!真心好食除咗生蠔同埋牛肉之外，套餐仲包埋三種菇同埋西蘭花等等，都一樣好香口，好Fresh! 另外套餐仲包埋小食：鹹蛋魚皮、蒜蓉包同埋餐湯嘢飲，超級豐富我哋餐湯叫咗酥皮湯，都係加＄12就有得飲，羅宋湯料好足，味道好開胃！我哋仲叫咗兩個雪芭，分別係柚子同埋蘋果，出乎意料地好食，尤其係柚子，超酸超好食，仲好香柚子味，好清爽嘅感覺！如果你鍾意食酸野，就一定要嗌柚子味啦！而且侍應仲會攞火槍過嚟幫你燒，等啲雪芭快啲熔，好鬼型！我哋仲叫咗酒飲，係檸檬薑味，雖然聽落有啲奇怪，但係好飲嘅，我同朋友都讚不絕口！所以大家不妨試吓好chill!!!!仲有就係餐廳環境好靚，貼滿好有特色嘅瓷磚，環境好放鬆，好啱影相、食嘢、傾計

有日同大少落去旺角行下，懷緬下以前細個響旺角通街行漫無目的嘅感覺！行行吓梗係又肚餓啦，但係喺旺角冇預備嘅情況之下都唔知食乜好！我地行下行下搵吓搵吓嘅時候去到女人街。見到有間叫做水蜜桃冰室，好似港式嘅豉油西餐，就不如入去試吓。餐牌嘅選擇都幾多，鐵板餐又有焗飯又有。好似港式西式日式嘅選擇都有，梗有一樣啱你心水。落完單之後，好快餐湯同餐包就已經送上啦。係好classic港式西餐嘅紅白湯。個湯都未飲完嘅時候，我哋叫嘅炸雞翼又已經到啦！我哋見佢咁快仲以為係一早炸好再返炸嘅，點知一下落去隻雞翼係熱到食唔到，入邊仲好多汁，所以我哋對佢嘅估計係錯嘅佢一定係新鮮炸起！再嚟就係一個炸蟹肉忌廉餅。轉個頭我哋嗌嘅炸雞沙律又到啦！炸雞都係新鮮炸起十分香口，唯一美中不足嘅就係太多沙律醬，比較濃味。我自己就叫咗個鴛鴦焗飯，味道中規中矩。大少作為一個好鍾意食豉油西餐嘅人，佢一定會食鐵板什扒餐。擺上台嘅時候，店員仲會先淋酒再點火，令到成件事更加有氣氛！什扒餐入邊都有唔少食材，最估佢唔到係有一件羊架。雖然未到算不上係十分出色，但誠意搭救！總括嚟講呢間餐廳食物唔算話係十分出色，但係喺旺角呢個鬧市，以咁嘅價錢有呢個食物質素已

女人街一帶有極多食肆，但總覺得質素頗參差，這次終於遇上一間會令人想一吃再吃的誠意小店，絕對值得多多支持。餐廳的環境不俗，裝潢挺有格調，有不少精緻小擺設和裝飾，加上全卡位設計，座位寬敞又舒適。店員的服務態度佳，有禮又殷勤，會細心地主動奉上所需，招呼周到，很是欣賞。餐牌精美，食物選擇繁多，想不到連石板燒肉、鐵板餐都有，甜品還有多種口味的日本空運到港Lisse水果雪葩，相當吸引。重點是各類食物的價錢都很相宜親民，是間良心餐廳，讚！芝士焗田螺賣相不俗，田螺大粒又夠軟身，也不會像一般劣質的乾爭爭，而且底下更配有薯蓉，加上啖啖芝士味，吃得滋味。酥皮紅菜頭忌廉湯及羅宋湯好特別，酥皮鬆脆不會好油，浸一浸紅湯和白湯都好美味，粉紅色的紅菜頭忌廉湯還是頭一次見，內有粒粒紅菜頭，味道香濃。蒜蓉包散發出陣陣香味，烘得非常香脆，蒜蓉味十足，相當美味。香煎虎蝦蟹肉南瓜意大利飯賣相一流，份量又多，兩隻虎蝦都好大隻，還有大量蟹籽，蝦肉好彈牙。意大利飯帶有煙韌口感，恰到好處，南瓜汁香滑濃郁，令整個飯很creamy和入味，飯裡更有不少蟹肉，非常美味。韓式石板燒好精緻，新奇又好玩，美國特級Prime極黑牛小扒非常美味，脂肪均