水道橋創作料理 (已結業)

昨天去食, 慶祝朋友生日, 可能星期四無乜人, 所以我7點上到去都坐到卡位, (我走近出面走廊個邊的卡位) 個邊通花牆壁,很多塵, 很污糟 廁所得一格,雖然ok, (但距離乾淨仍有一點距離) 有一陣臭豆腐味, 唔知邊度傳黎。 是晚叫左,1)$58 sushi-都ok,無乜特別2)燒魚-痳痳, 比我想像差少少, 好似屋企個d魚咁3)牛肉鍋-我不太好,可能見佢很多肥油4)十人十色炒飯(哈,這個名我最記得, 夠搞笑, 都唔知點解叫十人十色? 都無十隻色咁多)不喜歡佢加隻生雞蛋係面, 碟飯又唔係熱到可以整熟隻蛋, menu 又無講會落蛋, 而家食生蛋好危險痳,所以我地拿走左隻蛋。 d 飯比較濕, 都ok, 不過黑椒多得滯,有d唔食辣既會頂唔順。5)pizza, 唔記得咩味lu, 好似係有d肉係面, 比較乾身, 我挾起d肉食先係無味的, 要成夠pizza 放入口,靠pizza 裹的沙律汁d 味。6)仲有凡立貝(有d粟米,秀姑,牛油整), d 秀姑同粟米都有d"蕉",苦苦的。最後埋單問個女sales 咩credit card 有discount, 個sales 唸左幾耐, 話我地叫左d 特價su

喬麥麵+三文魚飯，餐\牌好似係64號$45飯裡面發現有頭髮.....換左另一碗發現又有一條細毛......味道係得，但衛生竟然去女人街那間吧......

焗咖啡芝士鰻魚飯.....$35汁少鰻魚少芝士少飯就多多，真係多謝佢凍奶茶...唔係盛滿的，得4/5杯我建議大家去女人街果間，好食好多，判若兩"店"！呢間.....唯一係坐得舒服

大半年前去過呢間食dinner. 在人口密集、食肆林立o既旺角旺區, 有間算有質素o既日本菜好開心. 個人認為水道橋最好o既係刺身.果晚食左一個細o既刺身拼盆同埋半條"(魚彷)(魚彿)魚"刺身. 都係色澤光鮮、味道鮮美o既, 唔錯架. 但係水道橋o既師傅們將果半條時魚刺身放係d冰上面, 個人覺得這會令到刺身太過冰凍, 減低魚味. 本人本身係日本餐廳度做o既, 大部份魚刺身o既味道都試過, 所以會有呢個想法.熱食方面點了幾個菜: 酒煮蜆、牛肉鵝肝炒飯, 仲有一個菜式唔記得左. 其他都可以啦, 唯獨係酒煮蜆, 感覺好差. 蜆肉本身唔鮮美, 湯底本身只覺好多清酒, 太過勁, no good.埋單時, 同左個著suit既女經埋(?)反映左食物問題, 都幾nice架, 之後又俾左張vip卡我. 若有時間同埋經過果度, 都會再幫襯.

與女友吃晚飯，見以前經過好多次都沒有上去食過，抱著姑且一試的心態上樓。餐牌款式選擇頗多，最後選了個好像幾抵食的二人套餐。套餐食物款式多但份量較少，女友出名細食，但吃過後仍覺意猶未盡，惟有另外再落order。有一張特惠餐牌寫明惠顧滿二百元可以優惠價錢加點兩款菜色，但細心一看，所謂優惠價與正價相比只差兩三元，可以忽略。待應態度OK，但不算親切細心。菜色味道OK，但沒有叫人擊節讚賞之作。環境OK，但坐位不算闊落。價錢不算平也不算貴。總之就是樣樣都合格，但沒有高分之處，不能算不值,但同樣價錢選擇還有很多。個人認為只要不抱太高期望，一試無妨。

下午來到這裏吃午餐我點的是豬軟骨拉麵朋友點的是石頭窩飯豬軟骨拉麵：拉麵根本不是拉麵嘛，雲吞麵的幼麵更好吃！豬軟骨只是燉豬肉，是我吃過最難吃的豬軟骨．．．旺角熟食中心裏彼得哥哥車仔麵的豬軟骨做的比它好吃得多！拉麵中有玉米，也是沒吃過這樣沒水準的玉米，會黏牙的又沒有任何味道！石頭窩飯：點了差不多十五分鐘才有，少點耐心也不行窩不熱，根本不會有飯焦配料是芽菜，肉燥，雞蛋等韓國辣醬一點都不辣，還稀稀的，一點都不好吃！朋友吃的時候差不多是硬塞住去啦總之，我不會再來了，到附近的大家食吃手攪麵更好！

琴晚(星期三,7點左右~)兩個女仔去到唔駛等位, 不過無晒卡位, 咁都無所謂啦坐左張2人"木台". 因為我唔想食生冷野..所以就叫左以下的食物無叫sushi~豆腐鍋($58) - 有豆腐,有魚,有黃牙白,等..味道一般..都幾清下..不過唔值這個價錢~鰻魚pizza ($5x 唔記得幾多錢lu) - 都ok好味..不過一定要熱食..可能佢冷氣勁啦..好快就凍左唔好食lu~清酒煮蜆($38 好似係咁上下!) - d蜆好細隻, 好在都仲叫做有清酒味lor..軟殼蟹($38) - 有一隻蟹型咁上碟..普通啦~um..一般扮日本菜的貨色..所以無要求啦~ 我好耐無係旺角食日本野..或者佢已經算係好? 我真係唔知啦..但係如無意外都唔想/會再去~

過開去旺角, 見倒呢間野個格局都吳錯, 選擇又多, 於是就入去試下啦waiter既態度都好好, 但係d野食都等左好耐先到見倒menu有個叫壽喜鍋既野, 本著好奇心之下就要左啦其實佢係一個生既牛肉鍋, 有生雞蛋, 豆腐同菜一拎黎既時候已經覺得吳得, 鍋面好多油, 一堆野咁食落去就更加不堪, 冇諗過可以咁un, 完全吞吳倒, 整體黎講都係麻麻地, 如果下次再去既時候都係要番d穩陣d既

本身打算去夏雪，但夏日炎炎，懶得行，同事話不如呢間，就入左黎啦。lunch hour 1:00 都唔洗等位，都好少有。旺角呢帶，lunch hour 差唔多咩都係要等。不過入到去，都幾多人幫襯既。我order 左個set $33- (冷蕎麥麵+ 三文魚壽司2 件+ 餐\飲)，同事都係叫set $28- (豆腐金菇肥牛鍋跟白飯+ 餐\飲)。我果份：冷蕎麥麵- 麵質無咩口感，唔爽又食唔出小麥味，個麵本身真係唔多掂，但係個汁就ok。汁方面加左隻生鵪鶉蛋、wasabi同蔥花，mix 埋之後都ok。三文魚壽司- 細的骰喔！飯壓得唔錯，三文魚ok 新鮮，整體都ok。同事果份：豆腐金菇肥牛鍋跟白飯- 兩樣係分開的。豆腐幾滑，個鍋既汁做得幾好，整鍋都好入味，肥肉\"un\" 左d，但整體都ok。2 個都飲凍檸茶，好普通既質素。見到menu 好多choice。不過味道方面，個人比較喜歡夏雪。本身預佢\要加一，但原來唔洗架(lunch) 其他時間唔sure！

上星期五晚第一次黎食，超級多人，第一個感覺就係迫。我地六個人點左竹筒免治雞肉啦、煙鴨胸薄餅啦、一堆壽司啦、一堆魚生啦、香芒銀雪魚啦、芝士金菇啦、豆乳鍋啦、牛肉烏冬啦、芝士薯蓉啦、軟殼蟹啦、不知名蕃薯同蟹將軍炒飯。竹筒免治雞肉：係好細既一支竹筒內放有免治雞肉，蛋黃係另上自己沾既，感覺比上次o係魚一丁食既好，但係醬汁就魚一丁做得較出色喇；煙鴨胸薄餅：好食喎，薄餅好脆，煙鴨胸都好香；壽司同魚生：感覺一般，同埋佢地既壽司飯係好細既一件；香芒銀雪魚：我淨係食左香芒，甜甜地再配合醬汁，我覺得好好食呀(指香芒)；芝士金菇：都幾香芝士味，煙韌得黎(芝士)又爽爽地咁(金菇)，幾特別呢；豆乳鍋：味道好似中式既魚湯，反而唔覺有豆乳味；蕃薯同牛肉烏冬：不過不失，蕃薯portion偏細；蟹將軍炒飯：好油膩下喎，我唔係咁鍾意。最後仲要左D甜品，分別有北海道紅豆冰、綠茶雪糕、生朱古力同埋雪糕拼盤(唔記得名了)。北海道紅豆冰：牛奶味非常濃，好香呢～紅豆一粒一粒咁絕不淋身，亦唔太甜；芝麻雪糕：同平時既冇mud分別；生朱古力：感覺同melty kiss冇分別，可以唔點；雪糕拼盤：內有綠茶味、荔枝味、巨峰味同柚子味，果味既

呢間野響旺角都開左一排次次行過都覺得"咪又係果d"3個月前~有個fd話佢個menu幾好就上左過la原來...............好食wo今晚出開去睇戲, 又去食下la叫左1.sushi拼盤$88 (ok la)2.朱扒咖哩飯$48 (幾好)3.牛肉碢烏冬$58 (烏冬ok, d湯唔得)4.芝士薯蓉$28 (好食wo)5.綠茶紅豆冷凍$15 (上次好好食, 今次冇咩味)6.巨峰雪葩$16 (好正!)+埋一~$278~都ok呀響咁難搵食既旺角~呢個係唔錯既choice~p.s.上次食左冰火和牛&三文魚pizza~唔錯ga~~

兩個人, 星期三晚上八點到, 無乜人, 等咗十分鐘已有位坐得都算可以, 但無分吸煙區, 差點俾鄰坐那位兄台啲煙焗死太晚去到, 霜降牛肉壽司經已售罄, 失望!餐單如下:冰火牛肉刺身長腳蟹壽司三文魚壽司手打烏冬鍋食物全部都不錯, 尤其冰火牛肉刺身, 相當有特色, 不妨一試!

去過一次3:00 pm o既lunch, 係一家4口, 好似平均都成$100 一個人, 不過d o野係幾好味ga!我o地叫o左d 貴d o既o野, e.g.生牛肉sushi, 海膽sushi 等, 都好好味! d 魚生都好fresh ar!仲好有一個燒鵝肝sushi 係好正! 外脆內軟, 而且又有d 汁, 好好味ar! 不過我記得係貴貴o地ga lor!!另外佢d 手打烏冬都彈牙& 好食! service 就ok 啦, 有個大陸阿姐serve 我o地, 佢耐唔耐都會o黎介紹o下d food~可能o係mk 佢係貴啦, 不過如果想食d 品質好o既日本o野, 我都推佢ga!

兩個人叫o左個軟殼蟹、叉燒拉麵、香草汁三文魚魚生飯。叉燒拉麵略嫌過鹹，魚生飯普普通通。但軟殼蟹真係必食之選，金黃色o既軟殼蟹一咬開就滿口蟹膏同蟹香，正！埋單兩個一共$104，算食得過。

約朋友食飯，往往因時間、口味及價錢問題而意見分岐。尤其是食日本菜，更容易因為上述原因而最後失望而回，今次卻不一樣，本來一直對呢類樓上店冇信心，一來貴二來高格調...幸好今次終於冇搵錯。其實水道橋樓上便是金太郎，但因為試過多次金太郎的街坊貨，於是一眾人便心郁郁想試新野，初時仲驚會有好多人食下午茶，幸好店內雖然有多人，但總算找到位子。我們叫的是魚生飯及泡菜魚生飯套餐，而怕辣的朋友則叫了雞翼飯餐。連野飲都只係三四十蚊左右。但質素拍得住和民呢啲貴夾唔飽中產食店。魚生新鮮得來唔腥，飯軟硬適中，加上坐得舒舒服服，如果加埋和民果啲半跪落單方法同埋請多幾過靚侍應，咁就真係very good啦！呢間野，小黃就話食得過！