水門雞飯 (汀角路) (已結業)

假日入大埔玩，好肚餓唔知食咩😂諗起公司同事推薦過嘅水門雞飯喺大埔都有分店就一於去try try啦～Location喺正大馬路附近，logo又幾搶眼，好快就搵到😃😃嗰日係平日下午，唔算多人男朋友同我一人叫左一個雞飯唔洗爭😂$55價錢OK~個飯好快就上，但唔知係咪期望太高定點，成餐飯都略略令我地失望🤔 1️⃣冇諗過最失望竟然係個湯。。好重胡椒粉味😅唔講仲以為俾人整古😂😂個味重到我飲左一啖就飲唔到落去🤷🏻‍♀️ 2️⃣飯唔係油飯🍚 3️⃣雞有啲鞋🐔 4️⃣男友話泰式奶茶雖然唔洗加錢，但感覺好化學味好溝出黎嘅感覺😕😕 5️⃣加$5嘅芒果沙冰我覺得幾好飲，但男友話太甜個味好假🤔

水門雞飯 (大埔)-又抵又好食嘅水門雞 🐔🤤 雞肉嫩滑，油飯超香超邪惡🤤 金邊粉足料又有味😍 不愧為成日食嘅黃店海南雞飯🤤👍🏻-🔍 水門雞飯$50🔍 炒金邊粉$65🔍 泰式炒通菜$48-📍水門雞飯 (大埔)大埔汀角路11號地舖

最近難得先會出街食一次飯，咁點都要揀返間岩心水既餐廳啦！特登搭到太和去幫襯水門，去到門口仲要排隊，但只要堅持就會有得食💪🏻餐廳修面裝修好簡單，餐牌亦好平實，價錢仲好親民！叫左一份海南雞飯，一份炸豬扒，一份串燒，一份泰式炒金邊粉，飲品叫左芒果冰同菠蘿冰海南雞夠哂嫩滑，炸豬扒又香又脆又唔乾，仲要勁大塊，串燒juicy唔乾柴，炒金邊粉上面隻蝦又大又新鮮，足料之餘仲好好味呀！價錢咁抵認真無得彈！係抵要排隊先食到既！

疫情關係，晚上6時後只可以外賣，依間餐廳一向以親民價經營，依家仲要有7折，真真正正同香港人共同抗疫💪🏻出餐既速度好快，唔洗等好耐就有得拎，安排得好好👍水門雞飯$50大大碟，海南雞同飯既份量都好足，海南雞唔會得幾舊，而且雞肉好滑，又唔會太肥，小妹連雞皮都食埋，真係好滑嘟嘟😋油飯香口但唔會太油膩，飯既米水都岩岩好，一d都唔會糊口。配埋佢既秘製醬汁，好惹味，不過怕辣既朋友仔唔好成包落晒，最後分開享用，入面有d青色辣椒粒好刺激架😝仲有個冬瓜湯，帶有些少胡椒味，不錯喲！泰底鳳爪$48無骨鳳爪，酸酸辣辣(微辣程度)，一碟滿滿的，好抵食！

水門雞飯 $50難得好有雞香味，夠滑又唔會好肥，飯粒粒分明，正宗泰國味道。冬蔭公生牛肉湯河 $42湯底都濃，牛肉就冇乜牛味，重口味，不錯，但正常冇乜驚喜。泰式奶茶 $16正宗有泰國感覺，偏甜既奶茶，可以少甜就更顯茶味。泰式鴛鴦 $16正！泰茶本身有太甜，甜度冇得調教，但加人咖啡既味道，中和甜度，岩岩好！好飲又解暑！正！

係咪好誇張😂 叫到成枱都係🐓 每樣都平平哋 叫黎share٩(˃̶͈̀௰˂̶͈́)و 大埔有好多良心餐廳可以支持💛不過質素只可以算一般 飯係幾好食但餸麻麻地係大大份好足料( ･᷄ὢ･᷅ )❣️泰式豬手飯 $50 👉🏻 今餐數一數二好食 豬手勁淋好入味😋❣️水門雙拼雞飯 $52 👉🏻 勁多雞🐔 仲有兩款汁點 水門雞係幾滑幾正 炸雞雖然唔脆都唔錯😆配雞飯都幾有誠意😛❣️鳳尾蝦炒金邊粉 $65 👉🏻 比泰國餐廳差啲 炒得唔太均勻中間有啲地方冇咩味🤣 都收貨👅❣️香辣肉碎沙律 $68 👉🏻 係生菜包！肉碎炒得酸酸辣辣 好開胃 配生菜都幾Fresh👍🏻❣️泰式炒通菜 $48 ❣️香辣鳳爪沙律 $48👎🏻 豬肉/雞肉串燒 $13串 👉🏻 全餐最伏 太乾而且汁冇味 唔好叫😢👎🏻原隻燒魷魚 $38 👉🏻 燒得有啲燶同韌左💀👎🏻紅蝦醬芥蘭苗 $48 👉🏻 淨係淋左嗰醬係上面少頹 而且冇咩味😂👎🏻海鮮冬陰功湯金邊粉 $58 👉🏻 味道十分之淡 食唔到酸辣香料味🤢

呢間「水門雞飯」絕對係勝價比超高，真心又抵食又足料又好食。味道好正宗似去左泰國旅行咁地道，最欣賞係湯粉嘅湯底完全唔油膩但好夠味！重點係大份夾抵食！係我認為必試之選！地點係大埔汀角路11號地舖 個邊附近都有好多唔同美食～

七點幾，男友話唔肚餓喎，我揀咗食水門雞做晚飯啦，因為平時呢個份量佢會唔夠飽🦥.經常岀現人龍㗎，難得今晚唔使排長龍，唔使等位就食得😉好，我要個水門雞飯呀唔該，咁池名招牌菜，每次嚟我都食佢，專一食法🤗雞嘅份量算正常，但飯就唔太多，雞肉好滑😍啖啖肉，無骨好方便，佢嗰汁另上，每一件雞我都點一下啲醬，好正，享受😋😋😋簡單嘅幸福感，胡椒湯太濃，飲幾啖就夠啦。男友為咗陪我食，又唔餓嘅情況下，佢叫咗個泰式清湯牛腩米粉，哇，一嚟我見到乜食咁清呀🤨都好嘅，健康d，三個白蘿白都吸晒啲湯，入味，肉唔夠多，同牛腩似中有啲肥，肥先好味，牛筋夠淋，讚👍🏼份量就夠為細份咗啲😚 呢個粉麵餐加$5有飲品，我哋叫咗個青檸soda，好正呀，唔甜嘅，好解渴

水門雞飯 聽就聽過好多次 係泰國都成日想食今日黎到大埔食夜晚飯 出奇地唔洗排好耐 (可能因為天氣關係)🤤好快入到去 坐既位置都係銀色不繡鋼like 既枱櫈同埋扁扁既叉同匙羹 好似坐係東南亞街邊咁！不過有冷氣🤣😋TLDR: 性價比一百分 一定會再番黎食😋今次試左2款主食同飲品:水門雞飯 湯略嫌重左少少胡椒味但甜！飯係正宗油飯 少少味配雞一流！ 最鐘意d雞滑得黎唔會太肥 同埋個醬係唔辣鳳尾蝦炒金邊粉非常夠獲氣 d蝦有另外煎香過好香口份量都算適中 食完一個主食加個野飲非常滿足🤤青檸梳打好驚喜佢唔係落七喜/雪碧淨係得個甜味小清新之選！😋龍眼水飲落非常清甜 甜係有d龍眼肉 都係冇過甜 非常鐘意！🤤入面仲有多粒龍眼肉乾🤤記得拎匙羹食曬佢

因為太耐冇去旅行，好掛住泰國嘅水門雞飯，就去咗彌補思鄉之情。成間餐廳好有泰國風味，尤其是張枱同曼谷水門雞飯嘅擺設一模一樣，簡直覺得自己去咗泰國。叫咗個水門雞飯，決定好食加咗$10轉雞髀。佢配左一碗胡椒湯，同埋一個醬汁。識落啲雞肉好滑，個醬汁少少辣又有少少甜，雞肉點埋落去非常之惹味。不過，個湯就比較辣，我飲唔晒。另外，個雞飯比較硬，我要加啲湯落去先至比較容易入口。另外，食泰國菜當然唔少得生菜包肉。一疊非常之大份，而且非常之夠味道，落咗好多辣椒，簡直係越食越辣。因為屋企人好鍾意食菜，所以叫咗個辣椒炒通菜。味道唔算好辣但係幾香，唯一要挑剔嘅係佢有啲位置比較老。因為整體有幾樣餸都係比較辣，所以忍唔住叫咗個洛神花茶凍嘅解辣。味道幾清新， $18一杯算係抵。成間鋪嘅侍應都好似好忙咁，每次想加單，都好似要捉緊佢哋行過嘅每一刻。不過佢哋服務都幾好，問佢哋攞嘢都好快手。整體來講，味道唔算非常之好食，但係都叫做俾我哋扮去下泰國旅行。

身為大埔人，今遲先嚟到訪真係失敬大埔雖然美食到處都係，但泰國菜係偏少👉🏻水門三寶雞飯 $62 送湯湯味道還是有味精味而雞肉飯雖然肉唔算嫩不過勝在有其他肉配埋，而且有醬料配埋，令啲雞肉惹味好多。上面嘅飲品係洛神花茶，但有少少酸味不過都OK👉🏻鳳尾蝦炒金邊粉 $60金邊粉都幾足料，首先真係搵到大大隻嘅蝦，另外炒金邊粉亦都唔會太過乾身，亦有我鍾意食嘅辣醬，成件事食起上嚟都幾飽足，一個女仔都食唔晒成碟兩個人晚餐來講$200仲有找都真係算好抵！

今日晏晝肚餓上網搵好野食，打算外賣送餐係屋企慢慢食。以前係水門雞飯門市食過一兩次都覺得佢嗰雙拼雞飯好好食。今日特別肚餓所以除左雙拼雞飯之外仲叫左一個淨豬手同埋一個鳳尾蝦炒金邊粉，夠兩個人食。原來哩啲食物都非常美味！非常驚喜！尤其是個豬手，炆得好淋好入味帶有少少香辣｡ 唔會覺得肥膩，食淨左一半晚上煲個白飯再用啲豬手同啲汁送飯又食一餐｡炒金邊粉都好食，蝦既份量夠多，炒得有蛋香。好開心滿足，下次一定會再食

呢度堂食或外賣都旺，梗係買外賣回家慢慢食啦！買咗半隻無骨海南雞，一盒鮮雞雜。雞⋯⋯真係冇得彈，薄皮、而且無皮下脂肪，食埋雞皮都唔會有罪惡感，而且連雞胸都唔嚡，可想而知廚房師傅掌握時間十分之到手；今次雞雜有雞紅、雞腸、雞腎，內臟唔怕食，最怕洗唔乾淨，但水門雞做得好，全都冇異味，good👍

在大埔偶遇這間水門雞飯，二話不說便進入一試泰式風味。由於疫情關係，店員都有為每一位客人量度體溫，提供搓手液清潔雙手食物方面：點了一份雙併雞飯，青檸梳打。三人同行都點了同一款份量剛好，雞是半份正常，半份炸雞。主要是配合醬料一同食。醬料味道剛好，不會太濃味也不會淡。而且配上了二款醬料，可以試不同味道。午餐會配上一碗胡椒湯，少少辣。還可以用加配價錢加茶。飲品方面：點了青檸梳打，這杯梳打較淡味，像在飲普通無味梳打水，較推介柚子蜜

和朋友相約吃下午茶，而她又想吃泰式食品見這裡的下午茶餐牌，價錢相宜，就決定來這裡啊～來到的時候，前方都有一組客人在等位大約等了5分鐘才有位店內人客其實不多，但要滿足1.5米的限制距離，所以都坐得較為疏落～下午茶餐牌的選擇不多，我倆都很快揀好想吃的朋友選水門雞飯配凍泰式奶茶我就揀單餸泰國船粉，餸都起碼有10款選擇之多！最後我揀的是牛肉湯生牛肉金邊粉，配凍龍眼水～～牛肉湯生牛肉金邊粉，賣相都幾吸引！意想不到的，除了生牛肉和芽菜之外，還有其他配料～～～先試一口湯底，味道都幾香甜濃郁～～下午茶餐而言，生牛肉的份量都幾多，牛肉粉嫩的，慢慢浸熟至個人喜歡的程度便可！牛肉有咬口而不韌，牛味幾香！那一大塊三角形的脆脆，原來是平時炸雲吞的那塊皮！另外竟然還加入了脆豬油渣完全是意料之外！加入了這兩種香脆的配料，增添了這碗船河的豐富度～～油渣稍稍浸稔，吸點湯來吃，好味！！金邊粉亦夠爽滑！迷你水門雞飯，飯量較少，但雞件份量都足夠！配一碗清湯～～其實個人未試過真正的水門雞飯，所以不能評論是否正宗朋友分了一件雞件給我，肉質香滑，醮醬汁來吃夠惹味！泰式奶茶，朋友認為略甜了一些她本身有點怕甜的，而我個人就是喜歡泰式奶