氷川菓屋 (已結業)

放學同朋友由紅磡行過黎佐敦食冰😆間鋪頭好細 得4個位 一張檯 所以我地三個都要等一對情侶走左先有位坐🙈不過裝修都好日本風 係文青嘅感覺🙈 冰份量還可以 可以2-3人share 我地三個叫左一個山梨白桃刨冰🍧share😋 有新鮮白桃加上用北海道天然水坐嘅冰 整體感覺係好fresh 不過d 冰冇咩味 糖漿唔夠多 最鍾意中間食到煉奶（煉奶加冰一向match）中間都有jelly（玄餅）但失望嘅係冰融得超快 冇10分鐘就融 最後變相飲冰水😂 😂 欣賞小店用心創作 但我都係覺得 一般 可以試一次 但唔係食過最好食嘅刨冰😝

平時食沙冰啊,刨冰啊~ 覺得冇咩特別~ 但係呢個沙冰真係值得推薦！但係見呢個又靚又正~ 真係想推薦一下！山梨桃沙冰~ 呢個沙冰正點系 佢用jor 原隻半個大白桃！個日本山梨桃真係又大又多汁. 之後沙冰入面都有幾片桃, 好足料~ 啖啖肉~ 而且沙冰啖啖都系好香桃味. 真係好快好快就飲曬~ ！仲一個驚喜就係上面那一舊cream~ 好滑甜甜地~ 明顯食得出系靚野~ 即刻問個老闆系咩cream, 佢話支cream系來佬貨~  LOL~     其實呢杯野 只系$48！！！ 真心覺得抵！！！！！ 而且佢每杯都整得好靚~ 佢d 托盤都好有心思~ 影相一流！~雖然鋪細細~ 但係除jor 沙冰刨冰外, 都有好多日本既特別飲料同零食買,！ 而且地點好就腳！ 值得一試！ 

今日特登行過去就係為左試尼個刨冰，佢果然冇令小編失望。刨冰入口超級綿身，亦冇話食到有冰粒，而且聽聞店主係訂日本北海道天然水做既冰去整尼個刨冰架，不過小編略嫌刨冰既份量有D少，但換個過説法就係岩獨食。而且刨冰溶得超級快，底既冰8mins內已經溶得七七八八。而刨冰面頭仲有店主自家制既白桃糖漿，白桃味道一D都唔假，亦唔會話太甜，同個刨冰都幾夾下。小編食食下先發現原來有一層煉奶刨冰係到，奶味都幾香濃下，而且有兩種口味既刨冰係到入口一D都唔單掛。而令小編最驚喜既就係係刨冰既中間竟然有個白桃水信玄餅係到，水信玄餅散發著既清淡既清新既白桃味，小編特別欣賞丫！而且白桃既份量一啲都唔小家，小編估計都有接近半個白桃係到。今日小編又去幫襯左呢間鋪頭，佢呢個沙冰真係超級吸精，有半個白桃插左係杯嘢上面，難怪一直都咁多人介紹。好彩講得切係佢哋呢個期間限定完之前去試到姐，佢呢個白桃沙冰真係超級正，沙冰有好濃嘅白桃味，而且亦都好夠凍，消暑一流呀！佢上面個桃啱啱熟，有桃味之餘仲好juicy添，而且都幾甜下，食得個桃泥個胃已經半飽啦！而且係杯嘢飲裏面仲有幾片超薄片嘅桃喺度添！最重要嘅就係價錢唔係貴但已經有半個日本桃喺度，

上次已經試過山梨白桃刨冰，短時間內黎第二次，天然實在太熱，食冰是必需的。店內只有四個位置，門外有一個層架仔，週日下午黎到，雖然冇人龍，但都係冇位坐，所以決定外賣。 始終刨冰唔同雪糕，要一路行一路食，其實都會有多少狼狽。見過有評語話見過有啲人享用完刨冰仲喺店內佔座傾計，食刨冰嘅時間心中有數，食得慢都會溶啦，咁食完又好應該讓番個位出黎嘅…但有時又諗，人地可能排左好耐先食到，咁想坐多陣都好正常…anyway，總之見冇位，我就決定外賣喇，如果你都唔想等，不妨點外賣喇。草莓煉奶刨冰 $48上次已經試過白桃，今次就揀左草莓， 面頭嘅草莓輕微發黑，感覺係開始熟到爛爛地…忌廉上灑有花生碎加添口感，小驚喜係裡面隱藏一舊草莓奶凍，質地雖然唔係動L，但都幾好食。 刨冰充滿煉奶，所以呢款甜度頗高，冇白桃嘅咁自然，冰依然唔算打得好碎，但感覺已經比我食白桃細緻一點。圍邊嘅係切片士多啤梨，冇乜特別 ，整體以煉奶同草莓醬味道為主。雖然呢款價錢平啲，但有比較下 都係覺得白桃比較值得食有機會會再訪試埋其他味道~

小店位於山林道，去過上手thelittlecorner鋪位嘅大概都知道格局係點，大致相同，店內只有四個面壁位，加埋門外一個小層架，可以容納嘅人唔多，所以聽聞最初開嘅時候都要大排長龍。可能而家少人左，加上我係平日夜晚去，都唔需要等候。如果唔想等位，佢地嘅刨冰、飲品可供外賣。餐牌供應水果沙冰、抹茶焙茶等飲品，價錢唔貴。仲有6款刨冰：黃豆粉、草莓、熱情果、藍莓、山梨白桃、熱情果+白桃，最平嘅黑蜜黃豆粉口味38蚊就食到，其餘定價$48-$78。山梨白桃刨冰 $68 (季節限定)機器由日本購入，刨冰都選用北海道地下天然水製成，水蜜桃係時令野，用上山梨縣白桃，不能抗拒即叫即製，大概都會見到製作過程，唔需要等好耐，不過還是建議帶番手套做（當日店員只帶上一隻手套），會比較衛生。刨冰嘅實物比想像中細啲，幸好白桃嘅份量都大方。冰嘅質地唔算話好細滑，偶然會食到碎冰塊，溶嘅速度都幾快，食緊上面，碗仔已經溶成桃水…面頭加左桃汁，所以一路食都會有香甜桃味。白桃熟透，真係好香甜，味道天然食到中間會見到隱藏的水信玄餅，雖然冇味，都算係小驚喜。

返工咁耐從來未試過搭錯巴士返屋企，而咁傻仔既事居然係今日發生🤦🏻‍♀️幸好搭錯個架巴士係出尖咀，如果唔係我真係😭😭😭不過傻人有傻福🤣，咁啱諗起自己一直想試既白桃沙冰就係附近，於是我就行去睇下自己會唔會連中兩次做傻仔🙈慶幸唔洗做傻仔咋，仲趕得切白桃季尾前一嚐滋味❤一入到店裏，其實地方好細，不過見到小店仲有得賣，立即先叫番杯降降溫，然後再繼續留意店家既用心裝潢～～～雖然地方小，但無阻店家對飲品及刨冰既細心製作～～～店主見我相機食先，仲好好心咁幫我執好d位置俾我影💕🙇🏻‍♀️桃控既朋友真心要試試li杯沙冰👍🏻桃香味十足之餘，冰粒唔會太大，最值得莫過於係沙冰上有半個新鮮香甜既白桃俾你食，等同你食咗成個白桃落肚😂真係值回票價❤

山梨白桃 ($68)桃的份量相當充足，冰塊一樣也是由北海道直送，冰感重食落是一顆顆冰粒～沒有想像中碎🙈食到最後底部已變了一塊大大的冰塊🤧店舖細座位只得面壁的五個座位，有點難以應付大量客人🤷🏻‍♂️Taste: 7/10

夏日炎炎，係日本，就係白桃當造嘅季節，所以香港最近掀起白桃熱潮。▫️尖沙咀山林道最緊開左間新鋪，專係賣水蜜桃茶冰沙配山梨縣白桃🍑，喺網上旋風式熱棒，今日我終於去朝聖。▫️店舖唔算太大，只有四個座位，所以最好take away! 下午五點去買，已經要排隊，真係誇張。▫️食完只可講一句，好正！$48有半個桃，抵到震。白桃又甜又juicy，冰茶有香濃水蜜桃🍑味，唔會太甜，同白桃既甜非常match，互相輝影。極力推介。👍🏻👍🏻

炎炎夏日走在街頭真係好易成身大汗，所以一定要搵一啲又冰又凍嘅食物/飲品好好咁消下暑！最近得知山林道開左間小舖，係食桃沙冰，適逢最近又係桃嘅季節，當然要去朝聖下！呢到舖仔細細，但都有不少人幫襯。坐嘅位置不多，只有四張櫈，所以舖外有不少人企喺到食冰。店內嘅環境一目了然，以簡約為主。一面賣零食、飲品，另一邊為座位，有呢間店嘅完整Menu。水蜜桃茶沙冰配山梨縣白桃💰HKD48呢杯野份量都幾大杯！最吸晴一定係杯邊半個大白桃🍑雖然個白桃唔係超甜，但都算甜嘅，而且係超級爆多汁！仲要去晒皮去晒核，桃呢樣野真係好難抗拒✌🏻️而杯內嘅蜜桃茶沙冰，中間其實都有幾塊小桃片🍑杯沙冰並唔似一般沙冰咁打碎晒啲冰，而係有啲小小小冰粒。味道夠濃而且超冰凍，一啖冰一啖桃，消暑一流！由於去試呢個嘅時候仍然係八月，店內亦未出刨冰，未有機會試。但係九月一日開始就有刨冰，好似都好吸引咁！下次再黎試過❤️

氷川菓屋身為香港人當然要緊貼熱潮啦🤓 最近看到很多有關水蜜桃的甜品 而這間是位於尖沙咀山林道一間小小的店鋪, 位置不難找 店鋪以水泥灰加木作裝修。地方雖然很小, 但老闆很細心擺放了幾張高櫈俾客人坐係到慢慢享受山梨白桃茶沙冰（季節限定）$48中杯用量. 杯邊擺放了足足半個大白桃真係好吸睛😍即刻覺得性價比高吧？員工用純熟手法將半個桃的皮和核快速處理好.當日那個桃多汁. 雖然不太甜,但與桃茶混合 慢慢滲透桃香 味道好清新. 而沙冰沒有打得很細滑, 每一口都有細細的碎冰. 完全適合這個天氣 解渴一流

過去兩個星期，颱風接連不斷，天氣變得更悶熱，令我這個原本不再愛吃甜食的也每天嚷著要吃冰淇淋和刨冰。前陣子得知尖沙咀有家新開的冰店在賣白桃沙冰，可惜個人不太喜歡喝沙冰，一直沒有到訪。故此，當看到此店的刨冰現已推出，連忙前來一試。店舖裝潢很像日本的小店，看出店主的心思。小店只有靠在一邊的四個座位，比較擁擠，兩個人來應該比較不用等位。店裡的刨冰也可外帶，但堂食的時候也融化得比較快，走在外面的話，可能要兩三分鐘極速吃完吧！我們大概九點到達，人流還不算多，所以點好餐之後，其中兩個客人也吃完讓出座位，感恩遇到了自覺性高、不自私的客人呢。我們點了一個山梨白桃刨冰，等待期間還可以看到店員的製作過程。刨冰和擺設十分可愛，連忙拍幾張就趕在它溶掉之前吃一下。面層的有山梨白桃、刨冰和應該是白桃果汁類似的配搭。味道天然不會過甜，白桃也鮮甜，讓人一口接一口。吃了幾口已經挖到裡面的Jelly和牛奶冰了～馬上為這個甜點加上了幾分complexity，每口都有不同的味道，太好吃了～這個刨冰不消幾秒就給我們KO了～很值得讚揚的是1）吃到最後還是有很多白桃，不會覺得剩一攤水；2）吃到最後雖然冰都融化了，但是味道還是很好呢～

食完令人頗失望既牛舌，滿口油膩感覺(詳情請看上一篇食評)，行下街消化下之後散步黎山林道飲沙冰🍹 店子小小，舖位喺梔子cafe隔壁，裝修用上木材、竹簾、好raw既水泥牆，典型日式風格既感覺🎎🎏仲有少量日本零食、飲品賣。Order左水麥桃沙冰，見到店員即刻切桃，真係原個桃拎去打沙冰！目測應該係半個做裝飾，半個做沙冰，賣相好吸引呢😍水蜜桃沙冰飲落好清甜，個味一啲都唔假，消暑一流呀！裝飾pat cream下面仲收埋左幾片水蜜桃，加埋杯上嗰半個，名符其實啖啖肉，$48 真係幾抵！老闆/店員仲話九月開始會供應日式刨冰，仲有我超愛既黃豆粉味，好期待！

叫左一杯山梨縣白桃沙冰 桃同冰都係黎自日本由於係小店既關係 等左15mins 吾知係咪因為沙冰黎自日本特別甜 出奇地有半個新鮮白桃 加上配搭埋白桃本身既果糖 有種好甜好清新既感覺 加上香港依家呢種悶熱既時候飲 好正 期待遲啲推出既刨冰唯一既吾好處 可能係客人要等得比較耐啲 / 因為堂食空間有限