永合成馳名煲仔飯

營業中

休息中

呢間煲仔飯真係一絕，已經唔係味道既問題，佢重新定義左何謂煲仔飯，因為佢真係得個煲，將啲飯放入個煲，而係冇煲過既飯。餐牌寫住飯焦+$10，有食過煲仔飯既人，見到都應該一頭霧水⋯⋯然後答案出現啦，原來唔加個$10，個飯係真係可以冇煲過，煲係完全唔熱，個飯毫無香味，只係將啲飯放係煲入面。做生意做到咁，真係非常可恥！茶樓$2、30個啲蒸飯，但就收你$80-110一個飯，作為一個人，真係咁樣做野法都得，完全當啲食客係傻仔咁。

呢間都有唔少人介紹過，因為下午4點就收舖一直定都未嚟食，今日中午趕得切終於終於試咗佢啦揀咗窩蛋牛肉加潤腸，同埋蒜豉排骨加潤腸，加多碗佢哋嘅老火湯，今日係蓮藕湯。講講呢款老火湯先，佢比出面嘅例湯飲落係無味精嘅，不過大量嘅甜味係嚟自紅蘿蔔粟米，湯骨味蓮藕味就略為遜色好啦好啦，到咗佢嘅煲仔飯，因為飯焦要另加錢我無加到(呢個係咪影響上餐時間?)由落單到上煲仔飯大概等咗10分鐘左右，我覺得有少少快嘅，係！飯到咗外觀上靚仔碎牛加生蛋，加啲豉油撈撈撈，雞蛋都接近熟嘅狀態，撈嘅過程見佢飯底都係偏濕，煲仔溫度唔太高，睇睇隔離個排骨煲仔都一樣，飯底都係濕啲黏啲，呀係咪真係我無加飯焦🫠整體味道係好好嘅，碎牛入味成個飯連蛋撈我好快食哂，下次嚟要加番錢加番個飯焦啦，雖然我諗唔明加錢加飯焦咁我一開頭叫嗰個係咪叫煲仔飯。

拍咗幾日藥，喉唔痛頭唔fin，就係好想食飯，跟住同事帶我飛去西環食煲仔飯。都係咁講，冇乜人嘅時候去食就唔使排長龍喇。🥢【窩蛋牛肉煲仔飯】/ $90永合成最出名就係窩蛋牛肉飯。佢度整牛肉係師傅攞刀剁出嚟嘅，肉都仲係有連埋一齊，肉香同埋口感確實比剁碎嘅牛肉靚好多。將佢事先畀嘅牛肉汁同飯撈埋一齊，再打入個蛋唔使煮熟，食之時將未熟嘅蛋汁撈埋入去同牛肉、飯撈好，食起身就唔覺得好熱氣，就係如果加飯焦要加錢我係第一次聽。（驚熱氣我一路都唔中意食煲仔飯焦）。

對上一次食已經係疫情期間去西營盤做檢測嗰時，有朋友住港西，話煲仔飯出名。上次飲埋佢地個湯就一直記住！今日難得平日日頭嚟開西環，處理好事務就止渴一下。時間大約1點，午飯時間，店中9成半滿座，我一個人勉強可以安排到座位。樓面有兩位姨姨負責，坐低可以慢慢睇Menu，我就先叫咗一個例湯（有三個size)栗子合桃淮山紅蘿蔔豬骨湯（大HK$30)作為一個湯怪諗都唔使諗就一定係要大，大碗對我嚟講其實都依然唔夠飲！因為煲仔飯係即叫即整，所以都要預10至15分鐘。北菇滑雞煲仔飯（$90）加臘腸（$20）每個煲仔飯都係即叫即整，如果要飯焦係要另外要求及加錢，我就冇加飯焦，其實無咁香口⋯某程度食煲仔飯其實要有啲飯焦夾埋一齊咁先會更香更正。一個煲仔飯計計埋埋都成舊水都咪話唔貴不過唔係成日食，係秋冬天食，所以豪一豪。煲仔飯上枱嗰時姨姨有溫馨提示，佢哋嘅豉油係鹹豉油嚟嘅，叮囑唔好落太多會太鹹。佢係一個合格嘅煲仔飯，但又未去到難忘。

這間曾經位於上環好出名的煲仔飯，已經搬到西環了，見天氣凍，諗住過嚟試吓！下午12時正準時到達，見到裏面只有兩枱人，好容易就搵到位，啲店員好都幾熱情，即刻介紹我哋食煲仔飯！之前做過啲功課，知道最出名係窩蛋牛肉煲仔飯，見有得加臘腸潤腸，馬上加咗潤腸！我覺得佢嘅價錢都幾進取，差唔多$100一個煲仔飯！加埋潤腸差唔多$120，仲有要加$10先有飯焦，差唔多$130一個飯！既然一場嚟到，就豪一次！聽講佢嘅豉油王雞翼都好出名，我今次要咗一個辣嘅，一次過試埋！等咗10分鐘，就有得食！打開個飯煲，真係熱騰騰！加咗啲少少豉油，就開始食飯！個底講完有好多飯焦，唔知係咪落多咗少少豉油，本身啲牛肉有少少鹹，整體食唔到牛肉嘅味道，只係食到啲飯焦同埋鹹嘅味道，而且佢嘅豉油冇乜甜味！唔知係咪期望過高，坦白講，$130 食一個煲仔飯，覺得唔係好值！同埋我好難明白，點解食煲仔飯係要加錢先有飯焦呢？我都係第一次聽！覺得有收左我少少智商稅🤔！另外，雞翼反而俾個飯出色好多，睇得出有誠意，不過又未至於要特登嚟食！試過一次就算！

見佢出晒名，6/13去西環食下啦，一見個餐牌，居然煲仔飯要飯焦要加錢，唔係煲仔飯一定有飯焦嘅咩？唔緊要，我唔like 飯焦，但叫完兩個飯唔駛5分鐘內就上，我覺得唔係即煮，叫咗一個排骨煲仔飯，一個黃鱔煲仔飯，唔算熱辣辣，排骨味道唔錯，黃鱔就麻麻，唔入味，最唔掂嗰樣，就係餸同飯好似互不相干咁，完全唔似煲仔飯囉！同酒樓蒸飯無分別，咁嘅價錢（兩煲合計成200），完全唔駛諗有下次！虛有名氣，是但一間煲仔飯好食過佢！

從蘇杭街追蹤到嚟西環，只因永合成嘅煲仔飯實在令人記掛，最愛佢嘅北菇滑雞飯，雞肉香滑Juicy, 可惜過咗冬天，今日潤腸、臘味落架了，平時都喜歡係各式煲仔飯上另加潤腸！今日試食咗腐乳蒸雞、嘩！惹味之選😋，今日同行有3個人，加試了梅菜蒸鯇魚，梅菜佢哋自家製嘅，配鯇魚果然掩蓋到鯇魚嘅泥味，同時提鮮了😋今日麗湯係粉葛煲鯪魚，跟住家靚湯無分別，未到1:30就賣晒啦。好彩我哋又點啫！今日帶朋友去至愛食煲仔飯，各人都大滿足、mission completed🥳

近排天氣凍凍地，真係好想食煲仔飯老公帶我去西環一間傳統嘅煲仔飯店，聽講之前非常之出名，食物水準亦都有一定嘅我叫咗鳳爪排骨最基本嘅煲仔飯，老公就黃鱔飯落單到上菜大概20分鐘，熱辣辣嘅煲仔飯仲有飯焦👍🏻👍🏻都真係幾好味今日比較早嚟，所以唔使排隊OK

最近第一次光顧品嚐黃鱔煲仔飯的經歷，並表達我對這次用餐體驗的巨大失望和不滿。作為一位食客，我認為這樣的問題需要被提出。首先，我想談談黃鱔煲仔飯的品質。當我點了這道菜時，我期待著一碗濃郁美味的煲仔飯，但事實卻完全相反。飯粒還飯粒餸還餸味，顯然是分開煮了。黃鱔的質量還可，但味道淡而無味，毫無鮮味。整體而言，這道黃鱔煲仔飯給我的印象是平淡無奇，完全沒有傳統煲仔飯應有的美味和風味。除了食物品質外，煲仔飯連飯焦不是連體嗎？飯焦還需加錢？真心匪夷所思，這種差勁的服務讓我感到極度不滿。作為一家餐廳，提供優質的食物至關重要的。然而，這次的用餐體驗完全沒有達到這些基本標準。簡直侮辱煲仔飯這個菜式。誠摯的食客，路人甲乙丙

西環煲仔飯名物莫過於坤記 永合成 嚐囍😆3間人面爭永合成未試 因為佢無晚市又唔開星期日😢點知勁中伏!!!!!🫠🫠🫠✨窩蛋牛肉飯 $85+ 飯焦 $10打開煲蓋 無咩香味😵‍💫賣相正常 都多免治牛肉😬豉油係用枱面個樽 唔係平時另上 快餐店都唔會啦😣撈勻蛋+免治牛+豉油味道正常 無驚喜😐刮到飯焦嘅 不過第一次聽食煲仔飯要加$10先有飯焦🫠暫時覺得最好食嘅煲仔飯都係荃灣江湖小棧🥰📍地址: 永合成馳名煲仔飯西環石塘咀德輔道西360號地舖

今次來到西環覓食 見而家天氣有少少涼涼地 經過見到有間茶餐廳有煲仔飯 又見好耐無食煲仔飯 又見到佢有黃鱔飯 就入去試下啦😁係門口大概等左5分鐘 我地未入門口已經決定好食咩 仲已經點餐 而煲仔飯真係即叫即做 大概等左起碼2️⃣0️⃣分鐘先有得食 大家如果好肚餓既話又想叫煲仔飯 真係叫定小食食下先 如果唔係等候過程都幾漫長😂2️⃣0️⃣分鐘過去 🍲煲仔飯終於都到喇 「黃鱔飯」充滿甘香味道 仲有好多黃鱔添 飯好乾身 味道很好 而另一個煲仔飯就揀左「豉汁蒸排骨煲仔飯」整個煲面佈滿排骨😂可能我地揀左唔要飯焦 所以少左一份燶燶地既風味～餐廳除左煲仔飯 仲有其他快餐同粉麵 店舖營業時間係朝早7:00am-4:00pm 大家想試記得留意時間喇😊

飯焦要加錢嘅煲仔飯真係第一次見本身個飯又唔係平上菜時又直接收走個蓋 上菜又慢 成八九十蚊個煲仔飯又唔包飲品味道又唔係好食到值呢個價唔推介 食翻大快活煲仔飯好過 會冇咁嬲The Price is completely unacceptable for the quality Totally not recommended The taste is below average No good no good no good no good no good 講完

I came here on a Friday morning at around 9 AM, and the place was empty. There is no English menu, as far as I’m concerned. As recommended on here, I ordered the 窩蛋牛肉飯. To drink, I got an iced lemon water. The server let me know that it’ll take 15 minutes for the rice. She was really friendly and explained that I could add chili sauce/soy sauce as needed. The food was good, but very simple. It tastes exactly as you might expect: beef, egg, and rice. My total was $98, which I think is a bit overp

永合成馳名於其高性價比，的確今日到來真的感受到其獨特的麵包爐焗煲仔飯😛😛，它讓飯粒分明，火候均勻。永合成以其獨特的麵包爐焗煲仔飯聞名，絕對是一個值得推薦的美食目的地。這種烹飪方法確保了每一口飯粒都保持著獨立分明的口感，同時還能使飯底焦香四溢，給飯菜增添了獨特的風味👍🏻👍🏻👍🏻。麵包爐焗煲仔飯的做法需要掌握火候和時間，而永合成將火候控制得恰到好處，使得飯粒受熱均勻，並保持著煮飯時的完整性。這種特殊的烹飪方法使得飯菜更加美味，😛😛口感更加出眾。永合成的麵包爐焗煲仔飯具有非常高的性價比。他們提供的份量十分豐盛，價格合理。無論是味道還是價格，都讓人滿意❤️❤️。🍳窩蛋牛肉飯：永合成的窩蛋牛肉飯是他們的招牌菜之一😛，深受食客的喜愛。這道菜以香濃的窩蛋和嫩滑的牛肉為特色。窩蛋的蛋黃濃稠，與牛肉的鮮嫩完美結合，每一口都帶來滿滿的滿足感👍🏻👍🏻👍🏻。永合成的窩蛋牛肉飯具有良好的平衡性，牛肉的調味剛剛好，窩蛋的口感滑嫩。飯粒的火候恰到好處，讓整個菜餚更加美味可口。⚡️ 好味指數：🌕🌕🌕🌕🌘🧀️  約700kcal 卡路里/份🥩鳳爪排骨飯：永合成的鳳爪排骨飯也是一道令人難以忘懷的美食。鳳爪鮮嫩多汁，排骨肉質鮮美，

終於等到過到旺季，有朋友係泰國返來，想吃，特登揀吃飯時間前，來試下。1. 窩蛋牛肉煲仔飯，2 .黃鱔煲仔飯牛肉滑而且相當有牛肉味，飯焦好似要加錢（不過朋友請吃，我沒細問價錢），飯焦係脆脆同好香口，唔似我以前係「x街」食既，死實實，咬唔到既感覺，家庭式服務態度又幾好，話自己鋪頭係「咸豉油」，叫我地唔好落咁多，又叫我地小心手,唔好整親，黃鱔真係料足既，但鱔味唔算好濃（可能唔算時食又未定），咸豉油我試左又未算好咸，總括來講，兩煲味道都有啲淡，可能唔中意濃味既會ok . 我同朋友就偏中意濃味啦。