永合成馳名煲仔飯

營業中

休息中

對上一次食已經係疫情期間去西營盤做檢測嗰時，有朋友住港西，話煲仔飯出名。上次飲埋佢地個湯就一直記住！今日難得平日日頭嚟開西環，處理好事務就止渴一下。時間大約1點，午飯時間，店中9成半滿座，我一個人勉強可以安排到座位。樓面有兩位姨姨負責，坐低可以慢慢睇Menu，我就先叫咗一個例湯（有三個size)栗子合桃淮山紅蘿蔔豬骨湯（大HK$30)作為一個湯怪諗都唔使諗就一定係要大，大碗對我嚟講其實都依然唔夠飲！因為煲仔飯係即叫即整，所以都要預10至15分鐘。北菇滑雞煲仔飯（$90）加臘腸（$20）每個煲仔飯都係即叫即整，如果要飯焦係要另外要求及加錢，我就冇加飯焦，其實無咁香口⋯某程度食煲仔飯其實要有啲飯焦夾埋一齊咁先會更香更正。一個煲仔飯計計埋埋都成舊水都咪話唔貴不過唔係成日食，係秋冬天食，所以豪一豪。煲仔飯上枱嗰時姨姨有溫馨提示，佢哋嘅豉油係鹹豉油嚟嘅，叮囑唔好落太多會太鹹。佢係一個合格嘅煲仔飯，但又未去到難忘。