永合隆飯店

營業中

休息中

今天特登去買燒腩肉，由於我吾識分燒肉和燒腩肉便問師傅 邊件系燒腩肉呢？師傅指一指，然後我便要一條骨$130，點知回到家，老公見到話系甲前喎（完全冇肥肉，乾真真）可能條友見我系女人仔吾識就點我！貴吾緊要，但吾好咁吾老實囉！於是我便打電話去投訴，他們仲講埋啲不負責任嘅說話「你吾鐘意可以吾要嘛」「你肯定系燒腩肉才要嘛」我識就吾駛問邊舊系燒腩肉啦！

永合隆的名字，在燒味界來說也很有名，雖然沒有吃過所有的出品，不過最出名的應該是燒肉，幾年前在公司慶典吃過兩次，印象中的燒肉水準很不錯，今天要回家和老人家吃飯，便買了半斤回味一下。半斤的代價不便宜，要１００大元，其實現在香港的物價很高，所以１００元也可能不算太誇張的了。燒肉的皮很香脆，剛買的時候吃了一件已知它的脆度，估不到在兩小時後開飯時間脆度仍不錯，最難得是有肉香，入口又不會太硬太乾，有部份燒肉的肉身層次分明，心中覺得今次的燒肉是值回票價的。

呢間野激發起我專登開個OPENＲＩＣＥ　ＡＣＣ。黎寫食評，　唔明點解可以有咁多人讚！今日ＬＵＮＣＨ TIME 我同同事一共叫左6個燒味飯, 咩燒味都有, 無一樣係好味既, 唔好味都唔緊要, 叫佢少飯唔要雞胸,完全IGNORE 我,我唔介意俾多D錢食D有質素少少既燒味,但唔係俾成50蚊一盒燒味飯都無得少飯呀?? 叫佢俾肥义,結果盒盒义燒都係硬到好似柴皮咁,你俾一兩件頭尾都算, 件件都可以好似拜左三日神咁!連出名既燒肉都係一樣, 好似隔過夜既燒肉!全程態度差,最基本既禮貌都欠奉! 十問九唔應!奉勸大家唔好再食呢間野, 成條街咁多其他野食, 隔壁廣東燒味都好過佢,彷如地獄的一餐!!!

今日公司訂左隻中豬送上門, 香嘖嘖, 師傅即場切件, 皮脆, 肉香, 好有豬味, 半肥瘦,即使放置約1小時, 皮依然鬆脆, 果然明不虛傳, 10個like呀! 中豬果然比乳豬好吃好多! 

今日訂了隻乳豬，差不多1千元，皮係脆，但勁勁勁肥，大部都係肥肥肥膏，真的中招了，好難頂，垃圾桶吃得多過我！所以招牌菜無乳豬，义燒一般，無驚喜，燒肉有味，係鹹味，真係得鹹味，跟白飯一流！

燒肉味鞋、肉韌、皮唔脆有毛、肥瘦不勻 (五舊極瘦、一舊極肥) ；雞雖為新鮮雞、但骨多肉少 ；薑蓉極鹹、油略多 ；飯底合格、不會太硬或太軟 ；切口唔齊、件頭大少嚴重不一甚至未切斷、擺盆相當求其 ；豉油甜味適中，份量合適。整體相當一般，隨處可見，無甚突出之處。

通常每天接孖寶放學時，我都會帶些生果或yoghurt當放學後茶點給他們在車上享用，這天車駛至太子附近，才猛然想起忘記了準備茶點，剛巧經過燒肉界名字響噹噹的永合隆，就買半斤給他們嘆吧。孖寶是食肉獸，有燒肉吃當然喜歡啦:就這樣半斤便要HK$100，很貴耶，但永合隆的燒肉，又真係能做到皮脆肉香，令人食到停唔到口嘅～

日前同朋友講起食燒肉，有人盛讚某酒家嘅燒腩仔幾咁皮脆肉香，幾咁肥肥肉相間，無骨易食，比諸拜神燒肉，優勝百倍云云。聽罷，不勝唏噓，歎現今人既未知靚燒肉嘅標準，亦未聞燒肉界之泰山北斗。感懷之餘，決定去永合隆再嚐燒腩骨嘅滋味。       食燒肉要食燒腩骨，原因好簡單，因為燒腩骨係最能表現燒肉唔同層次嘅美味。外皮燒成芝麻皮，薄而脆;之後半肥瘦肉香滑，油脂香、入口即溶;骨位淡鹹香,骨肉一咬好易分離;最難得係瘦肉部份仍然鬆化，入口無渣，成件燒肉每一部分都處理得好。有人話永合隆，無復當年勇，往昔人龍不再，但我認為，店舖出品無變，而係現今識欣賞嘅人太少，又，只要水準保持，對於真正食家嚟講，永合隆係咪人龍店，WHO CARES?

周六晚上與平日一樣，好多外賣燒臘，堂食更多自由行。1）燒肉保持正常水準，皮脆，肉有碳燒既香味。比一般非碳燒的好很多，脆皮下面的脂肪層也不厚。2）叉燒。已經第二次叫。比上次更差。全部叉燒瘦到一點脂肪也沒有，結果好似食一塊熟到干成一塊，無任何水分的肉。甘都叫叉燒？相像一塊熟透無水分無脂肪的豬肉片，就是這樣。 上次食，交待要肥叉，結果叉燒中間有一丁點肥肉，但也好乾，完全無水分的肉，根本吾好食，這次無特別要求肥叉，因爲上次經驗，叫吾叫根本無分別，睇師傅就手和心情。結果，這次，更差。 甘以爲自己吾夠運，但望下搭台的幾個自由行叫的叉燒，全部與我一樣。真係送比我都吾食，結果他們全部也食剩叉燒。埋單時候，問收錢個貌似老闆既人，夠竟可以吾可以要求肥叉燒，答案如我所料：可以，但要睇師傅有無。 甘即係無咯，睇你運氣。所以，這個店鋪，唯一還可以食的，就祇是燒肉或乳豬。 其他就免提。 不過，全香港都好多燒臘店又係炭燒，又提供非常好食的叉燒。

排隊食燒肉，個店地下好油，由於老爸以前在附近上班，很愛食。今天經過所以一家人去食下。評：D燒肉皮很脆，堅脆，而且肉味鮮不穌，味俾8/10 . 不過＄180一碟，都很貴，五人食一碟加白飯。叉燒真係，又鞋又硬，不好味，而且太健康（太瘦）5/10坐得好唔好，好迫成日有人要搭你台。我們本來5人要分台。後來有四人台走，把我們5人迫進。

全店環境及服務不合格，燒味只有燒肉屬上品(例牌或卖一斤以上)，若叫碟頭饭十次有九次都係俾啲頭頭尾尾(差到無朋友)，啲饭又濕又爛(咁都煮得到佢哋好嘢)！义燒食落口好普通，烧骨好少少，豬脚仔及例湯还可以，以價而論不值！

話說今日又是late lunch，超級肚餓，當然要來點夠份量的方可滿足!是日出太子，永合隆燒肉飯正合心意舊式燒味店來說，其實店內環境已不錯。光光猛猛，桌面、地板乾爽。坐得寬落，不擠迫。若堅持要求現在餐廳級水準，只能說閣下用錯心態來舊式飯店。 點了個燒肉飯(碗)，燒肉量跟碟頭飯是差不多的，只是飯量少些。其實跟碟頭飯只差兩元，不過自己肯定吃不完一碟飯，碗裝0岩0岩好，唔駛做大嘥鬼燒肉質素算是中上。燒肉皮超脆，咬落脆卜卜，間中有些燒肉皮頗硬，要點牙力才能咬碎燒肉醃得入味，就算淨吃肉也能吃出鹹味外、也有少少香料味。肥瘦肉夾雜，所以吃起才不會柴柴的，還留有點肉汁呢。嫌味道單調的話，蘸點黃芥末也不錯白飯 + 燒肉的能量組合，吃罷了，有氣有力處理下午的事務

心血來潮想吃乳豬,剛好看到這家看似老字號......甚麼乳豬第一家!差不多所有燒味類也是一百元一份,真的從未想過雞肝能賣到這價錢.自問和友人吃不下兩個例牌的肉,那唯有點叫碟頭飯吧!乳豬燒鵝飯$45元看似是正常價,但看清楚點卻是一文不值!飯粒偏軟爛連汁都唔多滴,乳豬醬要另外問侍應,問完侍應也沒有回答,只是口中唸唸有詞"拍"一聲把一包乳豬醬扔在檯上便離開,我想如果再問酸梅醬會不會被人咒罵?乳豬可說是被門外有些歷史,寫著乳豬第一家的招牌吸引進來,結果是給這碟飯上的幾件乳豬嚇呆!乳豬件基本上就只是皮層連著半吋厚的脂肪,肉只是得薄薄的一層.燒鵝與乳豬差不多是一樣又是皮加脂肪,還要鹹得有點苦味.明白到單點和碟頭飯是有一定的差別,但也不會去到這種下欄質素吧?環境已算惡劣,整個地板也像鋪了一層油.同侍應用廣東話溝通又帶點難度!

從 幾十年前已經是燒味名店，「永合隆飯店」至今仍然迄立不倒，雖然很多昔日名物今天已經成為期間限定，如比較多人知道的「金錢雞」，或者我的最愛「燒腸」。 「燒腸」情況比「金錢雞」更慘，現在一年也不知道有沒有復活一次，在腸中包著肥肉、潤，再配合蜜汁腸衣的「燒腸」，肥美可口，小時候很愛吃，想不到竟成絕 響。小時候偶爾會跟父親堂食，例湯印象難忘，父親近年要少吃燒味，我亦多年沒到這店吃飯，某天想起，就去懷舊一番。記得以前店內分兩層，如今只有一層，地方仍然草根，服務也很草根，粗聲粗氣態度冷淡是必然。顧客層幾十年不變，雖然一代新人換舊人，仍然以佬為主，沒幾 個女生，當然，我都是其中一佬。不過，永合隆定價絕不草根，在中文大寫寫銀碼的傳統餐牌上，堂食燒味飯基本上要三十多元以上，例湯以前好像是送的(待求 証)，現在要加八元，要了個燒食叉燒飯，加多個例湯，就四十八元，肯定不是便宜！個人小時常吃，覺得此店最好就燒肉，其次燒腸和金錢雞，乳豬再次之，其他不算出色，叫了叉燒是失策！湯先到，十年如一日的菜乾豬肺豬骨湯，清甜而不油膩，菜乾又多又香，雖然是例湯，但絕不是一般燒味店常見的味精加水可比。就算額外收八元，仍然值得

剛巧在午餐的時間經過這所經典的燒味飯店, 算算手指頭已經有差不多十年沒有去過這種燒味店了. 因為看見門口有很多名星的合照, 我想這裡應該味道很好吧!!它比較不像其他的燒味店, 因為它這裡有很多特別的燒味, 例如是金錢雞, 基於健康的關係, 所以我還是吃個叉雞飯好了!!它的例湯真的很有料, 比較起其他的食店, 我相信它真的沒有放任何的味精, 很大一碗只售8元正, 真的是物有所值的!!我真的要大大力的推薦它的叉燒, 真的可以跟我本人覺得全港最美味的比美. 叉燒肥廋均勻, 而且它的脂肪是有爽脆感的, 脂肪咬下去沒有油膩的感覺, 反而會覺得是對廋肉的一點點綴..... 真的是有夠好吃的了!! 我覺得燒味店最靈魂就應該是叉燒吧, 我從小到大吃過的差燒真的很不少, 我覺得永合隆的叉燒真的可以擠身於我叉燒排行榜的頭五名!! 售40元 !!它的menu 上是有很多選擇的, 有些很特別的, 下一次有機會我應該會嘗嘗別的吧!!