永年士多 (寶城洋樓)

營業中

休息中

天氣熱辣辣，還特別由天水圍出元朗吃午餐，一去到還見到一條長隊，本來覺得心情悶熱的。不過，排隊時間不算太久，大概不到半小時吧！入到去，很快找到位坐下，等叫飛拿食物，十分八分鐘吧，就有凍冰冰的凍檸茶及熱辣辣的車仔麵吃。兩個人叫了碗大碗麵，本以為像三哥的夠兩人吃，但原來是不夠的。下次還是要一人一碗。大碗麵，小辣，我覺得不辣，但老公說因為我用小碗吃，沒有盛起太多辣醬的關係。湯底小小甜，好味開胃。入面有豬紅五六小方塊（好吃，有口感）、雞翼尖4隻，雞翼兩隻（魯水的，好吃）、魚旦兩迷你小粒（硬、味道一般）魷魚、菜心（嫩）、紅腸（ok)，米粉加上甜甜的湯底亦是perfect！凍檸茶是滿的，我先喝一口，才拮檸檬。茶味夠，碎冰，加上檸檬新鮮，檸檬茶真的很好喝。冰凍檸茶match車仔麵，真的超正！要再來，一人要每人叫一碗。

今日入左元朗工作，同事都介紹呢間車仔麵，話好出名、好好食。咁我就好有興趣去試下喇。然後我十一點半去，原來未開門，要十二點先開。一到十二點我就行過去，十二點十分，已經排長龍排到咁，我都嚇一嚇。但咁出名，都想試一試，一排就排左二十分鐘。呢度令我好 surprise 的是，原來係採用快餐店模式，先落單然後自己取食物自己找位。不過我今日一個人，所以都唯有捧住去搵位。食物，我揀左唔辣、米粉、豬腸、牛筋、豬紅、流心蛋。唔辣結果有小小辣，個湯都算幾油。米粉正常。豬腸味道正常，但好似有小小拿拿地的味。牛筋不是淋的，係硬硬地果種，不過我唔太岩食。豬紅岩我口味，偏甜，都多。流心蛋，係因為女朋友鐘意食，想試下如果好食帶佢食，但對我來說，呢個比較似一隻普通烚蛋，流不流心真係見人見智，我覺得係熟哂蛋。服務，是不要有期望，未有見到任何同事有笑容，一開工就唔開心了。室內都好熱，本身不是大汗人，但食到流哂汗。坐係店內聽得最多的是 “自己攞”。出菜個店員不停叫人自己攞，我問 “飲品呢”，佢話 “自己攞” (出菜處有好多飲品排住，但客人係見唔到單號的)，但我係飲凍檸茶走甜，我真係唔識搵，所以唯有麻煩佢幫我攞。只係我係度諗

車仔麵係港式食物裏面 一直都係我嘅首選🤩今日嚟到元朗搵食 梗係要試吓呢間係元朗好出名每逢食飯時間都排晒長龍既 永年士多🤩🤩食飯時間 門口有成20幾個人排隊啱啱圍住間鋪頭一個圈😵😵😵大概排左半個鐘可以去到落order 人氣小店來講算合理👌🏻👌🏻三餸車仔麵 連飲品 大概$45 視乎你飲汽水定係佢啲特色飲品我哋叫咗兩碗面 一碗係三寶 豬紅豬皮蘿蔔另一碗係餃子糖心蛋雞翼尖調味相當唔錯 辣汁好惹味 不過偏辣小辣都頂唔順 要不停飲嘢解辣三寶做得好好 全部野都相當入味餃子係自家製 多菜少肉 餃子控表示欣賞 👍🏻依家尖沙咀都開咗鋪頭九龍人終於唔使特登入新界食👍🏻👍🏻👍🏻👍🏻

永年由原本只得元朗一間鋪，開到而家尖沙咀都有，甘以後隨時想食就方便好多啦好耐無梨過元朗鋪，今次照舊叫我最中意既豬腸同埋雞翼，豬腸舊舊都脹卜卜，好入味，份量多好滿足!! 至於雞翼都係大大隻，另外叫左蟹籽丸，味道正常，麵底就叫左油麵，總係覺得食車仔麵最夾就係油麵哈哈另外叫左件咖央多，香脆可口熱辣辣，醬既份量唔少，每啖都食到麵包同醬，正!!

食咗永年好多年，一直都食唔厭，幫襯咗起碼5年，每次去親元朗，都會食番一碗先安樂，今次閒日5點幾，唔算太多人，唔洗等位，正！叫咗碗四寶油麵小辣，有豬腸，豬皮，蘿白，魚蛋，四個餸剛剛好，最正係豬皮，索曬d汁，夠曬入味，食車仔麵，叫個少辣就足夠食到個頭標汗，好彩有叫杯凍奶茶，最鐘意佢用碎冰，好懷舊，茶味夠濃，成個餐食曬，都係50幾蚊，飽飽！而且裝修得幾好，冷氣又足夠，夏天入去涼下冷氣真爽，不過，假日真係好多人，爆曬棚，烈日當空下等位真係會曬到燶！

湯底屬清水完全無味不用講，只吃到餸既油味。我地是比較遲(9:29pm)入舖的，不知他們何時關，但他也是招呼我們入店內迅速落單。到9:30pm他們一野關閘，一野撞了我朋友他肩也沒道歉，只顧一味收舖。到我們一路吃著，他們一味吵著要快快收拾好，大大聲推枱櫈，我們還在吃已經肆無忌憚地掃地拖地，完全造成壓力影響食慾。員工態度奇差，食物質素又欠佳，絕對不會再光顧，亦不想有其他朋友瀨野！

有朋友講過點解車仔麵都要排隊 但食過就知佢足料 湯底都十分入味 係高質既 而且我好鐘意入佢既奶茶或抹茶紅豆冰 食完油膩既車仔麵 入返杯真係好爽！但的確要排起碼20分鐘隊🥺🥺

試過幾次呢間車仔麵，微辣都已經足夠刺激味蕾，加上重味精湯底，的確係傳統車仔麵。是日點咗我最鐘意既白蘿蔔，還有牛筋同韮菜餃。白蘿蔔勁好味，又淋又入味，放咗陣浸下仲入味，連d辣味都浸埋入去，真係超野味牛筋就不夠淋，但都入味，尚算ok,韮菜餃就真係一般，下次唔會再點。再加杯紅豆奶茶冰真係無得彈朋友叫咗紅腸、豆卜及魚蛋，但唔知點解佢d餸份量少得驚人豆卜得一粒半，紅腸有三大片，魚蛋份量就正常。唔知係咪家下d豆卜好貴呢？佢又叫微辣，但成碗都係辣醬，辣到佢呢⋯⋯應該係廚房攪錯咗原本好好地一碗麵就變得唔好了。

今日終於試到呢個勁出名嘅車仔麵排左差唔多半個鐘隊，入到去梗係要食返夠本～啲餸無論係蘿蔔雞翼定係豬腸都超級入味，湯底好濃郁，我仲叫多咗份多士餐奶茶勁香滑！就算要排半個鐘都覺得好抵

永年士多，其實都唔使點介紹，出晒名嘅車仔麵每日都吸引到人喺佢哋鋪頭門口排隊！其實佢啲餸正正常常，符合返佢嘅價錢，不過我今次叫咗中辣，佢哋做得最好就係個辣醬，次次都食到出晒汗，不過好過癮！豬腸一定要食，其他你哋可以試吓，豬腸嗰個口感真係不得了。

#永年食番碗賀一賀佢先☺️絕對係會令人上癮既湯底甜得黎又夠辣！必點 ： 羅白💗豬紅💗豬腸💗入曬湯底陣味，正！豬紅洗得好乾淨，沒有沙羅白好甜又林食到標汗都要繼續食😋P.S. 菜就唔嗌都得～唔新鮮又洗唔乾淨😅評分： 8.8 / 10

話說星期六朝早十一點零鐘嚟到元朗，處理完啲事之後，又未到食飯時間，諗住hea到12點食飯。跟住突然靈機一觸，不如去試下永年士多嘅總店喇。其實呢間餐廳想試好耐架喇，由佢未裝修之前去到而家一樣係大排長龍，每次經過見到咁多人等位都唔使入去 ，望一望手錶，大約11點九，鋪頭都未開門，應該未有人排隊啩。點知去到就出事喇，原來已經排咗一堆人，間鋪12點開門，最後都順利被一輪入咗去。難得嚟到，一於就試過最勁嘅面。十寶大碗麵。一見到碗麵都覺得好誇張，啲餸疊得好高。十寶麵包括左魚蛋，豬紅菜，紅腸，魷魚，豬皮，豬大腸，雞翼尖，雞翼，蘿蔔。豬皮真係好爽好大牙，豬大腸就好入味，蘿蔔亦都好爽甜，真係唔怪得佢有咁多人等位。都係嗰句，難得嚟到，唔爭在試埋佢兩個特飲，綠茶紅豆特飲，綠茶有些少苦澀，但配上紅豆就恰到好處，奶茶紅豆就相對甜些少，兩杯都好飲嘅，就睇下大家想甜啲定還是清啲呀。

在元朗住的個個都認識永年士多，是一間道地的車仔面店。雖則店名為「士多」，但實則店內環境舒適，有時尚的裝橫，不像一般車仔面店般舊式裝修，而且不會過於狹窄。細心之處是，永年士多的托盤，它是防滑的設計，減少打瀉面食的機會。今次吃的是三餸面，盛惠$44，價錢是在車仔面中較高的店。韮菜餃可見到是一粒粒的，不是用攪拌機所弄碎的。而且肉質鮮味，豬肉與韮菜的份量控制得很好。雞翼是用陳年滷水醃的雞翼，非常入味，而且咬下去啖啖肉，不是「細小」雞翼喔。湯底是由老雞、豬筒骨、雞腳、果皮及藥材等熬製出來的，但味道絕不是藥材味，而是偏甜的味道，個人很喜歡呢!配合彈牙的油面確實一流!

元朗車仔面名物永年士多，以前有唔少港島九龍人都會特登入黎食，不過自從永年係各地區開左分店後，感覺元朗總店都好似少人左d，無咁迫。我食開元朗總店，呢晚夜晚黎食，唔算好多人，唔洗搵定位。不過星期日可能日頭多人食，我心愛既豬紅賣晒，於是就叫左豬腸＋菜＋流心蛋油面小辣。朋友就叫左豬腸＋豆卜＋牛根油面唔辣，另外我地仲配左鍊奶多士同檸檬柚子蜜。1. 豬腸＋菜＋流心蛋油面小辣永年既車仔面一向係偏甜，但我偏偏又好鐘意呢種甜甜辣辣既口感。特別推介一定要食永年既豬腸，臭臭地甜甜地，好過癮！菜就係普遍菜心，不過幾新鮮。流心蛋大失望，成粒變左熟蛋，我個人就麻麻地熟蛋蛋黃，同車仔面唔夾。2. 朋友就叫左豬腸＋豆卜＋牛根油面唔辣豆卜幾新鮮，好有豆味，又幾索味下！ 牛根好”林”好軟，都唔錯!3. 鍊奶多士同檸檬柚子蜜落單時我地唔記得左加牛油，剩鍊奶多士，所以失色左d，大家一定一定要加牛油，因為好味度會提升一百倍！檸檬柚子蜜都唔錯唔太甜，通常我同朋友都會share飲品，因為覺得一杯野品都算幾大杯，食完個面通常都好飽，share飲就岩岩好!

五個朋友去食車仔麵，其中兩個朋友入去等枱，企係張枱旁邊，等客人食完，另外三位朋友在門口排隊落單比錢，結果等枱等了10分鐘，排隊落單排了12分鐘。餐廳內人多，出入容易有碰撞，冷氣夠凍很舒服。蘿白超甜，表面有少少綠色。山根軟硬適中。流心蛋很滑。魚皮餃正常。雞翼一般。冬菇可接受。清湯湯底清甜。微辣和少辣湯底均很辣。凍樽仔奶茶16元，香濃幼滑。抹茶紅豆冰15元，大大杯，多紅豆。