永珍越南食館 (已結業)

上星期在花墟買完花，經過呢度就試吓個午餐，我地叫咗咖喱雞飯同埋香茅豬扒飯餐，另外叫咗炸春卷，啲咖喱汁都幾有咖喱及椰汁味，餸飯好好胃口，香茅豬扒都幾香，如果可以鬆少少，仲好！其實我最想講係佢地嘅春卷，啲炸春卷大大條又粗，好多餡料,點佢地秘製嘅酸辣汁包住生菜好好食，好有口感，我自己次次去食泰國或越南嘢，我一定叫炸春卷，之前其他泰國餐廳啲春卷啤我嘅感覺好似是大批預製的，呢間泰國餐廳嘅春卷完全無令我地失望。五十幾蚊一個餐，大大份，我覺得都唔算貴，可以再去食！

呢間越南餐廳係我食過最好味嘅一間， 首先其實我覺得啲嘢食好好味， 所有嘅食物都好有越南嘅風味， 每一樣嘢都好有特色， 咁今次係我同我嘅朋友一齊去食下午茶，一入到去已經見到好多泰國嘅裝飾品， 就感覺自己好似去咗泰國一樣。 啲嘢食嘅價錢好合理， 我同我個朋友食咗咖哩牛腩飯 同埋食咗一碗生牛河， 我覺得咖哩牛腩飯嗰啲咖哩唔係太辣， 啲牛腩好鬆軟。 唔怕辣嘅朋友都可以食 生牛河嗰啲河粉好滑， 好幼。 而且落佢哋嗰啲汁係超好味。正！！所以我推介大家去幫襯

聽朋友介紹，旺角太子永珍越南食館，午餐好抵食，今天我終於有時間去試試食，我叫了一個午餐，雞絲湯河+一杯熱奶茶，盛惠$46元雞絲和河粉都很滑，湯底夠濃郁！價錢非常合理，味道不錯😋，唔怪得朋友極力推介👍👍👍

今曰食咗碗生牛河都幾抵死，價錢46元還有一杯熱飲加上啲河粉又滑.我兩個小朋友都超鐘意食佢哋嘅香茅雞翼飯。搞到啲小朋友成曰都問幾時再去其實之前都去過食，初時覺得麻麻哋，但係而家去食完之後根本就係愛上了價錢唔貴又抵食.推介大家去食，去個度食個午餐都唔錯下次再去幫櫬.

This is not a particularly big store so the spacing in the store rather cramped. The attitude of the staff is okay and acceptable. But the food here is something I would try again. We ordered three lunch meals on the weekend with extra starters. The starters were chicken skewer and spring roll. The chicken skewer was decent and eatable. The spring roll however definitely felt store bought and worse than the spring rolls you could get frozen at the supermarket. I can’t tell whether they made thei

疫情期間買外賣，門口個牌寫住外賣88折，見佢啲午餐都好似ok，落完order點知原來又話午餐係無折，但門口完全無放其他餐牌俾人睇，已經覺得間野感覺唔老實！外賣盒加$1好正常，但原來野飲個杯又要加！另外，星期六買午餐又要每個餐加$6，加下加下其實係完全唔抵食！點知，返到屋企仲發現佢俾錯左杯野飲，真係一肚氣！野食方面，個四寶飯，有扎肉 雞搥 豬扒同豬肉，雞搥又乾又硬，豬肉無味，豬扒好硬，得扎肉係ok...另外有個炒檬粉，啖而無味以後唔會再幫襯！

7月1日我和先生去永珍越南餐廳食中午飯， 我叫了一客越南法包， 等了良久， 阿姐送上一份一看便知是焗得得過火的越南法包。我問亞姐，為何法包咁燶嘅？亞姐想了想便回答說: 濃D！脆D！好食D！我本來無意去換另外一客，但聽到亞姐的回應，實在有D嬲。亞姐見我不高興，就說同我換過一份，不過我害怕被加料，所以沒有換。我唯有將燶掉部份揻去才吃，當然，法包很硬、很乾、很難吃！之後亞姐仍继續和其他同事討論關於法包的事，感覺非常差！

年初三仲有好多地方冇野食一路由深水埗向太子方向行條街都係靜英英行到太子見到呢間野有開 而且入面都坐滿人 咁就入去去試下兩個人想簡單食 所以就冇嗌到好豐富只係叫左一飯一麵香茅豬扒飯豬扒都幾嫰口 唔算好油 醬油有煮過所以唔咸 豬扒嘅味道就同外面食嘅差唔多 其他就冇乜特別炒金邊粉味道還算可以 不是我想象中甜甜的 配上花生粒 同幾隻蝦 仲有蛋絲芽菜同葱 材料都幾充足餐廳環境就一般 我地坐二人枱 著左厚褸其實有點迫 但整體環境都算乾淨 服務態度都幾好

餐廳勁多大象🐘裝飾品，高高矮矮放满收銀處，又幾靚、幾有有特色㗎午市套餐：牛肉撈檬+熱咖啡 $52無論係檬粉定餸嘅份量都幾多，牛肉舖满成碗咁滯😅原本呢個餐包埋餐飲都只係$46真係好抵食。可惜星期六、日要另加$6，馬上變得無咁抵食😕豬頸肉撈檬 $56我本身都唔太飲跟餐飲品，而且假日嘅套有額外收費嘅關係，我發現散落單對我黎講仲抵食，所以我索性散叫，可以order我想食嘅豬頸肉撈檬粉。份量同樣多，而且豬項肉爽口得黎仲好入味，我覺得比牛肉撈檬仲好食呢😏

🔹越式炒飯($52)一上枱真係呆咗，點樣越式？加三色豆、臘腸等於越式？而且料得好少，好似炒白飯咁，52蚊加一，唔掂喎。好彩調味夠，肚餓都係食哂。————————————————————🔹香茅豬扒撈檬($56)呢個豬扒炸得有啲乾，但好彩佢夠厚度，唔係就變紙皮。檬粉份量好多，但墊底的生菜青瓜得幾條，檬粉汁亦唔夠，問佢拎又黑我面，不過未夠林X塊面黑。

同朋友喺太子打完泰拳，行入附近啲橫街搵食，見到呢間餐廳個餐牌幾吸引，入去試吓。雖然個名係越南菜，但係餐牌大部份都係泰國菜，兩個人帶咗幾樣菜式share試吓。海蜇芝麻雞沙律：諗住係沙律，份量意外地多，好好味，雞好入味，海蜇做到好爽脆。唯一係用得太多油，食到底有一小碟油，下次可以叫佢小油。咖喱（豬）：亦都係好大鍋，另外叫咗碗白飯送。豬肉係薄切，份量唔少。不過啲咖喱唔夠稠，掛唔到上豬肉。芒果糯米飯：芒果好甜。糯米飯熱辣辣，可惜係啲飯煮得太耐，腍左，冇咗糯米飯獨有嘅煙銀口感。有啲可惜。

朋友話花園街有間泰國菜唔錯，點知行完成條街都搵唔到，原來係永珍，佢係一間餐館開二，一邊越南菜，一邊泰國菜。嚟得食泰國嘢點少得叫涼拌鳳爪、生包菜、春卷吖，叫埋傳聞好得嘅木瓜沙律，再加個炒粉，幾個人夠晒數。鳳爪好爽口，春卷、生菜包不過不失，木瓜沙律真係唔知佢好食在邊🙄食食下覺得唔對路，自問唔係鐵舌，但可以估某個餸落咗好勁味精😭就算一邊食一邊狂食茶，但食完餐飯個口都係勁乾，離開餐廳後再買咗支500ml飲晒都搞唔掂☹️真係無下次

呢度係食越南野嘅我就叫咗個火車頭湯粉湯粉就比較多洋蔥味而牛肉就啱啱好另外叫咗烏頭魚 味道都唔錯咸咗啲可以接受嘅同埋亦都叫咗個小食煎扎肉 上菜嗰陣時仲熱辣辣所以都算幾新鮮

逛完花墟找地方吃下午茶，一向愛東南亞美食，所以走進永珍。永珍是越南食館，其實店內除了有越南食物，也有泰國食品。是下午茶時間，點了個牛肉凍檬和熱檸檬水。凍檬製作簡易，加上店內除了我，只有一桌顧客，所以食物火速上桌。很多店的牛肉凍檬，牛肉是乾身的，這店的牛肉則不同，是有汁的。汁很好味，但牛肉太柴了，可惜可惜。凍檬配酸汁一向好味，這檬除了酸汁還有牛肉汁，更美味。這店較狹長，不過仍坐得舒服，裝飾帶越南風味。

路過花園街一帶，感覺有點肚餓，於是找找有什麼合心水的食店。這一帶都有很多食店，有點花多眼亂，走過此店，有越式粉麵，天氣有點熱也不錯的選擇。不知是否時間關係，店中沒什麼客人，這也不錯，可以隨坐下。店內裝修也不錯，很有越南風格，坐位也很舒適。看看下午茶餐牌，選擇了扎肉雞肉湯河，清明節假期，所以會加收費用。不用等多久，食物及飲品已經送上，該是當時只有我一個客人。凍檸檬茶，檸檬不知是否有意，一片一叠一片，是個幾何圖案，然而這種高身杯有點懷舊，已很久沒見過餐廳會使用，凍檸檬茶的味道一般，不太突出。札肉雞絲湯河，清清的湯底，味道濃中帶點鹹，雞絲吸收湯汁，味道尚可，但肉質口感過老，扎肉反而很特別，有濃香胡椒的香，河粉也很普通。水準平平的越南粉，而且還要在假期加收，說實在有點不值。