永華麵家 (已結業)

2018年6月30日晚，一心諗住快將結業，和後澳洲返港推薦一起去嘗試這間老店， 晚間氣溫30度，在店舖外排了30分鐘隊， 女店員不耐煩地催促落單，算數！！叫了3碗 桑寄生蓮子蛋茶 冇特別 諗住叫多一碗雲吞麵三人分享 ，怎料，店內男職員強烈譴責，話糖水碗不可以用嚟食雲吞麵， 我問他理由， 他說因為雲吞面有油，不可用糖水玩食； 大佬呀，我又唔係你屋企人，我點識分你邊啲用作什麼用途呀！ 其實所有用過嘅碗，都需要用洗潔劑清洗啦！ 仲話光榮結業？！早啲結業啦！

今日難得過海去會展睇下展覽，又記得之前睇到灣仔又有一間老店要準備執，所以就特登黎到呢度朝下聖，唔係過多2個月就冇得再食。等候永遠係辛苦嘅，雖然我去到係3點半，唔係食飯時間，但都有條人龍，排左半個鐘先入得去坐，仲要我係一個人，如果唔係仲要等。其實唔洗睇餐牌，我已經諗好左食乜，一定係試下佢嘅招牌雲吞麵，同埋外賣2碗陳皮紅豆沙番屋企孝敬兩老。落左單都係漫長嘅等待，外賣紅豆沙好快到，但堂食嘅雲吞麵我等左足足半個鐘，都有人因為等得耐而鼓譟。但我心諗，你黎到呢度應該都預左啦～雲吞麵一黎，我就諗，啲雲吞呢??原來喺晒底，粒粒都好透視，見到就想食啦！啲蝦又大隻又新鮮，食到我耳仔郁郁！回家食左紅豆沙，其實即刻食一定係再好食啲，不過啲紅豆沙真係好細滑。價錢係貴架，但一次半次，而且過左8月就冇得食了，點都抵嘅。

好耐無去永華麵家,平時都會去食晏晝,最近聽到佢哋即將結業,所以特登盡快返去食飯返一次。佢哋出名手打竹升麵,可能都係香港最後一間,竹升麵手打很彈牙,有很香的麵蛋味,雲吞同平時一樣細細粒,大隻蝦,皮薄餡靚。每次食親呢度啲麵我都會飲晒啲湯,因為真係好濃好好味,每個雲吞麵都唔少得韭黃,佢哋當然有落啦。另外最鍾意嘅係佢哋擺喺枱面入滿曬,用透明碗裝住嘅自家制酸蘿蔔,任食唔嬲非常開胃。另外佢哋嘅紅豆沙陳皮一定要試,陳皮很香糖水煲到起沙,很香濃,很好吃。

好耐冇去永華，今晚在演藝睇完表演，特登行過去， 為的當然是傳統美味雲吞麵。但不吃猶可，一吃就勁失望！！首先，麵質又乾又硬冇彈性，而且色澤灰暗冇光澤，麵條直徑比正常粗1.5倍， 我以為浸水發脹咗。大佬，我想食嘅係銀絲幼麵，唔係廣東梘水麵餅！第二，湯底淡左冇蝦和大地魚味，第三，碗麵嘅賣相不知所謂，好似一堆雜草，亂成一團！睇埋麵檔師傅做麵手勢，我以為佢係喺街邊大排檔做車仔麵呢！唯有雲吞尚ok。加上伙記態度又一貫咁差，賣$46一碗呀大佬， 唔係畀啲咁嘅貨色人呀！好明顯老細冇心機做，不如摺左佢啦，唔好破壞香港人對永華幾十年嘅印象！！（ 失望到冇心機影相添）

This noodle shop is located in Wan Chai, with a long history making the traditional wonton noodle, starting from 1950, and until today still insist in making the noodle on their own, using the original method of 'bamboo kneading', where the master sits on a thick bamboo on one end, and through the up and down motion of the bamboo to knead the dough. The noodle thus has an extra chewy texture and bite.The decor of the restaurant is rather dated, and maximizing the space by cramping as many tables

一間老字號灣仔永華麵家，以往超好味嘅南乳豬手麵，一直特別喜歡，差不多每星期都去食一次，由其係蓮子桑寄生蛋茶，但....今日已經不同往日，大失水準，豬手雖然炆得很林，但豬手無味，汁液水汪汪，撈麵完全冇味，麵質唔爽好硬，寧願另外加＄5要多一碟蠔油也無法吃下！連糖水都已經沒心情再吃（最好笑係見到坐隔離位的一對大陸客食撈麵都要落豉油😂）真的很失望😓，因為好多類似這些嘅好味老店在香港已經少之又少！所以真的希望不要只為大陸客而做生意，重量不重質，而忽略了我們這些香港客！

分量當下午茶還可以，晚餐來講太少了，面很硬不是爽口，湯底還可以，價錢相對太貴，在澳門要找一檔比他好食及平的雲吞麵，選擇多很多。最重要是態度不太好，畢竟出了名的店號有性格是正常的，但我們也可以有其他更好的選擇。

呢間麵店我成日都經過，但就從來冇入過去食，今日冇嘢做一個人入去試吓睇下佢咩料啦（感覺好似係老字號嘅店舖）入到去幾多人冇乜位，我叫左個鮮蝦雲吞麵你試吓，個面好爽入口冇鹼水味，雲吞D蝦幾新鮮爽口，個湯青得來感覺唔太重味精，總括嚟講值得一試

天生一個為食鬼…隨左腦裏面時刻都想住同食有關o既事...見到 / 食到美味o既東東固然興奮...而更開心莫過於仲有堆…同你一樣咁食得又願意陪你食o既知音…人!!午餐過後…人在灣仔街頭…老友就話附近有間出名雲吞麵家…提起雲吞麵, 就想起麥文、麥奀、劉森記、黃枝記等…《永華》嗎??...真係吾知添!!...好啊!! 又見識多一間…最喜歡體驗多點啊!!老舖一間…坐位窄窄密密...賣點係保存傳統竹昇麵製法…所以主打各款湯麵、撈麵…及一系列中式糖水…單單咁都密密寫滿一張A4 size菜單…嘩!! 四十四蚊一碗細蓉?? 係自己太大鄉里了嗎?!...都無謂多想…就4碗雲吞麵吧!!...粗、幼麵同價…吾知由邊位飲食界高人先講起o既…麵都似要講求夠爽夠彈…才為之佳品…當然亦冇添加沒梘水味 , 用鴨蛋什麽的…永華o既麵嘛...當然沒食出感覺低級o既梘水味…而且真係爽..but好爽係咪等於好味…個人尼講其實就吾十分認同…自己反倒喜歡略帶軟身o既麵…所以只可以話要欣賞同尊重一份傳統手藝而已…湯頭也可以...雲吞著實吾出色!!...見識過就夠!!...吾特別想大力推介囉!! 乾竹昇麵想買走也可…一個$25!

永華麵家是灣仔區的老字號，比我更早出世曾獲米芝美譽，以傳統竹昇雲吞麵聞名。是晚在演藝學院欣賞完著名歌舞劇«Cats»後，已是晚上十一時，以音樂慰藉心靈後，當然也要安慰一下早已咕咕響的肚子。店內裝潢古色古香，今日一試「玉液銀絲」是否當之無愧。除了麵食外，還有滋潤糖水如桑寄生蓮子茶、銀杏腐竹雞蛋、桂花蓮子羹等。不過價錢有點離地，雙拼麵食竟然索價$68 !撈麵更要$80! 但天價仍無損食客品嘗傳統美食的雅興，宵夜時份依然坐滿食客。跟香港其他有名氣老店一樣，侍應姨姨們的態度不太友善，面無笑容，確實扣分點了雲吞根腩麵 $68一看湯底顏色便知道是真材實料熬製的高湯，味道濃郁帶點黏稠感，略嫌過鹹。這裡的麵條是竹昇手擀的，口感比起一般的更加實在彈牙，師傅煮麵時間控制得剛剛好，是我喜歡的韌度膽粗粗要求姨姨提供蔥花，幸好沒有被白眼配料份量意外地多! 牛根牛腩夠淋入味，鮮蝦雲吞按傳統做法放左最底下，竟然有五粒雲吞! 味道也不差，吃得很滿足雖然永華的麵食質素有一定水準，傳統手製竹昇麵有其珍貴價值，可惜價錢會令一般人有所卻步，不過服務態度是可以首先改善的。

失望😞同之前既味道已經不一樣叫左個雲吞麵面質有啲怪 好似有啲似橡筋湯底唔夠味 好似無左啲虾子係湯入面雲吞就ok既我應該不會再來了 以一碗雲吞麵50蚊 真的不值如要食雲吞麵 我會去鵝頸橋下面食x仔記 深水埗劉x記

食，每個人都需要，好像我咁，一天四餐也不為過，超級為食，但能找到一二間有感覺的餐廳其實都幾難，我自己比較喜歡食面，東南西北的地方面店，我都去試下，永華是我喜歡之一，每隔幾個月就來吃一頓面，大多數係豬手面，今天因為要到灣仔做嘢，專登來食，但發現面的鹼水味太重，湯底改變，豬手過於硬同之前比相差很大，有點失望！我最大的失望是失去兒時的滋味。

今晚六時多進入這老字號，叫了 一碗雲吞麵， 面質感強及有咬口，可能是我心急，面在食道裏面，不上不落，好像透不到氣， 眼淚也出來。立即叫落單姐姐幫我拿一杯熱茶，她說六時候是沒茶。天呀！這裡買$44一碗雲吞麵， 居然可以話没茶！我心想我可能就嚟會死在這古老的店舖。我用力拍打胸膛，眼淚流出來及飲曬所熱湯水。 好彩我真的死不去，所以立即打了這文章给各位友好。如果你們要晚上來這有名老店，敬請慢用雲吞麵，因為發生在我身上的事情，也可以發生任何人生上。

傳統的麫家已經不多了，而且永華麫家開了幾十年，能夠屹立而今，已經好厲害👍🏻有些人會覺得現在無以前咁好食，有些人覺得同以前一樣，香港的舖租越來越貴，開到現在已經好厲害！大家喜歡重質不重量？定重量不重質？外面好多雲吞麵的雲吞超大粒，多蝦，我心唸不如吃蝦餃😂永華雲吞麵用的竹昇麫，吃的時候好彈牙爽口，而且無鹼水味，雲吞在麪底，我吃完麪有少少飽肚感再吃雲吞😂飲埋湯剛剛好！男士們可能要吃2-3碗至夠飽！價錢四十幾元一碗，值得一試！

以前住灣仔就在永華旁邊，經常去吃。印象中老闆娘對員工非常好，經常請她們吃下午茶。我每次去最期待的就是每桌上放著的醃蘿蔔，隨便吃，非常爽口。餛飩和水餃還是一樣好吃，老闆娘說是祖傳秘方包的。牛腩始終是味濃肉嫩，再多也吃的完。但是面卻存在品質下降的嫌疑（可能是個人感覺），比以前的口感差了一點吧。最近去都有這樣的感覺。總體感覺，當點心去吃還是挺滿足的。*注意他們的價錢會愈來愈貴。而且上次去醃蘿蔔不見了。