永華麵家 (已結業)

多年來，聽聞永華麵家竹升製麵有名。終於下班後一試｡果然回味到小時吃麵味道。麵無梘水味，有嚼勁｡看過食評說麵太硬，可以理解。因一般麵家不是竹升打麵，吃日本麵還可選軟硬度。永華造的是傳統味道，太年輕一輩可能吃不慣。我先點雲吞麵，肉蝦分量是剛好的，蝦夠鮮甜｡再點水餃麵做對比，自覺雲吞麵好吃｡服務屬家庭式，不愠不火｡剛巧有日本熟也特意帶朋友來吃雲吞麵及牛腩，證明這老店可屹立多年的原因，再者竹升工藝快失傳｡誠心期望其他老店可如永華，會繼續有新血接上，薪火相傳。

多年來，聽聞榮華麵家竹升製麵有名。終於下班後一試｡果然回味到小時吃麵味道。麵無梘水味，有嚼勁｡看過食評說麵太硬，可以理解。因一般麵家不是竹升打麵，吃日本麵還可選軟硬度。榮華造的是傳統味道，太年輕一輩可能吃不慣。我先點雲吞麵，肉蝦分量是剛好的，蝦夠鮮甜｡再點水餃麵做對比，自覺雲吞麵好吃｡服務屬家庭式，不愠不火｡剛巧有日本熟客也特意帶朋友來吃雲吞麵及牛腩，證明這老店可屹立多年的原因，再者竹升工藝快失傳｡誠心期望其他老店可如榮華，會繼續有新血接上，薪火相傳。

上次試左紅豆沙，的確幾高質，今次黎試呢度既生磨合桃糊，餐牌有個推介公仔，又比紅豆沙貴左10幾蚊，心諗應該會更好食，點知味道真係好一般，其實睇得出佢係真材實料，都夠稠身，但係唔知係咪處理手法定係合桃自身問題，都冇合桃香，亦都食唔出合桃味，加上佢冇落糖咁滯，食落係超淡，唯一抵讚係佢同上次碗紅豆沙一樣夠熱，但味道完全唔及海記合桃坊，價錢又唔抵食，呢度既合桃糊冇下次但下次經過都會再食紅豆沙既！始終個紅豆沙真心好食！

對上一次來是3年！3年以前，我都常來的，最中意水餃湯麵，我係連湯都飲埋的。 曾經一個雲吞撈，那股豬油味，我成日記住，豬油撈麵真的好香的。然而最近再來，食水餃撈，啲麵係幾爽嘅，但過硬。無乜碱水味，最重要係我最愛嗰股豬油味，已經無咗？好在碗湯的味道還在，同胡椒粉都好係靚貨來。我其實真的好中意碗湯，好想要多碗的。水餃就比較濕，夾起好易爛，笋好少，几乎食不到笋味。同樣的食物 太子興記保持傳統。當然，麵質都係呢度好些，如果唔好再咁硬的話。

早就看過梁家權對永華的食評，說永華的紅豆沙是全港最正的陳皮紅豆沙，今天慕名一試，的確很高質但說是全港最好吃的就有點名過其實。一端上來感覺很稀，但吃起來啖啖起沙，很滿足，而且每口都有陳皮香，清甜不會過於甜膩，最重要的是夠熱，端上來一直都是冒煙的，令整碗紅豆沙吃起來很香。個人偏好軟綿的紅豆沙，如果更濃有粒粒紅豆的口感就更佳了！ 總括而言，紅豆沙整碗起沙很香很高質，值得一試！

香港老字號的麵店不少，但灣仔地胆麵店，永華麺家一定入圍。早幾年來過一次吃宵夜，當時三五知己一邊吃一邊飲汽水，不知幾快活，麵嘅味道也不太記得。多年後的今日，一個週末，又試下在這裡吃碗麵。這裏的佈置非常舊式也簡陋，見佢舊式，一定會諗老闆一定很着重食物品質多於佈置環境。兩個人叫了一碗雲吞麵及一碗水餃麵，自製成為雙併麵，可惜麵質平平無奇，水餃和雲吞也不出色，更糟糕的是碗麵實在太細，吃完還要轉場吃甜品填填肚，我吃完麵仔細諗一諗，這間麵家究竟有什麼過人之處呢？ ！

從末吃過咁難食的雲吞麵，D麫好硬睇落似像筋、湯底無味，吃雲吞時淨係吃到大大塊的瘦肉，簡直係破壞香港美食天堂的美譽。任何一間麪檔都好食過它，唯一的優點是無皂水，所以有少少餿味。

叼，D面硬到呢，咩事？好似未煮熟甘。而且，湯水，真係無以前甘靚啦。唉～我唔想同呢間野say goodbye呀。而且D招牌雲吞都差左，呢間野究竟咩事？究竟咩事？換左師傅？

雖說現今百物騰貴，但$44吃一飯碗大小雲吞麵，真的有點貴，吃完一碗後，個肚還七上八落，只得半飽！鮮蝦雲吞麵（$44）雲吞麵是竹昇壓製，都很爽滑彈牙，湯底有大地魚湯的味道，雲吞不是蝦肉混合豬肉碎，一碗有四隻，但個人感覺不太爽口！重點是份量偏小。桑寄生蛋茶（$33）吃完一碗雲吞麵，真的未夠飽，唯有來多個甜品，桑寄生蛋茶，本來想試桑寄生蓮子蛋茶，但太貴，要$47！桑寄生糖水不太甜，帶有點點的藥材味，加入一隻浸得黑黑的雞蛋，和上環源記的桑記生茶同樣出色。最後埋單$77，好似仲未飽！門面貼滿米芝蓮海報和飲食推介。店內貼了竹升麵製法的報導。

I have been here few days ago, the seats are not comfort and it's full of tourists. I order a wonton noodle, the egg noodles are slightly over cook, the wonton are good. When they served the noodles, the noodles covered the wonton, which is the right way as this will let the shrimp taste to spill out into the soup. Over all the wonton is good, noodles is soso, the soup is soso too. Worth to try but don't put too much expectations.

去完書展, 已經夜深, 係諗唔到邊間餐廳仲有開O既時候, 又去左永華麵家食宵點知一入到門口, 就話冇哩樣冇果樣, 有D 失望, 諗住食個雲吞麵, 冇雲吞! 好啦, 食牛腩啦,   又冇根腩 可能已經太夜, D野賣哂,   其實本身仲想食蝦子撈麵, 入到去睇餐牌先發現要成$80 蚊, 已經OUT-BUDGET 唯有食水餃麵同埋豬手麵, 坐低等麵果陣, 諗住有D 酸蘿蔔做小食, 記得以前好似就咁放係台面, 我地又唔好意思問  感覺又爭DD 麵食落硬左小小, 但講唔上係彈牙, 好似又少左D蛋香味, 同上次食唔係好同湯就淡左小小, 冇乜蝦子, 同上次食又唔係好同不過水餃有三粒, 豬手又夠味, 爽口, 總體黎講都合格O既

今日中午剛巧經過灣仔，終於有機會一嚐永華的雲吞麵，一點多，店內還有一半客人，部分更是慕名而來的遊客。四十多塊，一碗小小的雲吞麵。麵，吃得出是手打的，吃起來比其他吃到的更彈牙，也能吃到一點蛋味。湯底，嚐不到大地魚的味道，鮮味亦不突出。雲吞，有四粒，大小適中，但蝦唔夠新鮮，反而胡椒粉味較重。值得一提，是很少在雲吞麵店見到的小食醃蘿蔔，反而幾好，很爽很甜。總結，用這個價錢，我個人會期待一個更好吃的雲吞麵。

因地點和時間關係，已有很多年沒有再到過永華麵家了。印象最深刻的是它的蝦子芥蘭，真的從沒有吃那麼香嫩的芥蘭，但價錢真的不便宜。最近，原來家人去吃過，對它的麵和糖水，讚口不絕。上星期有一個晚上，剛巧我去了灣仔修頓球場附近辦點事。之後，已到了晚飯時間，我正在不知找些甚麼吃的時候，想起了永華。於是，便決定一於去尋回它的味道和試試它是否如家人說的那麼棒!就這小小的一間麵家!鮮蝦雲吞麵，盛惠42元啊！如果要撈麵，那就盛惠75元了! 真的是非一般的價錢!我點了碗最基本的鮮蝦雲吞麵。再加一碗桑寄生蓮子雞蛋茶。先來的是鮮蝦雲吞麵，雲吞有4至5粒(不好意思，記性不好，忘記了)。第一口當然要嚼它的麵。嘩! 真的不得了! 很好味啊! 十分有嚼勁，彈中帶爽! 而且，還沒有一點鹼水味! 湯底有很香的蝦味，濃淡適中！主打竹昇麵，果然名不虛傳！這蛋桑寄生蓮子雞茶，單看其顏色已感覺到材料十足！ 味道果真是真材實料，夠濃！完全沒有丁點苦澀味！蓮子份量夠，亦夠鬆化！ 這蛋桑寄生蓮子雞茶，是我吃過最好吃的！

本來想輕鬆的進去吃下午茶，見到裹面有個老人家坐著，問佢有冇人係對面坐，佢話你見到冇人就坐啦，唔使下下都問既。咁我講句唔好意思啦。點知佢就開始係到話人，先講完隔離有個男人已經問佐一次，開始又話自己唔係服務生，做咩唔問佢地，又話人冇禮貌，話搞到佢火滾...痴線，問坐唔坐得低咋喎，你發咩脾氣啊？我開始唔理佢。之後叫佐碗豬手麵，食食下我都冇佐回事。點知，佢食完碗麵再叫其他野，就話唉都係坐係隔離，廢事見到對面食豬手咁難睇。咩料啊你，你自己見人唔理你就發哂老皮，好地地食緊豬手關你咩事？（超斯文）真係痴線ga。店係搭抬囉，你咁唔鍾意咪唔好係到食囉，你大哂而家？ 跟本一早就唔想人搭抬，話多幾句想人受氣，人地唔採佢就老羞成怒。這個老人家完全影響了我對這家店的評價。我食完就靜悄悄的走了。不會再去這間店了。食物的質素也不是特別的好，很多時不是食物好唔好味咁簡單，服務態度都好緊要。總言之，不要以為自己是熟客或長輩，就可以亂發脾氣要人聽你脾氣，品格低劣！

1950年開業，有名的傳統竹升面店，連續多年的米芝蓮推薦店※南乳豬手很嫩滑，真的好味!8點就賣光!※竹升面看個人口味，我朋友喜歡彈牙，但我覺得它很硬※我不大欣賞它的傳統的蝦肉雲吞70年舊陳皮红豆沙31元價錢还好，雲吞面42元單拼有點貴，但双併65元就非常貴了。所以就點了只差10元的撈面（南乳猪手撈面75元）它是美味的，所以這種價錢还天天滿座。 ​​​看似不全是遊客，再加上灣仔好吃傳統面店不多，所以它还是有捧場客的!