永華麵家 (已結業)

This should teach me again to take Michelin guide on non-French food with a heavy pinch of salt.  I was fortunate to get a seat as a single diner as soon as I walked in because the place was pretty full at 9pm on a Monday evening, quite a few groups were waiting to be seated.  I was unfortunate to be stuck behind a big group of mainlanders ordering a lot of food, so that my wonton noodle took an interminable 20min to arrive.  The noodle itself was quite hard upon the first bite, rather different

從差不多四十年前已是街坊常客，到長大後搬離當區繼續返回幫襯，從近十年麵的水準，加上價格同質素的反差擴大，讓我不太再有很大的動力再回來光顧的了。我心中的鄰居老店，祝好運吧！

來永華必點的鮮蝦雲吞麵一碗42蚊價錢偏貴，但是麵底質素高麵質爽，是竹昇壓出來再煮耐一點會更好，因為麵有點硬湯感覺很清，少油值得讚賞，不太咸喝完也不會口渴湯有少許蔥花及韮黃雲呑有五粒細細粒，一口就可食完味道一般，皮雖薄，蝦也爽可惜胡椒味過重扣分餐牌下次再來落單後好快就有得食服務不差

我都算係常客，不過今次麻麻地。蝦子雲吞撈 – 麵底與蝦子份量以這價錢來說很少﹐三趴兩撥不用數分鐘已把整碟吃光。因蝦子數量極少及在麵底下大量豉油的關係﹐因而蝦子本身的鮮味被鹹鹹的豉油蓋過﹐唯一不錯就是咬落彈牙的麵質。 雲吞一共六粒﹐像手打蝦丸一般大小﹐內裡餡料沒有撈上蝦子﹐只有細細的蝦肉。

去到好多人，等足20分鐘，人到去位又少，伙記又冇禮貌，叫個麵，吹足三次，等足半個鐘，原來留單，浪費時間，最後食完，原來得個名，吾好食，但又學人收得貴！一定吾會再去

老公說這家店榮獲米之蓮推介一直很想帶我來一試所以這次完全是慕名而至我點了鮮蝦雲吞麵($42),,老公則點了南乳豬手麵($46)看到價錢,,再看看同枱食客的麵的份量份量就是普通飯碗的份量就試試是否真的值這個價吧!雲吞麵的湯底濃而甜麵質爽口,,沒鹼水味!!雲吞內的蝦肉也算大隻彈牙南乳豬手麵較好吃豬手炆得很諗,,而且有很香的南乳味!!不過這麼貴的麵,,試過就夠了~

平時返工多數帶飯，好少出街食，所以我只會係星期六返半日收工之後去覓食而今次我就揀左米芝蓮推薦既永華麵家平時食完飯出去行都成日經過見到門口貼左好多相同專題報道 而且我都好耐冇食手打竹昇麵，於是決定一試由於當時都係12點未到食飯時間，所以都係半滿於是就叫左碗雲吞麵同一枝忌廉問題就黎啦：初時都覺得叫枝忌廉都唔係好貴，頂多都係10蚊左右，嗌左先發現呢度賣15蚊....OK，咁當我冇睇清楚，但係驚喜一浪接一浪。未黎之前我已經爬過文知道呢度既麵出哂名細碗，但未到現場親眼見過都唔知會咁震撼，仲細過我對手（FYI，我伸到最盡都係岩岩到彈到鋼琴8度）FINE，我一於試下碗麵係咪真係值42蚊。先試湯底 - 永華聲稱湯底有用鯊魚骨熬製而成，咁的確我係飲到同平時常用既大地魚湯有少少唔同，飲到鯊魚骨味，算叫合格。之後試雲吞 - 雲吞係永華其中一樣招牌，唔算非常大粒（大概一粒湯圓左右咁大），冇咩驚喜，叫做好自己本份。冇錯，呢兩樣野算叫做不過不失，不過我唔覺得值42蚊。最後食埋個麵，我覺得比20蚊都叫多。點解？完全唔彈牙、麵條極硬好似未熟透咁，唯一一樣做到既就係冇鹼水味，亦係手打麵既最低要求。或者可能因為岩岩開鋪做

雲吞麵:佢D 麵質比較硬, 同出面好唔同, 聽番人講, 原來是人手打的, 佢就算一路浸在麵入面, 都一樣唔會林, 好搞笑, 不過個人覺得硬左D LAW, 不過幾有咬口GE。 雲吞細細粒, 多數是豬肉, 都OK LA。炸醬麵:炸醬辣辣地, 醒胃, 不過無特別, 麵質一樣係好硬果種。不過可能出名, 又在灣仔大街上, 所以價錢差不多是普通麵家的一倍啊

星期六晏晝，出去食個late lunch, 諗嚟諗去，唔知食乜好，見到永華有桑寄生茶，即管買嚟試試，話哂對女性有益，外賣價四十幾蚊，齋糖水，好似''寡'', 所以叫多個蠔油蝦子撈麵，七十幾蚊。先試個麵：份量足，蝦子足，蠔油唔太咸，整體好味桑寄生茶：一打開個蓋，好香，飲落足料濃厚，整體正，值得一試唔好嘅地方，當然係價錢略貴，服務員態度一般之下，唔係好，咁又唔係好衰～過得去～可能係老店特色～一試無防

細細個就食佢，這間鋪我未出世已經有，一代傳一代的竹昇麵，遠近馳名，今日到灣仔工作經過，就決定去回味一番，蝦子芥蘭，芥蘭爽甜，蝦子很香配在一起感覺就係高級菜，其實好想叫蝦子柚皮，但見到120元，所以先叫蝦子芥蘭頂住先，永華麵家的麵係唔易整，但餐牌所有食物都好貴，其實心裏面係咪過份左，當日我叫左雲吞麵，覺得42元一碗，仲好細碗，我雖然係女仔，都覺得唔夠飽無可口非其他店的麵無得比，夠幼夠煙韌，彈牙，雲吞夠皮薄，應該自己搓的，而裏面的蝦和豬肉，味道新鮮，不是急凍產品。醃蘿蔔一直我都喜歡食，酸酸甜甜好開胃，以前係大大粒的，現在切到超細粒，約1cm大細，而且係唯一免費食物，細細粒食左都唔覺， 我懷念以前大粒的時候，另外再叫左支可樂，樽裝可樂15元，禁樣一個人午餐就成9X, 其實真係貴左，但因為除左好食，回憶係無價，係這裏食麵，我相信好多人都是以前來過，佢的價錢包含左大家回憶。

經常經過呢間餐廳, 今日第一次幫襯。見佢話自己係米芝蓮餐廳, 又貼晒d名人合照, 應該有d水準的, 有少少期待。一坐底叫左鮮蝦雲吞面, 然後試下檯面放住嘅醃蘿蔔。醃蘿蔔 - 個人覺得酸左少少, 鹹左少少, 唔多啱口味。鮮蝦雲吞面 - 個面一d都唔淋, 但都唔爽, 而係好硬, 好似未煮到咁。鮮蝦雲吞係見到有蝦, 但感覺唔到有蝦味。42蚊一碗，我覺得我人生唔可能再幫襯多一次。

其實香港地備受歡迎嘅店真係唔少，每個人身邊或多或少都有一d好食又抵食嘅店，永華係我心目中，就係一家好食嘅店，不過唔算抵食，一碗細細細碗嘅雲吞麵四十幾，真係覺得有些小貴，特別係我呢种大胃王喇，食唔飽吖！不可否認，味道係正！雲吞皮薄，餡大，蝦仁新鮮，豬肉新鮮，整出來嘅雲吞當然都好食喇！湯味道都幾好味，撈著d竹升麵真係正，竹升麵比較硬身，彈牙，真係好正！以後可以試下清湯麵，肯定都同樣好食！陳皮紅豆沙，其實我鐘意用陳皮來煲綠豆沙，紅豆沙同陳皮就比較少，不過紅豆沙真係幾原味，有d陳皮嘅清香，都幾可以！蝦子撈麵，麵比較香口，蝦子好多吖，麵好正！

永華嘅麵同雲吞都係出曬名嘅，仲有南乳豬手，陳皮紅豆沙等，都非常之受食客嘅歡迎，間店日日都好旺吖！有時見到等位嘅人太多真係唔想等吖，不過有時候特別想食就乖乖去等位咯！我自己好鐘意呢度嘅雲吞，所以成日都會點淨雲吞，呢度嘅雲吞細細一隻，但係餡望落去就係圓圓大大嘅一粒，皮比較薄，好滑，食得好爽！蠔油芥藍，芥蘭望落去顏色好清綠，反正味道一般。我妹要嘅雲吞麵，竹升麵比較硬身，口感好好，我就係鐘意呢种唔係咁霖嘅麵，比較有好食。陳皮紅豆沙，食咗一啖覺得紅豆味好濃郁，有D陳皮嘅清香，剩低嘅全部入曬我妹嘅肚度，佢平時嘅肚細又話減肥，今次食完碗麵仲將成碗糖水食完，睇來紅豆沙係真係啱佢胃口喇！

晚上九點幾先收工去到灣仔，可以選擇嘅餐廳唔多，同事記起呢間麵店帶我來，店面光猛，普通飯店格局，枱面下壓住餐牌，食物係大路麵店都有嘅！店員落單好爽手，坐低先比杯熱茶（係玻璃杯盛載，夠熱兼有茶味）食物快到！雲吞麵（$42）細細碗，雲吞細細粒，皮好滑，入面豬肉比蝦多，蝦肉爽口，豬肉醃得入味，有鮮味，好味，麵無鹼水味，爽口彈牙！湯底香濃好味！蠔油蝦子撈麵（$75）差不多兩底麵，爽口彈牙，蝦子落得好爽手，鹹鹹香香，蠔油香濃！撈埋一齊好味！銀杏腐竹雞蛋（$42）呢個外賣，呢個價格，份量比較少，白果大粒有澀味，雞蛋蛋白滑溜彈牙，不過蛋黃比較大！糖水好濃好滑！薏米稔口！好味！醃蘿蔔（免費）放枱面嘅醃菜，微辣，蘿蔔酸酸地爽脆，好開胃！足足食咗半盅！店員爽快，唔廢話！呢間麵店食物好味，價錢略貴

果然是老字號，永華雲吞麵正！雲吞彈牙不在話下，餡料有蝦的鮮甜，咸味適中，雲吞皮又薄又滑，麵爽口彈牙，沒有鹼水味，很好！配料的酸蘿蔔，很好味，可以自己任添，不會太酸又沒有澀味，真是食不停口。