永順食店 (已結業)

大隻仔今次覓食嘅店舖就係💥 永順食店 💥 通關之後，元朗永順任何時間都大排長龍，永順嘅沙嗲牛肉麵應該都係香港top10 好食之內。除咗沙嗲牛肉麵、茶走保持住水準之外，其他食物都好似有少少退步。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 沙嗲牛肉蟹王麵 $32轉蟹王麵+$2蟹王麵比較幼細，容易掛住沙嗲汁，但唔夠出前一丁彈牙。沙嗲醬已經混合湯裏面，每條蟹王麵都會沾滿住沙嗲湯。沙嗲醬香濃，花生醬味好突出，味道似印尼串燒既沙嗲醬。牛肉夠滑，唔乾唔柴，整體來講沙嗲牛肉蟹王麵幾好食。😋😋🔥 芝士流心蛋煎豬扒治烘底 $31烘底+$2流心蛋爆漿，味道不錯的，但係「豬扒」同「烘底」扣晒分。其實芝士+流心蛋配豬扒、雞扒、乜嘢都會好食，但永順既豬扒肉質太實，有少少乾柴，而且太薄，口感唔太好，但味道不差的。而三文治烘底好求其，唔夠脆，食落口感似麵包多過似多士。🥲🥲🔥 茶走 $17茶走好飲，茶味香濃，唔會苦澀，奶夠香滑但少少過甜。🔥 凍檸茶 $18味道一般，茶比例

今日行經永順食店呢邊，心思思想試吓呢個好多人讚好嘅流心三文治🥪。以往我淨係知沙嗲牛肉蟹王麵係招牌啦，點知原來佢2款三文治同埋啲炸嘢都好唔錯㗎😍😍🥪流心芝士豬扒三文治你可以揀要炸定煎塊豬扒嘅。我揀炸。嚟到個份量都唔算好細份。啲芝士慢慢流心出嚟。😍😋😋睇落已經覺得似係好好味。炸豬扒炸得好香脆，但唔膩，有少少juicy，啲肉食到係新鮮。配埋流心芝士好正呀🤤🤤呢個睇落以為普通嘅食物令我覺得有驚喜。一份2件嘅三文治，細食嘅女士都夠飽喇。

第一次食到未到咁濃郁嘅沙爹牛肉麵，呢個係我喺全香港食過最好味嘅沙爹牛肉麵 ，原來香嘅沙爹牛肉麵係會有花生味。除此之外， 其實佢個西多士都好鬆化 ，好香口。再飲埋佢杯凍奶茶，茶味都唔錯， 飽到行唔到出門口。

呢排好鍾意去啲比較出名嘅店舖試吓真好食定假好食😂😂專誠入嚟元朗食呢個豬扒同埋沙嗲牛肉麵，晏晝四五點左右入到嚟，好彩只係需要排隊5分鐘就入到去😆沙嗲牛肉配出前一丁$30加豬扒$8因為有期待所以真係有少少失望，佢嘅沙嗲牛肉係濃味的，但係普通做得比較好嘅茶餐廳都會有呢個質素，冇話真係特別濃味。而佢嘅炸豬扒，炸得夠香但係肉質乾柴😔三個人食都食唔晒沙嗲牛肉配出前一丁 走湯$30濃味之選！見到上網有隱藏Menu，想濃味啲嘅話就走湯，果然真係出色好多，撈麵感覺👍🏻芝士流心蛋豬扒治$29由於主角都係豬扒，所以都係比較失望😔豬扒都係乾，而芝士同流心蛋都唔知點解冇乜味😭但係佢個包烘得好香脆既👍🏻凍檸茶$18

元朗必食既茶餐廳入座安排得好快員工做野好有效率Lunch time時間通常都要等一陣位佢左邊過小小既倉仔都會開放比人坐 所以都幾多位每次黎都會叫沙嗲牛肉配蟹王麵一個鮮油多士，一杯港式奶茶，再加左個炸豬扒呢到既炸豬扒係名物 食落唔會覺得好熱氣 炸得剛剛好 好香脆可口奶茶好好飲 茶味比較重我比100分識飲一定飲熱奶茶由於我唔食牛肉所以我沙嗲麵走左牛肉沙嗲唔會好咸好小茶記會有蟹王麵揀呢個都係佢既特別之處總括而言 呢間野食極都唔嚴又近屋企 可以成日去食經過會買杯奶茶外賣 真係好好飲

永順食店對於沙嗲牛肉麵控一定不陌生😆因為佢嘅香濃沙嗲牛肉吸引咗不少慕名而來的座上客排隊當然亦躲不過啦🚶🏻‍♀️🚶🏻‍♂️🚶🏻‍♀️但要說到令人念念不忘嘅美食芝士留心蛋豬扒治意外跑岀呢😳🥪芝士流心蛋豬扒治 $29 +$2 烘底橫切面睇落相當震撼🤯荷包蛋汁加上半溶芝士實在太誘人加上一片厚厚的酥炸豬扒，外皮有點鬆脆一口鹹香就是滿足呢🤤然後烘底當然是必須的‼️🍜沙嗲牛肉岀前一丁 $30沙嗲牛肉麵嘅靈魂湯底好重要雖然可能因為煮麵嘅水dun得唔夠乾令湯底相對唔夠濃稠🤔但湯頭仍然醇厚，薑汁味岀，花生味靠後，飲落都順口牛肉無渣加上岀前一丁爽彈麵條食落舒暢😌🍗炸雞翼 $28偏細隻，不過新鮮炸，味道可以🫘奶茶紅豆冰 $19他們家的紅豆飽滿軟綿，甜度剛好，配上絲滑奶茶，大推‼️-🥪永順食店🏡地址: 元朗安寧路2號冠煌樓地下☎️電話: 2474 7074🕙營業時間: 06:30-17:30 (Mon-Sun)———————————————🌿以上圖文由Bobowannaeat版權所有，轉發需授權喔🌿鍾意我的分享請 ᴄᴏᴍᴍᴇɴᴛ, ʟɪᴋᴇ, ꜱʜᴀʀᴇ & ꜱᴀᴠᴇ ❤️🌟繼續關注我的貼文請𝙁𝙤𝙡𝙡𝙤𝙬 @bobowann

終於黎到沙嗲牛麵關注組大推嘅永順食店！平日到訪竟然直入唔洗排。作為元朗名店，價錢比想像中相宜喎，沙嗲牛麵最平$30就有一碗。▪️炒牛肉 配 蟹皇麵 $34 其實除左炒牛肉，永順仲有鮮牛肉/沙爹牛肉可以揀 (仲平$2) 不過見好多人都推介「炒牛肉 + 沙嗲汁」呢個combo多過就咁嗌沙嗲牛肉，所以就跟大家試一試佢！麵類都有岀前一丁、烏冬、米粉等比大家揀。炒牛肉果然帶幾分焦香，口感軟腍帶咬口，略嫌肉質唔夠滑。沙嗲汁味道濃郁，帶淡淡花生香，微辣唔會太鹹，又唔會太杰，就係正常湯嘅杰度~ 蟹王麵軟腍掛汁。整體唔會太鹹太重味精太油膩，食得都幾舒服，輕鬆一口接一口▪️芝士流心蛋豬扒治 $28 (+$2 烘底)超吸睛嘅豬扒治！豬扒可選煎或炸，食得邪惡野就緊係要揀炸！豬扒炸皮薄脆香口，肉質軟腍唔乾柴，加埋流心蛋同熱溶芝士，整體食落唔乾幾濕潤。唯獨芝士味偏淡。▪️凍奶茶 $17普通~ 奶味較重

凌晨去了南生圍，是朝晨霧任務失敗🥹本來想直去東涌機場影黃風玲木，但由於任務失敗又真的很肚餓，還是先吃點美食安撫一下自己先.由於我不是元朗人，所以每次有機會都會來這間.時間尚早，所以一入店內近門口有位. 然後很快決定要叫炒牛肉米粉加沙嗲汁. 之前在fb看到有原居民介紹流心芝士蛋豬扒治，所以也叫了，沒料侍應問我要煎還是炸，原來有這樣分，那我問她那個煮法好吃點，她答我這很看個人味道……於是我靈機一觸拿著相片問她這是煎還是炸，侍應答了是炸的，就order了.三文治滲著邪惡芝士和蛋汁再加上包著剛剛炸好的豬扒，好好食😆😆😆蛋香肉嫩再透了點芝士味，各位未試過的要試.炒牛肉米粉加沙嗲汁，㨂米粉是因為比公仔麵低卡和健康，有時為了美食都唯有在配菜方面選擇一個平衡點. 而且米粉索了沙嗲汁其實都好好食😋朋友去了這裡的洗手間，他說竟然出乎意料之外乾淨，但就有點小，沒辦法香港吋金呎土.

成日聽人講永順沙嗲牛肉麵好出名，亦係全港數一數二好味既沙嗲湯底。終於有機會經過元朗，亦好好彩過左中午迫滿時段，只需要等2張枱就可以入座喇。餐廳環境較細、圓枱之間比較窄，但我座近門口位置，所以都ok,，員工工作亦好急速。嚟到永順，咁梗係要叫佢哋嘅沙嗲牛肉，可配多款不同的麵款；$28: 米線，米粉，通粉，福麵 $ 30出前一丁 $32 蟹王麵。本人未試過蟹王麵所以揀左最貴這款。再加雞翼，$15只得2隻，雖然唔夠喉，但雞翼炸得唔錯，可以保留肉汁。後感，味道真係同平時茶餐廳常餐既沙嗲牛麵不一樣。沙嗲香味濃郁，帶有花生醬味道，而牛肉亦煮得恰到好處，不會有鬆肉粉味。牛肉份量充足。下次有機會都會再黎。

係朗屏附近剪完頭髮，諗唔到中午食咩之際，朋友介紹永順沙嗲牛肉麵，聽就聽過，難得有機會決定試一試。星期六好多人排隊，不過人龍都去得快，前面大約十個人，十分鐘就入左去了。🫃🏻沙嗲牛肉配蟹王麵($32)超濃郁沙嗲湯底，飲左好多羹🤣 好香花生味🥜，未撈混沙嗲醬之前係好濃稠好杰身，後勁仲好強搞到好口渴🤣至於蟹王麵軟硬適中，質感不錯，可惜麵份量就偏少，唔怪得有option係加底😹 牛肉軟嫩無筋，幾出色👍🏻🫃🏻加配豬扒($15)炸漿好薄，脆香有咬口，即炸熱辣辣，豬扒亦十分入味😋加豬扒都係15蚊，高質💯🫃🏻凍檸茶($18)茶底，檸檬都配合得好好，兩者加埋一齊完全唔澀，不過要單點就大大扣分😂個人睇法：唔包飲品，而且湯底咁濃基本上一定口渴，個人唔喜歡飲品需要另外單叫既餐廳🤔總共加埋$65，但係因為無加底所以唔算飽。食物好味，但唔包飲品就無咁抵食😂

講到沙嗲牛麵再講到元朗，必定聽過呢間！連沙嗲牛肉麵關注組都大力推薦嘅永順食店。無論平日定閒日都要大排長龍👏🏻✨沙嗲牛肉蟹王麵 ($32)上枱後就聞到好香嘅沙嗲味，醬汁同牛肉鋪滿晒成碗麵🤤 沙嗲味好濃，食到啖啖嘅花生味。而牛肉份量都唔少，每舊都嫰滑，唔會又乾又柴。蟹王麵其他地方好少見，每條麵都彈牙滑身又好掛汁，每一啖都充滿沙嗲醬味！✨芝士流心蛋豬扒治 ($28；烘底+$2)一揭開麵包皮，見到滿滿嘅芝士😆豬扒炸至金黃色，咬落外脆內軟。炸完仍然能保留肉汁，而且食落都好滑，唔會乾柴。芝士、豬扒，再加埋流心蛋，真係三重享受，充滿邪惡感！———————————————————————🌼評分：5個🌕為滿分🫧味道：🌕🌕🌕🌕🫧環境：🌕🌕🌗🫧性價：🌕🌕🌕🌗🫧回頭：🌕🌕🌕🌗⏰限時：NA

平時都係做帶隊搵好野食個嗰，今次倒番轉頭，由兩老帶我食好野喇—元朗馳名掛汁沙嗲牛肉麵！一見到條隊本身有啲卻步，但香港茶記夠晒快靚正，條隊都消得幾快，等咗10分鐘左右就可以入座。佢仲分左兩邊舖位，主店個邊光潔明亮，另一邊就比較暗，但都感覺乾淨。麵有米粉、米線、烏冬、出前一丁、蟹王麵等選擇，（我食過嘅）個人推薦出前一丁>烏冬>蟹王麵。一丁掛汁一流，相信冇乜人唔同意啦，而烏冬就少咗陣油炸嘅味，特顯沙嗲汁嘅惹味，而蟹王麵對我而言就一般啦，麵身比較淋，冇一丁咁彈牙，但係其他茶記都比較少見，未試過嘅都值得一試～重點黎啦—沙嗲牛肉，濃濃的花生醬，牛肉唔會過鞋，亦冇拿到不似肉形！

星期三下午4點經過，見無人排隊，就入去揾位開餐，餐牌上全部都係單點菜式，無套餐，就試下好多人話正嘅沙嗲牛肉一丁麵 加杯熱奶茶。可能期望過大，加上本身都識識地煮野食，我無太大驚喜，食落湯底覺得沙嗲汁只係比一般茶餐廳濃郁少少，口感比較厚，有少少花生醬味而牛肉方面，質感係一般滑牛質素，係大片左少少之外，全部野都不過不失奶茶方面，都係正正常常，因為沙嗲汁偏咸，會令人飲得快d整體黎講，如果要排隊嘅話，我一定唔會黎食，唔太值得，加上價錢比一般茶記常餐貴，份量少，食完個沙嗲牛麵都唔夠飽，試食完一次就夠了

去左天水圍影晨霧，失敗左因為冇霧☹️不過影相係咁……為左安慰下自己，就去呢間喺我心目中元朗排名首席的茶餐廳食早餐. （暫時放棄168）好彩唔使排隊✌️佢嘅炒牛肉係必食😎本來想食公仔麵，但始終仲減緊肥就忍口，但其實米粉都好好食.佢嘅沙嗲醬汁係好好食，但炒牛肉係獨有，所以都係叫炒牛肉，之後問可唔可以加錢加沙嗲汁，點知原來可以免費加汁，咁成件事就好完美.以前炒牛肉會分碟上，可能要洗多隻碟我估，所以現在都一併放在碗中，這樣難免會有些牛肉會變硬了，但都明白.奶茶不算出色但都ok.題外話我們坐下後發現有張單，原來有一男子調了枱，初時沒為意，我們對面坐著一對情侶，其中女子說話很大聲，又常常爆粗，本身粗口已經是助語詞，但她會用更強烈的聲再爆粗，我和朋友本來都有聊一下，後來都乖乖靜黙著吃米粉……然後回想其實調位的男子之前的位置是比較好，他調了去餐廳中間的枱子，更易被周圍的人碰撞，我們坐的位置是靠牆.其實聊天是可以，但影響到別人就不好，這也是其中一個飲食態度.

沙爹牛肉米線（$28） 湯底沙爹味濃厚，米線偏幼彈牙，牛肉肉質鮮嫩無筋，一碗大概有7-8塊厚厚嘅牛肉片，超級抵食！炸豬排（$15）同普通嘅茶餐廳炸豬排唔同，一塊炸豬排被切成6塊，其中2塊有骨，豬排炸得既酥脆又能鎖住肉汁，將豬排浸入沙爹湯底會加倍好食環境長期店外都排住隊等位，而且店內大多都係4-5人座嘅圓枱，如果1/2/3個人嚟食好大機會都要同其他人搭枱服務啲員工都幾nice、會主動問你要食咩、叫咗嘢食未