江南庭敘 (已結業)

人愈大追求既野都唔同，以前食飯只為果腹，而家係希望可以享受美食。人生已經用左咁多時係番工度，放工/放假自然就想食好D。上網做過一輪research，知道原來九龍灣都有好食既打邊爐，係甲級寫字樓內，環境清靜，所以黎左試試。呢度一別以往打邊爐的格局，平時去打邊爐既地方都係好嘈，呢度幾好，係一個高級打邊爐既地方，即使同朋友傾計都唔怕聽唔到。 侍應先放低調味盤，其中一格係XO醬，好足料，啖啖江瑤柱，要勺起一大匙呀~!我地首先叫左一個鴛鴦鍋($118)，分別揀左沙爹湯底同香茜皮蛋湯底，湯底一濃一清。我地都叫左好幾款餸，有桶蠔、水餃、蝦滑等等…食材都好新鮮～美國桶蠔($188) 桶蠔好肥美呢！有5大隻，size都幾大，每一隻都好飽滿，碌完都唔會縮得好勁，又唔腥~放係沙爹湯底碌就惹味d，皮蛋湯底可以食到原汁原味呢。 桂花蚌($128) 都有幾多桂花蚌，口感清脆爽口肉眼筋($88) 好似第一似食豬既肉眼筋。薄薄既肉眼筋，都幾多白色脂肪，口感爽嫩而肥，多一份豬油香。鮮蝦水餃($108) 覺得係必食呢！一共有12隻鮮蝦水餃，隻隻都好足料，唔係用蝦球或蝦粒呢。皮薄剔透，見到入面既材料，隻隻都有蝦呀、

今晚細佬生日，佢最中意打邊爐，所以特意帶佢黎到呢間高質打邊爐既餐廳 - "江南庭敘" 食DINNER =]一早 BOOK 左位，由於聽日要返工，所以我地都食早D ~可能太早食，去到冇咩人～不過之後開始多人！呢度既環境真係好 OK =] 一坐低，先撈撈醬料～ 我地揀左個鴛鴦鍋～一邊蕃茄排骨鍋，一邊香茜皮蛋鍋！２個鍋都好多料，份量十足 =] 夏天大家都燥熱，所以都要左 一JAR竹庶茅根水，超清甜！ 桂花蚌～肉質非常爽甜，仲滋陰補腎TIM！ 另外我地叫左碟精選牛肉四拼盤，可以一次過試多幾款！呢個拼盤有：牛肩脊、手切肥牛、牛白肉和牛展。牛肩脊同手切肥牛既肉質都好鮮嫩，好正～而牛白肉我地都係第一次食，原來係筋膜位置，只要滾一滾就食得～而牛展就比較多筋，我麻麻地！ 蝦丸爽口彈牙，但蝦味唔係好濃，可能蝦滑會好d ~ 另外，點左個菜籃～食下菜健康d ，有金菇、冬菇、生菜、白菜等！ 不得不提，仲食左個稻庭烏冬～份量超多，而且超滑、彈牙！好值得推介 =] 最後我地仲一個一碗楊枝甘露～入口清甜，不過西米露就少左d，但overall 都係正！食完大家都好滿足 =]

九龍灣商業區中，原來有一幢金融中心，外表宏偉，地下有個四面佛，寫明私人用途，門口仲有兩隻如銀行般既霸氣獅子，甚有氣派既外表。入到裡面上一層就係江南庭敍，有富麗堂皇既裝潢。醬料方面絕不吝嗇，一盤各種調味料，亮點係足料XO醬。先叫了流芯既子薑皮蛋$40，好香，蛋白還清楚見到雪花。湯底叫了蕃茄排骨同沙爹鴛鴦鍋$118，蕃茄湯底一看已好多茄油在面，就咁飲湯已很甜美，咁有氣派既餐廳當然要豪食啦，叫了多款海鮮 ，包括桂花蚌$128，爽口，桶蠔$188, 勁大個帶子位超鮮甜,建議放沙爹湯底食,好惹味，蟶子皇$58 /隻，好鮮甜, 豬肉根， 另外花竹蝦$68 /隻,好爽, 彈牙,  豬肉叫了個特別菜式肉眼根$88，煙韌肉質感覺好實在。另外還點了配菜, 馳名的鮮炸千層腐皮$68，好新鮮豆味放入去過湯, 有蕃茄濃湯味。香芋片都係必食, 好粉, 好香。之後叫了時令菜藍$88, 有生菜, 金菇同鮮菇，仲有賣相好靚既新鮮手打四寶丸$98，有豬肉,鯪魚肉,蝦和墨魚丸，每款都好彈牙, 爽口。還有水餃皇$108同羊肉片$108, 我就鐘意放落沙爹湯底, 仲有雪花肥牛粒$238，唔會韌, 好香牛肉味！雖然好飽, 但又想

表哥係高銀金融國際中心番工，佢介紹係1樓有間火鍋非常值得去~~所以就同埋屋企人去左打邊爐！如果唔係表哥介紹，我真係唔知寫字樓都有間咁正既餐廳最緊要又唔係貴桶蠔有6大件！熟後都無縮水~裙邊位又唔乾身！！蠔肚位好飽滿多汁超好味聖子皇又係大大隻！鮮味十足輕輕放左湯内一分鐘拎起就最岩質感爽彈脆口味好彈牙呢南非鮑魚""叫左2隻上台時已經切片準備好~~方便share黎食塊塊晶瑩剔透帶光澤口感煙un嫩滑牛肉四拼盤~有牛白肉，手切肥牛仲有2款唔記得全部都嫩滑香濃帶牛味大大盤都係$328,一大班人share真係超豐審稻庭烏冬非常特色~~第一次見唔係急凍貨好有heart麵質有口感好好味~吸收埋沙嗲湯底好惹味用餐過程~員工非常細心有禮貌服務質數非常高果然係甲級服務~相對這樣的服務~這個價錢唔貴喔

今日去九龍灣高銀金融國際中心見客, 得客戶公司邀請一齊到一樓既江南庭敘打邊爐。店內裝修較為高尚, 設大部份卡位, 座位寬闊舒適。呢間火鍋店出奇地竟然沒有前菜/醬油費, 只有加一服務費, 如果開設茶位 (要開茶/熱水), 店方先收每位茶芥HK$8, 否則一律免收。醬油方面, 更提供多款醬油比我地自由混醬, 除左較為常見既蒜蓉、炸蒜蓉、辣椒粒、芝麻醬、被切為好幼細既香蔥、莞茜, 連XO醬都有提供, 連醬油都絕不馬虎, 令我多次向待應確認是否真的"不收醬油費"。【招牌鴛鴦鍋】HK$118我地揀左個鴛鴦湯底, 分別係秘製沙爹同埋香茜皮蛋湯底。兩款湯底各有特色, 味道香濃, 香茜皮蛋湯底香茜味十足, 而秘製沙爹散發出陣陣既花生醬味。就算打邊爐期間, 待應會加湯, 不會因加滾水而令湯底變淡。【手切肥牛】HK$328色澤新鮮鮮紅, 脂肪分佈平均, 牛味很重, 份量足夠3-4人【四寶丸】HK$98四寶丸集合四款手打丸, 包括蝦丸、墨魚丸、牛肉丸、鯪魚球。口感爽口彈牙, 而且鮮甜, 絕對值得一試!【鮮蝦滑】HK$88鮮蝦滑中有碎蝦粒, 面層更佈上瑤柱, 賣相更顯矜貴。熟後同樣爽口, 更為鮮甜【炸千層腐皮

今日去完EMAX行街後，去一間朋友介紹我高級嘅打邊爐。一入到高銀金融大廈，即聞到好香嘅精油味好舒服好relax。環境非常之華麗, 似酒店格局!湯底方面, 就要個鴛鴦湯底, 可試唔同嘅口味, 芫茜湯夠清甜, 可以食到食物嘅鮮味道 , 沙嗲湯底非常之惹味, 各有特色蝦滑係我至愛, 爽口彈牙充滿蝦味，內裡見到真正蝦肉，最重要有乾瑤柱，好高級呀。淨食不點醬汁也好味。四寶丸方面, 墨魚丸好爽好彈，用真墨魚製成，真材實料不欺場。蝦丸都係好彈口，比起蝦滑，蝦滑再彈d,但當然少左高級的乾瑤柱、主要集中於蝦味上。打邊爐唔食肥牛就唔係打邊爐, 肥牛灼一灼就食得, 牛味濃, 肉夠滑, 好食!

同家人打邊爐, 到九龍灣商業臨下的高銀金融國際中心, 冇諗過九龍灣都有一座咁有氣派的金融國際中心，有Security看管的大堂, 上一層電梯就到江南庭敘, 不愧係甲級寫字樓, 一入到去, 好似酒店中菜忒既裝潢同服務質素。真是一個高級打邊爐，店員先放下醬料，見到一大樽足料既xo醬, 充滿瑤柱, 勺起一大匙先！湯底選了雙拼$118：有辣有唔辣, 一邊係蕃茄排骨鍋，蕃茄和排骨都好入味, 齋飲湯清甜, 之後好快上配料, 先來個出名也既炸千層腐皮$68，一上枱感到熱辣辣, 新鮮即炸的, 所以忍唔住先食一舊, 好味呀, 有豆香味, 之後再試一個放湯食, 索晒啲蕃茄湯味。高級打邊爐當然唔少得海鮮啦, 有花竹蝦$68 /隻, 好生猛, 啲腳仲會郁的, 拆殼後超爽口, 之後到聖子皇$58 /隻, 好長好大隻, 肉質煙韌, 仲有桂花蚌$128, 爽脆, 鮮甜;  桶蠔$188, 成隻湯匙咁大隻. 鮮甜啖啖肉唔太腥, 放入沙爹湯底, 好夾 ;肉方面叫了肉眼根$88，好特別, 係豬肉來的, 第一次見咋，有的根黏住, 令肉感唔會韌。之後叫了甘香肥牛粒，有雪花脂肪紋, 放沙爹及蓄茄湯底都惹味呀，牛肉味超濃郁，好淋

今天老闆在九龍灣分公司開完會的時候，突然提出今日放工請我們去食火鍋，去的就報名，秘書會訂位，有得食，梗係第一時間報名啦！放工我們便跟隨老闆行去附近的啟祥道，入左一幢好新的大樓，名叫高銀金融國際中心，上到一樓，入左一間名叫江南庭敍。地方寬敞，酒店式擺設，舒適高雅！我們選了沙嗲鍋做湯底。之後侍應送上多款醬料，其中一樣是自製XO醬，非常惹味！火鍋指定動作，混混醬料！精選豬拼盤：有豬頸肉、豬潤、豬脷、肉眼筋。用料新鮮又爽口！十分美味！鮮蝦雲吞和鮮蝦水餃：用大隻鮮蝦包成，爽口彈牙，水餃還加入木耳絲，增加口感，味道超正👍！鮮蝦滑：用新鮮蝦做成蝦滑，爽囗彈牙！響鈴：放入湯中灼一約，連同沙嗲湯一齊食，十分惹味！最後是免費的生果，多謝江南庭敍！

✿╮❤╭✿ ✿雜感女生 好味日記✿ ˚*•✰。江南庭敘．精品火鍋 。✰•*˚ ✿✿舌尖上的九龍灣✿✿ ❤餓底飯聚．食勻全世界❤ ❤ 朋友走進九龍灣上班後 發現了一家新食點 好坐，好食，好舒適 甫一入內，就見富麗堂皇的設計 菜牌以靚火鍋料作賣點 主打單點的火鍋料 如此精品，食出格調 先來了個特色的清湯牛腩湯底 湯色清澈，牛腩屬高級靚料 一咬就是香軟腍，而且入味 吃得出的高質素 鮮蝦滑：粒粒皆蝦 真．鮮蝦打出來的味道就是好 彈牙爽口之外，更是啖啖蝦肉 鮮味是這種 慢慢的煮，慢慢的吃 不用匆匆忙忙，有歎住食的感覺 鮮冬菇與竹笙是清新之作 將湯汁的精華吸食，就是這樣 配上炸芋頭，粉香粉香的滋味 朋友點了一隻蟶子 份量大大隻，肉質與味道還算不錯 重點是新鮮！熱湯中輕灼，簡單直接。 愛吃海鮮的我們，打邊邊一定點珊瑚蚌 這裡的珊瑚蚌真心好吃，烚一烚就吃到真味 再點一點滋味自家製的醬料，更是辣出香氣 最後來個稻庭烏冬 那種香滑，將鍋中精華都吸入 就是再飽，都忍不住必搶 飽極也吃了兩碗！ 小評： 味道：★★★★☆ 環境：★★★★☆ 服務：★★★★☆ 衛生：★★★★☆ 抵食：★

朋友推介九龍灣有一間好高質嘅邊爐，地方舒服,好適合三五知己聚會。☺️餐廳地方寬敞,播住悠揚嘅音樂,令人放鬆。我地想食清清地,就叫咗個招牌鴛鴦鍋$118：有蕃茄排骨湯同清湯。蕃茄湯酸甜適中,排骨份量都幾多，肉質肥美，唔會太韌。安格斯肥牛$248好大份,牛肉脂肪唔算多,充滿牛肉味😍四寶丸$98有墨魚丸、豬肉丸、蝦丸、鯪魚球！粒粒都爽口彈牙，充滿鮮味,個人最愛墨魚丸同埋蝦丸。好新鮮呢👍🏻桂花蚌$128清潔乾淨，沒有沙粒👍🏻新鮮爽甜。甜品叫咗個南北杏燉雪梨$38入口清甜，感覺滋補😙雪梨肉口感綿軟😋最後仲有新鮮果盤，解解膩。總結覺得餐廳環境舒適,侍應態度有禮,會主動加湯同收碟。食材新鮮,值得推介！

是日看完戲，來到在九龍灣的商廈晚餐。這裡人流不多，客人大都是已預約，多是家庭客。打邊爐最緊要當然是混醬！*醬油香蔥切得細緻企理，第一印象不錯。*香茜皮蛋鍋（$108）因為怕熱氣，所以點了比較清淡的湯底。湯底有很多香茜！*精選牛肉四拼盤（$328）想試多幾款的話，一定是點拼盤，拼盤有牛肩爪、手切肥牛、牛白肉和牛展。牛肩爪和肥牛的肉質都很嫩和淋；牛白肉是筋膜的位置，稍為焯一焯就已經可以食，味道不是肉味，而是帶點脂肪的味，但口感爽口；牛展比較多筋，比較un一點。*鮮蝦丸（$98）手打的鮮蝦丸很有份量感，爽口彈牙，但蝦味不算太濃。*唐生菜（$58）菜很翠綠，沒有一點蟲蛀變黃，又洗得乾淨。*鮮支竹（$58）支竹很重黃豆味！如果配上沙嗲湯底就一流了！*蘿蔔（$58）蘿蔔新鮮沒有苦澀味。*熱豆漿（$14）無糖的豆漿，比較健康。*楊枝甘露（$46）芒果味重，不會太甜，但西米少了一點。*薑茶湯丸（$32）芝麻湯丸皮薄煙un，而中間的芝麻餡亦很多，有流沙效果。

我們家喜歡火鍋的程度是一個月要有一兩次要去「烚下烚下」，每次起碼兩三小時起計。但家住將軍澳，覺得附近幾區確實無幾多家火鍋店出色，大多都是任食火鍋，吃不到手切肥牛也吃不到海鮮之外還要限時，吃得急急忙忙就最辛苦。近至坑口村雖然有羊腩煲、豬骨煲，但其他火鍋料、湯料又未算十分特別而且還要看時令，唯有等到假日才能買新鮮材料回家不受時間限制都能吃得到新鮮食材的火鍋。但最近留意開飯網發現九龍灣的甲級商廈中有間零負評的火鍋提供，今次又同肥BOY做先鋒嘗一嘗品質如何。跟肥boy下班過來，最繁忙的下班時間已過，熱鬧商廈都變得恬靜起來。江南庭敘位於甲級商廈之中，裝潢自然不差，燈光光猛、地方夠寬闊之餘，坐著梳化椅火鍋份外舒適。火鍋湯底、配料都會用iPad顯示，如果可以用iPad直接下單就更加方便呢。店員在準備火鍋時，先提供火鍋醬料給我們。對於醬料是靈魂的肥boy來說，火鍋醬料也十分重要。醬料盤十分整潔，一款又一款的醬料都擺放得整整齊齊而江南庭敘提供的醬油味道是偏清淡，而XO醬就能提鮮，於是肥BOY為自己調配了一碟終極醬料，醬油適量、蔥二匙、莞茜三匙、生蒜半匙、炸蒜半匙、XO醬一匙，醬料看似這麼複雜重口味但意想