沙嗲王 (已結業)

相約舊同學聚會，本人是日行程特別緊扣，由上午到下午都忙到好攰，點知竟然是我趕到去取籌，而且入座後才發現限時90分鐘用餐時間，已等左半個鐘，有兩個遲晒大到，同佢地講笑話遲到請飲嘢，反正個個都例遲嘅。終於等齊人可以點餐了，其實仲有一個仲未蒲頭，依家要啲人準時真係咁難咩？！我又叫「白咖哩豬扒飯」走飯轉薄餅加11蚊三塊豬扒兩件薄餅食下食下都好滯，可能啲白咖哩油得制「蒸豆腐飯」係唯一清淡之選，「芝士牛肉焗飯」由於趟涼左關係，加上啲芝士食落好流「豬扒焗飯」小朋友食左唔少，3歲女可以食到一半味道如何就唔知，睇落應該唔差，剩返太少冇試到臨近尾聲，有人畀單要收銀，即係間接提醒我地夠鐘了o坐我對面嘅同學叫人收減啲嘢，有些小奇怪，都埋單走人啦，拎來左個生日蛋糕，原來佢借意去接人話撳$，係去左買蛋糕，作為壽星嘅同學當然驚喜，雖然過左一日，我地都好言詫异下，就咁拖下拖下成2個鐘鐘才散場

沙嗲王食物質素一向有保證，男朋友很喜歡，但自己就好少吃，因為我午餐是米線愛好者哈！這日就和男朋友來吃個午餐。午餐套餐都是$50多元，鬧市中算是合理，加$7就可以配珍珠奶茶，太抵了吧！在雞脾與牛粒中掙紮好久，最終選擇了牛粒。一出桌，賣相已經好吸引，滿滿的芝士，加上牛粒。牛粒很大粒。而且中間有個流心蛋，芝士加流心蛋拌飯，實在太邪惡太好吃了！男朋友的白咖哩豬手扒飯也很香濃，豬扒很大塊。珍珠奶茶是台式口味呀！不過不敢喝太多！太肥了..本來想叫小吃，但是考慮到我吃飯的話連一半都吃不了便算了，免得浪費食物。但真的很好吃，成為午餐新選擇！

與同事去吃晚餐，5:45pm, 不是很多人，但仍等了很久才有人來點菜。我點了個大雞肶餐，隻雞肶ok, 很期待D薯條,但是來薯角，又炸唔熟，食唔到😞我們還點了個石鍋炒通菜，份量與昧道都不錯。6:30，開始多人，等了很久才有人添水，樓面亦開始混亂。

本身我哋諗住去牛角食燒肉嘅 ，點知因為巴西肉事件嘅影響 ，好多好common嘅item 都冇得嗌， 例如牛舌都冇得叫， 所以只能夠喺附近求其搵啲嘢食。行下行下見到沙嗲王個水牌 ，求其去咗食。佢嘅餐牌而家有二人餐， 可以揀沙律/湯， 兩個主菜 ，一個小食，兩杯嘢飲，大概 200頭左右， 都唔算太貴 。我哋嗌咗一個湯，一個薯仔沙律，一個蟹粉豆腐鍋配薄餅 ，一個沙嗲肥牛粉絲 同埋椒鹽豆腐。 首先講講個湯， 真係比想像中好飲好多喎 ，因為佢真係有蘑菇粒喺入面， 幾有菇味，令人喜出望外 。薯仔沙律就不過不失冇乜特別 。蟹粉豆腐鍋 依然係幾好食， 不過 配薄餅就冇配白飯感覺 ，建議大家都係嗌返白飯 ，加五蚊 。而沙爹肥牛粉絲就麻麻哋， 沙爹汁幾濃，但啲粉絲好快就索曬水 ，冇乜彈性 。椒鹽豆腐都幾好味， 外皮脆卜卜，入面滑溜溜，幾好食。杯珍珠奶茶都幾好飲，不過如果加番少少冰 會好啲。順帶一提大家千祈唔好搭嗰部𨋢， 因為真係好恐怖 ，上一層要勁耐， 好似就快困𨋢咁，又唔係咁穩陣 ，建議大家兩層都好， 行樓梯好似好啲

沙嗲王係食飯既一個好好既選擇！位置坐得舒服，野食又夠多選擇！推薦佢既白咖哩豬扒，個白咖哩香濃白滑，有少少辣但係好香口野味，今次食既係雞扒，有少少lon左，覺得之前既豬扒比較好味。同埋個菠蘿炒飯真係好足料，有好幾塊蕃茄❤️，菠蘿，肉柳，肉鬆，腰果，提子，真係好正！同埋份量都多！

Happy Friday! 收工同朋友食旺角沙嗲王。叫咗二人套餐: 肥牛拉麵，蟹粉豆腐煲，究極薯仔沙律，pizza。另叫白咖喱豬扒飯，芥蘭煲得等......白咖哩係最好食，但都好多油。連碟菜都好多油。不過服務快嘅。

小妹見到呢個日式蟹粉豆腐煲真係💜💜眼，且價錢合理，即刻拉埋另一半一齊去食。因為肚餓，所以個晚6：30就入座，應該是因為較早，所以唔使等位。睇左一輪餐牌， 決定叫日式蟹粉豆腐煲配飯，白咖哩豬扒飯，再加杯跟餐就半價的特濃朱古力沙冰share飲。另一半的白咖哩豬扒飯： 本人覺得甜味多過辣味日式蟹粉豆腐煲配飯： 新鮮滾熱辣咁上，蟹粉足料好香，豆腐好滑，好好撈飯。煲嘅size初初一睇會覺得偏細，但食落開始會覺得漏，後來發覺份量啱啱好 特濃朱古力沙冰： 好飲～～～～但愛好朱古力的我們，其實覺得可以再濃D，純個人口味其實餐牌都有好多菜式想食，但礙於得兩個人撐枱腳，唯有用佢送嘅coupon，下次再試下其他

昨天去了旺角呢間沙爹王，個人覺得銅鑼灣果間沙爹王靚好多，仲要係森林既裝潢，好有feel~ 但旺角呢間就好一般既快餐店，仲要冇沙爹王專用既鐘～比客人按鐘叫waiters~ 所以難免會比銅鑼灣果間輸蝕🙄🙄🙄一黎就叫左大碼既軟彀蟹，真係好好好好好好好好味😍😍😍狂食呀！其實本來叫左細既，但好快食晒，就加碼啦🤤🤤🤤 同樣清晒～ 太正啦😎😎😎😎 竟然冇影到相omg!另外仲點左呢個蟶子同🐙 好好味 又香又脆 仲好惹味😍😍😍 避風塘既口味簡單無得輸😝😝😝 真係停唔到口既小食😋😋😋我地仲叫左呢個韓式泡菜炒飯 但真係好辣🌶🌶🌶 碼過炒得好香好入味 炒到粒粒分明 好有爐氣💕💕💕仲有惹個印度薄餅配咖哩😚😚😚😚 一流呀！但一定要趁熱食 熱啦啦 真係好好味😍😍😍😍 薄餅一層層咁 吸晒d咖哩汁 每一層都好香好惹味🤗🤗🤗 yummy 😋😋😋呢個係蟹粉豆腐石焗飯 好香 由上桌一刻到食完都一直卜卜卜咁滾住 熱啦啦 香噴噴 😜😜😜 豆腐就滑lulu~~~ 蟹肉仲要係好新鮮😉😉😉 送飯真係可以係咁食😚😚呢一杯朱古力 我見全場係最多人點既飲品🍫🍫🍫 真係冇揀錯😍😍😍😍 飲晒全杯都得 好香濃既朱古力味 因為本身都超中意食朱古力

係satay king 食晚飯，出乎意料地體驗到超水平嘅服務+好味到爆炸嘅沙爹拉麵！個沙爹湯底超濃郁、牛肉片有少少生夠曬滑、拉麵麵條軟硬適中，簡直係perfect 到爆！ 除左拉麵，仲叫左白咖喱豬排飯、脆蝦棒、2杯飲品，都係$200左右，真係超值！

事先聲明，小弟對Gimmick野真係會有先入為主既怕怕~ 不過呢間沙嗲王對我同女朋友有比較重大的意義，所以賣住我冇睇開我印象中叫怪物彈珠呢套卡通片的旗號小弟都繼續帶女朋友去食啦始終呢間野都係唔會令我地失望，就算Gimmick野食物質素都仲會保留返俾客人。紅酒牛肋骨飯配合埋卡通人物做主題，心情已經唔錯!😍😍紅酒味適中，岩哂唔好酒的人(我女朋友特別強調呢點，當然我呢種酒鬼亦覺得味道唔錯) ，d 牛肉又唔靱，煮得剛剛好😝蟹粉豆腐鍋配印度薄餅呢個一直係女朋友既摯愛！😍必食！必試！以前只可以配白飯，而家新增配薄餅，都係唔錯既選擇：) mix埋一齊唔會太膩，剛剛好！青蘋果啫哩特飲都唔錯，啫哩都好足料，絕不欺場！所以搵好野食有時唔一定隱世小店，有時多分店的餐廳都可以令你樂而忘返

今日咁岩係旺角配眼鏡，諗下晚餐食乜好。有啲想食咖喱，所以就去咗沙嗲王食白咖喱喇！旺角沙嗲王雖然要兜嚟兜去先搵到，但係呢間勝在夠大，所以晚飯繁忙時段都只係等咗一陣就入座。首先二話不說就點咗個白咖喱香茅豬扒飯。另外加一個避風塘豆腐。白咖喱豬扒飯除咗夠快，其實味道都唔錯！熱辣辣，容易入口嘅辣味同埋甜味，送飯一流！試吓個豬扒，水準無變都係非常易咬同入味，不過份量就明顯好似比以前少咗！至於個豆腐就比較遜色喇！ 四件豆腐嘅價錢略嫌貴，以為水準好好，但食落真係麻麻。唔夠熱之外，炸皮唔夠香脆。題外話，有一間私房菜嘅豆腐更好食嘅，下次有機會介紹比大家！總結一下，沙嗲王嘅白咖哩飯真係信心之選！其次XO醬蘿蔔糕都係個人比較鐘意嘅小菜，值得一試啊！

講比朋友知我未去過 沙嗲王 朋友唔信 之後就真係黎  食物不過不失 驚喜就沒什麼 但食物都okay 而環境坐得都幾舒服 平價次選 環境好坐得黎又唔算貴 味道就尚算可以

自從沙嗲王分店減少後，已經好耐冇惠顧今天行經旺角，見到沙嗲王，好想回味下白咖哩豬扒飯白咖哩豬扒飯豬扒厚身，食落有口感，外面微脆，有香茅味道白咖哩汁微辣，重有椰香味道加埋蔥花及洋蔥，好惹味👍🏼味道同以前一樣，有水凖椒鹽蝦，蝦雖然細細隻，炸到卜卜脆，好香口串燒蝦，跟餐加10.00 （抵），蝦新鮮彈牙

今日去旺角波鞋行買波鞋, 買完就去食個飯, 哈哈, 好耐無食過沙嗲王啦, 一去到唔使等位, yeah!!嘩....好似多左好多新野喎, 不過因為好耐無食, 想食返之前一路都好鍾意食個D...哈哈. 朋友叫左蟹粉豆腐鍋跟飯, 味道依然, 好鬼正, 好多蟹肉, 再加埋蟹粉, 連埋豆腐一齊撈飯簡直正到無朋友呀, 食多碗飯都仲可以呀...哈哈...而我就叫左冬陰功湯底既肥牛粉絲, 湯底好似無以前咁辣, 但冬陰功未出左, 肥牛都係淋身, 配料就有番茄, 芽菜, 菠蘿←呢個比較攪笑, 哈哈.....粉絲係最索湯既, 所以吸哂D湯超正.最後我地叫多個小食, 印度薄餅配咖哩汁, 薄餅仲係熱的, 好鬆軟, 加埋D咖哩汁一齊食, Perfect !!

中學時代覺得沙嗲王都算係一間頗貴嘅餐廳。但直到今時今日物價騰飛，沙嗲王嘅價錢已算平民價，相當抵食。咁多年黎，佢地可以話淨係加新款食物，而冇加乜點加價。招牌白咖喱豬扒飯($55) : 咖喱汁偏咸，但撈埋飯一齊食就岩岩好。豬扒又唔會太乾，不愧係招牌必點菜色。鰻魚炒飯($75) : 米飯粒粒分明，每粒都比鰻魚汁包圍。除左面頭有兩塊鰻魚外，飯內都仲有鰻魚粒。水手pizza($33) : 本身見到尼到有出pizza就已經好surprise，加上個價錢都淨係要三十幾蚊，咁抵就緊係老虎蟹都要嗌啦。上枱原來係roti做底再on top加啲芝士同埋車厘茄。都ok嘅，芝士都好多。但可以一開始有太大期望，所以有啲失望。日式蟹粉豆腐鍋配roti($63): 蟹粒係哂個鍋底，好似飯焦咁痴住，唔講唔會留意得到。尼個配白飯會好夾過配roti。冬陰公檬粉配奇脆雞($53): 偏甜嘅冬陰公湯底，湯入面有好多調味料，e.g.香茅，青檸，乾葱，薑，蕃茄等等。炸雞唔夠脆唔夠熱。脆蝦棒($31): 炸得好脆，唔油，一個人都可以食曬成碟。