沙嗲王 (已結業)

其實餓餓地又唔想太貴我會揀沙爹王雖然而家係貴左好多🤦🏽‍♀️傻傻的我其實等多5分鐘就可以揀下午茶 但我都order左😭唔緊要啦 呢個日式蟹粉豆腐鍋係要另外叫的蟹肉夠多之餘 蛋黃加上豆腐簡直配合得天衣無縫！！ 送飯是一流的🤤不過佢杯紫薯牛奶加珍珠就太甜🤦🏽‍♀️_________________________裝修環境：✨✨✨服務態度：✨✨✨食物質素：✨✨✨✨(5個✨為滿分)價錢：$68________________________唔信我嘅可以自己去試試😂

沙嗲王一嚮以平靚正見稱，在香港地位屹立不倒。我由中學時代食到而家，對它嘅喜愛從不減。每次想不到食什麼，一定會去沙嗲王碰碰運氣，一定不用輪候太久。蟹粉豆腐煲配飯($70)是不少香港人認識的沙嗲王大熱菜式。皆因其價廉料足，湯底咸蛋黃味十足，蟹肉份量不少，每次上桌都熱辣辣，是冬天食飯首選。配飯或薄餅都同樣合適。白咖哩豬扒飯($58)是另一人所周知的王牌。多年來其品質不變。豬扒厚薄肥瘦適中，炸得香脆，一碗有3塊豬扒，算十分抵食。白咖喱椰香味濃，送飯一流。每次都要加飯來送白咖喱。蟹肉扒西蘭花($51)：健康之選，蟹肉也不少，但略嫌汁液過於濃稠。另一我喜歡沙嗲王的原因是服務質素，店員效率高，上菜速度快，難怪沙嗲王多年來仍深受大眾歡迎。

都有好耐冇黎食過了 之前同媽咪成曰黎食今曰去行街街1⃣️時3⃣️刻又諗唔到食麥 就入左黎食啦🙊🙊我地兩個人1⃣️人叫1⃣️個午餐 我就緊係叫我至愛蟹粉豆腐煲啦 有個白飯跟埋 呢個煲撈飯食1流👍🏻👍🏻隨左白飯 佢都會有另一款選擇 就係薄餅啦 薄餅點汁食又係1⃣️流 至於我媽咪就點左個牛肉溫泉蛋飯 呢個都唔錯 牛肉粒份量都幾多下 焗得又唔會韌 好軟熟 又多汁 亦可以整穿隻蛋撈飯食額外我地仲多配左碟炸蝦春卷上枱仲係熱辣辣 見到仲有少少煙岀 咬落脆卜卜野飲就點左1⃣️杯熱抹茶鮮奶 1⃣️杯香芋珍珠 兩者都幾好飲但我較喜歡前者 因爲冇咁甜 撈左之後的樣子

吾知食咩好於是又去沙嗲王食白咖喱豬扒飯 總括嚟講都保持到水準嘅白咖哩一樣濃郁 個豬扒就油炸味重 另外叫咗個士多啤梨沙冰 沙冰就差左啲啲啦比起之前黎嗰陣啲冰多咗好多 士多啤梨又少咗 總括嚟講都會為咗個八咖喱豬再黎 而且人少少 坐得幾舒服

成日都諗唔到食咩好，第一時間諗到沙嗲王，因為多選擇而且D野食都唔錯～可能唔係假日所以現場唔多人，上菜速度快。＄32 大阪薯仔沙律唔知點解叫大阪沙律呢？可能大阪都有呢款沙律掛～沙律用咗薯仔同吞拿魚混合，用一球球的形式上碟。碟內仲有酸忌廉。意想不到，吞拿魚份量都幾多，基本上每一小啖都有吞拿魚，所以小妹覺得幾抵食！＄38 炸魚薯條一上枱，望到第一下心中OS咗一下，咁燶既，又散收收，點食啊～原來我錯咗，沙嗲王同坊間既炸魚係唔同，出面果D係一塊厚魚，但沙嗲王係小魚SIZE。口感鬆脆不過咸咗D，如果減少鹽會好好多。薯條就凍咗同若果份量多返少少會開心D。＄69 蟹粉豆腐鍋飯上次個朋友叫咗，我就痴咗2啖食，發覺幾好食wor~ 今次再叫發覺太咸啦～的確少食多滋味，喜歡濃味既可以試下，用咗咸蛋黃、豆腐、蟹肉煮配白飯的確幾正～值得一讚係真係有蟹肉同埋豆腐份量好多，上枱時用好熱既石鍋上所以食到最尾都仲好熱，的確要加分$23 芒果西米凡叫任個野食都可以用半價購買飲品，叫咗芒果西米。芒果甜而且2個人都夠飲，味道唔錯

每次黎都一定會點蟹粉豆腐鍋🤤算幾足料，有蟹肉同唔少豆腐，重點個汁好好味😋有少少似咸蛋黃嘅味😂不過質素就一時時，今次比較咸，但整體都好滿意～另外嗌左芒果蟹肉炒飯～份量勁多，有成4碗飯，覺得兩個人食完呢碟已經會飽😂但味道就一般般，冇特別驚喜～蟹肉就預左少架喇，同埋好難將蟹味沾埋落飯到。芒果有少少過熟。炒飯唔錯，唔會太濕痴埋一舊。.另外白咖哩豬扒飯都好推介😋😋總結黎講沙嗲王幾抵食，價錢合理份量多。

沙爹王簡直就係讀書時候既回憶, 因為較平, 無乜錢食飯, 所以黎呢度.好耐無入過黎, 而家都係咁多後生仔.. 傻B第一次黎, 仲叫錯左做蕃茄王, 笑死我黎到呢度, 除左白咖哩豬扒飯, 最出名就係沙爹粉絲..一黎到...心感不妙... 點解個湯咁水... 又唔同左色既...... ?! 食落真係差左...... 唔係果回事...... 好失望.....仲要價錢愈來愈貴WOR! 真失望...... SORRY呀傻B, 帶錯左地方....  下次再同你食好野! 

去到旺角想食個飯，又唔想咁快比人趕走，又唔想食CAFE，於是就去左食沙嗲王haha，我地叫左個二人套餐三人share黎食，都幾抵食，每人除番開都係50幾60蚊，又夠飽。我地叫左個芝士牛飯，個飯就幾香，但D牛就有D硬，老左少少，個飯汁比例還好。同埋仲叫左個雞扒飯仲有一款小食:雞翼，佢既賣相就麻麻，偏黃，落完filter影張相即刻唔同哂，雞翼係呢餐入面比較滿意既，還算香脆。最後仲有一杯野飲: 朱古力沙冰，最滿足係飲呢杯野，食沙嗲王都係不過不失，平平地啦

好多年無食過沙嗲王，沙嗲王可以話係我既童年回憶，同班老友聚腳既老地方。雖則大部份男人都未必喜歡豬扒，但呢度既豬扒確係食過番尋味，每次風雨不改都係獨孤一味，我講緊係我既最愛： 白咖哩豬扒飯。雖然我唔食得辣，但呢度既白咖哩香而不辣，杰度適中，用黎撈飯實在一流！豬扒煎到金黃色，咬落食到啖啖既香茅味，加埋洋蔥絲，蔥花真的不得了！每次例必將所有汁一滴不留。各位！別忘記世間上有一種優質的豬扒，誕生在沙嗲王，名叫白咖哩......

話事話，原來成2年冇黎過沙爹王。去開旺角買野，就去沙爹王食番個招牌白咖哩豬扒飯。2個人，就叫左個二人餐！其實係食唔哂嘅。由前菜椒鹽豆腐、焗芝士牛柳粒飯、白咖哩豬扒飯到甜品、野飲。飽到上心口～招牌野，白咖哩豬扒飯，係不過不失架！同行朋友個牛柳飯就認真麻麻～甜品有幾款，芒果椰汁西米露、芒果涼粉、雪糕等。我揀左個曲奇雪糕～ 朋友食涼粉，話味道很一般！

其實都從來未吃過沙嗲王，一聽到朋友提議時，很興奮。惠顧任何食物時，飲品都可以有半價優惠！（$46）鮮芒椰汁沙冰和（$46）台式飲品系列，都可任選一種配料果括台灣珍珠、啫喱、西米或蘭香子。芒椰汁沙冰加了西米感覺都很配合，像芒椰西米露，本應會很好喝，不過西米都完全未熟，西米都是硬口。而紫薯就不錯，很香濃的紫薯味。（$22）冬陰公海鮮湯，湯不算很濃味，都沒有椰香味，另外有蕃茄肉在內湯底較酸，味道一般。（$79）芝士焗牛柳粒飯配紅酒牛扒汁，配溫泉蛋。先把溫泉蛋弄開件在白飯裡，用餘溫把蛋加熱煮熟，紅酒牛扒汁雖然不重紅酒味但都很香口，牛柳肉都很稔很入味，加上少許芝士，令焗飯的口感很有層次。（$50）XO醬炒蘿蔔糕，XO醬很香濃，辣味不重，蘿蔔糕炒得很乾，表面都有脆口感覺，份量亦比想像中為多，好吃！（$68）標準份量-避風塘軟殼蟹，4個人都足夠分，有避風塘的風味，軟殼蟹有裡脆外軟，不過可以避風塘的煮法吃出來是咸味為主，相對蟹味被蓋過了，不太凸出蟹味。（$25/6塊）蒜香牛油烤餅，蒜味十足，烤餅沒有沾咖哩汁，乾著也好吃。（$37）煙肉菠蘿鮮茄醬pizza，看價錢都猜到pizza是很迷你的，看到實物覺得

黎到星期六周圍行，見有啲肚餓，友人提議去食沙嗲王。反正已經好耐無食，ok喎。仲以為有下午茶，我地遲左小小，佢地下午茶5點完呢。。。好快我就決定要肥牛，可以自選湯同麵底。我要左白咖哩讚岐烏冬，友人要咗黑椒雞扒拉麵要沙嗲湯。我地都覺得沙嗲湯底較好，味道濃厚啲，唔會好辣，而且亦較結身。拉麵唔多似日本個種拉麵，比較似上海麵。而白咖哩似乎稀左啲，白咖哩唔夠結身，味道淨咗啲，烏冬都ok，肥牛好味。整體一般，無以前好味啦。。我地正要點餐嘅時候，幫我地落單嘅職員同另外一個職員傾傾下走左去，原因因爲身上有粒飯，我地都呆左，我地當時已經係點緊，指緊餐牌，完全係hea到爆。。。態度唔得！

9月30日晚，点餐4菜+2杯飲品，女侍應已覆單，待等期間有另1女侍應說無下單，再次落單及覆單，侍應之間已在聲吵！待會菜來時，上菜在我旁边的枱号，隣枱説沒有点此些菜，剛才第2次落單的女侍應說自己没落錯枱号，又大聲問第1個落單的女侍應是她落錯枱号，變成食物重單，趕緊通知廚房，我叫她們不要在我枱前爭吵，應嚮食慾！埋單4菜+2杯飲品要$422.40，X0醬要問才記起送，薄荷糖欠奉， 錯亂百出！

本來想到旺角一間近排有點兒名氣的羊店去試試，但是經報章宣傳之下，立即大排長龍，當然當中不乏大量中國人，那我們就藉住這個機會來附近的沙嗲王回味一下吧。很久沒有到這間經典的餐廳，想不到，內裏的格局也差不多，沒有什麼大變化，可算是大家童年回憶之一，時光飛逝，唯獨沙嗲王與友情不變😏。內裏的店員亦是非常之年輕，內裏的食客仍然是非常之年輕，大概可能是因為價錢不貴而又有很多選擇，如果一大群人，其實未有薩利亞出現之前，大家都經常去沙嗲王的。坐下來還是發現有小小不同，例如，以前的餐牌會在底下的紙，將相片全部羅列出來，現在餐牌印在另一份。更加永恆不變的，當然是沙嗲王的白咖喱豬扒飯😏。以往不知有沒有顯示哪一張桌子有什麼需要，但是有沒有按鈕叫店員落單或者結帳🤔我就已經不記得了，畢竟，已經有三、四年沒有光顧沙嗲王。龍蝦湯味道非常香濃，但是也不太覺得太濃味的味精，即使喝完之後也不覺口渴，湯中仍找到兩件龍蝦碎肉，挽回不少童年回憶。白咖喱豬扒飯味道也跟以前差不多，有點兒甜味，但又不像日式咖喱那般的甜，白咖喱，再加入香茅豬扒，相得益彰，兩種香味互相輝映。香茅豬扒的醃料也相當充足，豬扒質感非常鬆軟，不會感到太多鬆肉粉，還

沙嗲王與幾位朋友到沙嗲王晚餐，叫了雞軟骨，白咖哩豬排飯，沙嗲王的白咖哩早已是鎮店之寶，我地仲叫雞軟骨，軟殼蟹，炸到好脆，正！特飲一定要試果杯朱古力沙冰，其他地方都飲唔到依隻咁好味。我地仲嗌左印度薄餅，伴上沙嗲王獨有既咖哩，值得一試。