沙嗲王 (已結業)

分類: 食物沙爹王 下午茶 pizza前幾日同朋友三人行笑，不過又幾好食，估5到，我簡左最普通既煙肉菠蘿，其中一個朋友 就簡左香茅豬扒， 另外兩個朋友 都係簡左鰻魚，＝0＝最普通反而更奇怪，香茅豬扒好食煙肉菠蘿好樓鰻魚我冇食過！！不過沙爹王下午茶30蚊40蚊到都幾抵食！！味道普普通通但係好抵食

沙嗲王係我從小最喜愛嘅飯堂。每次來食沙嗲王都一定會點招牌嘅香茅白咖喱豬扒飯。我本身自己對香茅唔太喜歡，因為覺得有啲似蚊怕水味。但呢度餣製嘅豬扒，完全改變左我呢個想法。反而仲有淡淡的清香味。豬扒先用油煎炸，所以好香脆，肉質鮮嫩，唔會太鞋口。配上香滑濃郁嘅白咖喱汁，好吸引。而且配既飯夠大個，飯粒粒分明，一個餐完全夠飽。午餐好似要另外加錢配飲品，但下午茶就會配送飲品，另外呢度環境好寬敞，坐得舒服，仲有一些卡位提供比三至四人坐。

去到旺角實在有太多嘢食選擇中西合璧樣樣齊不過今次想搵一間可以坐得耐嘅...因為我同個老友有個鴻圖大計要商量一下所以起碼要坐兩粒鐘以上沙嗲王就係一個最佳選擇因為佢一定唔會趕你走其實好老實講沙嗲王都算超級多選擇....你想食乜有乜...個餐牌五光十色任君選擇都真係睇到你花多眼亂我呢個老友痴痴地....冇雞不歡....仲要冇炸不愛....呢個雞軟骨俾佢飲下啤酒....佢先話可以諗到鴻圖大計個藍圖尼個炸鐵板軟殼蟹....都算唔錯識落熱辣辣炸雞塊就吾多好食尼個鐵板燒雞一流燒到塊皮好香口最後食埋尼個肉粒炒飯....坐左2粒半鐘走人

個日係旺角附近收工睇遍周圍都無咩平又好食既餐廳跟住就見到沙嗲王呢個招牌真係好耐成兩三年無食過啦🤤🤤於是同朋友上左去試下白咖哩配香茅豬扒飯其實沙嗲王我試過甘多款都係得呢個岩我口味已經係好大眾化既菜式 佢呢到煮得特別香口周圍既食客大多數都有叫呢款🤤🤤豬扒炸得香口之餘咬落去又係啖啖肉！而且唔係好油 份量都好足夠！建議未試過沙嗲王第一次試可以食呢個啊 重點推薦跟住係小食方面我同我朋友就share左呢款雞翼薯條 雞翼味道我第一次食到甘惹味 原來係牛油香蒜炸雞翼 配搭上牛油啖啖咬落去都係香味四溢我就真係忍唔住一上菜就食曬d雞翼得翻薯條😂不過唔代表d薯條唔好食🤗🤗順帶一提 雞翼同薯條都係即叫即炸 食落去一啲都唔臨 而且滋味香脆 想嗌香口啲既小食米可以試下呢個😊隔左兩年再翻黎食水準依舊 人流似乎更多了排隊都要三到四個至 不過食到性價比甘高的食物 點都值翻既❣️

今日來旺角行街買衫，花費一輪後打算食得經濟一點，就來到沙嗲王食下午茶當晚飯。下午茶時間只到五點，想食記得不要太遲來。點選即燒巨脾配薯角，餐牌寫明需時制作，等了十五分鐘，鐵板終於上枱，雞肉熱辣辣的，肉質鮮嫩多汁，表皮金黃香脆，帶有少少微燶，味道和賣相都一流。令人驚喜的是巨脾並不是「圖片只供參考」，而是真的尺吋巨大，食起來相當滿足。可惜，配搭的薯角不脆，軟冧冧，原本期待有又熱又脆的薯角食，最後令人失望。下午茶價錢相宜，份量和晚市相近，實在抵食得多。

今晚諗住幾個好友食過飯傾下計臨時臨急約,跟住就去左沙嗲王,上到2樓都唔太多人可能時間尚早入到去坐低睇下餐牌就點左幾個飯嬌嫩巨脾飯配白咖哩,白咖哩奇脆雞飯,香芒蟹肉炒飯紅酒牛柳粒焗飯,青蘋果紅茶,咖哩肩胛肥牛飯嬌嫩巨脾飯配白咖哩果真係如D朋友講咁隻脾夠晒大隻食落都唔錯白咖哩奇脆雞飯不過不失冇咩特別香芒蟹肉炒飯D芒果都唔酸蟹肉就冇咩味紅酒牛柳粒焗飯,夠晒熱都夠味,牛柳就一般啦青蘋果紅茶就好普通咖哩肩胛肥牛飯味道普通

好耐無黎呢百間餐廳食過，原本我今日出黎係打算食另一間餐廳，可惜果時已經3點幾已經落左場。突然好想食咖哩就黎左呢間。我仲記得以前約一班朋友出黎食飯係食呢間，因為大家都係學生無咩錢，但係而家約食飯幾乎都係食buffet。入正題，呢間餐廳係2樓，入到去既時候環境唔錯，我一坐低已經叫左個白咖哩香茅豬扒飯，因為以前開始就覺得呢個最好食，咁我叫左個下午茶49蚊再加一，包一杯beverage，個白咖哩既味道我覺得唔夠辣，但總括而言味道係唔錯，個感覺好似食緊泰國野，佢既豬扒肉質鮮嫩，岩岩炸完就拎出黎，正！由於肚餓關係，我食完先發現我唔記得左影相。不過到臨走前飲左佢杯水feel到清潔劑既味道👎🏻

沙嗲王嘅白咖哩豬扒飯咁多年來都keep到水準，豬扒好淋，白咖哩亦好香，送飯一流！咖哩汁唔溜，食完唔會飽飽滯滯好辛苦，但如果咖哩汁份量多返D會更好！D飯都㷛得好靚👍🏻完全唔食得辣嘅朋友仔都可以試試，因為唔辣的，我記得我當年迫我中同試完佢都話唔辣😝另外好欣賞沙爹王個薄餅，好乾身，完全唔油，好難得！蟹粉豆腐煲好香，其實好好味，但可能係蟹粉，食多少少就會覺得溜🙈Tea set好抵食！如果非tea time叫兩人餐都好抵，因為以上推介嘅嘢食都有。

仲記得以前同朋友聚會好鐘意去沙爹王食，因為多款價錢又不太貴，而且好鐘意招牌菜白咖哩汁豬扒飯😃今日，為左久違的白咖哩汁豬扒飯而黎，白咖哩汁好有椰香，配飯一流，豬扒口感唔錯，唔會好硬，味道依然，仲係令人回味無窮😋

問心 沙嗲王 我真係光顧過無數次,多到數都數唔哂!由鍾意食佢嗰個椒鹽脆豆腐,到佢變得唔好味,唔再脆,濕濕地林滋滋~惠顧滿幾錢就送辣椒油; 送現金券;每次去幫趁就嚮門口部機登入儲分換野食...etc佢啲推廣優惠,我都記得哂,試過哂!!!今次同寶寶黎食佢個晚餐,嘩～我見到佢個餐牌大大幅嬌嫩巨脾300g,個幅圖幾震撼吓, 我流哂口水呀!!!大佬~🤤無視寶寶超標勸阻,今餐決定要叫尼個,鐵板嬌嫩巨脾配薯條!!!寶寶就同平時一樣叫左白咖喱香茅豬扒飯,尼個係必食既飯,膽拖其他~我仲癲到扭叫左反式脂肪既:印度薄餅 蘸 咖喱汁超爽呀!!! 大解放!!!鐵板嬌嫩雞雞巨脾真心超嬌嫩多汁肉彈,皮香脆可口熱辣辣,好味到唔想分俾寶寶！希望可以再食呀!!!

從前好喜歡去沙嗲王食飯，同屋企人晚飯或一班朋友一齊去high tea吹水都有，諗返以前好開心，講到自己好老😂 人流不及以往多，常有少數等候入座。由於太肚餓先點了鮮芒果蝦沙律，蒜蓉牛油雞翅，無牛油味，但好好味，可能太肚餓😆，蟹肉豆腐煲，顏色欠佳，不過蟹肉同豆腐簡直絕配，鮮榨青檸甘梅蜜配蘭香子，口感無咁復雜，除左好甜同好甜..未飽再加單，XO醬炒蘿蔔糕，往年水準好d，白咖哩香茅豬扒飯，奶白色咖哩，豬扒切件太大塊，熱滿推介，有保證。

下午茶叫左個沙嗲湯底香茅豬扒粉絲, 佢有輕量版 ($39)同埋標準版($49)揀, 我就叫左輕量版試下, 但黎到之後我發覺好大碗喎, 即刻心諗"咁都叫輕量版? 好彩冇叫標準版....."!! 香茅豬扒有兩塊, 聞落好香香茅味, 每塊唔算大塊但幾厚切. 咬開肉質一D都唔鞋, 好鬆軟呀. 碗粉絲都好正, 沙嗲湯底幾濃味, 沙嗲味夠香又唔會好辣. 質地少少杰身, 又唔會好漏, 湯底既配粹都唔少, 見到加左D花生碎, 蔥粒, 芽菜同埋芝麻~  而粉絲既份量真係唔少...夾起連埋D沙嗲湯一齊食好味呀...食完勁飽. $39呢個餐仲有凍飲真係算抵食, 雖然要加一, 但埋單佢又會每$20比$2 coupon你下次用, 所以都OK.

當間間都要排成10幾20張台個陣！沙嗲王絕對係平靚正既最佳選擇！叫左三個小食再加2個飯！3個人食300蚊都唔洗！簡直算係晚飯精選！一去到排5張台左右。由於有兩層。都好快就有位！鐵板炸豆腐！外脆內軟！真係好好味 xo 醬炒羅白膏！味夠味份量又夠多！正！牛油雞亦不過不失！但如果要二選一一定會叫豆腐！叫左個招牌白咖哩！送飯一流！有3-4塊豬扒！用料一d都唔弧寒！啖啖肉再加埋白咖哩！每人2-3下就ko左碗飯！紅酒汁牛肉焗飯！雞蛋絕對係精髓！半生熟蛋拌焗飯！十分match. 牛肉唔會太老！芝士亦都夠多！唔錯唔錯！

今日一返到公司，同事就話今日好想食白咖喱，於是 Lunch time 就成班同事出左去食飯。旺角呢間第一次黎，坐位都好寬敞。白咖喱豬扒飯 $54 x 2 - 呢個係沙爹王嘅招牌菜，每次黎必點，咁多年都維持到水準。每碟有三塊豬扒，厚切但整得好淋，有淡淡香茅味。白咖喱微辣有椰香，撈飯一流。紅酒焗牛柳粒飯 $68 - 一上枱，我地就嘩嘩嘩，飯上面嘅牛柳粒好似就嚟滿瀉，份量超多。入面除咗有芝士仲有溫泉蛋，撈埋飯同牛柳粒一齊食，口感好豐富。蟹粉豆腐鍋 配 薄餅 $78 - 因為太多飯所以配薄餅，可以點蟹粉豆腐黎食。豆腐好滑，蟹肉新鮮。一直以嚟都只係會叫白咖喱豬扒飯，今次經同事介紹，原來紅酒焗牛柳粒飯都好出色，下次就唔使再獨孤一味。

原本打算中午去官塘食沙嗲王，點知執左就改左食其他，但夜又系旺角又見到沙嗲王就來食啦！避風塘軟殻蟹外面好香好鬆脆，味道又好濃郁又唔會腥。脆脆炸蝦捧炸到金黃色，咬落又淡淡蝦的鮮味。白咖哩豬扒飯d汁好濃郁特別豬扒有好濃郁的香茅味又好入味又唔會好韌。奶油津白味道一般。