沙嗲王 (卓明大廈)

營業中

休息中

蟹粉豆腐鍋配飯$74然後加左$15要咗兩件印度薄餅。我間唔中都會嚟沙嗲王食晏晝飯，呢個豆腐鍋真係不得了，食咗咁多年佢都咁好食。真心單食佢呢個鍋係一定偏咸，但配隻就不得了！一定食晒配飯！但係佢個豆腐又嫩又滑蟹肉又多而且成日貪佢食完有現金劵比返你，所以我食佢真係真左好多年由中學到依家成10年了！除左呢個仲成日食白咖喱豬扒飯。以前荃灣得一間，自從喺鐵皮屋附近開咗呢一間店，呢間店大左多位左，等候時間又少咗。已經好耐冇去地鐵站附近嗰間啦。

今日時間好尷尬，想落荃灣食早餐，但去到已經11:32，剛過左d餐廳既早餐時間，係條街行來行去唔知食咩既時候，一個華麗轉彎竟然比我見到間沙嗲王，好餓既我就梗係即刻入左去啦，睇下個lunch menu 有我至愛既白咖哩豬扒，好自然我就叫左，食過咁多次我都從未失望過既白咖哩，當然今次都一樣好好味，微微既辣，濃厚既咖哩香味，豬扒厚度剛好，肉質豐厚有質感，濃郁既湯配滑滑既烏冬，再加上炸過既乾蔥，真係無得輸，加上餐廳既環境舒服，夠大夠闊落，座位都好好坐，整齊乾淨，荃灣街鋪既餐廳尼講算唔錯👍(即時做會員有減$5優惠)

今晚朋友突然話好掛著蟹粉豆腐鍋嘅味道 於是去左沙嗲王蟹粉豆腐鍋 一如既往好味 蟹粉味滲透咸蛋王味 好邪惡 蟹肉就比平時多左薄餅好鬆軟 好大塊 配呢個鍋真係絕配呢個新出嘅組合都好抵食 4十幾蚊有埋野似滑蛋香茅豬扒飯 豬扒醃得好入味 每一啖都有香茅味仲有呢個黃金軟殼蟹好正 用咗好多鹹蛋黃去炸隻軟殼蟹食落口充滿鹹蛋黃同鹹蛋黃嘅油 食完真係罪惡感爆棚太多咸蛋黃嘅關係兩個人都食唔晒呢度嘅野環境方面呢度啲位都幾闊落 坐得都幾舒服 餐廳都算乾淨

是日與家人到沙嗲皇食午餐，都算多座位所以我們選了一個卡位去坐。睇下餐牌有咩食，結果叫左以下食品：白咖哩豬扒飯，泰式酸辣鱸魚，石鍋x o醬蘿蔔糕。白咖哩豬扒飯-個咖哩汁都幾香口，豬扒肉質唔錯。泰式酸辣鱸魚-新菜單所以試不過個味道就覺得一般了，半條魚肉質你正常。加埋個飯加多5蚊。石鍋xo醬蘿蔔糕-雖然油左少少了，不過石鍋夠熱夠晒香口。

我內容會解釋經過大河道餓餓地，個袋仲有張優惠券。又見到沙嗲王就食啦，其實我成日食。叫咗下午茶白咖喱豬扒飯得雞翼，跟一杯香芋珍珠奶茶。香芋珍珠奶茶都有香芋味幾好飲白咖喱豬扒飯到，其實佢size細咗，比正餐大概平$10。如果只係咁我嗌大嘅，這個點做我覺得唔抵食。蒜蓉牛油雞翼到，真的重蒜蓉和牛油味，幾好食應該叫。買單$63，下午茶抵唔抵，見仁見智。但我覺得如果一早知我會比多10 食大嘅。臨走又有幾蚊優惠券溝下你，算啦下次我都會去

環境：比較嘈．坐得不太舒服．位比較迫．------------------------------服務k,算有礼貌既姐姐．------------------------------食物：為第五人格而去（因之前去過，冇咩好食）⬆冇包歺飲．好普通既肉酱雞扒飯．order第五人格menu既歺，送書簽一張（不能選）⬆第五人格飲品水樽可拎走．但回家用了三次便流水了。⬆芝士焗牛肉飯普通．．．⬆沙嗲牛麵都係好普通⬆普通歺歺飲加少少$有珍珠飲品抵第二次來，都係覺得冇咩好食

以前讀書甚至之前返工附近有沙嗲王基本上都會定期幫趁🤣 一方面當然係因為有cash coupon，另外就一定係因為佢個白咖哩豬扒飯😋😋 雖然明明係沙嗲王，但真係唔知點解最出名既唔係沙嗲😆呢日放假行開荃灣，決定去食食久違既白咖哩豬😎 白咖哩豬扒同飯係分開上既，咁就可以自己控制想撈幾多咖哩～ 豬扒有3塊，而且都唔細塊！全部都好淋好易咬👍🏻 成個飯味道水準到keep到同以前食一樣！👍🏻 份量充足食到飽一飽😋 滿足💜

今晚孤零零一個放工返到荃灣食自己, 經過見到沙嗲王, 而家同遊戲第五人格合作, 出咗一啲特別既野食, 不過自己一個就試唔到咁多。時間晚上九點幾仍然有好多人, 踏入餐廳等待店員帶位, 可惜見到兩位店員企近收銀位交談但未有理會, 唯有主動上前要求入座。 白咖喱豬扒飯同蟹粉豆腐鍋, 兩者最終揀咗後者, 兩樣都想食真係好糾結😂 下次再食白咖喱豬扒啦～熱辣辣石鍋上枱仲滾緊, 超級濃郁既蟹粉, 仲有滿滿既蟹肉, 滑嘟嘟既豆腐, 淨係睇賣相都流口水啦～ 要清哂一碗飯絕對唔係問題, 好味👍👍👍

朋友山長水遠黎搵我，我推介食沙嗲王!因為款式多，味道質素都保持到水準~口痕見到啲炸物冇理由唔食嫁~ 好像叫緊我"你食我啦食我啦"~那個避風塘魷魚仔好食~但我建議盡早襯熱食完!因為凍晒就唔好食啦!另外叫咗碗白咖哩豬扒烏冬! 白咖哩豬扒系列基本上冇得輸!~人氣食品之一! 之前食白咖哩豬扒飯 , 點都會將所有白咖哩汁撈晒落去白飯，慢慢食!~豬扒唔會太硬，味道足!~份量多到食完係要抱著塞滿晒嘅胃走人!~最後叫咗個椒鹽脆豆腐~多脆內軟!~好好食!~鹹味適中!沙嗲王裝修後夠光猛! 令人感覺精神!最特別是旁邊有賣動漫飲品!~好多動漫迷會特登去買野飲抽杯墊!期待下一次再去食!

一行三人係荃灣食lunch 行過沙嗲王聞到陣陣香味即刻決定食呢間 等左一陣就有位喇Lunch都媽多款揀 都係揀白咖哩食😋白咖哩豬扒烏冬 - 好足料！大大碗豬扒夠厚身又淋 小小香茅味👍🏻👍🏻勁香口白咖哩湯底好濃郁 烏冬煙un 湯入面仲有雜菜雜菇 真係好足料～同行兩位友人叫皇牌白咖哩豬扒飯（冇影相）都係讚不絕口😍食到捧住個肚走。總結*個白咖哩汁做得超出色 令人念念不忘 會想想一食再食的！另外每次埋單都送coupon留下次用，抵食！

行荃灣本身想搵下有咩荃灣先有嘅野食，但經過沙嗲王始終敵唔過佢白咖哩嘅吸引力，俾佢一下吸左入去。叫左蟹粉豆腐鍋同埋白咖哩豬扒飯，兩樣都熱辣辣送上，保持水準超級好味道。食完又送coupon，睇來離下次再食不遠了🤣

記得91年還在港島區嘅時候已經好鍾意去砲台山沙嗲王， 真係有細食都大， 對佢嘅牛油雞翼真係有一份情意結， 好可惜佢嘅香芋西米露已經冇得再出，真係十分好食！每次都會點嘅係白咖哩豬扒飯，冬陰公豬扒米線，以前有金邊粉㗎，不過已經冇咗一段時間.....牛油雞翼都係必點之選， 香脆可口， 炸軟殼蟹都係另一個推介。不過唔知點解個冬陰功就係欠缺咗酸味， 通常我都要加檬汁，去提升佢嘅味道， 如果味道，可以調教一下就very good。還有，香茅豬扒粒飯個豬扒粒真係太細少啦，似手指公咁大但係好薄身， 好冇口感。 沙律菜一般般啦。至於價錢已經冇以前咁抵食， 不過都可以接受，六點鐘左右去到通常唔使等位，六點半後就開始多人。

琴晚OT到九點幾，search下附近有咩餐廳係仲開緊，跟住search到沙爹王開到十一點喎，諗都冇諗就去左喇。去到都十點十分左右，座位任揀，即刻叫個蟹粉豆腐鍋！食左咁多年，一排冇黎啫，原來已經73蚊一個....都真係有啲貴好快就上左菜，估唔到嘅係咁夜黎到都仲keep到水準，個鍋仲係咋咋聲，熱辣辣架雖然係貴左好多，但好彩嘅係豆腐、咸蛋同蟹肉都冇少到，依然惹味。咁夜黎到，都唔好預左有好好嘅服務，而且收銀趕住埋數，食食下都要出去櫃位比左錢先，原來仲要加一..即係食個飯，仲要冇野飲都要八十幾蚊，其實真係有啲唔抵。不過番完工咁攰，食到個咁惹味嘅蟹粉豆腐鍋都係開心嘅～

今晚同屋企人食飯，見我阿媽未試過，所以帶佢去試下。啲野食好大眾化，個白咖哩豬扒飯好多人食，不過我阿媽唔係好鍾意食咖喱，所以我哋冇叫到白咖喱豬扒飯，反而試咗第個石鍋豆腐煲。先來個韓國柚子雞翼，酸味啱啱好，唔會太個酸，而雞翼都幾大隻。之後叫咗個煙肉溫泉蛋沙律，溫泉蛋好大隻，配埋他他像一齊食，好好味。之後叫咗個煙肉溫泉蛋沙律，溫泉蛋好大隻，配埋它長一齊食，好好味。叫咗個蟹黃豆腐石鍋煲，配埋薄餅，好好食，蟹黃味很重。

每次食完沙嗲王都有coupon, 搞到我成日都會每隔一段時間再去食~ 而又因為野食種類好多, 暫時都未食厭! 最近呢次食完, 想寫下少啲人叫過嘅食物比大家參考, 我同個frd簡簡單單兩個人淨係各叫咗一碟野食再加個飲品, 海鮮焗飯好大碟; 年糕牛柳粒係難得唔煎炸ge小食, 食完都好飽; 個奶茶咖啡啫喱特飲都幾有新意~ 就算唔係最受歡迎嗰幾款食物, 味道都唔差㗎! 大家下次都可以試下皇牌以外嘅食物!