沙嗲王 (卓明大廈)

營業中

休息中

Thanks God Its Friday 話咁快又到星期五，又係時候同親朋戚友戀人知己去食好西話說今日我就約左屋企人岀街食飯，而媽咪又好掛住沙嗲王的白咖哩豬扒飯，咁就一於順下佢老人家意去食沙嗲王咁我地就揀左屋企附近的依間沙嗲王，貪方便，而且都幾大間咁我地一坐低媽咪就急不及待嗌左個招牌白咖哩豬，之後就由我地發辦，咁我地都唔客氣咁點左個我好鐘意食的黃金蟹粉豆腐煲，同埋蒜蓉牛油雞翼，以及椒鹽豆腐。咁首先講左招牌白咖哩豬扒飯先la佢仍然保持一貫水準，甜而不辣而且充滿椰香味的白咖哩配上炸得酥脆可口而且十分入味的豬扒，簡直係送飯極品，難怪我媽咪咁鐘意食la而另一道菜黃金蟹粉豆腐煲都唔輸蝕，一上黎就熱氣騰騰，金黃色的蟹粉加上面頭啖啖蟹肉，配搭嫩滑的豆腐粒，又係謀殺白飯的一大殺手而另外兩道小食蒜蓉牛油雞翼同椒鹽豆腐都好食，值得推介，今晚真係大滿足

白咖哩豬扒繼續係冇得輸同朋友兩個人經過荃灣見到沙嗲王，突然又心思思想食白咖哩豬扒飯，於是決定上去醫肚。呢排餐廳做緊新世紀福音戰士嘅布置，牆身有好多呢套卡通主角嘅畫，又有人咁高嘅紙牌，感覺都幾得意，好似去左啲動漫Café咁，不過我就唔係好識，只係識凌波麗。講番食咩，今次簡簡單單叫左白咖哩豬扒飯同埋溫泉蛋肉醬飯，啖啖肉唔使lur骨，白咖哩豬扒飯真係冇得輸，全香港其他地方都冇得比，豬扒有3塊，塊塊都夠大，d汁好香好夠味，齋係汁撈飯都好好味，d飯次次都唔夠食，平均每個月都要食一次，次次都唔厭嘅！至於溫泉蛋肉醬飯就正正常常，都幾香，但下次可以試下其他飯款。飲品就冇特別加錢，飲番好普通嘅熱奶茶同荔枝綠茶，有人話d荔枝綠茶同水蜜桃綠茶宏太甜，但我就覺得幾好，仲有啲啫哩可以咬下。埋單一個50幾蚊一個40幾蚊，加埋都係大約100蚊，用返上次送嘅現金卷，都ok抵，今次呢幾蚊現金卷都要儲住，下個月又黎食過先。

荃灣有兩間沙爹王，今次終於試這間新既！二點去到，因為等多半個鐘，就有下午茶叫，但我地無等lu！黎到當然要叫招牌白咖啡豬扒飯！豬扒鬆軟入口啖啖肉，白咖哩惹味又特別，4個人share，每人都分到件豬扒食😆紅酒牛柳粒焗飯，牛柳粒上舖滿芝士，醬汁甜甜，令人想繼續食😂脆蝦棒有四條，炸得香脆，啖啖蝦肉👍🏻石鍋奶油鍋鍋菜，熱辣辣，滋滋聲，朋友唔小心掂到個鍋，手指即刻起泡，所以大家都要小心d！一口炸蝦球，脆卜卜一啖一口，食得滋味食完又有優惠券回贈, 誘惑你下次再返去食👍

之前幫襯過油麻地沙嗲王，我朋友叫咗啲職員喺碗拉麵走青，到最後冇走到，但自覺味道還可以，所以今次同咗個妹嚟幫襯，入到間野就開始覺得中伏。原因有幾個：1）入到去唔係繁忙時間，有好多位淨，想坐卡位，但待應好串地話唔得卡位只係比個人坐既。2）叫咗野食，啲野食到齊後，我食第一啖，已經有一塊不明來歷的膠喺我把口入面，我吐出嚟後再問一位待應係咩嚟，個待應話會換比我，但一等就等好耐，我個妹的麵已拖慢嚟食，都已食到所淨無幾，期間我已最少兩次，每次都叫我等，最後第三次忍無可忍嘈佢哋啲待應，先自施施然攞碗麵比我，仲要一句唔好意思都冇。碗麵仲要係比之前嗰碗多3倍的油（相中出現既係被加料的嗰碗麵，並不是我實際最後嚟嗰碗麵）3）按扭上的‘呼叫’係冇用，禁咗落去最少10分鐘都冇人理，過咗10幾分鐘行到埋嚟我哋嗰度，冇問我哋需要啲咩，只叫我禁個取消制。4）本身餐牌上寫特濃朱古力沙冰，點知杯野只係普通朱古力奶加oreo餅碎放上上面。所以，食完依一次，真係後悔嚟咗依間野幫襯，服務、衛生同食物冇一樣達到正常準備，對依間野好失望。

有一段時間沒來吃 每一次來我都會點龍蝦湯可是龍蝦湯今非昔比 淡而無味 稀釋了很多 賣相也變差了 其他的還是可以咧蒜蓉牛油雞翼 還是可以 可口牛油香另外 還點了 白咖哩豬排飯椰香味濃 還是保持水準 不錯咧 還是對龍蝦湯 非常失望

我愛冬蔭功Tom Yum Kung午餐來個醒神米缐，冬蔭功扎肉軟殼蝦米缐配溏心蛋半隻，雖然🦐沒有什麼🦐味，但整體而言是不錯的，我喜歡冬蔭功湯底，對我是少少辣，很醒胃。套餐還可以升級，他們的鮑汁雜菌炒得很爽脆。午餐後， 一杯奶茶是指定動作，這兒的也不錯。

好好味的白咖喱汁午市套餐永遠都是快、靚，食過才知正唔正。忽然好想食咖喱飯，行過沙嗲王入去叫個白咖喱香茅豬扒飯，一碗唔細的白咖喱汁加豬扒，白飯🍚另上，豬扒好腍 但肉味欠奉，個白咖喱汁就非常美味。

今日忽發奇想想懷念下沙嗲王，上次食既時候已經係幾年前既事，今日再同💁🏻‍♂️去食今次沙嗲王crossover monster hunter, 有打開既人都會認得隻貓，店家好醒咁用佢本身賣開既嘢食改個得意既名，又可以大賣，醒目2人餐其實都幾抵食，不過今次都係要try try 💁🏻‍♂️favourite 😂monster hunter special edition meal我自己就有點掛住個豆腐鍋，同以前既味道係一樣既，有d咸蛋黃既香味，加上蟹粉，蟹肉，好食，不過依個配飯應該夾d,因為係好漏的薄餅好香牛油味，都大塊同鬆軟，不錯避風堂軟殼蟹，以前好似大隻啲，唔知點解縮左水，不過幾多人先好叫，都幾多油同漏💁🏻‍♂️叫左monster Hunter 主題既炸魚，超級大塊，係大個豪大大雞扒同我塊面，結果。。。。食5哂😅😅😅不過依個價錢依個份量係抵既叫左2樽special edition 既嘢飲，味道不錯，一樽係玫瑰檸檬熱飲加小小椰果，另一樽係百香果jelly , 二樣嘢都5係藥水味嘢飲，不錯總括而言，有機會可以嚟食下，男仔們屠龍屠到悶可以出嚟食下

星期日經開呢頭，好耐都冇食呢間，由細食都大都咁好味既品牌，決定回味一番。貴左唔少，由當年三十零蚊升到五十幾六十。由雞扒同豬扒變到而家咁多選擇。最後決定回味下由細到大未有其他餐廳比佢更好食既白咖哩豬扒飯。呢間分店上菜比較慢，但員工明明走來走去好勤力，真奇怪。講番食物先，冇得輸！淨係賣相已經好親切。香料滿怖，洋蔥香茅蒜片蔥花，香氣四溢。洋蔥較生，味更濃，個人能接受。蒜片脆又香。主角豬扒，大大塊三片，香脆，賣相佳。爽滑彈牙冇得輸，香茅入味，掛上咖哩汁，齒夾留香。靈魂係個汁，香料多，復雜而融和，味道極佳。而且較杰身，掛汁好正，掛上豬扒一流，撈飯亦一流，冇得輸！唯一要考慮就係貴左d，午餐來講63.8唔包野飲⋯⋯⋯係加左一架！水同餐具都自己動手，埋單又自己去埋，咁加乜春野一呢？總結：食物好好好好食，價錢唔係唔平，而係未必令我比錢果時條氣順。

難得入到荃灣，諗住搵好野食，點知人生路不熟，又吾夠時間，就一路行一路睇下有咩食！誰不知見到沙嗲王，心諗：嘩，都有六丶七年冇食過lu,重以為已經冇左🤣🤣🤣😜就一支箭入去坐低食！荃灣大河道呢間分店好大，好寛躺，坐得好舒服，我去嘅時候係2:00pm,所以冇咩人，本身想等下午茶，但我自己又趕時間，加上原來午餐同下午茶價錢分別不大，就冇等兩點半，直接入去食算數😋😋冬蔭公札肉蝦米缐：湯味不太重冬蔭公味，少辣，但蝦同札肉幾好味，個雜菜亦炒得吾錯👍🏻👍🏻呢個係白咖哩香茅豬扒烏冬：我覺得反而呢個重好味，白咖哩吾辣，但個味幾出，啲烏冬入唒味，個豬扒吾使講啦，大家見到都想食😋😋😋💯重要有三塊😅😅飽到呢🙇🏼‍♀️🙇🏼‍♀️🙇🏼‍♀️

荃灣有兩間沙嗲王，我較遍愛位於大河道這間，燈光和座位都相對下舒服。這個意大利貴族焗飯($56) 材料主要有肉醬和溫泉蛋，熱烘烘的肉醬和蛋黃汁是個不錯的配合。鮮茄芝士焗厚切豬扒飯($69) 亦是不錯之選。豬扒大約有四至五件，每件都挺厚的，而芝士都有營造拉絲的效果。

新裝修後到係第一次嚟，表面感覺係乾淨咗嘅。我哋揀咗個二人餐，有前菜／餐湯，兩個 main course，一款小食同埋兩杯嘢飲。嘢飲其中一杯試咗藍色特飲，但發現佢冇乜特別。仲有珍珠奶茶添！小食有檸檬雞翼，估唔到佢咁多醬汁。Main course 叫咗蟹肉豆腐煲配薄餅，仲有咖哩豬扒飯。蟹肉豆腐煲值得食，蟹味香濃既足料！我建議配白飯會好味啲！掉轉咖哩豬扒配薄餅！快餐嚟計，呢個午餐都算豐富，只係貴咗少少。其他常餐應該會抵食啲！

又是星期五的team lunch時間，得知荃灣這邊新開了一家沙嗲王，這個星期便與十多位同事來這邊午膳。新開業沒多久，裝潢蠻新淨，地方尚算闊落。午餐價錢由$50餘元起至$70餘元，價錢中等，仍尚算合理。照燒雞扒煎蛋飯: 售$50餘元，香煎雞扒兩塊，配日式照燒汁，雞扒香口，配日式照燒汁蠻惹味。做法簡單，只要花費十元買一塊上雞脾肉，然後用李錦記照燒汁煮製即能煮出同樣味道，是否抵食可自行判斷，味道方面屬正常，與上述自製方法無異。若不是吃過數次白咖喱豬扒飯，我也不會選這雞扒飯。。。。。。

四個人食晚飯，星期三嘅夜晚都幾多人。員工都好有禮貌👍叫左個二人餐，再加其他小食。蒜蓉牛油雞翼個人認為炸得幾香，但無乜牛油味。再嚟個冬陰公扎肉蝦米線，呢個幾掋讚👍佢有啲番茄有啲青檸配埋個冬陰公湯底，真係一流。再叫左一份煙肉菠蘿蕃茄pizza，個人認為一般，無太大特別。白咖喱豬排飯個汁幾好，豬扒都幾林， 有輕微炸過。再有一份跟餐既雞脾配薯條，雞脾都好大隻，肉又嫩，薯條又脆👍👍。跟餐除咗有湯同沙津選擇，仲有配送兩杯飲品，我叫左一杯珍珠奶茶，奶奶茶味道一般，珍珠都幾q口。另一杯係芒果汁，見到都幾足料。最後我最最最滿意既係炸豆腐，真係炸得好好，豆腐又嫩滑，外層又唔厚既炸面👍👍👍😋。環境坐得又舒服。啲staff又好禮貌。

在惠荃體育館打完波，飢腸轆轆，路經沙嗲王，眼見只剩下數分鐘，下午茶時間便完結，便一個箭步衝上店子，極速點餐。職員也相當醒目，立即安排我和朋友坐下，迅速遞上餐牌。我們點了加大份量的香茅豬扒、冬蔭功湯粉、薯條配蘿蔔糕。冬蔭功湯非常足料，蕃茄、青檸磨菇等材料應有盡有，雖然不如泰菜店般正宗，但酸酸辣辣，味道相當不錯，非常開胃。香茅豬扒厚厚多肉，甘香鬆脆，香茅味濃，十分清新。薯條及蘿蔔糕亦非常可口，雖然相當肥仔，但美食當前，實在抵不住誘惑。下午茶餐配有餐飲，相當不錯。到沙嗲王下午茶，真是不錯的選擇，令人相當滿足。