沙嗲王 (黃金廣場)

營業中

休息中

突然間好掛住沙嗲王於是就嚟咗食lunch叫咗個蟹粉豆腐鍋飯加咗一份蒜香牛油烤餅，另外見到有新嘢，就試吓呢個沙嗲特選肩胛肥牛粉絲沙嗲特選肩胛肥牛粉絲，沙嗲味好濃，亦都唔係好辣，粉絲亦都好入味，但係牛肉就冇乜肉味蟹粉豆腐鍋飯再配埋蒜香牛油烤餅，烤餅就相當香脆，蟹粉豆腐鍋亦都好足料，夠晒鹹香，最啱就係配飯食！少少失望嘅係當日可能漏咗單，等咗大半個鐘都未等到個蟹粉豆腐鍋飯…中途搵過兩次店員但係有1次就冇理到我哋，亦都冇幫我哋跟進，去到第二次先有人同我哋講佢哋個爐壞咗要等多陣…

order左個沙爹牛肩烏冬，催左3次，等左50分鐘都冇黎。其他食物質素普通但係都等咗好耐。 隔離枱的客人都話佢哋啲食物等咗好耐。 但係要等五十分鐘都冇嚟實在太過分。 以後唔會再去。

童年回憶沙嗲王🐇2人餐$258🥕白咖喱香茅豬扒飯⭐️⭐️⭐️⭐️⭐️白咖喱汁夠多，食落鹹左少少，不過用黎餸飯都可以接受，白咖喱少少微辣，有4大塊香茅豬扒，好香口夠juice 。🥕沙嗲特選肩胛肥牛粉絲⭐️⭐️⭐️☆☆粉絲煮到十分入味，沙嗲好香，不過冇以前甘濃郁有d失望。🥕泰好味之叉燒豬頸肉+$18⭐️⭐️⭐️⭐️⭐️豬頸肉燒得好香口，外脆內嫩，口味偏甜，夠大碟。🥕脆卜卜薯條+$10⭐️⭐️⭐️⭐️☆好大碟好多條，係粗薯條，炸得幾香脆可口。🥕台式涼拌小黃瓜⭐️⭐️⭐️⭐️☆小黃瓜幾新鮮，十分入味，夠酸微辣，好開胃。🥕菠蘿碧海⭐️⭐️⭐️☆☆顏色好靚，不過飲落5似菠蘿，有d波子汽水既感覺🥕火龍果蘋果梳打⭐️☆☆☆☆感覺好似冇乜味，就係普通但有顏色冇甘苦既梳打🥕甜品⭐️⭐️⭐️☆☆要左一杯雪糕，另一個係鮮芒果椰汁西米露，芒果夠甜，可惜椰汁味道怪怪有杏仁feel，而且好淡，西米係勁大粒個隻，5係平常食開糖水舖個d。======詳情======沙嗲王 (黃金廣場)銅鑼灣軒尼詩道502號黃金廣場5樓================#香港美食指南 #hkfoodie #hkfood #hkeat #yummy #相機食先 #吃貨 #吃貨日常 #RR吃貨

沙嗲王細細個嘅時候已經食開，嗰陣時到到都有分店，印象中就好似係高級版嘅大家樂，而且坐啲位比較逼夾，枱又係細細張，今日約咗朋友去銅鑼灣周圍行，由於晏晝嘅時候好多餐廳都落場，咁我哋就選擇性價比高嘅沙嗲王啦，銅鑼灣呢間分店座位算係比較寬敞，我哋揀咗卡位，order係用手機落單，餐廳嘅另一邊可以望到SOGO嘅電子版好有趣我同朋友都冇食晏晝，所以好肚餓一見到香口嘢就瘋狂落order1) 呢個軟殼蟹不得了，簡直就好似喺大排檔食嘅一樣，唔單止外脆內院，而且入邊熱辣辣非常之好味2) XO蘿蔔糕絕對比一般酒樓嘅整得好食，因為每一舊蘿蔔糕佢都炸到脆卜卜，而且入邊食到有蘿蔔味又真材實料值得一讚3) 炸雞粒簡直冇得頂，尤其是雞粒，連埋啲雞皮，勁香口4）清酒煮蜆超有誠意，一上枱滿滿都係蜆肉，而且佢個湯好有薑味，必食之選另外我哋都嗌咗兩杯熱奶茶，我覺得有少少似印度嗰啲香料奶茶，偏甜，但係配合埋，以上嘅食物就真係啱啱好👍最後埋單連加1總共268.4，超級抵食！

寫寫下食評，發現自己好鐘意食蟹最鐘意食佢午餐，因為平靚正。最鐘意食佢個蟹粉豆腐窩飯不過佢越嚟越貴小食鐘意佢個炸曼頭，軟殼蟹，炸雞翼同埋佢個手抓餅。午餐杯熱咖啡☕️

今日返工有同事提議食沙嗲王🍚我個人即刻醒一醒，自從中學之後都好耐無食過😋。今日同沙嗲王重逢，發現水準都保持到。👍🏻沙嗲王 (黃金廣場) (銅鑼灣)銅鑼灣軒尼詩道502號黃金廣場5樓抵食指數: ⭐️⭐️⭐️⭐️⭐️白咖喱鐵板嬌嫩巨髀飯🍗🍚 $75加煎蛋🍳 $9甜甜嘅白咖喱加埋煎蛋同白飯一齊食 味道昇華左幾個層次🆙🆙嬌嫩巨髀🍗🍗又嫩又滑 雞油均勻遍布每一個地方 啖啖雞油同嫩肉混合一齊食 簡直係人間美食👍🏻

第一口感唔錯 呢個價錢冇唸過可以呢個味道 不過 食食下發覺入面嚿蟹肉黑色嚇親賣相可以不過好鹹加埋薄餅都平衡唔係太到不過薄餅好味煙靭另外冇影相產品系列珍珠奶茶、芒果西米沙冰都好飲

好耐好耐無去沙嗲王，耐到有成十年八年了。今日同同事去食午餐，一行六人，叫左六個餐。- 白咖哩豬扒飯- 白咖啡吉列魚柳飯- 酸菜魚飯- 蟹皇豆腐鍋飯- 沙嗲牛肉烏冬- 巨脾飯加多左兩個湯，一個菜，一個薯條，一個鳳爪。基本上個個轉晒特飲，total $660 左右。每人平均 $110。食到個個都飽到傻。開心滿足的一餐。

伴隨港人長大既『沙嗲王』今日行完街唔知食乜好之際，想食平平地，好耐無食沙嗲王，就同老公、同女女去咗『沙嗲王』，我諗『沙嗲王』真係陪隨住港人長大，至少我後生做女食到依家做埋人阿媽，我地叫咗︰蝦粉豆腐鍋配白飯 $72蒜香牛油薄餅 $28越南脆皮春卷 $41煙肉上湯娃娃菜 $42蝦粉豆腐鍋同之前一樣咁好食，蒜香牛油薄餅非常脆口，越南脆皮春卷有少少辣，煙肉上湯娃娃菜就正常發揮，不過隨住時代變遷，而且除咗一些牌菜外，食物款式同味道方面，都好似無以前咁好食同咁多款揀，不過勝在唔限時食同座得舒服。

嚟到銅鑼灣行到攰一攰唔知食乜好雖然呢個地區好多食肆，花多眼亂不過見到沙嗲王嘅招牌，好想尋回返佢以前嘅味道以前食沙嗲王既時間仲係海盜風設計而家餐廳嘅設計非常之平實親民餐牌上面嘅款式亦都多咗好多新嘅唔同菜式但我依然鍾情於沙嗲肥牛粉絲同白咖喱豬扒飯我哋點咗炸蝦餅多士，特濃朱古力，避風塘軟殼蟹，沙嗲肥牛粉絲各樣野整體都非常之好，並冇失水準（極力推介炸蝦餅多士呢度嘅食物價錢亦都非常之親民，好適合月光族或者上班族返工放工嚟食

🍲蟹粉豆腐鍋飯豆腐用石鍋上，食到最後都仲係keep住熱辣辣🤤豆腐嫩滑，配埋鹹蛋黃既醬汁，送飯一流😋蟹肉既份量都唔少👍🏻食呢個飯千期唔好心急，好容易辣親個嘴😂🐷白咖喱香茅豬扒飯經典之選❗️豬扒有三大塊，上面有好多香茅碎，肉質軟腍☺️白咖喱十分惹味，完全唔會辣，小朋友都食到🫶🏻有陣時係銅鑼灣諗唔到食咩，又想平平地，就會黎沙嗲王😗沙嗲王完全係童年回憶，記得以前佢個裝修係好有特色架，有無人知道可以下面comment✏️呢到除左有大碟飯，仲有多款小食可以揀，價錢都好親民架🥰非常推薦大家去試下～

沙嗲王, 係一間價錢大眾化食店, 主打小食及日常午晚餐.   很久沒來此餐廳了,  個人感覺食物比較多煎炸類.  今次同四個少年朋友食晚餐, AA制, 他們喜歡沙嗲王.  先點了小食拚盤, 包括一口蝦多士, 炸薯條, 魷魚鬚, 雞軟骨, 這拚盤最合意, 因為有四款小食,  好好味.飲品,   食炸物,  我喜歡配冰涼啤酒. 少年朋友飲 芒果梳打, 比較適合. 脆蝦棒,  皮薄香脆, 餡料多.越南薄皮春卷, 配生菜. 口感非常好泰式香茅蝦棒, 賣相及調味都 OK.避風塘軟殼蟹:   有4 件左右, 比較油膩.  煙肉菠蘿鮮茄醬 Pizza,  足料抵食,  蒜蓉牛油雞翼, 勁脆又帶香蒜味. 泰式酸辣鱸魚, 用錫紙封焗愛魚朋友必食.  中規中舉,  價錢超值.燒豬頸肉配泰式汁.  燒烤, 味道, 肥瘦也討好.沙嗲牛肉炒菜, 有點出奇,  店名 , 但這是唯一 用沙嗲烹調心的菜,  期望日後有沙嗲串燒.白咖喱香茅豬扒飯,  少年朋友都喜歡.   香茅豬扒肉質鬆軟，肥瘦比例適中.   白咖喱汁有椰汁味香, 送飯最愛.連鎖店效益, 食物 ok,  價錢經濟,  服務好一般.

銅鑼灣既沙嗲王開業多年，是無數香港人既集體回憶，一直陪伴我們成長，係打工仔既飯堂，聽同事講佢個下午茶好抵食，於是今次特登來試試佢銅鑼灣哩間分店好光猛好大間，唔想排隊可以揀銅鑼灣分店食白咖哩吉列魚柳飯 $43 白咖哩可以話係沙嗲王名物！！！佢個白咖哩可以講話無敵好食，白汁再mix辣咖哩，CREAMY得來帶點香辣味，刺激你既味蕾，再加埋佢個炸蒜片，超級香口！個炸魚柳都好好食，我覺得好食過同最受歡迎既白咖哩豬扒飯，個炸魚外層炸得好酥脆好香，色澤金黃，完全不油，魚肉爽滑彈牙，配埋個最出名既白咖哩汁，真係好好食，好難得咁多年來佢都keep到個水準，真心驚喜，好過成日食白咖哩豬扒飯咁悶啦$43蚊仲要包埋野飲，銅鑼灣區邊度搵到呀？閒晞地都要$50以上啦仲要未必咁好食！

曾經都開過好多間，曾經都幫襯過唔少當飯堂，最近突然想食番，可能閒日關係，晚上唔會好多人食，份量雖然比以前相對少左，但味道上仍然保持以前的好味。今次點選左二人套餐，性價比方面相對抵食，兩個前菜、兩個主菜、一個小食、兩份甜品、兩杯飲品。冬陰功海鮮湯：美味唔錯，最驚喜既佢海鮮配料都好充足，有蝦、青口、魷魚、蜆。辣度算輕微。白咖喱豬扒飯：最經典最令人懷念的味道，好彩美味仍然保持水準。雖然份量少左少少，但仍然充滿驚喜，配合印度薄餅絕對一流。牛油雞翼：絕對唔差得過譚仔，雞翼仍然大隻，味道香口。

多年無食呢間，同事話去睇吓咩水平，就跟左佢去啦。 用app拎左飛，行到黎唔使排，入得。Lunch menu, 比起以前又貴左幾蚊，野飲都貴左。 而家scan code用電話落單，野食好快送到。黎到只係想食白咖喱朱扒飯。 份量比以前好似少咗，2塊細一塊大既扒，有少少乾身，不過味道都還可以。個白咖喱汁就一如既往，都好味既，甜甜地咁。飯係珍珠米。野飲+3叫左荔枝茶，無影到，無得少甜，成杯都好甜，佢仲有寒天可以免費加，一般。