沙嗲軒 (中港城) (已結業)

一早說過要整理一下與同房小友們吃過的東西的現在就坐言起行吧....話說其中一位飯腳身體內流的是星馬的血液，為了一解他的鄉愁，於是這次聚會就移師到上次吃得極愜意的沙嗲軒，實行大啖一頓正宗的星馬菜....一向習慣重覆光顧同一所食肆的時候都不大會點同一款的菜式，不過這兒有某一兩樣東西卻是例外的，炒蘿蔔糕及沙嗲就是其中之表表者 ---- 前者由於是隨coupon奉上的關係，份量比上次散叫的少了多於一半，但味道卻依然甚佳，糕身切成丁方的但卻沒有被炒散，很挺身；加上甜醬油去炒，再洒上大量爆過的蝦米及蛋絲，吃落很惹味，用來淨吃或是伴飯都屬佳品。後者的肉則燒得外帶香焦且內軟，小弟尤其欣賞那個醮醬，有很多花生粒混在其中，味甜甜的與沙嗲串可謂是天仙配。這醬就算不用伴沙嗲，就算是齋吃也是極好.....還是首嚐這兒的肉骨茶。顏色黑漆漆的，排骨尚淰但沒甚味道，莞茜一類的香菜份量太少，嗅落有着淡淡的藥材味。味道當然不錯，但比起小弟數年前在馬來西亞吃到的，水準還是有一大段距離。想起當年放在面前的那一大煲炭爐邊烘邊吃的那種滋味，在香港是無論如何也難找到的了坐在旁邊的馬來朋友也深有同感....."星馬小友"點名要吃喇沙

看完電視劇五味人生後, 對美食有另類耍求, 除了好味外, 情更重要, 因年三＋不在港, 提前團年, 行過中港城, 彼"魚生勞起"這道菜所吸引, 意頭吉利,可嘗八味, 於是一行四人, 入去一試, 頭盤是"魚生勞起", 有花生醬, 芝麻醬, 甜醬, 胡椒粉, 柚子汁等八味, 與魚生, 甘筍絲勞來吃, 幾新鮮, 味道清新, 非常開謂. 跟住熱盤都是大路泰菜, 除了招牌海南雞,肉滑有雞味, 保持高水準外其餘 豬串燒, 咸魚炒牙菜,沙爹蝦... 水準過不失, 反而福建薄餅和星洲炒蘿白糕, 味道惹味, 蘿白糕香甜特別突出, 與秘製星洲XO醬混在一起, 簡直一絕. 而福建薄餅, 內包肉絲, 青瓜絲, 鹹淡適中, 味道恰如其份, 以$45一客 薄餅,有這樣高水準, 超抵 !! 用了2個鐘頭來食這餐團年飯, 除了飽肚外, 也嘗到親情的可貴, 願明年一家也能齊齊整整, 再來團年.............

星期四Amy係珠海返來,預先book咗沙嗲軒, 接完Amy上一層就到.一坐低第一件事order兩杯凍薏米水+一碟沙嗲,唸住傾吓計之後再叫其他嘢食.薏米大大粒...小小甜十分清潤牛肉沙嗲燒得好香,咬落去仲有肉汁....Amy鐘意雞肉沙嗲, 最正其實係沙嗲醬...唔會糊口d花生粒大小適中...真想叫多碟食完沙嗲,睇緊menu有個waiter過來介紹話有個火鍋promotion..係依家至三月才有, 係廚師知道香港人喜愛打邊爐配合星加坡特色湯底, 叫我地試吓喎!原先想叫肉骨茶,咁火鍋湯底可以配埋,加上樣樣有d...半推半就order一set..湯底: 肉骨茶+星州蝦湯最好食鮮東菇,索哂d肉骨茶既味道...兩粒都係我食咗; 菜都有三款,另外豆腐、鮮腐竹、蘿蔔、粟米、金菇同粉絲D海鮮好新鮮有大虎蝦、蝦、花蟹、斑片、墨魚片同青口, 放落星州蝦湯到d味特別甜, 大虎蝦成8吋d牛超爽, 斑片d肉一梳梳一灼就食會滑d..青口唔係我favour所以無食...D肉就每樣幾片牛、羊、雞都有,仲有幾種丸,但最特別是雞片放入肉骨茶到灼好有燉雞feel,估唔到d配料同湯底可以咁夾到尾我仲飲咗d精華肉骨茶湯唯一可以挑

今日3個人晚餐黎左呢度 雖然冇左DBS個優惠 但一路都想黎試吓趁係TST就走左個黎提議大家天氣好坐出面 都唔算好大塵先黎個雞+豬SATAY 豬肉同醬汁都幾好跟住係星洲炒蘿蔔糕 有點喜出望外 蘿蔔糕非一般中式口感 呢度係腍身個種跟住再黎喇沙 都幾好 不過湯底略嫌重椰油而冇海鮮味跟住係星洲炒飯 都唔錯 唔係港式乾身係濕濕地的最驚喜係肉丸湯 個肉丸打得好好 好多個中餐廳都冇呢個水準 值得一試不過 好似成70幾蚊 貴左少少

男友book左呢間餐廳慶祝除夕，我地大約7點就去到。去到其實都冇咩人，加埋我地都係得兩枱人。我地order左半打串燒(豬牛雞肉每樣兩串)、咖哩大蝦、薄餅、海南雞飯同一個椰青。基本上每一樣食物都好有質素，我地都好滿意，尤其個烤薄餅勁好味，好鬆軟，點咖哩汁食一流！d 服務生態度都very good，佢地笑容好親切同友善，好勤力同你換碟，我相信而家真係好少有呢d 服務質素甘好既餐廳喇！所以我地一定會再去！

約了甚久沒見的老友"加菲貓"先生見面。每次跟我這位朋友見面時，話題總是離不開"吃"這一個字所以每次歡聚過後，太座總會說我倆一見面時就如開水喉一般，口水浪花是按也按不住呢....既然是三隻(連太太在內)為食貓的聚會飯局，吃的地方當然不會求其。選了在他公司附近的"沙嗲軒"作主場，主要原因在於自己已有一段時間沒嘗過星馬菜。在香港要吃這個菜系，以往的首選一定是同區內的"好時沙嗲"，若叫做低一個層次的就會去現在已式微的連鎖店"蕉葉"。聽說這裡的水準很不錯，而且又想挑一個舒適安靜的環境坐着吃吃，再加上小弟之前亦未來過。有好評而又未吃過的新餐廳，對我而言一直都是個極大的attraction point呢....跟Mr. Garfield不約而同準時抵達挑了一個有梳化的四人座位坐下。寒喧了一陣過後，便馬上點菜。在這兒有兩樣東西是自己決意一定要試的 --- 乃海南雞飯及炒蘿蔔糕是也。其餘的也就隨心來order便可以了.....從menu上一口氣選了五個菜，但人就只得三個，而且每份的件頭亦絕不算小的，那究竟如何是好 ?.....答案便是 : "既來之，則安之"吧.....理論上應是以沙嗲作為小吃先來的，但

本來有coupon仲覺得好底, 點知4個人飲野都差不多200.心想試吓油海南雞, 點知d雞皮厚過d雞肉兩倍，真係好唔健康。個通菜同炒飯比油浸住，好食都無用。總結: 無下次

因為OR 的coupon , 約埋幾個同事去食好野, 曾經因為阿蘇而聞名既沙嗲軒, 原來平日去原來只係小貓三倆隻 菜牌既菜式唔算好多, 都係一般星洲菜, 點了沙嗲 , 豬牛各三串 海南雞飯套餐 咸魚雞粒銀牙炒飯 炒星洲蘿蔔膏 咖哩什菜煲 薄 餅 上枱時間好快, 平均10 分鐘齊晒, 4 條友叫到成枱都係野, 小女子最喜歡呢種眼前無盡美食既情境, 睇到食指大動, 各人急不及待開動Turbo, 先試海南雞飯, 油飯香茅味十足, 油份足, 雞更非常嫩滑而且雞皮與雞肉之間還保留了一層Jelly , 雞件更是整整有條, 不會像外間切到的碎濕濕, 一分錢一分貨, 硬要比分, 真係九十以上無走雞 另有一味覺得要讚的是炒星洲炒蘿蔔膏用上了XO 醬, 蝦仔同炒, 望落好似好油膩, 但一食即愛上, 蘿蔔膏大部份保留一件件, 無散開之餘,難得蘿蔔膏還是十分鬆軟, XO 醬香口微辣, 食到底亦不見有過多油在碟底 , 真叫絕 ! 咸魚雞粒銀牙炒飯也好食, 飯炒得干身, 咸魚味不會過份搶, 銀牙爽口, 一濃一淡, 平衡了味蕾而份量足夠4 個大人 其他的咖哩什菜煲 , 薄 餅 也正正常常 但沙嗲 反而唔夠香口

大概八點鐘到去到，都唔係太多人，淨係見到入面有一大班細路好嘈，原來係度搞birthday party，哈哈，真係幾特別，成晚我就係睇住d小朋友係度跑黎跑去。坐低其實都有dd肚餓啦，睇左一陣，跟住就決定叫個2人餐啦，因為好似咩都有得食，而d野食亦都算係啱我地口味想食既。佢好細心架，幫我地分好哂兩份，即係唔駛我地自己分，實在係非常之好，而且每一道菜既時間都係配合返，一食完頭盤個湯就即刻黎，時間剛剛好。頭盤有三樣野架，分別係兩串沙嗲串，迷你海南雞飯 (呢個super cute!)，同埋一個炸蝦球既物體。佢個mini海南雞飯真係好得意，係搵隻羹裝住架咋，但好好味呀，個雞好滑，一啖油飯再有少少醬汁係入面，哈哈，不過真係好mini，食完有d意猶未盡既感覺。跟住個沙嗲串都幾好味，一d都唔辣，啱哂我，不過d肉既肉質好似麻麻地，有D UN既感覺，係咪過左龍?最後就係炸蝦球，哈，我唔記得佢個名係咩，但佢好惹味，因為個醬汁酸酸辣辣咁，我食落去佢出哂煙架，幾香口呀。食完頭盤就有湯啦，佢有3款揀，我地就揀左肉骨茶，佢又係裝好哂一碗俾我地，仲有油炸鬼添，不過D油炸鬼麻麻地好食，哈哈。但個肉骨茶真係好正，超濃藥材味

沙爹半打(豬牛雞)$75酸辣湯油酥餅$25馬拉盞通菜海南雞飯$88白飯$15黑胡椒焗蟹$250炒蘿蔔糕七五折加一合共$550.00喳咋（送）阿SO介紹過，啲嘢幾貴吓，要有折先會再嚟串燒好香，唔油口，沙爹汁唔過甜，好惹味湯幾清新，酸酸辣辣，有啲似冬陰功個餅好乾，油酥餅要油啲先好食，醮沙爹汁都好食通菜抄得好爽脆，幾有鑊氣，馬拉盞唔過咸海南雞飯唔好食，雞唔滑兼冇肉味，飯又唔香最好食係隻蟹，係大蟹，唔黏殼，係新鮮貨，味道好鮮，黑胡椒香口，辣得好過癮蘿蔔糕食到蘿蔔味，個汁唔會過甜，食唔停口呢度最唔好係越坐越凍，梳化位好鬼凍，真係打冷震，反映過後送咗個喳咋補數，送嘅嘢……就冇得要求咁多

在五月的時候，由於是本人很忙的時候，所以Miss了惡男兄的沙嗲軒飯局，所以在Openrice見到有沙嗲軒的七五折coupon，也立刻下載了，決定和家人來吃一頓。預先訂了位，值得一提的是此店是要求在訂位時事先說明會用coupon的，真的有點不明白用意何在。甫入座，也是指定動作，研究餐牌，大家一起也想試吃多一點不同的菜，所以最後點了肉骨茶、沙嗲串燒半打、叻沙、海南雞飯、馬拉盞炒通菜、油鬆餅及黑胡椒蟹，有湯有頭盤有飯有麵有主菜，想着也夠吃了吧。先來一個肉骨茶來開開胃，店員端湯上桌時，已經聞到有強大的藥材味鑽進鼻子裡，特別的是有很強的當歸味，當然也不少得淮山、杞子及川芎等，而伴碟有油炸鬼數段，及兩款不同的醬油，分別是黑豉油及豆板醬，四人分每人也只可喝上兩至三口的湯，而排骨每人也分到一件，所以真的是淺嚐淺嚐，說實話，湯滿有藥材味，而且鹹度適中，排骨也是煮得軟腍而入味，所以是好吃的，但份量真的是小了一點。也再來一點頭盤吃吃吧，點了沙嗲串燒半打，分別有雞牛豬各兩串，本人只吃了豬及雞，總括來說肉串也是燒得香香的，也有炭燒的香味，而雞肉內裡是熱騰騰的，肉質也是鬆軟而有肉香，但豬肉則比較韌，而沙嗲醬也不是

Came here on a Friday evening with 3 other friends. Place was not exactly easy to find - it was situated on the level of the hotel lobby. We were given a table indoors although, on retrospect, alfresco dining might be a even better choice. Place was clean and decent, and service from the wait staff was prompt and helpful, just like what you would expect from a hotel restaurant. We tried lots of items, most of them were quite nice:半隻海南雞 + 油飯 - the chicken was quite tender and not too fatty, alt

與朋友聚會, 確實是一個很不錯的地方, 環境靜, 星期一, 只有三至四枱, 很適合寫意地享受晚餐. 我們Two couples, 跟著Open-Rice 嘅介紹, 叫了以下的食物半隻海南雞 - 很滑, 不過如其他食評所講, 無雞味油飯 - 好好味, 一D 都唔油, 必叫油酥餅 - 好味好鬆, 一定要叫, 我哋叫了一個Order, 我覺得唔夠沙爹豬 - 好味, 唔燶, 一定要叫炒蘿蔔糕 - Num 咗少少, 不過味道好野味, 必叫Dessert, 叫了兩個Share - 一個椰汁黑糯米, okay Not too Sweet. 一個西米布甸, 太Sweet.Overall, 我下次會叫 油飯 油酥餅 沙爹 and 炒蘿蔔糕. Also 會試著Laksa, 因為見到幾枱都有叫用DBS Card 仲有8折添, 超抵!

5/4(日) 8pm跟I小姐的不定期聚會,遷就其喜好,來頓馬拉風味菜.到了皇家太平洋的"沙嗲軒".預留了室內的座位,店內格局簡潔,餐桌間富一定空間.我倆以沙嗲半打$75,香辣賽螃蟹$75,星洲炒蘿蔔糕$75及海南雞飯$88作晚餐.沙嗲--雞,牛及豬各2串;以雞及豬肉串燒水準較對味,牛肉肉質則挺乾涸,幸而惹味濃稠的沙嗲醬助串燒活色生香!香辣賽螃蟹--說穿了其實是味微辛的洋蔥炒蛋,論回質感,面滑內粗糙的賽螃蟹帶點濕潤,下飯亦不俗.星洲炒蘿蔔糕--軟綿的蘿蔔糕加入菜甫,蝦粒及雞蛋同炒,層次複雜,味道討好!海南雞飯--過於熱切期待的海南雞飯,雞肉僅滑而沒烊香;油飯倒香軟略彈牙.侍應生笑臉稍欠,但服務還周到的.二百多塊的馬拉餐,一試無妨!

四月十五日和朋友到沙嗲軒晚膳.一早book了七時的枱. 準時到達, 然後發現全場只有兩枱客 (後來多了幾枱). 二人套餐的價錢是$298加一. 我們有OR 七五折coupon在手, 當然不會叫沒折的套餐了.一早想好要點炒蘿蔔糕. 叫了走辣的. 朋友則想吃喇沙, 所以來了一客海鮮喇沙. 再叫了一個腐皮豬肉卷作小吃. 兩個人應該夠吃了.評價食物味道前先說說餐廳環境. 以酒店餐廳而言我覺得環境其實不算太好. 主要是因為枱與枱的距離比較窄, 而當晚雖然全晚只有幾枱客, 但餐廳方面把所有人擠在一起 (就是說明明其它位置有空枱他們還是把後來的食客放在我們隔離). 所以我和朋友談話的時候也盡量細聲, 因為我們和隔離枱太近了.食物味道方面. 炒蘿蔔糕味道不錯, 但每件蘿蔔糕的size 太細了(就是方糖般大), 吃起來不夠過癮. 黑豉油不會太甜或太咸, 好味道. 再來是喇沙. 最正是湯. 湯底不會太辣 (愛辣人士可能要加辣了), 有椰香但不會蓋過了海鮮的味道. 配料有蝦, 鷄肉, 豆腐卜, 芽菜. 麪有五種選擇, 我們要了河粉. 河粉不會太粗 (正合我心意), 也不會因為吸了湯而變得過腍. 這個喇沙真係