河內大娘越南餐廳 (已結業)

順化粉 💰89 7⃣相比越南粉，順化牛肉粉更粗小小，食落去質地有小小似米線但更加滑小小。将酸、甜、鲜、辣，以及柠檬草的味道完美咁融合在一起。佢哋有四款主要嘅配料仔，分別係豬紅、豬手、牛展同埋扎肉實在相當豐富。-越式炸春卷 💰69 9⃣呢個炸春卷外皮炸酥酥脆脆，內裡有粉絲木耳等等爽口嘢，直接食小編已經其實好鍾意。如果鍾意酸甜嘅朋友仔，就記得”點“佢哋嘅春卷汁食落去更加清爽。應該會爽過我添啊唔係你講。-蓮子龍眼冰 💰39 7⃣龍眼冰小編就飲得多啦，食泰國野點會唔嗌啊玩咩！蓮子龍眼冰真心第一次見，本身以為會好甜點知事實係相反，甜度啱啱好係龍眼獨有嘅甜味，加埋蓮子清香味道真係完美配搭。

平時去尖沙咀行街都會食啲大鋪頭，今日收工行完街路過尼間外貌平平既小店，決定入去試一試。小店超有越南風情☺️疫情下香港人無得旅行，難免有思鄉病，所以會係香港周圍搵啲特色食店，好似去左旅行甘。黎到越南餐廳食越南野一定要試檬粉，所以揀左烤牛肉撈檬，烤牛肉入味香口，檬粉加入魚露酸甜汁爽口醒胃。朋友叫既係火車頭河粉，有牛丸，牛展，生牛肉，牛柏葉，同札肉，份量都算多，湯頭入口唔會口渴，加分👍🏽小食必點蒜蓉牛油雞翼，一上枱蒜香撲鼻，雞翼炸得酥脆無得頂。最後配返杯鹹檸七同埋青檸梳打，飽飽甘離開😄

今日去尖沙咀行街，行到尖東找野食dinner,見到有間越南小館就試下，順便食下好耐冇食的越南春卷。睇完餐牌，餐牌不算太多選擇，但大路的越南野都有，我地首先叫左凍青檸梳打。 飲落都幾爽及好正的!另一杯叫左杯凍鹹檸梳打，味道少少鹹地幾開胃，而且仲可以降下火。主食叫左一碗生牛肉湯粉了，牛肉都算嫩，而且有肉味之餘，份量也不少呀！湯底夠甜亦都飽肚。另外一碗係烤豬頸肉撈檬。豬頸肉都香及夠味，檬粉加埋d菜，份量都不少，我就喜歡落極多酸酸甜甜既魚露，撈埋真係好正。到期待好耐春卷了，春卷炸得好脆，呢隻春卷肉不算太多，裏面最主要紅蘿蔔、木耳夾埋好香好好味。總括味道不差。可以一試。

呢日同好耐冇見既朋友去尖沙咀食dinner，我地搵左一間越南餐廳小店。呢度裝修得好有越南style。打開餐牌，見到有好多地道既越南菜，望落去好吸引。我地點左越南烤豬肉奧巴馬粉，呢道菜個名好特別，我覺得佢有啲似撈檬，佢既餸、粉麵同汁係分開既，食既時候就將啲汁淋上啲麵到，酸酸地，好開胃。另外點左越式海鮮檬粉，檬粉上面有大大塊既魚餅。另外仲有燒大蝦柚子沙律，沙律上有兩大隻蝦，好新鮮，蝦肉好彈牙。呢度既芒果沙冰既好鮮甜。

最近見到疫情開始慢慢穩定朋友係要見架，所以立即急約起尖沙咀快閃食個飯先去到差不多18:30餐廳入面吾算多人，應該係未到晚飯時間，咁樣可以同朋友慢慢傾偈小食拼盤 $149炸春卷、蒸粉包、炸雞翼、蝦餅春卷真係好香口，蝦餅都幾彈牙，咁邪惡既野真係食極都吾會厭惡, 如果人多都可以試多d奧巴馬粉 $89呢個係店員嘅主力推介，是醃製左既烤豬肉加扎肉，再配上越式檬粉。豬肉烤得好惹味，配埋酸酸甜甜嘅檬粉可以中和左油膩感，朋友都好中意。芒果鮮蝦米紙卷 $79現在天氣開始轉炎熱，吃這種清涼的小食，胃口都會大開珍多冰$39比起我平時飲到既珍多冰有少少吾同，我平時多數飲既係泰國珍多冰，係重椰汁味🥥但越式珍多冰就相對重花奶味，飲落偏向傑身D奶香味重d

越南第一時間係諗起Pho，成日食生牛河今次就試吓特別啲嘅，同朋友一人嗌左一個越南粉同芒果米紙卷每一舊米紙卷都有隻蝦喺度，而且幾厚實，但最正都係個魚露汁🤪🤪都足料，一攞到埋嚟喺見唔到下面d粉麵😂😂個海鮮蕃茄湯底好好飲，另外有兩隻大蝦，食落去都幾爽，唔會梅，同埋豆卜索晒個湯睇唔出呢塊係咩嚟？原來係香茅魚餅，雖然個樣黑黑地，但其實外脆內軟，而且香茅味唔會搶魚肉味另外嗌左個順化粉配龍眼冰，個粉有少少辣，但幾醒胃，而且有燒豬肉，札肉同豬手，豬紅，個豬紅唔會有陣怪味，龍眼冰飲落去清甜,唔係嗰啲飲完甜到漏嗰種嘅飲品，而且會食到好多蓮子同真係有龍眼肉另外朋友都嗌左杯青檸梳打爽下🤪

在地鐵站P3 出口一出來，看到這間越南餐廳便試一試餐廳內位置不多，但空間感都足夠，店內有很多越南的小裝飾，很有心思大娘蒸粉包 - 越南餐廳必點的小食，即叫即蒸，上菜時熱騰騰的皮薄煙韌的粉皮包著塞得滿滿的材料，配上魚露汁來吃，酸酸甜甜， 十分醒胃順化粉 - 很多配料，有豬手，牛腩，豬紅，和扎肉，十分豐富，麵底是米線，吸盡湯底的精華豬手肉質非常軟腍，豬皮的骨膠原十分煙韌奧巴馬 - 有扎肉和豬頸肉的撈朦豬頸肉十分有驚喜，醬汁是秘製的，甜甜的令人吃不停口飲品點了鹹檸七和青檸七，夏日炎炎，十分透心涼這間餐廳食物質素高，而且很有越南風味，吃得十分滿足

尖沙咀嘅越南餐廳除咗大集團仲有好多小店可以揀呢間餐廳 小眾得來有好多平時食唔到嘅正宗越南嘢.✅順化粉有豬紅牛腩扎肉 每樣嘅材料都處理得幾好有自己嘅風格份量都唔細粉有啲似米線湯底非常之特別 有啲似馬拉盞嘅味道幾個唔同嘅元素夾埋效果出奇地好令我好開胃😊😊✅奧巴馬粉因為obama喺越南食過呢隻粉而命名其實同普通檬粉差唔多 點埋酸酸甜甜嘅汁再夾埋生菜食 夠清新 扎肉夠彈牙厚切份量夠旁邊嘅燒豬肉非常好食 味道有啲似串燒 甜甜脆脆呢個粉份量好多 兩個人食都夠👍✅大娘蒸粉包薄薄嘅粉皮包住入面嘅配菜點埋酸酸甜甜嘅汁 做餐前小吃一流.🎀河內大娘越南餐廳Madame Hanoi Vietnamese Restaurant🎀尖沙咀漆咸道南17-19號帝后廣場地下7-8號舖

知道尖沙咀漆咸道南有間食正宗越南粉好出名叫河內大娘，今日就走去試下。今次點咗芒果鮮蝦米紙卷、奧巴馬粉、順化粉、蓮子龍眼冰及三色冰。芒果鮮蝦米紙卷入面嘅芒果大粒而且好甜，鮮蝦又大隻再加上入面嘅檬粉，點埋越式酸辣醬簡直係一個完美嘅配搭，每一啖都帶出唔同嘅鮮味。奧巴馬粉入面有燒豬肉、札肉及撈檬粉，燒豬肉用越式方法烹煮好惹味，檬粉及扎肉點特製嘅醬汁食又係好有越南風味。順化粉入面有豬紅、豬手、牛展同埋扎肉，每一樣材料都炆得入曬味，而且湯底有少少微辣，絕對係開胃之選。蓮子龍眼冰及三色冰就係傳統越南飲品，既清涼又解渴，食越南嘢襯2杯越式飲品啱曬。

#merry覓食在尖沙咀係尖東行完街，經過見到呢間越南菜，係門口望入去已經覺得間餐廳好有越南既感覺加上餐牌都幾吸引，一於試下😛-順化粉湯底有好濃既蝦膏味，有少少辣，令人忍唔住一啖接一啖咁飲😙一碗有齊越南扎肉、豬紅、牛展同豬手 餸鋪滿成個碗 非常足料👍🏻👍🏻如果米線可以再多少少就會更滿足😆😆-酥炸銀雪魚撈檬粉銀雪魚既叫既整，有兩大塊，咬落外脆內軟，配搭上檬粉同魚露汁一齊食，酸酸辣辣，口感一流😋-越式生醃蝦一碟蝦既份量有10隻，蝦腸清理得幾乾淨～加上老闆娘特製既醬汁，酸中帶辣，食落味道爽脆鮮美，值得一試🤤🤤-蓮子龍眼冰（熱）由於龍眼同蓮子都落左好多，飲落味道好濃，又唔會太甜，潤而不燥-青檸梳打食完野飲返杯青檸梳打，酸酸地幾油膩就岩曬😌

好耐都冇去TST行下啦, 今日行完街就去食番個dinner啦!👍🏻👍🏻 揀左嚟食越菜~ 先叫左杯自家制的龍眼蓮子($39), 叫左熱嘅好似再滋潤D. 味道清甜蓮子又多, 幾唔錯. 🤪🤪另一杯就叫左凍咸檸soda($29). 夏天飲係好正的!🥰 另外主菜叫左個蟹肉番茄湯檬($89), 🤩湯都幾fresh. 飲到鮮甜味, 另外D蟹肉都幾多, 折哂出嚟食得easy好多! 上面仲有2只大蝦, 都OK彈牙. 🤩 仲叫左個小食拼盤($149). 特別鐘意個牛油雞翼同春卷，十分香脆！係份量爭d😂加多個香芒米紙卷，入面嘅芒果都幾甜，仲有只蝦都彈牙嘅😜

尖沙咀一向都有好多美食，今次就同朋友去試咗一間越南餐廳。🍢香茅串燒拼盤呢個串燒拼盤有蝦、豬同埋雞。蝦幾彈牙，炸得香脆，我連個殼都食埋！本身串燒拼盤裏面嘅豬肉應該係牛肉嚟，但老闆娘話可以試吓豬肉，所以我哋就試咗豬。食之前以為味道會同普通嘅腸仔差唔多，但食落發現原來味道唔同，口感都唔同。豬肉串醃得好香，但又唔似平時嗰啲腸仔咁鹹！雞肉串最出色，除咗同豬肉串一樣醃得香之外，口感外脆內嫩，而且好juicy！🍜生牛肉河粉講起越南菜就一定會諗起生牛肉河粉，所以我哋就嗌咗一碗嚟食。呢碗河粉湯底清甜，搞到我好想飲晒佢！生牛肉都好好味，唔需要調味已經好正。唧埋檸檬加埋辣椒仲好味！🍜越式春卷湯檬粉第一次食湯檬粉，估唔到幾好食！佢嘅質地有少少似係幼身嘅河粉，口感唔錯。春卷炸得好脆，而且好足料，裏面有紅蘿蔔、木耳、肉等等，好香好好味。🍸青檸梳打呢杯嘢飲好slim😂呢杯青檸梳打唔會好甜，而且真係好「梳打」，飲完好爽！🍹珍多冰朋友嗌左一杯珍多冰，我飲咗幾啖，覺得幾特別同幾好飲！呢杯嘢飲有好香椰奶味，杯底有綠豆，唔會太甜，good!!!

好耐無食過異國菜😭疫情可唔可以快啲走🥺好想周圍去食好西🥲唔緊要啦尖沙咀都有好多好野食嘛😍口痕痕想試下越南菜🇻🇳所以拉埋朋友去河內大娘食晚飯😋-香茅牛肉撈檬💛賣相幾吸引😍 顏色層次好豐富🎨而且份量好充足✨ 一人份唔多唔少💥醬汁酸甜酸甜 好開胃🤤牛肉香茅味重‼️ 咀嚼嘅過程好療癒 醬汁邊咬邊滲出黎🥳-順化粉💛大家估唔估到有咩配料呢🐒開估啦🥳 豬紅 豬手 牛展 扎肉配料好豐富‼️ 一碗順化粉有齊四款食材☺️個粉好似米線嘅質感 滑順得黎軟硬適中✨牛展同埋扎肉都鍾意❤️好好咬🤣 而且保留原汁原味 湯唔會蓋過配料嘅味-牛油香蒜雞翼💛超impressive💥 超爆蒜🧄鍾意蒜嘅大家一定要試🐒炸得啱啱好 無炸過龍👍🏻而且肉質鮮嫩 依然充滿肉汁🔥好想encore❤️-大娘蒸粉包💛蔬菜同埋肉嘅比例近乎1:1😱配料好豐富🤩木耳絲 蘿蔔絲 肉粒 飽滿每一個粉包因為係蒸點 所以相對比較健康💪🏻調味部分就可以再濃番少少😚

呢間小店開業多年，環境細細，有地道風味。打開餐牌，菜式選擇非常多。叫咗王牌火車頭$89，湯粉份量非常多，唔大食嘅話足夠兩個人食。有牛肉、牛丸、扎肉等等～～香茅煮大蜆$99，呢個香茅味好香，而且蜆夠大隻幾甜！芒果鮮蝦米子卷$79，呢個咪紙卷相當大份。每件都大大件，入邊芒果唔酸、鮮蝦非常大隻爽口！順化粉$89有豬紅、豬手、牛展及扎肉。豬手夠林，我鍾意佢有豬紅。飲品叫咗咸檸梳打及龍眼冰，唔會太甜幾好！！

最近尖沙咀有購物活動 所以基本上跟朋友出街都會去尖東 而且冇旅行去 又就嚟夏天 就會特別想食越南菜 今次朋友介紹咗呢一間正宗嘅越南菜 地理位置都算方便 喺K11附近 地鐵站行過去都只係要5分鐘-越式香茅烤魚-烤魚🐟火候控制得剛剛好 上枱時店員會幫你切開起皮 魚肉嫩滑鮮美 呢個方法嘅烤魚 能夠鎖住肉汁 保留住鮮味 點上越式酸汁更惹味 -越式烤雞-雞雞皮脆肉嫩 即叫即烤 就算係雞胸位置亦唔會嚡熠熠 而且調味十足 外皮好香脆 特別雞髀位置好滑好香口食越南菜最唔少得當然係撈檬粉-奥巴馬粉-一個好豐富嘅撈檬粉 有肉有菜份量又大 秘製撈檬汁酸味適中 絕對適合一家大小去食最後佢哋嘅特色飲料 龍眼冰 同鹹檸梳打 非常配合到菜式