油麻地蘇記雲吞

營業中

休息中

✨鮮蝦雲吞雲吞 細細粒 一口size 皮薄 有散尾 滑溜 內餡 蝦肉爽彈 豬肉鮮味有咬口 有肉汁✨菜肉餃菜肉餃 一盒四十隻 排得好靚都係細細粒 一口size皮薄滑溜 內餡菜肉比例一比一菜肉餡 鮮味多汁 口感帶爽脆✨韮菜餃韮菜餃 一盒四十隻 皮薄 內餡韮菜比例多韮菜味道好濃好突出 雲吞餃子包得幾靚 味道正常當中比較推介菜肉餃同雲吞但要小心啲食 當中有部份食到有少少骨環境可以 現場見到即場包 保證新鮮服務唔錯 店員仲好熱心咁教我煮同點保存好親切友善 價錢合理 都幾抵食經過可以買黎一試 但又唔需要特登去買

嗰日行過，發現有間咁嘅餃子雲吞店。此店見不到可以堂食，門口旁邊有餐牌，2款餃子和1款雲吞可以買走回家煮食。我第一次食，就買了一盒雲吞試吓。鮮蝦雲吞 (HK$25/打)．雲吞皮和餡料，全部都係手工自製的．雲吞皮又幾薄喎，但好穩陣、好實正，不會好易穿窿或好易散開👍🏻．咬一口巳經食到隻蝦，蝦肉爽口彈牙，豬肉餡調味幾好～．配麵和菜一齊食真係好食😋．我分幾次食，未食放在冰櫃儲存。下次去買佢哋嘅水餃試吓先。

話說之前已經識得呢間野，但次次經過都好快賣晒，前排蘇絲黃推介完之後，更加旺場，12點打電話嚟都已經乜嘢都賣晒，我真係覺得好奇怪有冇咁多人12點前就會走來買雲吞。當日11點幾打電話嚟留貨，好好彩乜都有，於是每樣留一盒。韭菜餃絕對精彩，小巧一粒但韭菜味道好濃，細細粒好食到停唔到口。菜肉餃都唔錯，雲吞反而相對失色，但以性價比來講，絕對值得幫襯。呢度嘅餃子係傳統重慶餃子細細粒嗰種，你又知唔知界限街全條街都係食呢隻餃子？唔明點解特別太子呢頭特別多呢d鋪頭，非常出名嘅津津好滋味就係因為呢啲小雲吞而聞名，仲有其他幾間呢頭好出名食小雲吞你又有冇食過可以分享吓？

早前在亞蘇的頻道見到這間蘇記雲吞，原來就在屋企附近，一於就買來試試；但幾次中午時段來也沒有開門，唯有早上來碰碰運氣啦，原來經亞蘇介紹過後，未到中午便已沽清，有心一試的就最好早啲到啦。這裡只有三款餃子，分別是菜肉餃($50/40隻)、韮菜餃($50/40隻)及鮮蝦雲吞($25/12隻)。蘇記的餃子細細隻，的的骰，一口一粒剛剛好，一個人閑閑哋也可食二十多隻；我就比較喜歡韮菜餃及鮮蝦雲吞，韮菜味道香濃惹味，鮮蝦爽口彈牙，兩人分食兩盒剛剛好。友人教用豉油、麻油、胡椒粉作湯底，原來跟餃子很夾，大家不妨試試。#菜肉餃#韮菜餃#鮮蝦雲吞#蘇施黃#油麻地蘇記雲吞 九龍界限街12號寶興大廈地下7號舖電話：92005761 林生

今日放假同老公揀左去太子揼骨, 然後到同樣位於太子的山系。本舍午餐(食物味道不錯但老公話$88一個烏冬只是半飽)。飯後唸住到附近的食材店買瑞士🇨🇭肉丸, 途中經過一間甜品店 - 瘋糖, 見到有我愛吃的椰皇🥥奶凍同芒果🥭班戟, 都好想食, 最後我地連續兩日過黎買, 試曬兩款, 味道同樣不錯呀, 甜度啱啱好, 食材新鮮。當我買完甜品會合在門外等候的老公, 佢話隔離見到有間餃子店好抵, $45有40隻菜肉餃, 帶我行過去睇下, 望👀左一陣, 無人幫襯既, 網上又好少食評, 不過就全是好評, 同埋覺得最奇怪🤔的一點就是, 雖然眼見佢地無生意但店員又包到無停手喎, 就因為咁, 決定買一盒黎做今晚晚餐。雖然個名叫菜肉餃, 但其實佢係雲吞黎既。油麻地蘇記既雲吞真係可以用皮薄餡靚黎形容, 足料味鮮, 豬肉味濃彈牙。再次證明只要食材新鮮, 簡單的一道料理就已經可以好美味。根據油麻地蘇記雲吞的門面設計(似一個食物工場)同員工的忙碌程度, 我地估計佢地主力係賣貨比粉麵店, 好彩佢地都有做零售, 以後買外賣又多個選擇。

呢間既雲吞真係由細食到大，咁多年既水準同味道都係keep到始終如一🤍食左咁多年雲吞我同屋企人都係覺得呢間既雲吞最好食。呢到只係得3種雲吞賣，有鮮蝦、菜肉同韭菜雲吞。我就覺得3種雲吞都係咁好食，各有各特色。我平時最鐘意就係煮麵同打邊爐既時候煮返幾粒嚟食。雖然佢既雲吞細細，不過入面既餡料非常豐富，煮既時候已經聞到好大陣香味，次次屋企人係廚房煮係廳既我已經估到廚房入面煮緊雲吞🤣🤣個雲吞咬落去啖啖肉。而且數量多，一盒雲吞入面都有成40粒，感覺好抵買。總括嚟講，一定會keep住回購🤤🤍🤍

店方，煮雲吞方法燒一大鍋水(約7成滿)，大火水滾後下雲吞，當水再次滾起時加入約一湯碗凍水， 要不時郁動水中的雲吞，重覆此步驟3 次， 等待五分鐘，撈起即可以吃。雲吞 湯汁偏黃色，雲吞個頭發大一圈，一口下去就會吃到蝦，蝦還不錯，肉餡味道有點鹹。雲吞皮不老，總體味道還不錯，特別煮的時候非常的香。餛飩一口就可以吃到蝦，口感非常q彈.之後濃郁的湯汁流出來，非常不錯，在加上手工打的面皮，吃完非常滿足，我買20元倆份，個數好像是10個一份，倆份我吃不完，一份又太少了，自己煮的話成年人最好一份半。

一直都想搵機會講下蘇記雲吞。雖然佢係生雲吞，但佢嘅雲吞是我食過嘅最好味😋之一。佢只是賣三種雲吞，鮮蝦雲吞，菜肉雲吞，同韮菜雲吞。V仔最愛是鮮蝦雲吞。蘇記雲吞好味在於佢用嘅豬肉好鮮，無論混合咩菜包埋都好大鮮肉味，佢唔似港式雲吞，有大地魚味，反而是肉汁豐富味度剛剛好，佢巴閉到要打電話去問下仲有冇剩我先去買，食過敝門羹。次次先打去問下有無先。講番佢嘅雲吞，細細粒，主要是食肉嘅鮮味同菜混合嘅味道。麗妹成再V仔爭要韮菜，但我like鮮蝦雲吞多啲，因為佢細粒肉鮮蝦味足唔係大大只但一口食落滿滿蝦味肉味，有啲似褔建雲吞肉味濃郁。但又有鮮蝦味。鮮蝦成本問題就貴啲，20蚊12只。菜肉雲吞就45有成40粒，雖然細粒但數量赢咗。Yeah✌️。麻就麻啲要自整湯底，不過相當值得試嘅。